16W3D 足了4個月的一天

仍沒有涼意的晴天

都十月了, 點解仲會咁熱既? 點解我尋晚仲開冷氣呢?

呢個早上, 我想上d 網頁搵個名英文名比Midby, 點知見到Midby 爸原來靜雞雞打左一篇blog, 好感動呀, 我每次上來呢個blog, 都希望Midby dad 會為我地打小小野, 估唔到佢真係有咁做呀! 仲有呀, 好touched 既係佢為Midby 同我整左個countdown, 將Midby 而家周數既樣 display出來，不過見到相內16W既bb 咁瘦既...我地既Midby 唔好咁呀!

o係14W幾時又見過dr wong, 連dr wong 都最後叫我可以4w 先見佢一次, 哈哈, 我估dr wong 已經頂我唔順, 好啦, 我同佢講唔會照得咁急架喇, 會等到19w 幾去廣華照structure 之後就22w 去搵佢再照, 不過而家已經有兩個week 冇見Midby 了, 真係會掛住佢架, 我上次照時, dr wong 都仲係度佢既CRL, 唔係要度佢既頭圍mei? 我見好多媽媽已經由12w開始會度埋肚仔, 腳仔幾長, 不過dr wong 冇咁做呀!

Midby 爸話我地搵dr wong 都係為左佢夠professional, 好啦, 我信佢啦, 佢上次o係我14w 幾時好快度左Midby 既CRL, 我好似見到係8.48cm呀, 同我LMP 比, 都叫Match 既, 好似係14w3 law, 即係相差一日, 不過Midby 爸話見到佢度時把尺度低左d, 即係佢度番o岩時, 個CRL 應該係長d wo! 不過唔理啦, 總之上次我見到個CRL, 就知道Midby 由原先領先人地成個幾week, 到而家lag behind 個LMP 一日law! Dr wong 曾經講過, 度size 冇咩意思, 我明既, 之前快既, 唔代表佢之後都會生得快, 相反, 慢既可以之後慢慢追番, 我而家希望日日可以飲到either brown milk or 食到 yogurt, 等我可以law 多d calcium, 另外我仲會希望食到一隻egg white!

我知道好多人會刻意食多d egg, 但係我pregnancy 過程裡, 特別呢幾個week 唔係好食到, 一食左egg, 就會有d 頂住, 好飽咁, 所以我會搵下d 方法去食egg white 架喇.

至於2 cups of milk? no way 啦, 都唔明點解要飲咁多milk? 我飲brown rice milk 得唔得架? 飲milk 都係為左law 佢既calcium + protein o者, 如果brown rice milk 都有calcium 同埋protein, 洗唔洗一定要飲milk 架? 見到咁多人飲milk, 我都叫dot lo, every sat/ sun 會整yogurt比我食, 一L yogurt 就食3-4日, 係就係唔係日日食, 不過都算係咁喇嘛....自問都幾多營養, Midby 你要吸收呀!

今晚會番去同奶奶食飯, 之後上mama 度law 魚湯飲, 希望今晚順順利利, 說服到奶奶比我地請工人啦, 因為要時間去搵, 要時間去train 架!

Midby, 你o係媽媽肚內點呀? 我仲feel 到你郁wow! 只係間唔中有d 感覺怪怪, 係唔係你來呀? 如果你唔夠營養食, 你要話比我知架, 你可以o係媽媽每晚訓覺時話比我知, 好似前日我dream 到你一樣, 我會乖d架喇, 唔食咁多spicy 野架喇, 我知你都唔想自己第時生粒粒架嘛!

p.s. 我所有最close 既朋友已經知道有Midby 既存在了! sat 時mama 去左mandy 屋企, 同左佢地講, 佢地都好開心呀, 等再過多一陣, 話埋比grandad 知先!

感謝主呀!!!!

15W5D 一田流浪記

28C 晴

最近Midby-Mum掛住食，所以交由我Midby-Dad接棒...... 寫住一篇咁多先啦！

最近我同 Midby-Mum 主要都係煩惱緊兩樣野，改名同埋請工人。改名都係其次，因為仲有好幾個月既時間，但係請工人就真係有d惡搞。以前好多野都係我地兩個人既事，但係呢件事變左七個人既事 -- Midby + Dad + Mum + 爺爺 + 嫲嫲 + 公公 + 婆婆。我兩老話信唔過工人，好唔想我地請，話會幫我地手，但係我同佢地住得遠，要佢地日日搭咁遠車出黎，我地又點會放心呢？我諗好多人都遇到呢個問題，但係應該冇乜人會有一個好好既solution。希望快 D 解決啦！

10月14日 (14W4D) 去睇左次Midby，又大隻左，真係乖喇。Midby Mum成日話Midby唔識郁，次次都係同一個角度，今次終於忍唔住問Dr. Wong。Dr. Wong話係佢個鏡頭放既位置同埋角度，咁樣照係最靚，所以次次都用呢個角度俾我地睇，Midby Mum即刻放心晒。喂.... 呢樣野我前兩次照都講過啦，之不過今次係我醫生講之嘛！

琴日去左沙田，Midby Mum既朋友有 D BB用既野同埋胎教機等俾我地，咪諗住入去等囉。無奈被放飛機，冇法啦！好彩 Midby Mum 都食左好多野，又o係一田睇左唔少 BB 用品，又去左荷花睇床同埋洗頭水。依家我地食野同埋用梳洗用品都好小心，同埋盡量揀D Organic Food，驚亂食亂用會對Midby有影響呀！

食飯 lu，Midby-Mum唔知幾時會發現呢 =p

13W4D 去左廣華, 小bun bun 出世後既一天

涼快的晴天

1. 10月6日早上8:30左右, 收到亞bun 既來電, 話cindy 之前o個晚4:xx 穿左水喇, 之後去到威院大約8:xx 左右就生左小bun bun 了, 我唔去得睇佢, 但係我已經見左小bun bun 張相了, 係亞bun upload 上去facebook 度既.

今次係一個咁close 既friend 既老婆生左, 我心裡o個種開心真係由心發出來, 唔同sonia 既係可能sonia o個次佢一有labour 就打比我, 成個process 我好似陪住佢, witness 成個過程, 但係就冇左cindy 同亞bun 比我o個種surprise! 我傾完個電話之後都眼濕濕, 哈哈, 好似我生左咁! 小bun bun 個forehand 好高, nose 大大, 呢個一睇就知遺傳左亞bun 既優良品種啦, 一個forehand 生得咁"衰"既bb, 就知道佢第時一定"唔叻" 架喇!!! cindy, 你係得既, 比你肯到喇, 想個b 遺傳亞bun 多d, 我都希望Midby 可以遺傳佢爸爸多d 呀....

2. 前幾日開始, 個肚間唔中有一兩下痛, 係womb 內痛出來, 唔係扯住既痛wow, 係好似內面有d 野整到d 神經, 由於而家仲未feel 到胎動, 所以有咩野都易令到我擔心.

3. 去左廣華1st check up 了, 9:00am 去到, 好快已經做哂check weight, height, urine test, 抽血 (最重要, 因為save 番幾舊水架), 我唔知係唔係因為交左$60, 個nurse 叫我個名, 叫我下次唔好喇, 之後就加左句, 今次有ultrasound 做, 唔知其他人冇交o個$60 會唔會都有得做ultrasound 呢?

4. u/s 係nurse 做, attitude ok 啦, 不過唔professional law, 當然我知我唔應該同dr wong 比, 但係以我照u/s 既experience 睇, 佢真係唔係好pro 囉, 佢話搵唔到我有個cyst wo, 仲話係腸來...哈哈哈, ok, 我唔理佢啦, 不過我都整左句比佢聽, 我話你要唔要我之前既u/s 相睇下呀? 佢睇完之後都仲係搵唔到, 算.

5. 等左幾耐去到見醫生喇, wa, 好快就搞掂, 係女醫生 (好在), 因為要內疹 ( 勁痛), 同之前做papsmear 唔同, 人地會"就"住架嘛, 佢就冇, 佢check 我個胸時既然check 唔到我有粒纖維瘤, 哈哈, 好野, 佢做足哂所有工夫, 不過呢就麻麻law, 真係有事係會比佢呢種routine check miss 左架, 好在我有dr wong 做back up.

6. 我冇join 到咩咩助產士小組呀, 不過佢地offer 左我o係20w 有照structure, 好野!! 呢個好呀, 我好想佢offer 比我架, 比我肯到喇, 不過我又係唔信政府law, 聽得太多d 人話照完structure 之後都有事, 係....好似cindy 咁講, 政府有好醫生都有唔好既, 但私家咪一樣, o岩呀!! 所以我咪千揀萬揀, 揀個我對佢有信心既醫生跟我law, 如果連dr wong 都咁失敗既, 我應命了!!!

7. 學校既生活比我預期中舒服, 好在...SFQ 出了result, 好開心, 我去年既平均分有8.x/ 10, 哈哈, 比成個局既average 好似6.x 高出2.x 分呀, 唔知今年轉左教中文傳意會唔會唔同呢?

12W3D OSCAR scan result released 的一天

晴

好了, 做左oscar scan了, 我本來想o係Midby13W 時去做, 因為DR WONG 話都好sure 會見到係男定女, 但係我13w時會同廣華1ST check up 相隔一日, 所以唔想咁密, 仲要連續兩日抽血, 所以我改左上個星期4去做oscar scan, 即係11W6, 好在, NT (頸皮) 度3次, 最厚o個次1.8cm, 有一次好似1.6cm, 有一次係好1.4cm, pass!!

之後去抽血, 因為我比醫生睇我之前做既BODY CHECK, 佢知道我有好多已經做左喇, 叫我唔洗再做, 反而叫我check HIV, 同埋梅毒, 可做可唔做, 不過我為安心, 做啦, 佢打電話去問可唔可以計我散餐平d, 佢地反而話成個package 先平, 所以dr wong 叫我不如做哂算喇, 後來我同佢講我o係廣華都有排, 佢話咁唔洗喇, 慳番, 用廣華o個個啦, 我剩係check oscar o個隻就得喇.

真係估唔到, 星期四成7點去抽, 星期五7點唔夠就收到dr wong 既姑娘打比我, 嚇死呀!!! 佢一打電話來就話同我對資料, 之後就話我呢個age 既risk 係5xx 之1, 我知道under 600 其實都叫有d high risk 了, 我聽到即刻眼都濕哂, 即刻諗唔係呀.....Midby 有5xx 之1既chance 係會唐BB? 唉, 之後佢話用blood test + NT 既result 去計個risk 係10xxx 之1, 真係比佢嚇死呀.

我好感謝主, 亦同時覺得Midby 對我真係好好, 佢呢個bb女, 由day 1 到今日都冇比任何不適我, 到去做oscar o個日, 佢真係合作都冇得頂 (其實唔知係好定唔好.....), 佢成個過程都 face up , 同上次9W 幾睇時一樣, 都係face up, 不過今次多左既係佢手手腳腳會郁, 會食手指, 會交叉腳, 好cute!!! 不過佢郁既程度一d 都唔大, 唔似 d 人咁講, 會郁到做唔到oscar, 我個bb 好定, 定到好似唔係好郁, 只係手手腳腳郁下咁law, 所以我有d 擔心, 點解佢好似唔係好活躍咁。

醫生睇左7 mins 多d, 之後仲比埋DVD 我tim, 番到屋企再睇番亞b 郁郁既情況, 好開心, 我會law 比奶奶同媽咪睇, 我知佢地會好開心。

我其實心中有數知道Midby 係個女仔來, 不過都問醫生係唔係, 由於當時我只係11W6, 應該冇咁快睇到既, 但係我呢個Dr wong 係HK 1st law 照oscar 牌既醫生, 又有咁多學歷, 被稱為ultrasound 專家, 我問左佢一句, 係唔係女仔, 佢好快話係....勁!! 我知好多醫生唔去到16w都唔知係男/女, 所以我好感恩, 比我遇到呢個醫生, 呢一切, 都係神既恩典!

媽咪前排打比我, 同我講佢叫陳太幫我問左師傅, 好快交代左幾句, 就係4個月之後就會好穩喇, BB出世勁旺爸爸 (點解唔係我既??) 不過都好, 佢旺我既, 即係叫我以後繼續做野? 已經N 咁多人話我勁旺亞SAM (係咩? 仲未見到wow....), 而家Midby 又勁旺佢, 唔怪得, 又係N 咁多人話sam 條命生得好啦, 而我呢? 師傅只係話我冇咩野, 只係"蛇quer" d 囉, 唔話我好, 只要唔話我差, 我都滿足喇, 唯有寄望我呢個老公日後好景會關照我呢個老婆同個女啦!!!

感謝主, 感謝主賜比我既一切! 我會好好珍惜Midby!

10W5D

10W5D 晴, 空氣極差

快D 到12w啦, 我好想快D到做oscar o個一日, o個一日我亦都知道Midby 係仔定女。

其實我心中有數了, 不過想確實知道, 等我方便d 揀合適方法去做胎教。

簡單交代幾件事:

1) choi 太已經照左, 有7-8成係choi刀仔, 哈哈, 好開心, 我都唔知點解我咁開心, 我本來估佢生女既, 同bun 咪夾哂啦, 佢生仔, choi 生o個個係女, 不過意料之外既係佢o個個都係仔, 哈哈, 如果我個Midby 係女來, 好喇, 哈哈, 有兩個男仔陪佢, 有兩個男仔比佢揀喇

2) Rosa 話如果我o個個係女, 咁樣會比佢地兩個仔"合", 哈哈, 我又未諗到咁長遠wo, 我又信cindy 會好識教佢既小bun, 我都信Choi 生choi 太得到rosa 既真傳, 都會好識得教, maybe 最嘈最唔聽話係我既Midby 呢

3) 打電話比honey 時同佢講choi bb 既事, 之後我叫同我一齊生女, 之後佢叫我快d 努力, 我就hint 佢, 我會o係適當時候話比佢知, 不過佢好似get 唔到wow (冇奶油架, honey 不嬲都好醒....um....?)

4) 之前同kate 傾電話, 講女人病既問題, 講講下佢問我係唔係已經用中藥調理左好耐, 之後仲好似問我係唔係身體都ready....之後我就笑笑口同佢講, 會o係適當時候話比佢知, 佢就笑左一下, 佢好似get 到d 野, 不過佢好識做, 冇問我任何野!

5) 打去問june 有關calcium野, 佢係咁多個之中, maybe 最slow get 到個message o個個, 可能佢覺得我會有咩就直接講啦, 我問佢問到好白, 有左可唔可以食, 呢隻對bb有冇影響, 由於之前我間唔中都問佢呢d 問題, 佢可以已經get used to it 了, 佢一d 都get 唔到wow....

6) choi 生我o係msn 同佢傾, 問佢係唔係confirm 係刀仔唔係刀女, 佢話7-8成係, 我勁開心, 仲即刻講左句, 我生個女就有你同bun個bb 揀喇.....真係口快快, 講左出來, 之後佢緊係congraulate 我啦, 不過我扮哂野話我假設我生女乍嘛, 唔係真...哈哈, 最後我都hint 到句: "我地呢班係天注定既好朋友"。 諗下喇, 我地3個有bb既時間咁close, 之後相信有好多時間我地3 pairs 一齊出來, 有好多sharing, 不過我而家仲未過12w, 忍到做完OSCAR, 最好可以忍到做埋structure 啦, 我就會通知佢地.

7) 有一日番到屋企, 見到大助旁有一隻新既熊仔, sharp green in colour, 原來又係dad o係街拾番來比大助玩既, 唉, 屋企都唔知幾多野係佢同姑姐拾番來, 不過呢隻熊仔好乾淨, 似人地一趺佢就拾, 奇就奇在, 呢隻係生日熊, 知唔知佢既生日日期既然係同midby 既預產期一樣呀, 我見到真係覺得佢同我dad 既encounter 係非偶然既。有咩理由會咁q 先? 我同左佢地講, 叫佢地好好照顧呢隻熊仔, 因為佢就好似佢地既孫咁, 哈哈, 正恆仲話佢會得閒同佢傾下計tim!

8) 開始諗緊$既問題, 頭1年唔係洗太多錢, 係醫院o個面多小小o者, 不過一到佢十幾個月, 開始搵playgroup了, 之後又搵nursery, 仲要係唔知到時係邊個睇住佢, 係99? 我mama? 定係工人? 我唔mind 搵工人, 不過...開支又會多左幾千, 開始覺得如果生一個, 我可以比到好既"環境"佢, 但係兩個bb, 相對地就會分薄左, 我開始明白sonia 話如果生一個, 可以去kingston, 生兩個就要去屋村街口o個間, 哈哈, dot lo, 你要努力喇, 我真係怕生左bb之後, 個人冇左個心o係工作度, 到時比人抄就big pan 喇!

9) 尋日開始, 好似胃口好了, 今日想食既野多左, 咁快就冇左害喜喇? 我小心d 好, 因為已經肥左, 醫生都話覺得我個樣有d 唔同了, 哈哈, 上次係55.5kg, 唔知下次check oscar 時幾多kg 呢?

食lunch 先! 下午仲有3個hours!

9W6D 見完Midby幾日後的一天

晴

星期二, 即係前日去左見Midby, 本來有D擔心, 因為我自問唔係食太多, 亦唔學得人咁又飲奶, 又食燕窩 (雖然我唔贊成人食), 所以驚Midby 唔夠9W既size, 好在今次見到佢, 度個CRL 有成3.32cm, 以呢個measurement計, 有10W1既size了。

我個醫生唔係好睇呢d figures, 佢好早講過, 呢d 唔係太有意義, 我o係9W去照, 係希望o係做oscar 之前照一次, 個心定d, 而家就安排左3個w之後, 即係9月29日, 到時計我既LMP就係12W3, 如果度個CRL 就已經13W0D了 (隻設Midby 都係跟番呢個生長既速度長大)。

當我去到張床上面時, 醫生就好快幫我照, 佢太忙了, 好似730去講TALK, 所以佢好快手, 算啦, 見到midby 既心跳 (我唔係好見到乍, 係醫生講乍), 加上佢對手隻, 同埋腳隻, 我終於發出左一個會心既微笑, 我見到dot lo, 佢都笑左一下, 我知道呢個平時唔多大笑既人, 見到我地既Midby 已經由胚胎成為一個胎兒, 呢個微笑係好溫暖, 好滿足既。

由呢日開始, 我既心情都改變左, 覺得肚內o個個係一個3.x CM既胎兒, 好可愛。我叫佢做"Midby仔", 佢問我點解我覺得佢係仔, 其實呢個只不過係一個稱呼, 唔係代表仔or女。

我多左摸我既肚, 多左同佢傾計, 多左同自己講, 我要開心, 我要多d 笑, 希望對Midby 有好既影響。

其實當我見到個CRL 係3.x cm時, 我有D擔心, 當midby 太細時, 我怕佢有事, 而家比同周數大小小時, 我又驚唔佢係唔係我食左咩野, 搞到佢"k"型。壓力真係唔少!

醫生話13W去照時, 做oscar 會好清楚見到係仔or女, 即係下一次我去做oscar 時就會知道。奶奶叫我唔好問, 但係我一定會問架喇, 係仔係女, 我唔敢要求, 上天比個bb我地, 比一個健康快樂既bb, 已經係一個好大既恩賜, 我感恩, 真係好感謝主對我既眷顧。

由9W開始, 我就食materna + folic acid + calcium unison 300mg。好多人問我, 食materna 唔夠咩, 仲食咁多其他野, 我就覺得materna 內既folic acid 已經係1mg, 比要求既400mcg 多成陪, 應該夠喇, 但係folic acid 會跟尿液排出, 所以我會o係dinner 之後補多粒5mg既 (5mg 係好多架, 係materna 既5陪, 係正常要求既1x 陪, 不過醫生開比我食, 我就食啦), 所以我刻意lunch 時食materna, dinner 就食folic acid, 另外calcium 我估可以遲小小先開始食, 不過我覺得calcium 會save o係體內, 早d 食應該好d, 橫掂醫生都開埋比我, 所以我而家breakfast 時會食calcium unison 300mg。

不過因為calcium 既關係, 我開始便便不通了, 由每日一次--> 兩日一次, 仲要係份量少了, 排出有點困難, 唔怪得之咁多媽媽有bb時會有便秘問題, 原來唔多唔少跟calcium 有關!

已經開左幾日學, 比我想像上好, 我同自己講, 我要上堂時都開心, 你知啦, 如果媽媽講既bb係聽到既, 咁佢日日咪要聽我好多野, 所以我假設佢聽到既話, 我就要以個輕鬆快樂既心情同語調比佢聽, 希望我一直都會成功, 唔好比人激!!

8W2D 8月之星而慶祝之日

晴

好唔容易等到8w, 仲有4個w先到12w, 我聽日就要番學, 希望番學既日子唔好太challenging, 我儘量希望自己個心情平靜d, 比個好環境Midby, 但係學校有好多事情會令到我既情緒起落好大, 我只係希望神比我有足夠既勇氣同信心去面對。

我尋日去完LL之後就一個一食左個大拉面, 4塊日本叉燒, 已經飽飽了, 我其實覺得呢幾日既胃口, 好似冇之前咁唔好, 呢個情況好似一入左8W就改變, 對好多人來講係好事, 但係我見到好多人話有反應先代表個BB健康, 聽到後我好唔安樂, 有時好嬲FORUM D 人, 成日亂講野, 我夠O係網上搵到資料話害喜既人係因為脾胃唔好, 要食咩咩中藥....DOT LO 話我之前用左好多時間去keep個身體, 又食左咁耐中藥, 所以而家咁舒服, 咁自在既反應係因為我之前既努力, 雖然我唔知有冇關, 但係聽到, 個心又係定左d。

雖然係星期日, 我剛剛打去搵孫教授, 佢o係度呀, 我問佢點解我冇反應, 佢話有人有, 有d人會冇, 佢冇解釋點解會咁, 其實外國好多info 都話冇解釋, 之後我問會唔會因為我之前keep個身體, 食左咁耐中藥, 所以而家咁自在, 佢話有關, 不過食左中藥都仍然有反應既大都大有人在, 所以我都唔知點, 不過我問佢, 冇反應係唔係壞事, 佢話唔係, 咁就得啦...我最重要聽到呢一句。

我5w, 6w, 7w都去照個u/s, 今日已經8w2d, 我其實好掛住Midby, 已經dream 左幾次照u/ s 見到佢喇, 不過我唔想照得太密, 所以想plan o係9W 5D 時去照, 之後就12W 時做OSCAR, 希望到時一切正常啦。

上網見得太多- ve cases, 有人會冇端端7w時唔見左個b, 仲係冇咩症狀, 你叫我做亞媽既點放心。

我而家好lazy, 成日都唔o係屋企煮飯, 所以呢幾日都係食d 唔係太健康既野, 好似尋日, 食左1.5個鮑魚面+上星期奶奶煮剩既送, + 一杯brown rice mike + 兩條果棒, 去到LL時就飲左一支organic apple juice + dinner 食左一碗拉面, 係咁多了....真係少過平時既我既食量, 好在dot lo o係12點番屋企時買左我近期既favourite - 阿土面線, $15, 好好食, 係唔夠熱, 不過足夠令我窩心。

今晚會見到成班朋友, 食意大利野, 為左8月之星而慶祝, 希望忍得到, 唔同佢地講啦!