20W0D 步向Midby 出世前的另一半旅程

非常晴朗的涼快冬天

等到咁耐, 終於到左20W 了, 即係5個月喇, 哈哈, 幾自豪呀! 同人講5個人喇!

19W 4D 時去左廣華照structure, Midby 爸當然陪伴左右, 早上佢行畢業禮, 證書上真係寫住distinction, 即係優異成績畢業, 佢話有8個人law到Distinction, 佢係其中一個, 都好厲害喇!

去左廣華等左唔夠一個鍾就到我喇, 見到之前有對夫婦, 出左來冇走, 佢o係我出黎之後又入番去, 唔知係唔係之前bb 唔太合作, 照唔到d 野呢?

我地o係前一日已經同左Midby 講, 叫佢乖乖地合作架喇, 入去之前, Midby 爸都再同Midby 講多次, 話佢乖既就出世請佢食朱古力, 哈哈! 仲有o係上去之前, 我好快食左個面, 希望比d energy Midby, 等佢active d, 結果係...

一入到去, 見到有兩個醫生, 一女一男一nurse。原來女醫生應該係學徒來, 男o個位就係consultant, 女幫我照先, 一照時見到Midby 爬o係度, 唉...同之前o係Dr Wong 照時都係一樣, 唔比我地睇佢個樣呀, 我即刻心都沉左一沉。醫生開口解釋見到有臍帶, 肺, 胃, 腦, bladder, kidney + 心臟 (1st 位醫生唔係好sure 照到冇問題, 佢要另外一個高級醫生指比佢睇, 教佢點睇) , 好在幾年讀bio 既我都識佢地講d 咩野, 唔係真係嚇死架, 因為兩個醫生o係度傾個心點樣點樣, 女醫生都有睇埋佢手同腳, 不過好似冇數幾多隻, 咀只係咁意見到佢有個咀就算 (有d 失望, 因為我好想知bb個咀有冇事), 最開心係我同Midby 爸都見到Midby個樣, 雖然唔係4D, 但係有個正面, 好快手咁照到佢, 好圓架, 好cute! 同之前做oscar 時既感覺都係一樣, 都係圓圓地架, 好cute, 好lovely! 之後醫生都有度埋圍, 肚圍同埋腳骨長, 我見到係19W 囉, 唔開心呀, 因為2星期之前o係dr wong 度都係19w 架喇, 即係Midby 冇大到? 我呢個兩個weeks 係就係有d 病, 同埋驚瘦, 所以唔敢食太多, 但係都唔好搞到Midby 瘦哂呀! Midby 爸話唔同地方既measurment 可以有出入, 但係唔同地方, 都係用同一device, 都係照u/s 既device o者! 有咩理由會咁大出入呀!

佢地冇photo比番我呀, 只係好快show 比我睇佢有個table, summarize 所有既measurements, 最後講句大致上都ok, 就走人, 不過個女醫生都幾好人, 唔惡, 都問我想唔想知性別, 我同佢講照oscar 時已經知道了, 係女仔嘛, 佢話係law! 到consultant 醫生再照時, 佢都問個女醫生同我照左gender 未, 女醫生話我已經之前照左喇。

去到等既個個都係照structure, 好多媽媽個肚都唔現, 係我個肚最大, 總括而言, 我都會去c+ 照多次, 其實佢地都唔照得求其, 不過我好想知道埋個咀點樣, 想要個report, 同埋VCD, 平時check up 同照structure 相差幾百蚊, 我都會比埋呢幾百蚊, o係下次check up 時照埋structure, 不過下次會o係22w-23w幾先check 了, 希望Midby呢兩個weeks 食番多d 野啦!

講番我地既Midby 仔先, 佢本來咪一照時爬o係度既, 之後一陣乍, 佢就face up喇, 好開心, 佢好合作比醫生check 哂d 野, 仲見到佢個咀郁郁, 好似食緊野咁呀, 我成日都估佢將來出世之後個樣係點, 不過Midby 爸叫我唔好成日估喎!

我o係廣華既2nd check up 就o係係照structure 之後另一日, 當日比埋醫生睇Dr Wong比我既信, 等佢地會比番個blood test report 我, 好在, 好順利比我, 不過個report勁brief, 冇figures, 只得+ve/ -ve 呢d symbol, 係咁多, 不過夠用就得啦.

另外都去左法國比左deposit 了...唔...唔係太鐘意法國, 見到個nurse, 同佢傾左幾句, 佢話儘量會將內地人同埋HK人分開, 我去睇d 房時, 真係見到6人房就係內地人, 3人房好多好多都係HK人, 好在!

不過d 裝修sorry, 唔係太似剛剛renovated 左, 可能我同union 相比啦, 最唔忿氣係, 我而家比法國既錢會比union 多, 有咩理由呀??? union話哂都叫靚d呀! 希望佢地係間有內涵既醫院, 令到我生Midby 既過程順貴利利啦!

12月我會去聽3個talks, 都係有關cord blood 既, 又要洗錢了, 不過既然afford 到, 都係想買個安心, 我會同Midby 爸去聽哂之後去比較, 錢唔係萬能, 不過冇左錢, 真係好多野做唔到! 所以我暫時都係一心剩係要Midby 一個BB 就算了!

Ｍidby, 你要健健康康, 開開心心成長呀!

感謝主! 當我見到Midby 心臟正常o個一刻, 我真係由衷多謝您!

19W3D 一家人同Midby 爸影畢業相!

有點秋意的一個冬天晴天

尋日成家12:30pm 去左city 同Midby 爸影相, 好開心, 我等到呢一日好耐 (係...冇錯, 真係等左好耐)。由我第一日知道佢11月18日會行禮, 我就決定之前幾日就叫埋我屋企人同埋佢屋企人一齊去影相, 本來Midby 爸話唔洗啦 (講埋呢d 老土客套說話) 到後來佢都高高興興一齊過左過好開心既下午。

我等左好耐唔係佢畢業呀, 而係呢個gathering。我唔知點解我咁期待, 可能人大左, 就越鍾意熱鬧, 個個都好比面, 父親就著老西, 姐姑就化哂妝, 老爺就著番件shirt同西褲, 細佬聽講比父親既威迫下著件單吊西, kacey 就當然靚靚番工look 啦, 而我...一直都諗唔到普咩衫, 係last minutes 比我搵到o岩著既衫wow, 仲幾好睇 (打側身就見哂肚, 向前望就唔係太明顯)。

因為而家有左bb, 緊張自己肥唔肥, 見到上鏡有d 肥左, 唔係太開心, 我知...10個大肚婆有9個肥, 我自問都唔係咁貪靚既人, 搞wedding 時都唔會去減肥, 點解今次咁care呢? Midby, 係唔係我唔係一個好媽媽呀? 我會緊張自己肥唔肥, 而唔去食多d 野, 你夠唔夠食呀?

講番尋日, 影完相之後就去左尖東食tea, 我都估到奶奶未必有野o岩食, 不過10個人, 去食tea buffet 又太貴, o個度我地有85折, 之前去過都幾ok, 所以今次又去多次, 希望佢地滿意啦, 由我Midby 媽埋單, 因為Midby爸畢業嘛, 緊係唔洗佢比啦!

之後同左ching hang, kacey 兩個去左行街街, Midby 爸sick 呀, 我見到佢o係sogo 時一次過食兩粒panadol, 個心真係好似比支針刺左一下咁, 但係佢之前講過, 佢唔想, 不過為左唔想有咩頭暈身慶傳比我, 所以都係食藥, 不過佢又唔明, panadol 係唔可以醫病架, 醫病係用vitamin C + water + rest, 佢都只係runny nose 乍嘛, 早d zz, 食多d vitamin c 仲好啦, 不過我明白佢性格, 由佢啦.

聽日會去廣華做structure scan, Midby, 你乖乖地, 同醫生/ 護士姐姐合作wow, 比個正面佢地睇, 等佢地好快趣同你影相, 之後媽媽同埋爸爸就可以遇埋麻麻爺爺去食生日飯 (爺爺生日呀!)

Midby, 你爸爸今日唔洗番工呀, 佢唔係好舒服, 本來已經請左今日同埋聽日假架喇, 而家病左, o係屋企休息緊, 我會快d 番屋企陪佢架喇!

Midby, 你今日靜左好多, 你尋日10:30am 時郁好多架喎, 今日唔多見你郁郁既?

18W6D 烏雲蓋頂

心裡感覺稍暗的一天

最近幾個星期，midby mom阿婆身體有事，固然令我地覺得難受；最近天氣突然轉變，midby mom又病咗，連midby dad喉嚨都唔多舒服，做事都提唔起勁。好在呢排midby dad休學，唔係真係幾難捱。

講起midby mom病咗，諗番都有啲內咎。一來我冇主動阻止佢食咖喱──自從有左midby，佢開始食野小心咗，可能都係因為咁，如果佢覺得可以食嘅，我都唔會刻意阻止佢。結果今次就出事喇，我以後要忍心啲，唔好俾佢隨便食嘢！

另外一件事就係midby mom半夜起身流鼻血呀！其實我都擔心架，但係因為呢幾日我都唔舒服，個人好易攰。前晚佢流鼻血叫醒我，我見到佢驚，但我只係講左兩句冇乜安慰力量既說話就繼續瞓喇。雖然佢話佢自己好獨立，但係又冇咩點理佢，希望佢冇怪我啦！好在琴晚已經冇再流鼻血，希望midby mom快啲好番啦！

有朋友由上海嚟左，呢兩晚都會出街食飯，難為midby mom要留嚮屋企，我會早啲番㗎喇！

18W4D 流鼻血呀!

好好好乾燥的晴天

我O係上個SUNDAY 同june o係二期food court 食左個curry rice, 之後monday 去sonia 度law 完野之後又同Midby dad 食左個curry pot, 唉..上個星期二就開始慢慢喉嚨唔舒服, 如果唔係因為呢兩日變得咁乾隆, 可能已經好左, 不過呢兩日好乾, 搞到我勁流鼻泌, 好多黃色勁熱氣既"痰"吐出來.

到尋晚3:xx 起左身, 想吐左d 痰出來, 點知...唉, 流鼻血呀, 流左幾多下, 好驚, 因為我唔知有左Midby 之後流鼻血同未有bb之前流鼻血同唔同, 我驚止唔到, 已經作最壞打算, 入急症, 一個人o係toilet 度坐o係度, 諗過叫醒Midby dad, 但係有咩用呢, 佢都係望住我, 我都要用我隻手去接個鼻, 所以我等到冇流喇, 番去房先同佢講。

今次係好大既教訓, 我食埋食埋咁多Spicy 野, 終於到我喇, 唉, 希望今次吐哂D 痰出來, 我食番清淡d, 會對自己同埋Midby 都好d啦.

前幾日開始用babyplus, feel 到Midby o係肚內郁, 今日都feel 到幾下, 唔係太sure, 但都好開心了, 好似d 肌肉彈左一下咁, 我唔用babyplus 喇, 睇好多reviews 有+ve, 有-ve, 我唔sure 既, 不如唔好用, 我同Midby dad 多d 同佢傾計仲好啦, 不過間唔中我都會law 來用midby 玩下hide and seek, 等佢郁勁d 比我feel 下佢既存在!

好喇, 我要上堂, 希望我既傷風快d 離我而去!

18W2D 紀錄midby-dad 優行的一天

涼快的晴天

我成日都想將Midby-dad o係我有左Midby 之後law到既credit 一一紀錄, 終於今晚, 等緊佢聽完MBA 一個green dot dot seminar 既時候, 有時間上來打喇. (其實呢晚打打下冇打, 今日, 18w2d 繼續)

o係未開始前, 有d 野要交代下先:

1) aunties june o係sunday 見左我喇, 佢都有d surprised 見到媽媽我個肚咁大, 佢都話好明顯wo

2) 亞may 原來有左8個幾月了, 都係bb女, 佢好興奮, 我仲同佢傾左成過幾鐘, 佢既EDD 係一月初, 廣華生, 佢就好啦, 睇醫生所有錢都有得claim, 所以佢而家勁買bb野, 買到癩左既地步!

3) 亞婆既事...其實唔想多講, 由上個星期入院到做搭橋手術, 再去唔醒, 再去到醫生話今日係最後落藥, 我地開始要接受個事實, 媽咪問左陳太既師傅, 我都係唔好去醫院, 媽咪話亞婆知道, 會明, 但係我個心始終唔好過, 佢地個個都好錫我, 我好感恩, 生於呢個家庭, 唔係咩大富大貴, 但係充滿著愛, 好多人想有一個完整既家庭都唔可以, 就算有雙親o係度, 同父母既緣份都好薄弱, 我身邊既朋友好多都係咁, 我又好好彩, 嫁都呢個老公, 人細時, 唔識珍惜, 以前都唔覺得自己幸福, 幸運, 人大左, 經歷閱歷多左喇, 反而就識去欣賞, 好多人都好驚同老爺奶奶相處, 又比我好好彩, 有咁錫我, 咁開明既老爺奶奶, 一切一切都叫我好感謝主, 係就係好老士, 但幸福唔係必然既, 希望神繼續保守我地, 等Midby 出世之後, 等佢帶比鍚我地既長輩好多好多既歡樂!!!

4) 星期四, 終於去左見dr wong, 其實應該到今個星期二先夠4個weeks, 因為上次佢叫我地夠4weeks 先洗去見佢, 所以我地忍左好耐架喇, 不過我冇哂d calcium, 又唔想星期4上去law 完, 星期2又去多次check up, 所以就同一日做埋, 我一入到去即刻解釋比dr wong 知點解唔夠4weeks 就見佢, 我同佢講我病左呀, 因為食左兩日curry 呀, 所以sore throat (因為唔食得藥, 而家都仲未好, 好在都係mild 既flu, 而家去到runny nose 既stage 了). 我問dr wong 我係唔係肚大, 佢話算係, maybe 因為我細粒, relatively 望上去個肚咪大d law, 佢同我照下, 照完話唔似我內面生左咩瘤(check 血既流動), 佢話我子宮後傾, 加上我既子宮內膜異位, 會令到內膜厚d, anyway, 我唔care 了, 只係想知係唔係太多水, 定係有咩事, bb size 又o岩, 同佢既week 數都match, 又唔係巨b 喇....哈哈, 點解個肚咁大呢? 我腰有成32-33" 了.

5) Midby 今次唔肯比我地睇佢個樣呀, dr wong 見到我而家都18w 了, 佢就check 左Midby 幾個部位, 我估除左個咀仔同nose見唔到之外，其他都check 左喇, 佢都知我會去廣華check 完, 22w 幾去搵佢再check, 佢話唔緊要, 可以22w 幾先check, 因為剛才都roughly check 左d organs 了, 佢仲show左4D比我見到Midby 既腿仔呀, 我同Midby dad 初時真係唔係好識反應, 希望dr wong 唔好介意我地冇appreciate 佢既courtesy 啦, 到我識反應時, 都只係話咁瘦既?? Dr wong話show 多d 肉比你睇喇, 哈哈, 見到佢個大肚仔, 同埋左腳, 左腳底, 同埋臍帶, 都夠我地開心喇.

6) 18w 時係唔會show bb 既正面, 因為仲未develop 好d organs, 所以只會show 側面, 不過Midby 怕羞呀, dr wong 咁skillful 既醫生都話佢唔肯show 佢既面仔呀, 唔知係佢怕羞, 定係唔鍾意我地去睇佢呢?

7) 夠左18w0d既friday night, 我1st 用babyplus, Midby dad is kind enough 去做左d research, 佢話ok wow, 我一用, 哈哈, 就feel 到 Midby 郁喇, 唔係勁明確, 不過都幾sure 係佢郁了, 哈哈, 唔知佢鍾意定反抗呢?

8) Midby dad o係今晚都話好似feel 到Midby 郁呀, 因為我番到屋企之後用babyplus, 我叫佢放手o係我肚上, 佢都好似話feel 到wo!

太夜了, 想去贊下Midby dad 幾咁錫我...但係為左聽日番學, 而家要去準備喇, 都係留番下個post 先啦! Midby dad, 你等下啦!!!