10個月既Midby

最後一日既新年假

每當有長假期, 我都覺得我份工係唔錯既...因為我比其他人會多兩三日假期, 加埋星期六日, 好似放多成個星期咁, 最o岩我而家用來陪Midby

呢個新年假比我想像上安靜了! 因為婆婆同公公上左去照顧太公 (梅E番左大陸), 佢地由唔知年廿幾就上到年初五先番來, 所以我地年初一就冇去到婆婆同公公度了, 成日只係o係屋企

以往, 未有Midby時, 而我亞婆仍在生, 我地會初一番奶奶度, 有幾年我地會o係年三十就番去, o係度過夜, 同文智寧玩啤牌, 年初一就過埋我亞媽度, 到年初二就會去富善村之後就會出去我亞婆度...

呢個practice 都好多好多年都係一樣, 不過今年唔同了

今年唔同係因為亞婆已經唔o係度, 加上我亞媽又番左大陸, Midby既第一個新年變得好平靜, 好平靜

新年前幾日, 我同Midby爸買左套新衫比Midby, 就係paddington bear既one piece dress 同埋jacket

Midby爸見到佢地既男裝for babies時仲好興奮叫我買套比排骨仔著, Midby爸: 排骨仔著到咁大件衫時都唔o岩天氣啦!

年初一時, 姐姐放假, 早上十一點左右Midby爸就突然間著衫番工, 下午3點左右我就抱左Midby, 一個人去左IFC等Midby爸放工。

Midby爸話想初一出去行個大運, 我等爸爸時就餵Midby。一手law住個IFC balloon, 一手law奶瓶同揹住Midby, 真係好累, 呢1日同Midby行左citysuper, 好乖好乖呀! 我買左d面包, 比佢食, 佢對於任何新既食物都有興趣架啦, 所以平時佢食飯係咁就好了。

呢個年初一就係咁過左了!

到初二, 由於餵佢食10點o個餐搞又一陣喇, 爺爺麻麻又要等我地食開年飯, 我地好少有時call左taxi番大埔! Midby o係車上差唔多訓著時就到左廣福, 同佢食飽開年飯之後爸爸Make sleep, 佢既然訓左over 個幾鐘! 有時我真係懷疑係唔係我地屋企張床仔放o係廳令到佢唔係訓得太舒服, 佢次次入房訓都訓得好好!!

可能呢個holidays 我好多時間陪佢, 佢好跟我, 去到富善村見到咁多人時都係跟住我!

到初三我同Midby一早就上去大陸, 姐姐就冇放假, 加埋爺爺麻麻來睇住佢, 番到來佢話Midby識得錫錫呀! 佢錫本書上面隻狗仔呀!

好開心, 教Midby kiss 呢個動作都一陣子喇, 突然間佢做出來比我地睇!

我呢隻Midby仔, 唔naughty時係幾令我地鐘意既!

舊相

9個月3個星期既發展

1) 唔識肚仔離地爬, 仲係貼地爬, 不過近日唔爬了, 愛學行
2) 唔鐘意坐, 一放佢地下坐就會企起身
3) o係床仔能夠由訓變成企起身
4) 由床仔一面可以慢慢扶住野行到另外一面
5) 捉住我地對手, 可以一步一步行得好好
6) 識得apple, orange, pineapple, banana, watermelon, 1-10, red, blue, green, pink, yellow and orange
7) 識得arms up, arms down (不過唔係成日做到)
8) 拍手
9) 2月1 日識咩都head, 同佢講咩叫head, 佢會雙手舉起摸個頭
10) 2月1日晚Midby爸發現佢可以一頁一頁flip本書, 婆婆話佢早o係5個幾月時都有flip 書, 不過而家佢真真正正master個skill了!
11) 2月2日晚我o係佢玩緊toys時, 問佢, turtle, 大助, yellow duck, 佢都識o係個玩具盒度搵個玩具出來, 我問佢foggie呢...佢搵左一陣都冇law比我, 因為foggie根本唔o係個盒內, 晚上姐姐揹住佢, 我show比佢睇d 玩具, 又問佢同一d 問題, 佢都答對哂呀!
12) 2月7日問佢, yellow duck, 大助o係邊, 佢即刻望個玩具盒, goose goose, santa claus, 叮噹, 爸爸, 姐姐, turtle, camera, 已經肯定記得了
13) 2月8日, 姐姐同我講, Midby已經放手想自己企, 企到3秒, 跟住知道會跌就扶番住床欄! 我當晚問佢fruit o個本書仔, grapes, pineapple, watermelon, apple, lemon, orange, strawberries 都識!

Seperation anxiety?

發現Midby有seperation anxiety既一天

Midby o係快9個月3個星期既時間, 變得好痴人, 好痴我, Midby爸, 同埋姐姐。

表現:
1) o係屋企坐o係mat上玩時, 會時不時向後望我地, 如果我唔係放佢o係我腳上坐, 而由佢直接o係mat上坐, 佢會唔鐘意, 仲要玩一陣就會叫!
2) 唔覺意慢慢離開佢, 佢發現後會叫, 叫我番番去陪佢
3) 見到strangers, 好似lift內既人, 或者security guards 會好怕羞, 成個頭伏o係我度, 仲伏得好耐
4) 尋日去食tea buffet, 唔比爺爺抱, 見到佢時, 佢成個頭又伏o係Midby爸度
5) 佢比麻麻抱, 不過唔見左我地兩個時就會叫, 麻麻兩次都比番Midby我挽
6) 比bb highchair 佢坐, 又唔肯, 要我抱住
7) 同佢o係mat上玩玩下, 之後比左Midby爸抱, 佢會望住我, 叫幾聲, 不過最後佢都ok既, 始終Midby爸平時都成日同佢玩

我覺得以上既表現會o係來緊幾個星期越來越嚴重! 睇來呢個必經階段我地要搵下料, 點樣去對付喇!

9個月兩個星期既Midby識得apple, orange, red, pink, etc

今日係2月1日, Midby都快9個月3個星期大了, 佢o係9個半月時某一日, 我發現, 原來佢已經識apple, orange, strawberry, pineapple, banana, watermelon (唔係好sure); red, blue, green, pink, yellow, 同埋orange; 1 - 10 都有d 記得。

由於我想培養Midby鐘意閱讀 (我同Midby爸對住電腦多過書本, 真係想女女係enjoy reading既人), 所以我前一兩個星期開始就同佢一齊讀書, 隨手law起本書就同佢一齊讀, 而佢都會好乖聰我讀, 仲有時向後望住我。

我冇期望咁樣做會令到佢識得書本上既字, 我只係想佢見多d 書, 令到佢會有睇書呢個習慣。點知某一日, 我law d flash card, 問佢邊個係apple, 佢去捉個apple! 姐姐當時都見到, 我之後仲問多兩題, 佢都答o岩, 我開心輕奮到不得了, 仲同姐姐來個give me five yeah tim!

Midby爸就唔係好相信, 之後既每日, 我地都會問呢d 問題, 到尋日星期日, 爺爺麻麻同我地食完tea buffet 之後去左我地度, 我地表演左比爺爺睇, Midby真係題題o岩, 真係題題o岩!!!

好似舅父所講, 就算Midby唔識, 係靠估都好, 我地問佢野時, 佢對眼真係去望兩張cards既, 我地覺得佢有thinking 呢個process, 已經係好好既表現。

見到女女次次比我地問問題: which one is apple? show mama which one is apple? 佢就望住兩張cards, 好細心去study張card, 我都好開心。

本來我都以為佢靠估既, 但成個幾兩個星期都次次答中wow!!! 係喇, 佢真係識架喇!

我唔會因為Midby而家識字, 而覺得佢叻過其他人! 我一d 都唔會咁樣覺得! 佢識只係因為我地教佢, 其他bb既父母咁做, 佢地既bb 一樣會識。

我成日都keep reminding myself: 無數咁多bb o係佢地仲係infants 時已經有d 好叻叻既表現, 但到佢地大個之後, 咪又係become average people! 又唔得點樣與眾不同!

反而好似叔叔咁, 爺爺麻麻細個時都冇教佢咩野, 佢大個之後咁叻, 科科A不特止, 仲做埋麻醉科醫生!

所以呢...天材我覺得係天生架! 咁講好似有D 灰, 不過令到我呢個亞媽唔好太大壓力, 唔洗成日迫亞女去study, study and study!