8個半月大既Midby

識byebye, 識爬, 識咩叫take up, put back, finished~~

放Xmas 假前的一天

Midby仔越來越好玩呀!!! 應該係12月13日星期日, Midby 8個月多d, 呢一日佢訓到9:30先起身, 之後成日都訓好多, 直到我下午帶佢去九龍站買sweet potato比佢煮粥仔, 番到去同爺爺麻麻同埋叔叔玩, 唔知係唔係呢一日佢訓得好多, 佢好似醒左好多咁:

話說我地成日都扮去街, 我地會咁做, 當我抱住佢時, 姐姐行去門口, 我就同姐姐byebye, 隻手筆高, 之後姐姐又同我byebye, Midby見到, 好多時都會成個人向前, 要跟姐姐出去。如果出去門口o個個唔係姐姐, 係我, 或其他人, 佢都會咁做。呢一日, 我抱住佢同屋內所有人say byebye, 個個望住Midby, Midby既然識得舉高隻手呀!!!

佢第一下舉手我見唔到, 因為我抱住佢, 佢面向大家, 之後姐姐同埋個個都好開心話佢識得咁做喇, 我望下佢隻手, 真係有舉起呀!!! 哈哈...之後一兩日, 佢覺得好得意, 間唔中望住自己左手開合, 發覺原來咁得意既! 又過多一日, 姐姐同婆婆話佢兩隻手都識得開合了!

婆婆話第二日走時, 佢坐o係mat 度, 婆婆同佢say byebye, 佢本來冇咩意慾舉手, 之後等左一陣就有喇!

不過之後一個星期, 我地叫佢咁做, 佢都唔會, 可能好似May所講, 你叫bb咁做, 佢就唔會, 反而你唔叫佢時, 佢就會。

另外一樣Midby識既就係識finished 呢個字。姐姐用揹帶揹住佢時, 我舉起手準備dance, 姐姐就比兩隻手指佢捉住, 之後就同佢跟住我一齊dance! 佢開心到不得了...但當我講finish時 (同時間亦停左下來), 佢就會唔開心, 會叫幾聲, complain幾下。

可能我地成日同佢講finish呢個字, 佢飲完奶又講, 想同佢law番d 玩具走又會講, 我估Midby明白finish呢個字既意思了。

另外當佢見到我雙手舉起, 望住佢, 佢就會好自然搵姐姐兩隻手指, hold住佢, 知道會dance!

呢d 表現都話比我地知, 你同bb repeat 又repeat 一d 行為, 佢就會follow!

另外姐姐有時餵奶用揹帶 (多數係飲second half奶時), 行去床仔既santa claus度, 叫Midby "take up santa claus", 佢就會識law起, "put back" 就會識得放番上去, 呢幾日叫佢take up 之後give to mama佢都會放手比我, 不過佢只係識take up santa claus, 叫佢take up 其他野佢仲未識, 姐姐話有連續3次叫佢take up, 佢就即刻搵santa claus, 所以我會教識Midby take up 唔係一定同santa claus 有association既!

呢個星期佢多左雙手整直, 肚仔離地前後郁了...不過仲未用呢個方法去爬, 只係間唔中o係床仔or地下咁做, 應該過多一陣佢會咁樣真正爬了。

其實Midby7個月多小小就識爬, 到而家8個幾月喇, 都未真真正正肚仔離地, 我估係我地抱佢太多了。屋企細, 比佢爬得一陣又要抱起佢由另一邊再爬, 都冇比佢長時間explore下! 喬喬已經識咁樣爬同埋自己企起身喇, Midby仔細佢一個月, 係時間加把勁了!

大左既Midby好易令到佢笑, 你望下佢, 有d 古怪既表情, 佢就會笑。佢好鐘意玩,不過只係限於同我地玩, 見到街外人望住佢, 佢會依偎住我地胸前 (扮哂怕羞咁), 尋日做冬, 叔叔望住佢, 佢都係咁, 會依偎我既胸前 (其實我覺得好sweet, hee....)。

8個月開始食兩餐固體, 飲得好差, 因為而家識得含飯唔吞了...佢見到佢隻little blue spoon已經叫定先, 又或比條bib佢, 佢就知meal time, 佢就lose temper!!!

6:15-6:45: 160ml - 180ml (depends on 我可以pump到幾多)
10:30: 粥仔
14:00 200ml
18:00 米糊/ 粥仔
21:00 baby food/ fruit
22:00 200ml

由於食兩餐固體, 佢一日飲3次奶都係全人奶, 好間唔中就比羊奶佢飲, 不過自己飲少左一次奶, 改食多一餐弼/ 米糊之後佢瘦左呀...因為食固體食得好差呀! 佢只會貪新鮮, 見到我地食既野先有興趣, 我比我地既米佢食, 佢就食, 但粥就唔食...死未!!!

我地做左個experiment last night: 姐姐6點幾比粥仔佢, 一食就已經唔鐘意, 搞左好耐, 我比左corn and buttersquash佢食, 佢見到隻spoon又係發哂脾氣, 之後try左一口了, 就食喇, 之後食左1.5 個bottles!!! 我o係baby food內加左d 粥, 佢一食就知, 又發脾氣, 死未!

呢個experiment prove 左一樣野: Midby唔係唔食野, 只係佢揀食!!! 激死!

Midby: 做個健康既乖乖叻叻小朋友, hee...媽媽係好貪心架!

餵人奶 媽媽血管健康

2009年12月23日

不少婦女在生育後，因為工作等原因不能餵哺母乳，但醫學界近年發現餵母乳不但令嬰兒得益，母親也可受惠。美國一項最新的研究顯示，女士可藉着餵母乳改善血管健康，更可降低中風的機率。研究發現曾餵母乳的中年婦女，心臟及頸部主要血管出現硬化的比率較低，不餵母乳的女性出現大動脈硬化的風險甚至高出五倍。

美國匹茲堡大學的研究人員邀請 300名最少曾生育一名子女的 45至 58歲婦女參與研究，除了解她們曾否餵哺母乳外，也替她們量度心臟及頸部主要血管的硬化程度，結果沒有餵母乳的一組婦女，有 32%冠狀動脈硬化、 18%有頸動脈粥樣硬化斑塊、 39%有大動脈硬化，但曾餵哺母乳的婦女比率分別為 17%、 10%及 17%，比率相對較低。

堅持餵母乳最少三個月
研究人員指出，排除經濟狀況、家族病史及個人生活習慣後，生產後不餵母乳的女性出現大動脈硬化的風險，較曾餵母乳的女性高五倍，而出現上述三種血管硬化情況的人，中風及患上心臟病的風險會大為提升。研究人員相信餵母乳可助產婦排出懷孕期間積聚的脂肪，若不餵母乳，這些多餘的脂肪便有機會長期積聚在體內，增加血管被脂肪阻塞及硬化的風險。研究顯示不論餵母乳的時間有多長，產婦的健康也會得益，故建議最少堅持餵母乳最少三個月。

extracted from http://hk.apple.nextmedia.com/template/apple/art_main.php?iss_id=20091223&sec_id=4104&subsec_id=3626368&art_id=13554095

8個月大的Midby

第一次上playground - gymboree

update下midby既progress先!

佢o係慢慢慢慢既progress下, 終於識爬, 不過仲未係個pat pat同個身唔點地。佢而家爬都係貼住地爬既, 應該7個月左右識咁做。

前個星期6, 即係11月21日, 佢第一次舉起手同人byebye。佢本來o係我房同Midby爸一齊, o係細佬補完習走時, 我入房抱佢出去, 細佬同佢byebye, 佢話Midby有反應, 點知佢真係有呀! 佢將手隻舉起。當日Midby都做左幾次, 不過之後兩個星期都冇再做, 直到今晚姐姐同佢Brush teeth時佢話Midby又follow佢咁做喎!

Midby而家好易用食指同大母指夾起d野, 見住佢玩玩具, 好似婆婆話佢識得用手去捉科妮既尾, 真係覺得佢幾cute 架!!!

上個星期起, 我地捉佢雙手, Midby可以由坐變成企, 之後叫佢sit down, 之後又來起過身

一日"讀書"兩次, 多數早上o個次都可以完成 (如果o個日係麻麻來既日子, Midby唔專心時, 麻麻就會抱走佢佢喇!

呢一兩個星期食左雞喇, 冇問題, 原來應該對egg yolk都冇問題, 之前既skin problem應該係天氣問題!

識得出街係好玩既, 因為我地o係大門口企, 佢會叫我地抱佢, 哈哈, 真係個個小朋友都鐘意去街喎!

好易令到佢kar kar聲笑喇!!

見到唔識既人佢會望住唔停, 唔比人抱, 不過唔識既人o係我地屋企出現就會好d, 可能個防禦少左, 都會比人抱下既

佢比aunt 4, 5, 6抱呀! 勁呀! 可能婆婆所講, 姓余既個樣善意d?

冇時間打起今日佢join 1st gym class playground既情況tim! 不過我同Midby爸都即日join左個package, 會由下個week起, 1連15星期都上gym class喇! 希望Midby開心, 同埋有d 得著啦!

12月23日後補第一次上playgroup既情況:
同我地所估計一樣, Midby去到新環境一定會四周圍望, 覺得唔安全就會喊。一班內唔係太多bb, gymboree好既地方就係如果唔多過10個bb既話, 就可以比埋daddy 同埋 mammy兩個一齊入去。我地最後3個人, 連埋姐姐一齊入去tim!

呢堂係trial lesson, 如果唔即日join, 就要比$220, 不過上左一陣我同midby爸都打算join 架喇, 因為
1) 唔係太貴, total $2850有15堂 (加埋trial 一堂), 其實成16堂
2) 我地對playgroup冇咩認識, 又唔想要用時間去比較, 因為比較得來時都已經miss左幾堂喇, 不如快快手手上左先算
3) 想比Midby見多d 人
4) 想比Midby學下野 (呢個係好次要既...咁細個bb, 我估係同佢上得多, 佢習慣個模式, 對佢日後番學有d 幫助, 至於會唔會學到d 實際野呢...我覺得又唔會喎!)

個導師講英文, 唔係外國人, 不過佢把聲好好聽, 對小朋友都唔錯, 我地對佢印象都幾好, Midby o係d 團體活動時唔係太自在, 可能見到身邊咁多人, 不過自由活動時間就好好多了, 我地由佢o係呢個新環境去explore, 我地由佢o係個梯上面爬, 導師話太steep, 叫我地用雙手去support佢對腳仔, 等佢自己用力向上爬, 導師話佢對腳仔好有力, 仲問我地7.5月既Midby係咪未識爬, 我地話識喇, 不過爬得唔好, 唔係好proper, 肚仔唔點地既爬, 但佢話7.5個人識咁做已經係early crawler 了, 仲係好early o個隻!

同Midby仔join左呢個gym class, 個人都好似了左件心事, 我呢個媽媽...竟然相信人地都唔相信自己 - 成日覺得比人教Midby好過自己教, 究竟係我懶, 定係我有自知之明, 定係想逃避責任呢?

點都好, 每個weekend同Midby仔上gym class將會係我地呢一家既重點活動, 希望Midby o係黎緊既十幾個星期內有所得益啦!


感謝主呀!!!