中英印字典

為左方便奶奶, 我同Midby爸, 我地決定請位姐姐去幫手照顧Midby仔。但我地呢位印傭o係5年前@singapore 做過一張contract之後就番左老家生仔喇。相隔咁多年又在離鄉背井到香港打工, 我都唔知佢會做成點。

新年前收到入境署既信, 話收到我既application, 佢地需要6個星期去處理個申請, 我地冇咩經驗, 都唔知最後姐姐幾時先會到香港。

而家距離Midby仔出世應該仲有兩個多月, 我而家都時不時諗下點樣安排姐姐將來既工作。好好彩比我搵到呢個網頁, 簡直勁呀! 有好多常用字眼既translation。遲d我會print出來, 等姐姐來到我屋企時study下。

http://www.hkemployergb.net/

29w6d 初四放假篇

一個人@home 既一天

做呢份工其中一個"優點"就係可以享有比一般打工仔多小小既假期。所以今日所有打工仔已經番工之時, 我仲可以訓到10點, 起左身打下blog再食早餐...


呢個年假同以往咁多年都係一樣。不過過往我聽到既都係叫我快d 生bb, 今年唔同既就係個個都係恭喜我有左bb。


其實我每一年去到Midby爸d 親戚度年都有小小咁多既壓力。你估我唔想生bb咩, 但呢d野要準備架嘛, 我每年聽到d 老人家同我講快d 生番個時, 我會諗: 下年呢個時間唔會再聽到呢句說話架喇, 但呢句說話都聽左兩三年架喇, 好喇, 今年終於冇講喇, 個個仲好開心, 見到我個大肚子tim!


富善大姨話我靚左, 奶奶話因為我o個個係女, 哈哈, 係唔係架? 我見到Sonia 有左Preston時仲靚過頭一胎喎! 最開心係之後出去柴灣同咁多個亞姨食飯, 佢地個個都話我好輕型, 唔輪儘 (我亞媽囉, 同佢地講我好輪儘), 佢地仲話唔睇我下身, 都唔知我有左, 都唔知乙水得我幾開心。

不過我而家先7.5個月, 仲有2.5個月呀, 點知最尾會腫成點架? 所以我都準備左兩對鞋, 我o係年三十晚o係11:59pm就叫Midby爸簽卡, 買左兩對鬆既鞋, 等我對腳真係腫時咪可以著囉。

由於護協要到好遲先開門, 似乎我都唔可以o係呢個假期完結前買好走佬袋既野喇。成日都想去買好Midby既野, 但係成日都好似冇時間, 有其他野做咁。

聽日就去睇Dr Wong喇, 希望Midby仔既growth一切正常啦, 我3個星期前比Dr Wong 問左句有冇check 糖尿而搞到有d 擔心, 所以食量即刻減少左, 所以我既體重都即刻重慢左好多tim, 希望唔好影響左Midby仔就好了。

係喇, o係放假前一日, Midby仔收到佢既1st封利是呀! 係就Dale 同埋Michale 比既朱古力金幣利是! 老外真係warm喇。但我估唔到去到富善大姨度d表姐同表哥都有比Midby喎! 亦估唔到我爸爸媽媽都有比, 連所有亞姨都有比。佢地話 "要架"! 仲問我奶奶有冇比, 我估佢唔識呢d野, 不過Midby爸呢個weekend見到佢地, 都會提下佢地架喇!

Midby仔: 你好乖呀! So far 你對媽媽都真係好好呀! 不過有時媽媽行街時你郁得太厲害會搞到媽媽唔敢行咁快架, 不過你唔洗理喎, 最緊要你多D 郁動, o係來臨呢個世界前做好準備。都係o個句喇, 你遲d 係時候就會調個頭仔落去架喇, 仲有乖乖地比個頭出先, 千萬唔好要媽媽開刀呀! 媽媽開刀會好痛, 餵唔到人奶比你架喇!

29w3d 驚魂記

虛驚一場之一天

年初一早上發生左個驚魂記。話說成晚都覺得有d "濕濕地" 架喇, 冇去toilet check, 以為都係一般既discharge, 不過到初一早上check 時見到有d 啡色分泌, 即時同左Midby爸講。由於我29w喇, 曾經聽講座話只要三中一, 即係見紅, 陣痛, 穿水是但中一樣都要入院。Midby爸就建議我入院check, 但係我就唔想咁老土, 初一就入醫院, 同埋我並冇任何"想生"既感覺, 總係覺得未係時候。

不過眼見到d 啡色分泌, 唔擔心就假既。我就o係度諗, 係唔係我之前行左條大樓梯呢? 係唔係因為再之前o個日由10:00am - 10:00pm 太辛苦呢? 心想: 唔係呀...我先暗自歡喜自己好體力, 而家先比自己搞到流啡?

所以連初一早上去買送呢個責任都要交比Midby爸。不過後來我find out 到... 原來d 分泌係因為外陰"損"左呀! 天呀! 點解會o個度"損"左架! 我刻意去睇佢, 先發覺兩邊都有紅點。

我知道大肚婆好易有陰道炎, 不過我除左有discharge 之外, 並無其他既症狀, 又唔似網上既人所講好痕, 分泌有味, 排尿痛, etc。不過唔想估喇, 我打左去Dr Wong度。真係好唔好意思, 初一打去人地度, Dr Wong當然好從容不迫咁解釋我知係咩一點事。佢話首先要rule out d 分泌唔係因為子宮頸開左 (早產) 而由陰道排出先, 我好肯定話佢知唔係, 因為我冇宮縮同埋任何其他症狀喇, 之後佢話我驚既可以去買隻藥膏用, 對bb冇害, 但係天呀! 初一到初三所有Mannings + Watsons 既藥劑師唔開工架, even 開工都要我比張醫生紙先肯賣比我呀!

不過聽Dr Wong咁講, 唔好再搞佢喇, 唔好等佢惡性循環, o岩! 咁就忍下手啦, 到今日 (初四) 我自覺已經好左好多, 加上我初二即刻食左yogurt, 希望d 益菌唔多唔少都幫到手啦。

不過初五去Dr Wong時, 我估都少不免比佢抽d discharge 去化驗架喇!

Medela Swing

我未有Midby前已經聽講餵奶既媽媽好多時都要搵奶泵幫手。最記得Sonia講過千萬唔好用手泵, 泵都天光都泵唔到, 所以我一早已經決定幾平都好, 都唔會買手動。

Cindy同Sonia 都推介Medela, 而廣華都用, 相信口碑同質素會有保證, 所以我就決定買Medela Swing。

原價成一千六百幾蚊, 如果去最平買野既護協買都唔平呀, 要一千三百左右。不過我就o係英國mothercase直接order, 搵朋友訂過來, 計埋postal fee, 加上而家英鎊咁平, 都唔洗一千一百蚊。

呢個奶泵真係唔平, 不過打算餵人奶餵長時間既工作媽媽, 相信呢d錢唔慳得, 只希望自己爭氣d啦!

29w2d 年三十晚食團年飯

廣華驗血後四天的一個寒冷冬天


尋日去聽由廣華醫院舉辦既"分娩的認識"。呢個講座係比d 準爸爸為左陪產而聽既講座, 大部份參加既朋友都係一對對, 不過都見到有個別單拖(男)去聽, 相信佢地太太可能就快要生, 唔太方便出出入入。


由於成個過程都唔夠個半鐘, 時間過得好快個講座就完喇。其實好多野我都知, 睇書聽人講上網睇咩都知道哂, 不過我都有留心聽架, 因為我好想認識點樣做會令痛楚減少, 點樣"ha ha ho", 不過個助產士唔係講左好多乍...似乎我真係要快手搵d talk 聽下, 或者上網搵下資料喇。


本來plan 左去IKEA 買d 櫃去放Midby既衫, 尿片, etc。不過, 用左兩三個鐘頭同Midby爸去shop around, 比較佢部新電話既plan, 搞埋手續都成點幾喇, 結果上左去實惠, 睇左d書桌同櫃既實物, 同Midby爸商量, 發覺有d更好既方案, 所以冇買到任何野就走人, 希望呢個CNY holidays 可以拾下野, 將d 唔用既野放去大海, 等書房多d 位比工人同埋Midby用。

之後去左holiday inn食tea buffet, 食到飽飽喇仲行埋去ocean terminal 既所謂BB衫開倉。Picky既我當然揀唔到任何野比Midby仔喇, 因為都唔靚既。我其實有3位同事比d 女仔bb衫我, 加埋sonia 將會比既, 我都有唔少, oh...仲有baillie 都話佢要唔哂d 衫呀, 所以我都係睇定d, 買比Midby既一定係我精挑細選既。

之後就坐k16番去best, Midby爸就去搞埋退熱水瓶既錢, 我就去playlord同viola 搵鞋買, 因為正月同二月都唔可以買鞋, 我要買定對等我過多一兩個月對腳脹哂時著呀, 可惜冇我既碼了!

番到屋企已經成10點。人大肚, 我大肚, 邊會咁夠膽行足12個鐘。我都比之前幾個月"差"左, 因為條腰有d 痛呀, 不過休息一陣就好好多, 反而d 皮膚就好乾, 沖涼已經剩係用熱水, 咩都唔敢用, 之後仲用埋茶花子油, 都係乾, 我又唔敢唔沖涼, 驚有陰道炎, 真係"進退兩難"呀。

Midby, 今晚就番去爺爺屋企食團年飯, 仲會見到爸爸由英國番來既爺公! 今晚雖然係好多送, 不過媽媽驚左喇, 唔會食咁多架喇, 同埋媽媽會o係爺爺屋企過夜, 希望Midby會鐘意啦, 因為爸爸張床好硬架! 媽媽加埋Midby你兩個人, 唔知會訓得好唔好, 如果訓唔著, 唯有叫爸爸出絕招喇!

好喇, 媽媽準備出門口, 同埋去hair cut 呀!

九龍法國醫院走佬袋

得到兩位o係法國醫院生bb既媽媽幫助, 知道要準備以下物件o係個走佬袋度:

文件類
1. 驗血報告
2. 自己身份證
3. 老公身份證副本 (如果老公陪入院就不用此項)
4. 交按金時醫院的收據
5. 醫生信

孕婦用品類
1. 產婦衛生巾兩包: 不用, 醫院有兩包各12片提供, 開刀兩包也夠用
2. 網褲: 不用, 因醫院有 >4條提供, 要帶也不用太多
3. 普通或哺乳胸圍: 二 – 四個
4. 乳墊: 八 – 十個 (餵人奶用)
5. 紙巾或廁紙: 一盒或一卷 (醫院洗手間有提供, 如不合用, 可自己準備)
6. 濕紙巾: 一包
7. 床墊: 不用, 醫院有提供約6張
8. 傷口沖洗瓶: 不用, 醫院有提供
9. 收腹帶: 一條, 給開刀媽媽用, 如果不準備也可以在醫院買, $300, 可以請姑娘教如何著

日常用品類
1. 外套或披肩及長褲: 一件
2. 拖鞋: 一對
3. 保溫杯
4. 密碼鎖: 不用, 姑娘入院時有Key提供, 因為有一格有key的櫃
5. 乾糧: (少許) - 餅乾或面包
6. 手提電話及充電器
7. 零錢及八達通
8. 睡衣: 兩套, 有褲的
9. 出院時衣服: 一套 (可稍後由家人在媽媽出院前一日帶來)

清潔用品類
1. 毛巾、浴巾
2. 牙膏、牙刷、漱口杯: 不用, 醫院有提供
3. 潔面乳
4. 潤膚膏、潤唇膏
5. 免沖水洗頭水、沖涼液 (清潔身體用乾粉)
6. 梳

嬰兒用品類
1. 初生嬰兒紙尿片: 不用, 醫院有, 收$100/ 日, 就算自己帶去亦不會准用, 要帶就,一至兩片就可以
2. 嬰兒用濕紙巾或棉花球: 不用, 醫院有提供, 媽媽不會替BB沖涼/ 換片, 只會在餵奶時見到bb,要帶就帶一至兩包兩片裝的
3. 紗巾: 不用, 如要帶, 一至兩條己夠用
4. 包嬰兒毛巾: 不用 (有被包就唔洗)
5. 嬰兒衣服、手套、腳套、帽、包被: 所有bb野可以等老公/ 家人在媽媽出院前一日帶

28w6d 番媽媽屋企食團年飯

放新年前兩天

今日成日都望住個手提電話, 仲將佢放o係桌面, 驚廣華打比我時聽唔到, 真係人都癲。

我打左去廣華問, 個接線小姐話一般要等成兩-三個星期先會打比我地, 信佢真係死得人多喇,佢話因為醫生睇完個report 有事先會叫人打電話比我地, 但我上網見到d 人話快則第二日, 慢則幾日都會收到電話喇, 再加上我親口問左位姑娘, 所以我假設星期六 (blood test on wed 等到 sat, 即相隔3日) 仲未收到電話, 就當我pass左個blood test 架喇。

今晚番到媽媽度, 都唔敢食咁多野, 好大膽飲左幾口zero sprite, 連平時我好想飲既海參湯都唔係好敢飲。以前未知Midby 咁吸收既, 梗係想飲多d, 比多d 營養佢, 而家就開始驚佢過份大隻喇, 搞到我順產唔到。其實我而家食少左野都有d驚，又驚佢變得瘦隻仔喎, 所以本身打算2月頭, 相隔成3個幾星期先見Dr Wong, 而家都想改番做1月尾去見佢, 睇下Midby既progress。

由於都已經28周喇, 我feel 到 Midby 郁既次數真係多左好多。好在仲未去到一個disturbing 既階段 (因為好多人都complain 話BB 郁到佢訓唔到覺)。Midby 每一個小時都有段時間比較active, 多數係9點半呀, 10點半呀, 11點半呀, 之後去到下午就靜d, 再去到5點半呀開始又來過。

好cute既係我今日起身時, 同Midby爸講野, 點知就feel 到Midby 郁喇, 佢好似聽到我講野, 知道我醒左, 之後佢就開始活動喇。雖然佢而家仲o係我肚內, 我當足佢做一個好懂性既小朋友, 我唔敢o係佢zzz覺時太大聲嘈到佢, 希望佢出世之後都係一個好有規律, 作息定時既小朋友啦。

係喎, 唔記得贊下Midby, 上次番媽媽屋企時, 佢只係郁比公公, 婆婆睇；但今次就唔同喇, 婆婆同埋舅父放隻手上去時, 我叫聲Midby, 佢即刻郁比佢地睇, 到走時o係72x站, kacey 又放隻手上去, 都feel 到佢郁呀! Midby, 你唔好乙水到媽媽咁開心啦, 你咁細個就咁懂事喇?

28w5d 廣華第四次產檢

等待驗血結果的一天

由於呢個月唔洗上堂, 加上同左老板講左的驚有糖尿病既問題, 所以比較易去做檢查。

去左4次廣華, 已經熟悉左佢地既運作。無論佢安排你幾多點去檢查, 都係早到早等, 好似我今日本身係10:10pm既, 我9:10am 就去到, 好快充叫我去驗尿, 之後度血壓同埋見醫生, 10:30am未夠就走人。

雖然我已經知道廣華冇安排飲糖水test比我, 但我一去到, 見到大班媽媽人人law住個膠杯, 我當時都有d驚。見到佢地個個都飲得好慢, 成10mins都未飲哂, 我仲以為自己都有機可以飲糖水tim。

點知比姑娘叫我去驗尿時, 我問佢我洗唔洗飲, 佢話有d人唔洗飲, 我就可能見完醫生之後抽血。咁都好, 起碼會同我抽血呀!

原來醫生10:00am先番工架, 結果我就一個人坐o係度等左大半個鍾, 到10:10am左右就入六號房 (上次都係同一間呀)。由於上次我想坐底時已經比個醫生叫我即刻上床檢查, 所以我今次入左去都冇坐底, 點知呢個醫生叫我坐喎 (佢梗係新仔來....冇錯, 佢簽張到診紙時我見到佢個title 係houseman), 坐底剩係問我叫咩名, 之後就上床了。

Midby仔zzz左覺呀, 冇咩點郁, 佢9:30am時郁得好勁架, 不過到左10:00am 就冇咩聲氣。姑娘搵左一陣, 原來Midby心臟o係我肚臍右面, 內面有好多雜聲, 姑娘望望我, 示意呢幾聲就係bb心跳聲喇, 之後就叫我等等, 由個醫生同我度度個肚, 同埋摸摸個肚, 之後就叫我自己起身喇。

之後醫生話BB size 大細正常 (咁勁? 用對手去摸都知?), 但我同佢講我私家醫生話我bb大左成兩個幾禮拜喎, 叫我去驗糖尿, 醫生聽完唔係好有反應, 反而個姑娘就話 "而家你出去抽血啦, 你之前幾耐食過野呀?", 答完佢幾條問題後, 我law埋到診紙同埋下次覆診紙就去抽血喇。o係佢地print 緊d documents 出來時, 我見到佢地入左d info 去電腦度, 見到fetal heartbeat: heard; fetal movement: active; height: 28cm (呢個我估就係佢同我度子宮既高度喇, 係唔係真係咁準呀? 我28w 就真係28cm? 如果係, 咁咪好多人唔正常? 我咁大個肚先28cm?)。

之後抽完血就走人喇, 路經見到個young d 既姑娘我就敢問佢喇, 如果blood test 結果有問題, 幾時會收到電話, 佢話兩至三日喎!

即係話我未去到weekend 都唔敢放心喇!

Midby仔, 媽媽真係唔希望有事呀! 如果有事, 我好對你唔住, 因為生出來既bb有40%既可能性會有糖尿病, 如果真係咁唔好彩, 媽媽會內疚一世!

28w4d 強勁胎動記

廣華抽血日前一天

呢個星期我都食少左野, 初衫唔係好慣, 但係過左一陣子, 都已經接受左喇。聽日就去廣華做第4次產檢, 應該會抽埋血, 雖然佢地冇叫我空腹, 但係我都為左個血糖指數靚靚 (真係自己"握"自己), 我都會第一個去等, 希望pass啦, 我就可以繼續我對Midby既營養灌溉。

Midby係個好準時既BB。一踏入28W (其實27W 時都開始架喇...) 佢既胎動好厲害呀! 而家好多時候會O係肚皮上見到佢郁動。好多人稱之為"踢", 但我又覺得Midby唔係踢我, 而係佢既手手腳腳, 又或者成個身體郁動力度大, 而令到我既肚皮郁動。我睇書講bb胎動會由28w-32w最為強勁, 所以我有哂心理準備, 知道Midby 會呢段時間黎料架喇!

So far Midby 都算係好有生活規律既BB。d 人話佢地訓唔到覺, 因為BB郁得太勁, 我其實都feel 到Midby o係我zz之後郁架, 不過唔會厲害到整醒我囉! 當然我而家先係28w, 未知過多一個月會點, 但我有信心, Midby 會對我好好既, 亦會係個作息定時既人。

仲記得之前o係廣華見到d單張話好似28w開始定幾時開始, 要數胎動喇。我諗下次見到Dr Wong時真係問問佢。

尋晚Midby爸講左句說話令到我好開心。當時佢同Midby傾緊計, 我就開始進入zz狀態喇。佢同Midby講佢類似係envy 我可以成日feel 到Midby o係肚內做d 咩野, 因為我既身體懷有Midby, 而做爸爸既當場只可以靠肉眼先見到個bb既郁動, 又點同我地媽媽親身既感受呢?

我開心, 係因為覺得佢錫Midby, 鍚到好想係佢身體懷有Midby, 等佢可以感到女女既存在。

當然而家我就為左佢錫個女而感到高興啦, 但女女出左世之後, 唔知我會唔會因為咁而jealous of Midby呢?

28w2d 姑姐生日食飯記+esdlife 姐妹2nd gathering

20度既一個冬天

今日下午3:00pm 去左海港城既UCC 同esdlife既姐妹第二次gathering! 新成員Mandy (其實佢都同我地傾左好耐, 只不過上次佢出席o者) 一早就坐底等我地喇, 而亞yan 雖然唔可以stay 足全程 (佢要早走), 但係都坐底等我比ginger soap 佢。好在我都唔係太遲, 第三個到。

今次比上次仲多人, 計埋亞yan 一共成8人。原來一班本來唔相識既人, 有著共同話題係可以咁投緣。大家都o係度講d 心得, 有咩唔明既, 唔清楚既, 又會law出來問, 時間好快好快就過咁, 去到5:30pm 就say bye bye 喇!

下次相見應該會o係2-3月既時間, 到時個個肚都會好大, 哈哈! 上次我個肚就最明顯, 今次就有siufaye 陪我, 佢個肚都唔小野架! 唔知係唔係本身唔識佢地, 我覺得佢地個個都keep得好好, 佢地話自己肥, 又話自己點點點, 但係我見到佢地, 覺得個個都仲好靚, 反而覺得自己似隻豬呀!

番到大埔直去Pizza Hut, 預早同姑姐celebrate 佢既b-day。如果唔係擔心糖尿呢個問題, 我一定食好多呀。不過話時話, 我呢個星期真係食少左野, 初初就唔係太慣, 而家個胃口好似調較左咁, 冇再咁易肚餓喇! 希望下次去check up時冇加得太多重喇, 同時間都希望Midby大隻仔得來健健康康!

番上屋企之後show比姑丈睇Midby既4D, 哈哈, 好開心架! 成家人都好開心, 見到Midby郁下郁下, 個咀仔郁郁下, 佢地都好開心。好多時都係父母好唔理智成日都掛o係咀邊話自己既bb靚仔, 又可愛；相反我就成日話Midby仔又大鼻, 又大口, 咁肉酸。但係姑姐同媽媽佢地就話唔係, 仲話好"過隱" (我仲睇得出佢地好真心咁講架喎...), 所以我好相信Midby將會為我地幾家人帶來好多既歡樂。

Midby仔, 你好乖呀! 今晚我叫你郁比婆婆公公睇, 你真係郁喎, 乙水到佢地幾開心呀! 點解舅父叫你, 你唔應佢呀? 你下次要乙水下舅父喇! 乖乖Midby, 媽媽要去訓喇, 同你上堂先!

英國大學同學相聚篇

真正既朋友, 真係唔洗成日見, 但一見番, 就大家滔滔不絕, 咩都講得一餐, 一傾就傾左成4個鐘。

由於Eunice 11月結婚時我冇出席, 因為一來自己有左bb, 唔想紅事同紅事相沖,另一方面亞婆又入左院, 所以對於唔能夠出席佢既wedding 有d遺憾。當年佢都好想參加我既wedding, 但佢生智慧齒搞到面都腫哂, 佢唔出席, Doris又冇左個人陪喇, 所以佢地兩個都冇去到我既wedding。希望到Doris 時, 我同Eunice 都可以開開心心join 佢既party啦!

應該有好多年冇見佢地, Doris 就因為同我間唔中有msn, 所以都有d contact。Eunice 就少了...不過大家一見面, 就好似當年o係St Marks 咁, 我地都不約而同話好掛住當年既生活。到今時今年, 仲有好多好多當年既片段o係我腦海裡面, 只係Doris 成日都唔記得哂d 野乍嘛!

好開心知道Doris同Eunice 都係想生bb既人, 都係打算生1個bb。我已經同左佢講, 我準備好個blog, 當佢地需要時, 我就會比條link 佢地, 希望呢個blog既內容可以幫到手。

好替Eunice開心既係佢搵到個pamper到佢不得了既老公。送佢去到餐廳門口, o係街等佢等到佢11

點幾食飽接佢番屋企... wa! 我以為小說情節先會出現架乍, 點知我呢個好朋友既老公就係咁喇, 不過似乎我呢個朋友唔係好受落, 因為佢唔想咁樣比個老公pamper。而對於佢老公來講, 咁樣去接送真係幾辛苦架, 似乎呢對新婚夫婦要坐底傾傾, 解決呢個問題喎。

Doris 呢就已經去睇樓喇, 快喇快喇, 睇得樓就會搞結婚, 聽講佢地都去睇左影結婚相既野喇, 應該好事近架喇, 之後就會快快趣, 聽講想o係aged 35之前生bb喎, Doris, 快d 啦, 我替你心急呀!!!!

講番我自己喇, Doris 一見到我又係o個句: "wa, 乜你又係一樣樣架..." 哈哈! 係呀, 我自問真係冇咩大改變, 最搞笑係我坐底之後佢仲話我, 冇肥到冇瘦到, 髮型又係一樣 (咁老土喎... ), 仲問我個肚o係邊, 因為我入去餐廳時佢見唔到。到走時, Eunice 見到我企起身, 都係講番同一番說話, 話唔望我個肚, 都唔覺得我大肚。

開心呀! 緊係開心啦! 有左Midby之後, 我成日都mind 自己肥左好多, 而家連舊朋友見到我, 都話我冇咩點變, 點會唔高興喎!

最衰係已經11點喇, 加上Eunice老公又o係出面等緊, 雖然有d 唔願意, 但最後都走喇...

我好想我地keep 到每相隔一段時間就出來聚一聚, 呢d 識左咁耐交心既朋友係應該多d 見面既!

比Doris 見到我打呢篇blog, 又話我老士架喇。相信下次同佢地gathering 時, 必定一係Doris 結婚, 一係Eunice 有左bb。

衷心希望佢地願望成真, 將眼前所有問題一一解決!!!!

28w1d 廣華母乳講座

不再身痕的回暖天

今日10:00am 去左廣華聽一個母乳既講座, 聽左成3個鐘, 其實有好多野我本身都知道架喇, 加上我呢個人又心急, 真係好想出聲叫個護士比d notes 我番屋企慢慢睇呀! 呢d 真係做o個行, x o個行, 自己日日都教書, 而家叫我去聽書, 竟然咁冇耐性喎。好在Midby爸話佢學左好多野, 所以我都覺得我兩不x此行。

好感動既係break之後護士播左一條短片比我地睇, 影到外國 d BB 一出世就會抱比媽咪 , 媽咪就由護士/ 助產士指導下, 將胸部放近bb個咀, bb 好自然會張開口, 之後就會食奶架喇。見到bb 個咀吸下吸下, 而媽媽既胸部肌肉就郁, 表示bb既吸吮成功。好叻呀!! 個個都話呢d 係bb一出世就識吸吮呢個動作, 但係我又擔心bb 都有唔同既IQ, Midby爸就話識唔識吸吮唔關IQ事, 叫我唔洗擔心Midby仔唔識吸喎。

o係我未忘記個talk所講既重點之前, jot 低番d 重點:

1) bb出世之後既first week, 媽媽唔會產生太多奶, 都係得d 叫初乳既物體, 我地唔應該驚bb唔夠食, 因為bb o係出世前已經o係我地肚內食飽飽, 出左世之後唔洗咁快又食飽飽, 所以唔洗補奶粉 (不過我估好多媽咪都唔捨得個BB 食唔夠奶)

2) 頭一個星期, 雖然只會分泌出來非常少份量既奶, 但只要沖涼時massage對胸一次, 叫bb 又吸下, 個腦就會有massage 知道要工作, 佢就會慢慢上奶架喇

3) 唔洗刻意比bb 食某一面既奶, 如果一面食緊, 另一面流奶既, 可以搵老公幫手將o個面既奶pump 出來

4) 如果番左工, 冇得比bb 食人奶, 都儘量pump出來, keep o係fridge 下格, 最多keep 兩日, 番到屋企就唔好用o個d 奶去比bb食, 照keep o係fridge, 自己就埋身餵bb, 總之就係keep 住比message 個腦, 等佢知道係要生產奶

5) 唔好去microwave d 人奶, or 煲熱佢, 用warmer or 水座番熱就可以

6) 廣華有大機奶pump 借比媽媽用, 係medela symphony, 成$17000一部, 但護士鼓勵媽媽埋身餵bb。如果bb 唔可以跟住媽媽一齊, 咁媽媽就可以借部機用來pump d 人奶, 叫護士去餵 bb。部機放o係度由大家借來用, 用完個咀就要放埋一面, 佢地就會去消毒

7) bb未出世之前, 唔洗去massage 胸部, 因為胸部會收到message, 以為要分泌奶, 同時會刺激子宮收縮, 所以未出世前, 唔需要去做咩護理。就算bb出左世之後, 都係shower 時去massage 對胸就夠喇, 除非對胸痛, 又或者glands blocked左。

8) 餵bb之前唔洗特別去洗乳頭, 只要洗手就可以

9) 餵bb之前最好用bb 換片

10) 餵bb之後唔洗掃風, 因為bb食人奶唔會入風, 不過如果有需要, 都可以掃風

11) 開刀既媽媽可以打側身zz o係度餵bb。如果順產既就最重要o岩姿勢, 用d cushion/ pillow 去整高bb, 隻手成一直線去support個bb成個身

12) 餵bb之前, 將佢既被law開, 等佢貼緊媽媽個身, 等bb聽下feel 下媽媽既心跳聲, 等bb有番之前o係媽媽肚內既感覺

13) 老公對老婆餵人奶既support 好重要, 做老公既唔好mind 太太用咁多時間去餵bb, 因為餵bb既時間最多咪得6個月至1-2年。相比人生流流長咁多十年, 千萬唔好因為咁而唔支持太太呀!

Toshiba 4.5L 熱水瓶

Midby爸稱之為 "The Best Buy for Midby" 既熱水瓶

由於陪月兒姐建議我地買一隻有60度保溫既熱水瓶,, 方便沖奶奶。所以我就做左小小Research, 知道市面上設有呢種功能既熱水瓶既牌子有:

1) 象印

2) Panasonic

3) Toshiba

4) Kenwood

5) 國產牌

當中佢地亦分做兩類 - 電子及非電子控制出水。非電子o個隻就有d 煩, 因為要按佢頂頭大大個既圓形掣, d 水先會出。電子o個隻就方便得多, 只係輕按個button 就會自動出水。

呢d熱水瓶由2L 去到5L 都有, 價錢當然以象印同埋Panasonic 最貴, 3.5L 就要成$459 (仲係非電子控制出水)。

好好彩, DBS 同Best 電器做Joint promotion。Toshiba 既4.5L 電子控制出水既熱水瓶減到$498。

不過由於太好賣喇, 已經全線連toshiba廠都冇貨。我地尋晚去左Best 門市, 問佢地可唔可以同我地即刻以呢個價訂, 到有貨時就call我地, 佢地肯呀!!!

橫掂Midby 應該4月先出世, 仲有3個月等, 成間廠冇理由咁多個月都出唔到貨掛?

好! 又搞掂一樣野!

後記: 1月21日 - 前兩日收到best 電話, 話TOSHIBA 都冇貨喇, even 有貨, 都唔會用番呢個價賣, 叫我地去退款呀! 又要搵個第二隻喇!

28w Midby仔足左7個月喇!

同英國舊同學食晚飯的一天

尋晚本來想去買枝膏去搞搞個肚紋, 不過去左卓悅同埋MEKA, 去埋mannings, watsons & 藥房都搵唔到合心水既。算!

番到屋企, 同Midby爸傾過, 用番片糖浸浴好呀, 定點樣好呢。佢就話要用番N年前我地o係TNS買既cane sugar 浴鹽。我每次用完佢都有d "後悔"。

1) 佢會令到我血液循環得快d, 所以好保暖, 但對我呢個成日都唔覺得凍既人來講, 用完好似有d 熱囉
2) 佢會搞到我成個浴缸油淋淋, 真係唔知點算好架!

尋晚Midby爸提議我地用番呢個浴鹽, 好啦, 用啦! wa, 用左好多匙cane sugar, 搞到成身都係油。我就冇去沖身就用毛巾乾身；但Midby爸就怕左咁油, 去沖左一陣身先。

心理上我覺得用完對我上半身係有用既, 因為上半身我一直唔覺得太乾。但對於我隻左病腳, 同埋成對小腿, 我都仲要補番vasline。

希望間唔中浸下呢d浴鹽, moistruize 下我成身, 令到我既胸, pat pat 及大腳唔會出現妊娠紋啦!

至於個肚, 當然繼續茶花子油, 茶花子油, 茶花子油啦! Midby爸都已經加重好多份量架喇!

今晚會去見Doris 同Eunice。好耐好耐冇見佢地喇, 上次見佢地都係o係TST "甜蜜蜜" 撞到o者。今次係Eunice o係11月結完婚之後出來既一次, 咁多年冇見, 大家既改變都唔少。Eunice 就升做太太級喇, 我就快升做媽媽級喇, Doris, 幾時到你呀?

Midby 仔今日踏入第7個月喇, 亦即係我踏入 the third trimester (which spans from 28w to the birth)。 有d 緊張tim, hee....d 人話要拾好個走佬袋喎, 因為bb 28w 已經可以出世。當然我同Midby爸好唔想Midby仔咁快"面世"啦。但係呢d野我地都要去準備。

好啦, 呢個CNY holidays, 我要去準備好至少以下野:

1) 走佬袋

2) 工人用既物品, 包括摺床

3) 裝Midby衫既櫃仔 (放邊好呀? 書房? 我間房??)

4) Midby用既奶瓶, 奶咀, 其他用品 (最多野就係呢個部份喇)

5) 如果有時間既, 都要research埋Midby會飲邊隻奶粉 in case 我唔夠奶比佢 - 羊奶? 牛奶? organic? 日本? 外地? 真係好難去選擇, 因為又要健康, 又要成份好 (我有d 擔心我想揀幾隻既organic 奶粉既formular 唔夠好popular 既A+, 雅培呢D 比。呢d 奶粉o係HK極多BB食, 如果Midby 唔食呢d formular, 我怕佢吸收唔夠d "叻叻" nutrients, 第時唔夠power 同人爭喎。

我就比較嚴謹, 睇10次都未必會買, 因為我想make sure 我同Midby爸所選既iterms 係best buy in terms of quality as well as $。

好, 等我! 等我finish all marking之後就會出動。

Midby仔 (我係鍾意咁叫你呀, 係你爸爸叫我唔好咁叫, 怕我叫到你成個男仔咁喎), 你而家大個仔架喇, 得閒郁多d, 好似而家咁, 郁到媽媽既右腰都feel 到你手舞足蹈, 唔夠幾秒就去到左下方又郁。要郁就快d 郁喇, 聽講32w 之後你就大隻都冇咩位, 想郁都幾難架喇!!!!

27w6d 如何對付妊娠紋?

天氣乾燥, 周身痕的一天

寫呢篇名為 "如何對付妊娠紋?" 既blog唔係因為我識點對抗佢地, 而係我想向有經驗人士取經。

未有Midby之前, 睇過好多有關既報導, 多數都話用左呢d 膏係冇用既, 因為係視乎本身皮膚點樣。亦有人話遺傳既, 亞媽有, 我地就會有。

因為我亞媽冇, 而我覺得本身我既皮膚又唔係d 嬌嫩形, 就算出呢d 紋, 都唔會咁易見到啦。點諗到原來呢個問題最後....o係我懷有Midby到7個月時出現。

我最初唔敢用咩產品去對付或預防呢d 紋, 因為我怕皮膚吸收左呢d產品會影響到女女。不過我由有左兩個月開始, 已經用茶花子油。我唔算係好有心機去塗個肚, 不過叫做一個routine task, shower 之後, 好自然用小小去塗。我由最初我自己塗, 到而家由Midby爸同Midby每晚傾計時順便幫我個肚塗。都已經6個月喇...以為相安無事喇...

唉! 其實 + ve 面去諗, 唔用油可能情況仲差呢?

不過今日, 我下定決心, 去買枝野番去搞搞個肚。

因為好痕呀!!!! 天氣極乾, 已經打左底, 塗左6個月油既肚都敵不過呢個天氣。

又唔可以scratch, 怕會出更多紋。

已經用左片糖沖涼, 覺得好左好多喇, 但個肚, 由2x" 幾個月內脹到3x" - 4x" (我唔敢去度, 我個幾月前度已經38"了...), 梗係乾, 梗係痕啦。

上網搵左小小資料, 想試下呢隻Lierac 減除妊娠紋特效劑 Phytolastil Ampoule - 5ml x20。貴就貴d, 得20枝, 早晚用10日就玩完喇, 不過唔試我唔甘心。

最令到我驚既, 唔係因為出現左肚紋, 而係N咁多個人同我講, 佢地既胸部, 大脾, 同埋pat pat 全部都有紋。

天呀! 以上所講既部位, 我一一都冇去護理過, 要我生完Midby之後接受已經有極多缺點既身體上面再有更多缺點, 我唔知點。

就算有錢, 唔通成日走去美容院叫人同我整走胸, pat pat, 大脾, 同肚不同地方既紋咩? 邊有咁多時間, 邊有咁多心機呀?

可唔可以發明一種浸劑, 成個人跳落去浸, 日日浸就可以做到去紋, 止痕既功效呢?

有既, 請通知我!

27w4d 終於照到4D喇

好開心好開心既一日

等左咁耐, 真係可以見到個女係點樣了。

照左前後都係5分鐘, 因為Dr Wong 冇收我錢架, 仲print左幾張相比我tim! 仲比埋隻CD, 有哂我之前產檢既資料, 即刻upload上去比細佬, 叫佢比媽咪睇。

從前我會擔心女女唔靚, 我會唔會唔錫佢。

老實講, 第一眼見到女女真係同我想像既有d 出入。

但我離開clinic之後, 真係忍唔住開心到不斷講"我好開心, 我好開心"。

因為呢個點都係我同Midby爸既結晶。

聽起來好老土, 細個時一d都feel 唔到愛情結晶有幾重要。

但而家一諗起呢個BB 係有我同Midby爸既基因, 流住我地既血, 真係覺得好安慰。

雖然Midby爸趕唔到黎, 有番隻CD, 同埋有幾張相, 我好相信佢都好開心。

亞女好似有個大鼻呀! 面仔有肉架喇, 有幾深既人中, 媽媽話佢有個深既眼窩 (我唔係好識睇), 應該會係醜樣豬。

其實我覺得BB 係知道我地用4d去照佢既。

Dr Wong 一scan 佢, 佢對眼仔打開喇, 過左分幾鐘, 佢仲開始又玩hide and seek, 用隻手遮住自己半塊面喇。

Dr Wong話佢係怕羞形, 哈哈。如果似我, 點會怕羞呢?

我總係覺得bb已經有"性"架喇。我今日同esdlife 一個姐妹o係走廊傾緊野, 唔想咁快入去見Dr Wong, 想等埋Midby爸來, 所以我都有d措手不及。

亦都因為咁, Midby似乎未準備好去同我玩 hide and seek 喎, 所以一scan 時, Dr Wong 就笑, 話好野, 今日會見到喇。

即刻show 4D比我睇, 我就見到我個心肝喇。

佢口郁郁, 對眼又打開, 都唔知似邊個。Cindy話佢做4d scan時, 覺得一言好似佢老爺, 但係我睇極都唔知Midby 似邊個呢?

Midby: 媽媽愛你呀! 你好抵錫呀!! 以後我地有漫長既道路...同你一齊走, 你同我, 同埋Midby爸都要一齊努力呀!!!

善有善報 - 青衣城 La Parole

今日Lunch去左青衣城"食好野"。食左個long lunch, 成兩個幾鍾呀!

次次去親La Parole食lunch, 我都稱之為"食好野"。

因為佢既starter 係buffet來, 真係可以盡情咁食, 食到飽飽先來個main course。

今日我叫左個main course係seafood pasta。好好食, 我覺得佢換左個chef, 上網check 番先知道原來佢而家請左米芝蓮星級廚師Benoit Gersdorff擔任顧問廚。

坦白講, 以前覺得佢地既main course 真係麻麻, 有時仲會食剩 (我呢個人極少情況會食剩野架)。

今日個個同事都清哂, 個個異口同聲都話d野食好食左。

雖然係好食, 不過今時唔同往日了, 我仲未check 血糖, 點知有冇事o者, 所以我starter buffet 都係食salad多, 到main course 時都係食左一半pasta 就算。

個drinks 由平時叫開既lemon honey --> lemon water, 冇加糖。

半件cheese cake --> 4/5比左同事食左。

所以而家都仲係有小小肚餓。

Buffet starter + main course + dessert + drinks = $98 + 10%。

唔係太貴, 亦唔係平。不過...

希望睇到呢篇blog既朋友, 都去呢間restaurant 支持下啦, 因為:

"餐廳所有收入扣除開支後，全數撥款支持庭恩兒童中心，幫助低收入家庭有語言障礙的兒童接受治療"

如果有睇開有線阿so既, 都應該認識我所講既呢間餐廳。

27w3d 照4D前一晚

仲係好乾, 沖完涼要塗油o係身既一天

呢幾日發現, 原來我已經有肚紋了。

唔高興? 當然有! 邊個會高興? 有肚紋, 我仲可以去影我一生人第一次, 亦都係得一次既大肚相咩?

有肚紋, 我可以著比堅尼嗎?

我而家有既肚紋, 你估唔會深色落去, 唔會加多咩?

你唔係我, 你唔係大肚, 你會明咩?

d 肚紋生o係我身, 唔係你身, 你會明咩?

未有bb前, 見到d 姐妹大肚, 我覺得佢地好偉大, 因為個肚一日一日大, 肯定對肚部既muscle有影響, 生完都唔知可唔可以回復之前既彈性。

到我喇, 到我有左Midby, 我都估唔到, 我冇介意個肚一日一日大, 亦都冇咩擔心以後修身既問題。

但呢幾日, 眼見到比堅尼位出現幾條可憐既肚紋, 我開始介意。

我當然唔會同人講我介意。冇呢個問題既人會明咩? 有呢個問題既人咪答你: "我都有啦..."。費是講出來又比人話我!

你話女人偉大嘛? 肯定偉大, 只不過我唔係當中一個。

我今日仲比妊娠糖尿病呢個問題困擾。但神好好, 賜比我呢一種特強既適應能力 - 我好快可以接受問題。就等如N咁多日之前, 我有腳痛, 我有腰痛, 神都賜比我力量去一一克服佢地。所以我知道我好快心情會平靜下來, 慢慢等到1月21日, 答案自有分曉。

不過我太多言。正如亞媽所講, "柯屎唔出唔洗同人講"。講左出來, 人地幫到你咩? 費是又比人話我緊張大師, 過份擔心, 咩咩物物, 唉!!!

Being explicit & expressive 唔係一個優點, 似乎呢樣野我真係要的起心肝去改。

Midby, 媽媽真係好想見你, 你聽日乖啦...你次次都好合作架, 點解一照4D就同我玩hide and seek 架? Dr Wong 好忙架, 如果聽日你都唔比我見, 媽媽真係o係你出世時先見到你架喇!!! 唔公平呀, 你都見到媽媽爸爸, 點解你唔比番我地見你架!! 咁細個已經咁古惑喇?

迷上你 - 吳壁記

已經係第三次去呢間近期我既至愛。

呢三次都係我懷有Midby時去既。

今次有dot lo o係度, 同我抽哂成袋野, 買成$17x。買得好盡興呀!

買麵買過百蚊真係唔係多人會咁樣, 但我對上兩次都係咁。所以個姐姐好好人, 比左個環保袋我!

買左有以下:
1) 兩包黑芝麻麵, 加哂價喇, 由好似$11加到$15一包
2) $20/ 4個兩粗兩幼魚蓉麵
3) $30/ 5 個兩粗三幼菠菜麵, 2個幼甘筍麵
4) $80 一斤既極品蝦子麵, 我只係買左4個, 兩粗兩幼, 唔知幾多錢
5) 一包好耐都冇見既英文字母粉 (應該唔洗$10)
6) 鮮魚麵, 一包$25
7) $15 一盒唔知應該係9隻定10隻既菠菜餃 (應該有10隻架嘛, 但煮時先發現得9隻)

認識呢間鋪頭係因為陳太。好似係中秋時佢送禮黎比我, 當中有一盒蝦子麵。

只係加左小小麻油, 同埋我另一至愛 - 丸莊醬油, 真係至今難忘。

曾經以為呢個麵好貴, 因去到鋪頭, 最貴$80 已經一有斤, 平平地$60都有, 唔係蝦子既系列, 好似菠菜呀, 魚蓉呀, 都係$3x 有找。

其實我唔適宜食蝦子架, 但我都好懷念上次煮比dot lo o個個, 所以今次都買左半斤, 唯有煮兩個時, 我食半個, dot lo 食一個半囉。

算係咁喇 - 好到底

去元朗當然必買吳匡壁記既麵, 不過o係途中見到元朗阜財街既"好到底"原來唔止提供外賣, 仲有堂食, 好過癮呀, 橫掂o係大榮華唔好食得好飽, 所以入左去食左碗炸醬麵。

我極少會食炸醬麵, 但都發覺呢碗炸醬麵同平時麵店o個d好唔同:

1) 見到一條條豬肉條細細條

2) 有洋蔥, 有番茄味, 似西式整法

出面麵店o個d其實見到都唔係好開胃, 因為一pat pat, 用埋唔知咩肉。好到底呢碗就擺明比你睇到佢用既係咩料。

好細碗, 熱熱既蛋麵o係底, 上面加左炸醬, 另上一碗細"上湯", $20。

唔係平, 不過蛋麵完全無鹼水味, 爽口彈牙, 上湯飲完冇口渴喎。

同行dot lo叫左雲吞麵, 不過落錯左單, 加上我已經食哂成碗麵都未到, 所以cancel 了。

呢個麵店好鬼有feel, 成間花樣年華, 亞飛正傳咁既feel!

奇: 點解呢度無辣椒油, 得辣椒醬既?

本身只係諗住買幾隻搖柱麵番屋企, 但發覺得佢既蛋麵都得wow, 買左一盒, $25。

我 likey 你 - 元朗大榮華

同dot lo 從未去過呢度食野, 去左openrice 睇d 食評, 139個好, 33 個唔好, 咁即係值得去試下啦!!!

已經預左星期日去會多人, 好在"家姐"11:45am 去law 飛, 12:15已經有得坐底。

3個人, 食左10碟野左右, 埋單$179。我覺得好reasonable!

食左以下:

1) 奶皇馬拉糕: 有d 甜, 細細舊, 但係好香, 同埋好軟

2) 南瓜餅: 冇料o係內面, 有4舊, 不過相信佢冇加糖, 我食左喉嚨都冇起痰 (食親有加糖既食物我好快就會起痰架喇...)

3) 煎魚餅: 去排隊出去law都等幾耐, 因為即叫即煎, d 魚一d 都唔鯹, 同上湯魚肉鮮竹卷既魚肉一樣

4) 上湯魚肉鮮竹卷: 腐皮包住魚肉, 清過一般既鮮竹卷, 好彈牙既魚肉, 唔知係咩魚呢?

5) 排骨: 麻麻地, 肥過頭, 骨頭多左d

6) 蠔豉髮菜燒賣: 三粒燒賣但得兩隻蠔豉, 點解呢? 燒賣內有大蝦一隻!

7) 芝麻糊: 明顯係自家磨, 唔太甜, 比起大良八記, 佢冇咁滑, 但係味道討好, 睇得到既粒粒磨好既黑芝麻

8) 麥米粥: 我食左小小, 因為"家姐"叫既, 同出面賣既唔同, 就係佢加左眉豆, 冇花生, 亦都唔太甜, 顏色偏深, 我估食哂成碗都會幾飽

9) 菜心: 一般貨仔囉...好似係中點, 都十幾蚊架

10) 紫心番薯水晶包: 好大粒, 3隻, 唔租, 外面既皮我覺得唔厚, 唔甜係正常, 因為佢內面既料係紫心番薯, 都已經甜喇, 唔洗皮都加甜, 但在座其餘兩位都覺得皮加番小小甜先好喎...

11) 臘腸包: 兩件, 咬左一口條臘腸, 好juicy, 連d juice 都"射"出來, 整到我條絲巾呀!

其實仲有好多野食叫左, 但係唔黎, D 野都叫做上得慢, 所以食極都覺得唔飽咁。

其實唔係因為我怕食得太多, 對BB 唔好, 我真係唔止叫咁少野。

當然去到大榮華, 一定會見到食神 - 個肚仲大個我7個月既tao tao 哥啦!!

27w2d 擔心患上妊娠糖尿病

同左"家姐"去大榮華食午飯既一天

我好鐘意食野。好多人都鐘意食野, 但偏偏怕肥, 怕高膽固醇, 怕呢樣怕o個樣而唔可以儘情去食。

讀uni 時我已經知道自己有遺傳高膽固醇問題, 所以我一向都好小心飲食。

幸運既我並唔係只食鮑參翅肚一類既人, 如果一舊豆腐係好食既, 係由咩咩山水加埋邊度種既黃豆所造成既, 我都會極度欣賞。所以我唔會因為自己唔可以食高膽固醇一類既食物, 而覺得食物choices 少了。

亦都係因為咁, 由平價到貴價既食物, 總之係好食既, 都係我既favourite。

就好似今日咁, 買左好到底既蛋麵, 同埋百幾蚊吳壁記既麵, 真係開心都諗起都會笑。

但我好驚未來呢3個月我會好唔開心。

由尋日見完Dr Wong 開始, 我就一直諗我會唔會咁唔好彩o個個, 患有妊娠糖尿病呢?

唔係既, 點解Midby 4個weeks 內個肚圍, 由本身behind 週數幾日, 到今次2weeks 幾ahead 呢?

我一直都唔鍾意食甜食, 只係間唔中 (好間唔中) 食下糖水。

每日既diet 我都非常小心。只係早餐時食兩片麵包, lunch 同dinner 都食紅/ 糙米多, 白米呢類我視為"冇咩用"既五穀類, 我都好小食。如果我真係有妊娠糖尿病, 我無話好說。

一諗到有左呢個病我以後既生活, 我忍唔住流左幾滴眼淚 ---

• 我再唔可以想食咩就食咩
• 我再唔可以早餐食麵包
• 我再唔可以lunch食哂成個canteen既兩仗 "食送" 飯盒 + 中湯
• 我再唔可以一日食兩份水果 - 兩隻kiwis
• 我再唔行行下街, 見到 "my 飛佛" 時衝去食

唔想再落去。

我係唔係一個好自私既媽媽? 我本來好想個女大隻d, 唔想佢係medium range, 但而家大隻左喇, 又驚佢太肥, 我唔可以natural birth, 我係唔係好自私?

總之, 有左之後患有妊娠糖尿病, 真係好q 麻煩。

如果我呢個飲食已經咁小心既人, 都要有呢個病, 我可以點?

快d 到1月21日, 我去廣華抽血應該會知。

呢10日暫時忍忍, 再小心d, 唔再早餐食麵包, 改食麥皮算數。

lunch 食少d 白飯, dinner 又食少d 白飯 ...

Midby, 你話比媽媽知, 我應該點做?

希望好快我會find out 究竟係我長胎, 定係因為有問題。

神, 請引領我....走以後既道路。

初一、十五吃齋日

o係我懷有Midby四個月開始, 媽咪叫我每月初一、十五都食齋。佢話陳太建議我咁做, 咁樣對女女好。我二話不說就答應, 因為一個月內有兩日唔食肉又幾難, 可以比我清下腸胃之餘, 叫做幫下女女積下福, 都唔知幾好。

我每次食齋日都會同Midby講架, 等佢都認識下原來今日媽媽所食既都係素食。

食素有好多好處, 雖然我一個月只係食兩日, 但係每次食素既第二日, 都覺得個人輕d, 同埋冇咁熱氣, 對我來講, 食素係一個享受。

我同Midby 爸都視呢兩日係一個出街食飯既好日子。香港好多間齋鋪我地都去過, 媽咪都話我, 點解唔o係屋企煮, 哈哈, 咪就係因為我覺得自己煮一定唔及出面齋鋪o個d 咁好食囉。

今晚我地兩個只係食左$89乍 - 炸蜜瓜奶 + 炸芋頭腐皮, 一碗粟米粥同埋一碗羅漢飯。如果唔係Midby爸o係去食dinner 之前食左個tea, 我估我地仲可以叫多一兩碟呀。

27w1d 產檢+4D

濕度得番30度既一個冷冷天

等左4個幾星期, 對上一次係12月11日見Dr. Wong, 足足一個月喇, 今日1月10日又去見Dr Wong喇, 滿懷希望, 想見下亞女個樣。

由於Dr. Wong 's clinic 可以照埋4D, 早o係19w時佢已經同我照4d架喇, 不過早期只係照下d 手呀, 腳呀, 到今日, 27w, 醫生話今次照係好fit既時間, 今次唔做, 下次仲難, 因為佢好易會比d 手腳遮住, 但係上兩次 - 19w, 23w 到今日既27w, Midby 都唔比我地兩個見佢呀。Dr Wong話好多人都好易做到4D, 見到bb個樣既, 不過我就唔係太好彩了。Dr Wong好好, 佢話佢下個星期二同買冇咁忙, 叫我再去, 希望比左bb個樣我睇。

其實我出左去一次行左一陣路, 希望Midby換下位, 佢係就係有郁, 不過呢我再入番去照時, 唉, 都係比胎盤遮左小小, 不過我都好開心, 有幾個angels 見到佢個半塊面, 有個鼻仔, 不過對眼就見唔到喇...

我總係覺得even 下個星期二再去, 佢都唔會比我見。

雖然4D照得唔係太成功, 不過我要贊下女女佢咁多次做結構檢查同oscar scan都極度合作, 不消幾分鐘就已經完成。就係我太過沾沾自喜喇, Midby而家罰我喇。所以呢家野真係唔可以唔信, 小朋友係好鬼小器架。

另外我問Dr Wong 幾時bb 個頭會倒轉, 佢話呢個時間都應該開始會架喇, 佢仲話Midby個頭都已經落左盤骨, 不過醫生話仲未定既。就係因為佢落左盤骨, 所以難睇到個樣 (其實我唔係好明, 因為醫生話bb而家個pat pat o係我左面, 頭o係右面, 何來個頭落左盤骨呢? 唔明...)

我呢個亞媽, 去照U/S 都唔係enjoy 見下個女既, 我反面勁留心睇d figures。Midby 隻今次好大隻呀, 唉, 有d 擔心, 上次22w6d 去照時有d 地方 (好似肚圍) 細左一兩日架, 今次已經快人成兩個幾weeks, 好似成個圍有成24.x cm呀。Dr Wong 冇print 個summary table 我睇, 不過我記得佢度個肚圍時, 個measurement 去到29w幾了。另外有d地方都比較大左小小, 不過好在最後計番條數佢就話都係within normal range, 不過有d 擔心自己係唔係有糖尿呀...

Midby 都算係咁, 27w 有11xx g, 即係2磅幾了...

本來我好開心, 因為覺得Midby 咁大隻咁健康, 我又咁長胎, 不過唔可以100% sure 我冇糖尿病架嘛, 點好呢...要等到1 月21日去廣華先check, check 完仲要等report!

做人亞媽真係唔易, bb唔長肉又驚, 而家長得太多又驚...唔知我可唔可以順產呢? 我唔貪心, Midby 有7lbs 我都好心滿意足, 我唔洗佢成8-9lbs 架...太大, 我點生呀?

靚靚髮圈, 由亞妹送比....我起!

亞妹請Dot lo 簽個名, 等佢個同事個女有封reference letter 帶去見dot lo 既中學既interview。

dot lo同我都好好彩, 讀到間有d 名氣既中學。聽講我讀o個間已經跌到去band one 尾喇, 好在dot lo o個間補番數, o係北區穩佔龍頭位置。

有左Midby開始, 好自然會為佢打算將來既教育。如果我同dot lo讀既中學都有"計分制", 咁都唔錯wow, 起碼Midby 入去讀既機會都會大d 嘛。

幫左亞妹改好封信後, 比左dot lo 簽。自信既dot lo, 竟然challenge 我寫/改既英文喎!!! o岩既o岩既,作為男人應該自信d 好既, 又比佢搵到d slips, 唉, 真冇面。佢話因為封信係由佢發出既, 所以佢要check 清楚wow!

好喇, 到今晚約左亞妹o係MTR等, 佢好開心, 見到我個肚, 交左封信比佢之後, 佢就送左份禮物比我。呢個亞妹呢, 佢好識得乙水人, 細細個都已經好有心機, 成日送d 小禮物比人, 今次佢送左份好o岩我用既禮物, 就係髮圈喇, 好靚呀, 比著我, 我唔會捨得洗錢買呢d 野, 所以我用來用去都係十幾年前, 仲係F.4-F.5時買既夾。

同時佢都同我傾左D 有關佢既family planning 既問題。唉, 我好希望佢都可以o係牛年有bb, 快d 展開佢既美滿家庭生活!

三週年紀念日禮物

女人之中我都算係幾唔 "女人"了。

自問唔浪漫, 唔溫柔, 有時同老公講野仲好似同兄弟講野咁。

每到咩咩週年紀念日, 咩咩生日, 次次都係law住梳蕉。

今年週年紀念日, 我真係咩都冇準備。

我冇期望, 真係諗都冇諗到dot lo 會有咩表示。

點知今朝早醒左, 習慣地向左望, 按停個mobile phone 既alarm 時, 見到有隻淡綠色既蛙蛙坐左o係度呀!!

哈哈, 我即刻知道係dot lo 送比我既結婚週年禮物。

我冇即刻去多謝佢, 我只係o係佢刷牙時o係後面攬住佢, 佢見到我就笑, 因為佢知道我發現左蛙蛙喇。

不過我唔明點解佢唔當晚送比我呢? 點解佢要o係我zzz左之後靜靜放o係床頭櫃, 等我第二朝見到呢?

呢d 咪就係我缺乏既浪漫囉!

dot lo, 多謝你呀!!!!!!!

26w6d 胎動得令我動彈不得

結婚三周年獨自在家的一晚 (Midby爸公司春茗呀!!)

呢一晚我一個人番到屋企, 整左我好鍾意食既菜乾豬骨蠔豉粥。用番平時我同Midby爸一齊食既份量, 即係一殼米, 食呀食呀食, 食剩一隻康寧大湯碗既份量, 比我第二日帶番學食。因為我驚唔夠營養, 仲食左半包小棠菜, 睇珠光寶氣睇到十點左右....亞女開始發威喇。

平時dinner 之後佢就會好活躍, 今晚我睇睇下電視, 坐番o係notebook前做野, Midby就o係我肚臍右面硬起一大舊, 我估佢成個人仔去左o個面, 我想比多d 位佢, 同時令自己舒服d, 所以向後躺, 點知仲衰, 令到我子宮更迫, 我更加唔舒服。相反, 我就向前坐好, 感覺就好d。我即刻mute左TV 既聲, 播音樂比Midby 聽, 希望佢relax, or 乖乖訓著, 但係過左成10分鐘佢都仲係特起一舊, 迫住我個肚, 令我好唔舒服。

我o係度諗, 係唔係我食得太多, 令到個肚同胃都脹哂喇, 搞到Midby冇哂位呢? maybe 啦! 但我又唔係第一次食粥, 點解今次搞到佢咁呢? 好, 去wee wee 先, 希望個bladder release 番d 位比Midby, 但行都行唔到, 因為Midby 對唔知手定腳頂住我個肚, 好辛苦。

我o係個位度等呀等呀等, 終於諗起可以播我隻pregnancy 胎教碟, 即係我地晚晚zzz時都一定聽既CD。我一直都懷疑究竟So far 快7個月喇, 我都可以咁好zz, Midby 又o係我zzz 時咁安靜, 係唔係因為呢隻CD。Anyway, 我個肚咁唔舒服, 我都會諗起呢隻碟, 我估我心底裡對佢唔多唔少有一定既肯定, 只可惜我行唔到入房呀...我真係郁都郁唔到。

打比Midby爸, 好在佢已經等緊小巴番屋企, 我口都震埋...因為o個種感覺就好似佢o係我子宮內面好大力行路咁, 但係內面又細, 總之好難形容啦! 我同佢講唔洗驚, 因為我知唔係有事o個種既痛, 而係胎動太大力而引起既, 叫佢唔洗擔心我, 後來我知道佢即刻坐左taxi 番來, 一入到屋就即刻入房播o個隻CD比我+Midby聽, 同時佢亦都o係我旁邊安慰Midby, 同Midby傾計, 慢慢地...我估5分鐘之內, CD music + Midby 爸把聲 + Midby 爸隻手 + Midby 爸按摩我既肚皮...終於Midby 軟下來。

我休息左一陣之後好想去shower, 之後訓覺, 但唔知點解, Midby 又來過喇, 又頂得我好辛苦。Midby 爸陪我去左bathroom (行去bathroom條路好漫長呀...我好想爬入去, 因為咁樣冇咁辛苦), 好快忍住沖左個涼, 同時Midby 爸law埋部notebook入去, 播住隻CD比Midby聽...但係Midby 都仲係o係埋一面, 佢好似郁唔到, struggle 咁呀!!!!! 最後上左床, 出絕招 - 打側訓, 將佢成個由我既右邊"look"去左面。當然佢唔係咁順攤咁快look過去啦, 但最後10分鐘左右, 我都冇事了, 可以覺覺豬。

呢件事令我有d 挫敗感。好唔應該地我覺得我對Midby既胎教失敗 - 因為我叫過佢唔好令我咁辛苦, 但係佢唔聽, 仲o係咁。我開始對我自己做個好媽媽既信心動搖。我同Midby爸講過呢個問題, 問佢點解Midby唔聽我講, 乖乖郁去另一面, 係唔係唔聽我話? 佢當然用佢一貫口吻去答我, 話有好多因素令到Midby咁, 或者佢想郁去另一面, 不過佢郁唔到, 有野阻住佢呢? 佢仲話好多時我叫佢做野, 佢都唔會即刻聽啦...

唉, 我呢個亞媽, 咁小事已經對自己, 對女女失去信心, 我點樣去面對將來既日子呢? 神呀, 請給我多點智慧, 多點信心, 多點能耐, 去養育Midby!

Midby爸: 多謝你呀! 我冇諗過你會咁緊張架, 你仲打埋比cindy, 問佢有冇試過tim! o係呢一晚, 我可以想像到我生Midby o個日, 你會o係我身邊, 就好似今晚咁, 好冷靜去安撫我, 不過今晚種感覺唔同labour o個種感覺架, 我怕我labour 中時會鬧你, 咬你, 打你, 你仲會唔會陪我呀?

第三個同事比衫仔我喇!

我今日都27W喇, 我地兩公婆仲未買過一件衫仔比Midby。唔係因為我慳錢 (其實我都係架...), 而係我要求高, 想搵d 真係靚既, 又好quality既衫比女女。

要搵d organic clothes 真係唔易, HK 更加少。我同Midby 爸都想買套organic clothes 比女女, 至少第一套佢來到呢個世界上普既衫仔係organic。睇中左Nature's purest, newborn gift set 成$400, 包左好似兩套衫仔, 但係我擔心好快就唔o岩著喇, 仲有, 我都唔知Midby 咩size, 如果佢唔係大隻仔既, 可能newborn既衫都fit 佢, 相反佢係大隻妹時, 真係著一兩次就要say bye bye 架喇。

學校d 同事好好, 主動問我要唔要衫仔。一個同事既女已經3歲, 佢比左3大袋衫我。另外一個個bb7個月,佢都比左袋我。剛剛又有一位打比我, 問我要唔要, 佢個bb8個月了, 哈哈, 緊係要啦!!!

仲有仲有...我個好姐妹sonia 佢一早講左叫我唔洗買咁多衫, 佢會比Olivia唔o岩著既衫我, 好呀好呀!!!

我一直以為自己咩物資都冇, 100%要去買, 仲好envy cindy 有咁多人比野佢。好在, 如cindy 所講, 慢慢自自然然就有人比野架喇, 哈哈! 比佢講中!

同事們, 多謝哂呀!

26w5d 瘋狂的我, 瘋狂的吃

又話冷, 但又成20度既一日冬天

香港人情紙咁薄? 定係香港人好有同情心? 你話呢?

大左肚咁耐, 10次都有5次會有人讓位比我坐。有兩次坐MTR香港線, 哈哈, 真係冇人會"so" 我, 明明見到我個肚咁大, 都當睇唔到。又有一次, 我見到有個吉位, 我慢慢行去, 點之比左個男人坐左, 我真係嚇到口都唔識合番埋, 個男人仲o係度睇馬報, 度條馬欖! 好在有位外國人最後見到我咁, 都讓左個位比我坐。

不過世上都有好人架, 好似今日咁, 我又衰既, 成日都抽一大袋野, 哈哈, 我身邊既人成日都好緊張叫我比佢地law, 當然我唔會不自量力, 明明自己抽唔到既, 都迫自己抽架嘛。 好老實講, 旁外人見到我個肚咁大, 以為好辛苦, 以為好累, 以為點點點, 其實個肚係一日一日咁長大, 我係會一日一日咁習慣架, 況且行動自如係我呢隻白羊既"優點", 所以呢...唔好以為我好享受懷孕既權利, 我反而想身邊既人視我為一般人咁樣, 我都要人陪, 我唔要人讓, 我唔要做o個d 大肚婆 --- "出出入入, 都要個老公 "cool" 都實, 一步一驚心, 咩野都唔做, 等人做 "。

因為咁, 我今日lunch 去到青衣城買左隻大cushion, 哈哈, 係一隻好大既cushion。唔係太重, 不過個dimension 大到L31" X W19" X H7.5"。我o係學校law 走時, 已經N咁多個人話我好law 咁大袋野走。大佬, 唔係我自己law, 邊個同我law呀?

因為Midby 爸為左聽日既annual dinner 而OT, 我唔洗準備dinner, 所以我就law 住呢隻cushion 去展開我今晚既瘋狂食之旅程。

先去kwai fong 譚仔, 以9秒9既速度食左個竹竺腩肉米線, 之後去左黃大仙交收一共十六舊, 好鬼重既薑梘。之後law 住呢兩大袋野, 仲有心情去第二站 - 川之味食左兩大碟野, 豬手3隻, 同埋6隻清湯菜肉餃。

之後仲未夠, 去埋我另一favourite, 第三站 - 大記, 買$20 糕點番屋企。之後仲未夠, 去埋最後一站, 亦即係第四站 - 西記, 食我好欣賞既白粥, 整多碟即整既蒸肉碎腸粉。

我真係一個天生愛吃既人。雖然law住一大袋野, 一個人o係條街上面行來行去, 但行行下, 我發現原來自己係笑緊架!!! 真係感謝神!

笑話一則: o係太子MTR 行條長命樓梯上去地面時, 見到一對好人。Midby 媽成日都叫Midby 爸當我係正常人一個, 事實上, 有左6個幾7個月bb既我, 係同普通人有小小既唔同, 就係上樓梯會易氣喘好多。我行到上去最高o個級, 企o係度, 抖一陣大氣, 有一對男女問我 "你係唔係唔舒服呀..."，哈哈, 真係唔好意思喇, 令人誤會tim! 似乎我下次真係唔可以咁任性, law 住咁大袋野, 仲"一氣呵成"咁行呢d 長命樓梯喇。

係時間同Midby 傾計上堂了....

我同Midby既第一次...

想起我同事個blog 內一句說話 - "不記低, 怕以後記不起"

所以o係我仲有記憶時, 等我記低Midby同我既 "第一次"

1) 7月4日 (0w1d) - Midby o係我唔知左定右邊既卵巢開始成長

2) 8月1日 - day 29 (4w1d) - 早上番工前, 用我姐妹比我既mannings 棒棒, check 到morning urine 中有懷孕 hormone, 即係有明顯雙線出現, 即刻打比mama, 佢話 "都話左架喇", 從佢把聲, 我都知佢好緊張, Midby 爸就笑左笑, 唔係100% 相信, 我就心裡講左句 "thanks god!"

第一日食之前已經買左, 食左一半既 materna 同 folic acid。

3) 8月2日 - day 30 (4w2d) - 晚上用另外一條, 都係cindy 姐妹比我既棒棒又check, 都係有紅線, 不過冇之前用morning urine 咁明顯

4) 8月3日 - day 31 (4w3d) - 星期日早上, 去左clinic, 用morning urine 多check 一次, law 左醫生信, confirmed pregnant

5) 8月4日 - day 32 (4w4d) - 打去威爾斯, book 左照oscar (最後我都cancel左呢個booking, 因為o係Dr Wong 度做)

6) 4w6d - 掛8號風, 唔洗番工, 去左食韓式晚飯, 飯後第一次感到有極輕微既m comes 感覺, 覺得濕濕既, 發現流有一滴啡, 第二日冇左

7) 5w0d - 做做下野又feel 到有d 濕濕既感覺, 又係流啡, 又係一兩滴, 好少份量, 冇肚痛, 決定為左安心, 快d 正正式式去睇婦產科醫生, 打左好多電話都 book 唔到即日睇, 最後搵到婦健, 姑娘好nice, 比我即日睇, 呢個醫生之後亦都一直睇我, 會同我接生 - Dr Shell Wong。

好感恩, o係5w0d 既呢一日, 比我見到佢既心跳。即刻個心都定哂!!!

8) 6w3d - 星期日, 休息成大半日, 接近下午6點鐘時又流左一兩滴啡, 冇肚痛, 中間夾著紅, 好驚, 即刻 call 仁安急症, 一小時內去到仁安, 急call 左個G&O醫生番來, 又係叫Dr Wong, 又係男士來, 好好人, 同我o係肚上面照, 都照到Midby既心跳, 比埋我聽佢既心跳聲。

9) 18w0d - 胎動。姐妹sonia 比左部baby plus 我, 第一次用, 用左唔夠10分鐘, 已經令到Midby 郁得好勁, 呢次係我1st feel 到胎動。佢郁到連部機都比佢整高, o個次我亦都肯定左女女已經有聽覺了。 我feel 到既胎動並唔係其他人所形容 "蝴蝶拍翼" 咁mild, 而係幾明確, 令我好肯定既胎動。不過用Baby plus 既經驗唔係太好, 令我放棄左唔用佢了。

10) 25wxd - 嚇親Midby。準備dinner 時, 比熱水整到手指, 我大聲叫左一聲, 唉...好心痛, 因為Midby成個跳起。我第一次感到心痛, 覺得肚內既係活生生一個人仔, 會因為我既一舉一動而受到影響, 我忍唔住流左一兩滴眼淚, 好擔心Midby 唔知會唔會因為比我嚇到有咩影響。

11) 26w3d - Midby hiccups。其實早o係幾個星期前既一個下午, 我都feel 到Midby有一次好有節奏咁打hiccup。不過佢既周數又細, 應該冇咁快會打hiccup。但係呢一晚o係我同佢胎教前, 我feel 到佢好有節奏咁, 一下一下hiccup。過左1x 秒左右就停下來了。見到佢打hiccup, 有d 心痛, 但都明白佢開始大個喇, pratise 呼吸, 令佢個肺 develop 得好d。到30w開始時, 佢hiccups 得仲密, 好似@33w4d時, 佢一日hiccups 成3-4次架, 好cute! 一開始會好regular既, 之後去到最尾會有幾下停左, 又再打番。

12) 27w4d - Midby's 4D。早o係18-9w時Dr Wong已經比我地睇下Midby既手手腳腳架喇, 去到27w1d時, 佢想show Midby個樣比我地睇, 耐何Midby唔願意, 好在27w4d 再去多一次, 比我地終於見到Midby既樣喇!! 好開心, 見完佢之後成日都會諗住佢, 覺得真係活生生有個人仔o係我個肚內。Midby對眼, 個鼻, 同埋個口好大呀! 我都知出左世之後日日都會唔同樣, 但係我真係幾心急想知道佢出世個樣係點架! 我直覺覺得Midby係個好disciplined既bb女來既!

13) 33w3d - Midby 第一次令我feel 到有假宮縮。沖沖下涼時, feel 到個肚好實, 之後叫Midby爸去摸, 佢都feel 到, 之後坐o係度好耐, over 5 mins Midby 仔都冇郁, maybe真係太實喇, 佢郁唔到啦! 之後過左陣, 係慢慢佢軟番。唔知係子宮practise 緊, or Midby 仔既關係而令到有呢個現象出現呢?

教Midby 水果名了

尋晚開始用另外一本書仔 - 水果。

之前用A+ 寄來既"My first bath book" 去教Midby 幾樣野:

1) colours - green, red, blue and pink
書仔內有6種唔同colours, 不過由於orange 同 yellow 係兩個音節, 比較深, 再加上我對呢本書仔都感到有d 悶喇, 所以決定唔用佢, 轉新書

2) 每頁內既例子 - balloon, apple, hat and ice-cream
教完Midby 隻色既音之後, 我會同佢講"The balloon is green", "The apple is red", 旨在教識佢認"色", 我唔係期望佢會識埋個生字

(不過好多人都懷疑, 胎兒o係子宮內, 有咩可能睇到肚外面既書仔呢? 哈哈, 初時我都係咁諗, 不過而家慣左了, 習慣性地每晚都做呢個動作, 我都唔會再諗究竟女女係唔係睇到本書仔了)

3) Micky Mouse, Minnie, Donald Duck, girl's colour, mummy likes green, daddy likes blue, dark green, baby green, the sky and the sea are blue, etc

當然我唔會好似VCD 咁, 不斷讀隻生字就算, 我會同佢傾計, 講d 同我地日常生活有關既野, 好似我like green, daddy likes blue, etc

終於過左幾多星期, 教哂4種colours, 開始教d 我鍾意既野 - 水果。

呢本書仔係羅湖買, $5, 好抵。每種生果大大隻印o係度, 如果Midby 真係睇到野既, 見到咁大隻水果, 應該會流哂口水架喇!

由於隻隻水果都係兩個音節, 我都冇辨法了, 揀左kiwi - 奇異果。因為我有左Midby 之前同埋而家都成日食kiwi, 我覺得教佢呢個字好有意義, 所以就以kiwi 作為呢本書既開始。

Midby, 如果你問媽媽, 係唔係因為想你成為天才而咁早就教你英文, 媽媽會答你: "唔係, 我都冇諗過呢樣野, 媽媽只係好想將呢個世界既野, 每晚一點一點咁介紹比你認識, 亦都比媽媽每晚有個時間靜靜咁同你溝通, 比媽媽feel 下你既存在。"

媽媽真係好希望, 每晚你都係好開心, 好期待咁 "上堂"架!

26w4d 放哂假, 番學喇!!!

凍左幾日又唔係幾凍既一日

放左成12日Xmas Holidays, 我既懶根又走出來喇。當然臨要番工前幾日已經開始同自己思想上同生理上做番個調控。話雖如此, 我都係隨口講兩句o者, 自問呢份工又唔係苦力, 只不過有d 壓力, 要面對一d stressful 既人, 我已經比好多人幸福和幸運了。

經過左幾日既腰痛, 哈哈, 我呢個Midby媽真係呢! 我次次都係咁既, 流牙血, 流nose 血, 腳痛, etc 都係 "幾日貨仔", 真係好好彩, 我感恩既係神賜予我有力量去適應呢d 問題, 不過我都問左個姐妹cindy 借左佢既腹帶用, 因為Midby爸覺得我個肚大喇, 又行得急, 所以會對腰部做成損傷, 但我又唔想洗幾百蚊去買條只係用唔夠3個月既帶, 真係好在有個姐妹借來用乍...

唔知係唔係我冇耐性, 定係形住形住, 覺得用左同冇用都分別唔大, 用左Midby 仲好似郁得多左, 唔通佢唔likey 有野"cool"住佢?

呢個星期Midby明顯郁多左。由於佢都大個喇, 我會有d 擔心係佢識唔識小小心心, 唔好整到或倒番轉比臍帶整到。醫生話如果個胎突然間郁太多, 就要小心了, 怕胎兒唔夠氧份, 有可能因為臍帶"cool" 到佢條頸。Midby爸當然知道我有呢個concern, 所以有一日佢開玩笑話"點解冇d portable 既u/s 機呢?" 等我地呢d 準父母可以買番部, 隨時想睇下個bb 點樣都得!

一切由天然開始

**事先聲明: 我唔係因為有左Midby 先咁愛"天然"架! 我一直都係環保之友, 愛天然, 愛有機, 之不過之前冇而家冇咁貫徹始終乍嘛! **

由準備要Midby開始, 我自己唔食蝦喇, 所以皮膚已經冇咩大問題。之前都有擔心過, 會唔會比懷孕Hormone 搞到生瘡, 爛面呢, 因為都眼見到d 朋友, 懷孕初期d 皮膚都生哂粒粒, 好在...正如sonia 所講, 我既懷孕hormone 係works well on me!

以下都係我由有左Midby (其實好多都係一直用開既, hee....) 開始所用既產品:

26w0D 輪到我了....腰痛

似番D樣既勁乾燥冬天

Midby爸一朝早就話覺得好冷, 叫我law down dovet 出來, 我以為佢要著番工, 原來佢指唔夠被, 所以我決定今晚law 番張冷氣被出來 (咁多年我地都唔洗用dovet被架, 不過係我衰, 今年都仲係用被袋, 仲未套番張冷氣被入去)。

終於成個12日既xmas holiday 曲終人散了。好唔捨得呢d stress-free既日子, 一直自稱懶惰既我, 真係好想快d 唔洗撈呀, 不過講就咁講, 我知道一個人唔番工, 日日o係屋企, 尢其是我呢個年紀, 真係唔係太好, 好啦, 我都係得把聲o者, 番開工我又唔記得係咩一回事架喇。

o係番學前一日, 我去左同Midby爸食lunch。我知道Midby爸好鍾意我去搵佢食lunch架, 所以我今日的起心肝, 好早起身, 一來為左想訓練Midby 有個好既bio-clock, 二來想做番d 有貢獻既野 - 改好我帶番屋企既paper (當然....最後梗係原封不動擺o係度啦)

今早9:00左右收到好友May既SMS, 唉...佢個bb仲未肯出世呀, 不過佢爸爸已經...我唔識用Mobile 去打中文SMS去回覆佢, 亦都唔想打電話比佢打擾到佢, 我可以做到既就只有為佢祈禱。亞May, 我以你為榮, 比著我, 我成個人會collapse。

我成日都暗自歡喜, 為左自己咁舒服自在懷有Midby。不過唔到我認叻了, 我...終於出現左一般大肚婆會出現既問題, 就係腰痛了。

我係一個好sensitive既人, 5W 開始我已經有腰痛, 但痛既感覺就只係一日半日就消失喇, 我知道係因為身體內既hormone 發揮作用, 軟化我既盆骨組織, 為左生產而作好準備。講比人聽都唔信, 咁快就會有咁既反應?

真架! 信唔信都好, 我o係好早, 我估4w多d 時, 仲未confirmed 有左時, 已經feel 到心跳加快, 我估當然我體內流既血亦開始增加了, 我同左孫教授講, 佢話係因為我緊張, 所以搞到心跳加快, 哈哈哈!

雖然有時都係o個d "人地話咩, 我就信咩" 既人, 不過事事查根究底先係我呢隻白羊既性格。N 咁多人覺得係腰痛係因為唔用腹帶既後遺症, 好, 我問左cindy 借佢條帶來用用, 睇下係唔係有幫助先!