Midby 識得反身+捉腳仔

唔再計Midby仔幾多日大既一天

每次寫blog 都有d 難度, 因為次次都count下Midby而家幾多日人仔, 不如算喇, 唔計快手d喇。

等我update下Midby既development:
1) around 4個月識得轉身, 最初係蠹左面, 近呢一兩日就轉去右面, 不過個頭就未係好轉到
2) 放佢去床仔度扒o係度, 佢個頭將個頭仔整到好高, 持續半分鐘就會跌落來, 不過明確比之前持久
3) 呢兩日會用手仔去捉腳仔
4) 已經有一個月Midby自己一個人夜晚唔洗我地um而入睡, 係Midby爸叫姐姐幫Midby 試下可唔可以一個人訓。我地會同佢刷牙仔, 之後換片, 之後就熄燈, 同佢講goodnight, 陪佢一陣, 佢會食下手指, 轉下身, 就訓著。而第二日佢會早上6點左右起身, 之後飲完奶會自己睇睇下野訓番, 不過10點幾, 2點幾, 6點幾o個幾餐奶飲完之後係唔可以自己訓既, 一定要人um。
5) 而家好易就會笑到kar kar 聲喇, 多數係姐姐引佢笑, 又或者我引佢笑
6) 呢幾日開始玩口水, bu...bu...成日bu d 口水出來
7) 呢幾日多左見到野就用手仔去捉住, 之後放入口
8) 飲奶多左, 而家飲170ml x 3 餐, 180ml x 2 餐
9) 飲奶飲左一陣之後會玩個奶樽, 佢會咬個奶咀, 用雙手push我地隻手, 佢想自己control個bottle, 唔知係唔係牙痕, 成日飲奶時同個奶咀去整d 牙肉, 唔比佢玩, 佢就嬲...嬲就唔飲奶, 要佢唔嬲時先可以飲埋剩番既奶。

去健康院定私家打針?

Midby 出世之後一個月, 我地帶左佢去健康院打肝炎針。

不過o係Midby 兩個月時, 我地就決定去私家同佢打埋其他既針。

Midby未出世時, 我有考慮過, 去健康院打哂d 免費針, 餘下既針就自費出去私家打。點知我發現呢個做法唔係太普遍, 亦唔係太多地方有得補打健康院無提供既針。最重要既係...咁樣做, bb就要捱多次打針。未有小朋友既家長係唔會明白, bb 打完針, 擔心佢唔舒服, 驚佢發燒o個種心情。

未有Midby前, 聽到d人話為左唔想令bb 打咁多次針, 所以會去私家自費打d 5合1, 6位1, 當時我諗: 咁巴閉架! BB個個都要打針啦, 打多針唔洗咁驚呀?

點知到而家自己做左亞媽喇, 真係唔想番工, 想留o係屋企, 陪住剛剛打左四個月既5合1+肺炎針既Midby仔。

滿月時去健康院打既肝炎針冇副作用, 因為佢唔係打d 疫苗入去身體度。但兩個月, 同今次四個月打既5合1就有小小副作用喇。平時Midby 既體溫係36.x, 但打左針之後既另一日, 佢就去到37.x/ 38。我同Midby爸都好唔想佢咁細個就食藥水, 所以叫左工人姐姐比水佢飲, 同埋用水去抹下佢既手手腳腳, 同頭, 希望可以幫到佢減溫。

好友PS就建議我用退熱貼...我真係大頭蝦, 都冇諗過用呢樣野!

由於Midby 仔有小小溫燒, 我就上網搵左d 有關去健康院打針同私家打既分別。成日d 人都話去健康院打既針bb會發燒多d...原來真係有根據既, 以下就係我o係仁安醫院website搵到既資料:


嬰兒接種疫苗新趨勢
兒童的抵抗能力未完全發展，很容易感染多種傳染病，故需注射疫苗提高對他們的保護。隨著醫學科技進步，近年推出一些改良的混合疫 苗，並強調「無細胞配方」，到底對BB有什麼好處呢？故此家長應多「做功課」，了解疫苗的種類，從而為BB選擇合適的疫苗注射。

問︰ 什麼是DTP、DTPw及DTPa？
答︰ DTP是傳統「3合1混合疫苗」的英文簡稱，即白喉(Diphtheria)、破傷風(Tetanus)、百日咳(Pertussis)。DTPw是全細胞混合疫苗；而DTPa則是無細胞混合疫苗。

問︰ 「全細胞」與「無細胞」配方有什麼分別？
答︰ 「全細胞」疫苗可引致較多的副作用，研究顯示注射DTPw的嬰兒有53.4%會出現發燒，而注射DTPa就低至23.4%﹔而出現其他的副作用如傷口紅腫、傷口痛、食慾不振、心情煩躁、情緒不安等都會較高。事實上，美國及多個歐洲國家已全面採用DTPa配方。

問︰ 各種混合針包括了哪些疫苗？
答︰ 6合1 無細胞 白喉、破傷風、百日咳、乙型流感嗜血桿菌感染、小兒麻痹、乙型肝炎
5合1 無細胞 白喉、破傷風、百日咳、乙型流感嗜血桿菌感染、小兒麻痹
4合1 無細胞 白喉、破傷風、百日咳、乙型流感嗜血桿菌感染
3合1 全細胞 白喉、破傷風、百日咳
總括來說，新型的混合針最主要有兩個好處︰
1) 使用無細胞配方，其副作用較少，可減少嬰兒注射後的不適。
2) 由於每針混合了更多疫苗，故越多的混合疫苗，注射的次數就會越少。例如當BB六個月大需要同時接受「5合1混合疫苗」和「乙型肝炎疫苗」，便可選擇用「6合1混合疫苗」了，即由原本的2針減至1針。

問︰ 我的BB應打什麼針？
答︰ 現時，香港衛生署轄下之母嬰健康院均會為嬰兒提供免費防疫注射服務，使用傳統的「全細胞配方DTPw混合疫苗」，而經改良的4合1、5合1及6合1疫苗只可在私家醫院或診所注射。家長應先考慮疫苗的種類、數量、副作用、價錢等，從而作出一個精明的決擇。

adapted from http://www.union.org/chi_t/d11-26.php

Day 99 18 July 09

Midby 99日大喇!!!

呢兩晚好累, 好唔夠時間用。話說一早就已經plan好o係99日宴會播Midby既成長片段, 我本來想o係Midby 爸番到HK之前揀好哂d 相, 同埋準備好個storyboard, o係佢一番到屋企就可以埋手做野, 點知最後都係等到佢番來, 先一齊搞。

細佬好唔話得, 幫我地叫佢design既同事整左棵樹, 個製成品好靚, 真係人見人愛。有左呢棵樹, 影相既效果非常好, 真係估唔到, Midby爸o係前一日突然諗到既idea, 細佬竟然可以幫我地願望成真。

另外又係由細佬一手包扮既易拉架又係極讚! 由影相, design, law 去output, 一手一腳真係唔洗我地操心, 同樣都係當日好多人去同個易拉架影相, 我好相信個dinner 冇左呢兩樣野會失色好多。

Midby既婆婆公公, 麻麻爺爺4點幾就去到酒店, 去招呼一早去到打麻雀既親戚朋友。Midby爸就要將棵樹同埋個易拉架, notebook, etc 早d law 到去個場地, 等早到既朋友可以睇下Midby既相, 寫低幾隻字o係棵樹上比Midby。

係唔係貴人出門招風雨呢...呢一日落雨+打風呀! call左雞記, 陪Midby爸落去等架車來, 之後就快快手番上屋企喇, 成日都唔係好pump 到奶, 因為個心好唔定, 驚dinner前d 野搞唔好。我o係屋企同Midby, 姐姐等到成6點先坐的士出去, Midby著我買比佢既衫仔好靚呀! 我用揹帶揹起佢, 去到個個見到佢緊係開心啦。我先餵奶比佢食, 因為去到酒店正正就係佢食奶既時候, 之後就帶佢去同個個見下面, 打個招呼...成晚Midby都叫合作架喇, 不過直到公公想抱佢, 點知佢就喊喇, 要婆婆出動, 帶埋姐姐兩日一齊抱走Midby。

Midby爸話, bb1個月大去擺滿月又唔識比反應人。3個月大時又識得認地方, 好似Midby咁, 見到咁多人, 同埋個環境同平時咁唔同, 佢呢晚易喊好多。不過佢好合作咁同我地影左好多靚相, 又要謝Midby既舅父喇, 唔係佢, 邊個同我地影咁多靚相, 有個咁好既紀念呀?

我同Midby爸好似wedding 咁, 又係上台講幾句野, 唉...表面堅強既我, 又忍唔住o係多謝媽咪時流左幾滴眼淚。我真心講, 我真係好有福氣,有咁多人對我好, 鍚我, 幫我, 唔知媽咪同奶奶聽到我多謝佢地時, 個心諗咩呢?

大舅父o係晚飯途中大聲講比我地知, 11點會打8號風球, 所以成餐dinner既節奏都比較快。o係酒店擺滿月真係"貨真價實", 係呢個價就呢個價, 冇多冇少。成餐飯o係10點半就搞掂, 我地忙到連Midby要食奶都唔記得左呀! 所以我地o係酒店餵埋餐奶先坐的士番屋企。

今次叔叔好細心呀! 因為打風既關係, 好難先等到有的士入來, 叔叔見到咁, 就出左去叫的士, 我同Midby o係酒店內等呀等...等等下, 見到叔叔坐住的士入來接我地! 呢個叔叔真係估佢唔到, 原來都幾識得照顧人地!

Midby: 爸爸媽媽未有你之前已經講過, 你出左世一定會擺滿月酒開心下! 呢一晚有冇嚇怕你呀? 媽媽抱住你同d親戚朋友打招呼好開心呀! 呢個係個好好既回憶, 等你大個時, 媽媽同你睇番d 相, 比你知道當晚係點樣既!

Day 95 14 July 09

Midby爸由昆明番香港的一天

Midby 好naugthy呀!!! 佢一直都好地地, 我仲心底裡讚佢乖, 因為佢成個星期都好合作, 有時真係唔覺得佢一日喊過幾多次, 點知...今日係佢爸爸番香港既一日。我同埋我媽媽都好心急想知道Midby認唔認得Midby爸, 所以我媽媽都打左兩次電話比我地, 問下Midby點樣。本來我媽媽建議佢同埋奶奶, 姐姐帶埋Midby一齊去接機, 因為呢個係好難得既機會, 不過老爺就驚豬流感, 所以最後都取消呢個念頭。Midby爸就自己一個番屋企喇。

因為我要番學, 我就叫姐姐幫我影底Midby爸番屋企時, 抱Midby既情況。Midby爸就話Midby肯比佢抱喎...唔知Midby係認得定唔認得爸爸喇。Midby爸好辛苦咁...咁早起身, 又坐左兩個鐘飛機, 之後番到屋企食左小小野等一陣又出去law出世紙。我都估到佢會接我架喇, 我好開心, 一上完workshop就即刻走人, o係途中同Midby爸相遇, 不過佢面黑黑, 唔慣香港呢幾日既天氣, 相比昆明, 香港真係好熱架! 佢就最怕熱架喇, 所以面黑黑囉!

坐72x時佢都訓著呀! 之後番到屋企, 我見到奶奶o係kitchen 整緊d送, 佢即刻話Midby今日唔要麻麻呀, 好naughty 喎! 原來麻麻um佢訓時佢仲喊, 喊到好大聲唔停。麻麻仲話一放底佢, 佢就好大聲咁喊, 嚇到麻麻死!

唉! 明明以為based on Midby's routine, 我地o係佢想訓時law 條揹帶去揹佢就冇事, 點知...好似姐姐所講, 佢真係change change change 喇!

呢一晚Midby爸太累喇, 佢都唔理咁多, 食飽之後o係廳訓左...見到佢個樣醒時好辛苦咁樣, 我o個刻都好擔心, 以為佢咩事...

我仲以為佢o係昆明係好Happy, 唔記得左Midby媽同Midby仔tim!

Day 92 11 July 09

Midby 的Routine

我覺得Midby係個幾有規率既bb。我唔知其他bb係唔係咁, 不過3個月大既佢, 每日已經好有規率咁生活。

1. 4個鐘飲1次人奶, 即係每日5次, 訓前同埋早餐就飲150ml, 其他時間就飲130ml。2. 每次飲完奶之後既1個鐘頭, 心情大好, 可以任你點"舞"佢, 放佢o係床仔一個人都冇問題, 佢會四周圍望下, 自己玩。如果我地同佢玩, 佢會笑, 有時仲會笑到kar kar 聲。

3. 飲完奶around 1個鐘頭就會嘈, 又未至於喊。因為佢累喇, 叫我地um佢訓。姐姐就用佢既印尼揹帶, 我就用我既sling。佢飲完奶最多頂到個幾鐘, 點樣都要訓一訓, 好準時。不過放佢o係床仔好易醒, 但係我地又唔想佢習慣比人抱住訓, 所以佢下午時會訓下醒下, 訓得唔長。咁樣都有個好處就係佢唔會訓得太飽, 到佢夜晚就會易d 訓著。

4. 到差唔多食奶時, 如果佢唔係訓左覺既, 係醒左既, 多數呢個時間同佢玩, 佢都唔係好理我地, 因為有d 眼訓加上又有d 餓, 佢會郁來郁去, 姐姐話佢o係度"exercise", 佢未至於會喊, 不過會有好多聲出, 好難令到佢安靜。

5. 到左好餓時, 即係差唔多要飲奶, 佢有時會喊, 有時會叫, 佢個樣好心急咁等支奶既來臨。佢而家知道, 我地抱住佢坐底, 放條紗巾o係佢頸度, 佢就會好心急, 打開個口等支奶。如果支奶未ready, 仲warm 緊, 佢就會喊架。但一當支奶放入佢口, 佢就大大口咁吸, 腳指爪住, 好肉緊咁去食奶。如果用chuchu母乳o個隻奶咀, 唔掃風既, 應該3分鐘之內食哂130ml。用chuchu 普通個奶咀, 就要10 mins, 不過最尾掃一次風就得。

6. 如是者重覆以上, 直到10點幾最後一餐喇。佢多數o係我地dinner time 呢段時間唔係好訓到, 可能我地番哂來, 又嘈, 又冇咩人理佢, 抱佢, 佢訓得唔好, 所以mood 唔靚, 會好多complaint。頭一個月佢o係我地dinner time時真係好難搞, 抱住佢都會complain。不過而家知道佢既pattern, 就係o係佢想訓之前已經用定揹帶, 令佢舒舒服服咁坐o係度訓, 佢就唔會喊喇。而家佢3個月, 已經唔會喊太多, 全日最難搞既就係8點幾到10點幾呢兩個hours。多數呢餐我地唔會等到4個鐘先比佢食, 會3個半, 又或是3個鐘9個字就比佢食, 因為佢唔訓, 郁來郁去, d energy 都consume 哂, 所以早小小比佢食, 唔想佢喊到拆天。飲完奶佢會好精神, 不過我地最多同佢玩一陣, 就會同佢去換尿片, 換條huggies 既M 比佢, 等佢舒服d 訓覺。之後brush the teeth, 姐姐去洗手, 用思詩樂同埋清水去洗佢個口腔, 之後就會熄燈架喇。熄燈時已經11點幾, 佢大約12點左右就會訓。

Day 91 10 July

Midby爸在昆明的一天

番左工成個月喇! Midby 亦都越來越大個, 越懂事, 唔怪得咁多媽媽都話, 唔想錯過bb既成長, 唔捨得番工。

如果唔係親身經歷, 都唔會體會到bb 原來真係成長得好快。呢幾日為左搞99日宴而睇番Midby第一個月好多相同video, 我發覺我真係好冇用, 竟然對佢出世之後o個幾個星期冇咩印象。究竟係我記性有問題, 定係bb真係太快大呢? 好在世上有videocam 既發明, 令我可以睇番佢之前既片段, 叫做唔太過有遺憾啦!

呢個星期由於Midby爸上左昆明, 媽咪出左來陪我地。其實我覺得冇左Midby爸夜晚o係屋企唔係太大問題, 好多時都係姐姐一個搞掂, 最多係我忙小小, o係姐姐做野時我睇住Midby。不過奶奶太緊張, 佢講到明如果我媽咪唔出來陪我地, 佢會擔心到訓唔著, 加上本身媽咪都緊張, 覺得屋企冇個男人o係度唔係咁好, 所以由Midby爸上左飛機o個日開始, 媽咪就o係度訓。

雖然都有好幾年冇同媽咪一齊生活, 但係始終都係媽咪, 有佢o係屋企, 好自己個心真係定d。我有呢個媽咪又係幾生修到。有佢o係度, 我幾乎唔洗照顧Midby, 可以做自己既野。不過我又驚Midby唔認我, 所以都會抽d 時間同佢玩。

番左工之後真係覺得少左好多時間陪Midby。番到屋企早既就6點, 之後好彩既, 時間就到就餵Midby, 之後又食晚飯喇, 食完又去沖涼之後又去pump 奶喇。話咁快又10點, Midby 呢個時間又要食奶, 多數呢餐由我餵, 但餵完同佢玩一陣都已經10點幾11點。之後姐姐就會um佢訓, 而我就上下網一陣又到12點喇。訓得一陣又夠4個幾鐘又pump 奶<---日日既生活就係咁喇。所以做一個working mother 一d 都唔易, 我已經好好彩, 有工人同屋企人幫, 都仲覺得辛苦, 請問邊度有d EQ 課程比我讀, 等我可以高d EQ呀?

等多幾日Midby爸就會番喇! 不過媽咪亦都唔會再o係度訓啦! 到時我又會再忙過喇!

Day 80 29 June

會攬住Midby唔想放既一天

好耐好耐冇寫blog。唔係我唔想, 我好想架! 咁多日有好多野想去記低, 但日日都忙都不得了, 連帶番屋企應該要做既野都冇時間做, 點有時間去打blog呢?

Midby已經80日大喇, 等我update 下佢既發展先:

1) 一星期前左右, 開始將佢趴o係度, 等佢可以exercise 條頸, 聽媽咪講, 咁樣對 newborn babies 有好處, 到去esdlife gathering時聽jojo 講, 先知道咁樣train bb 對佢既brain development 有好處, 而Midby仔o係我地幫佢趴o係度幾次之後, 能夠將頭向上一兩秒, 之後就跌番落來

2) 已經識得笑出聲...仲令到我感動到喊, 好在我有record 到佢第一個笑出聲既片段

3) 經常發出um...er......um...er 好長好長既聲音, 對眼望住人, 好似有好多野想講咁, 唔係一下一下EE 呀呀, 而係一連串既聲音

4) 條頸唔再好需要我地去扶住, 可以自由向左向右轉, 仲好經常咁做

5) 識得睇tv, 會好留心睇電視, 食完奶一個hour 之內, 都可以同我坐定定睇下tv

6) 食奶食120ml - 150ml。一日5餐, 早上6點幾會醒, 我地會比150ml佢食, 因為夜晚咁多個鐘冇食到奶, 已經好餓了。之後每隔4個鐘就比120-130ml佢, 兩點幾會沖涼, 之後食奶, 之後到dinner time 就大件事了...訓唔到, 又肚餓, 又眼訓....次次都要同佢搏鬥, 等到10點幾食埋150ml最後一餐就um佢訓了

7) 唔比人掃風, 因為想一口氣食哂成枝奶。但係我次次都會同佢掃3次風, 次次law 番枝奶出來時, 佢就喊, 喊得好厲害, 但一放番條紗巾比佢胸前, 佢就知道我地比番枝奶佢, 佢又會靜番, 好期待咁張大個口, 我好sure 佢已經認得枝奶個樣了

8) 成日將對手放入個口度, 我地冇比奶咀佢, 有時候會唔比手套仔佢, 佢就會將隻手放入去口度, 唔係太多時候食手指, 大多數都係做d 好似 "咬"既動作

9) 而家多左向左訓, 唔似頭一兩個月時, 成日向右訓

我唔知其他babies 係唔係咁, 我呢個Midby係幾有規律既bb。食完奶會玩1個hour, 會笑, 會好多野講, 但一個鐘頭之後, 佢就會get angry esaily, 想訓覺, 要人抱佢訓, 呢個情況last 兩個幾hours 之後又到飲奶, 又係一個鐘玩, 之後又會累, 想人用揹帶um佢訓。而每到早上around 6點幾就會起身....唔知係唔係我地為佢set 左regular 飲奶時間同埋bathing 時間, 令到佢變得有規律呢? 有時間佢連poo poo既pattern 都好似tim!

過左80日既我, 雖然EQ 唔高, Midby 喊得厲害時, 我都會失控, 但我越來越愛Midby, 識得去欣賞佢, 成日都會去kiss 佢, 抱佢同佢玩 (當然係佢安靜食飽左時) 唔捨得放手。呢段時間令我覺得, 只要付出, 比多d 時間陪佢, 佢始終都會跟我既!!