亞女"琴"床, 驚唔見左爸爸!

一兩個星期前, 見到Midby會"琴"sofa, 多數都要step o係我地腳或玩具上先可以成功, 到今日, 我見到佢想"琴"我度房門之後再"琴"佢張床, 佢想"琴"入去...睇到我心都寒埋

姐姐話而家Midby會"琴"佢張床...我已經set到最低o個層, 仲可以做d咩先夠safe呢?

另外今日同佢玩捉迷藏, 叫Midby爸搵個地方唔好比Midby見到, 不過我地點hide都好, 都會有d hints比Midby見到, 等佢易d捉到我地, Midby爸就o係dining table o個張椅度, Midby 1st次搵到了, 之後Midby爸就去左佢房, 但係Midby又行番去同一張椅度搵爸爸, 佢見唔到之後再四周圍望, 之後就驚了, 要我抱, 唔敢自己行

婆婆都話Midby好細膽, 好識得驚, 我o係Midby好細個時都已經知道

究竟係天生? 定係我地有咩做過而令到佢敏感呢?

當Midby同我地去到一d比較黑, 或是佢冇去過, 而少人既地方, 好似上次去Langham Place 個baby sitting room同佢換片, 我地行o個條路時已經比佢用隻手隻捉到好實, 我就知道佢驚了.

而家學行, 當佢見到, 或者感覺到有d唔係幾安全既野, 佢就唔會行, 要我地抱!!

係好事, 定係壞事呢??

我個女係小朋友, 唔係bb喇!!!

同Midby去完食pizza hut, 買埋potty的一天

呢幾個月真係覺得Midby唔係再係bb, 而係一個小朋友了。PS同佢老公D見到Midby都話點解12個月大既bb唔再似bb, 成個小朋友咁。

真係好懷念Midby仲係bb仔, 要媽媽打橫抱, 成日要我地um佢訓既時間。

雖然我呢個blog未必會有新手媽媽見到, 但我都想同佢地分享一樣野, 就係唔好怕抱bb。

我都係過內人, 當bb出左世之後, 我好自然同一般老人家一樣, 期望bb唔洗我地成日抱, 會好乖乖o係床度訓覺, 唔洗我地理。

我問過陪月兒姐, 佢答得好好, 佢話bb要我地抱既時間好短, 當佢識行, 識走, 仲要我地抱咩? Midby而家就係呢個stage了。同佢行街時時, 我地想佢乖乖比我地抱 (真係變態...而家就成日想抱佢), 但係過一陣, 佢就要落地行, 捉住我地兩隻手指帶我地去行。

我個夜校學生, 我既鄰居都異口同聲同我講, 見到bb喊, 佢地會儘量唔抱...唉!!!

我家姐姐講得o岩, 唔通我地期望bb好似我地咁, 眼訓就自己上床合上張眼訓, 永遠都唔喊, 咩都自己搞掂...? 那有可能?

bb出世頭幾個月, 當有唔舒服, 肚餓, 無安全感等等時就以喊做表達, 呢個時間我地就要去安撫佢, 令到有安全感。刻意唔抱佢就係認為佢唔乖, 而去抵制佢...make sense嘛? bb咁細個就咁cunning識得咁多鬼主要嘛? bb就係最簡單同直接架喇, 佢地唔開心時就會喊; 我地抱佢, 令到佢舒服, 佢地就會收聲。情形就等如我地肚餓就去搵野食, 食完就飽, 呢個係常理, 唔通咁樣都唔o岩?

我就係過內人, 曾經同Midby爸 (當Midby16日大時) 都為左要令Midby乖乖地自己訓, 自己o係床仔玩, 而做左d好唔應該既事...(其實剩係Midby爸乍), 就係當佢喊唔停時, Midby爸將Midby推左入姐姐房, turn off 左d 燈, 唔比我地抱佢, 要佢收聲...諗起都覺得佢癲癲地!

講左咁多野, 都只係想講, 而家既Midby唔再點洗我地抱, 捉住我地手指walk walk walk既Midb識得where is the park, trees, flowers, grass, TV, spoon, fork, look up, mama's clothes, pants, shoes (唔係好熟), 太太, 先生, Midby自己既中文名...

識得有意識叫爸爸, 媽媽, 奶奶 (都係呢個week我先留意到佢識), 大助, 女麻女麻, 街街(唔sure佢係唔係識), 有時佢都望住我地個咀, 而學我地講, 不過唔係次次成功。

好多指令佢都明, 著衫, 著褲佢會配合; sit down, stand up, give, take, 都會做到; 佢touch 一d 危險既野時, 我地叫no, 佢都會識得停 (唔係次次囉!!) 叫佢等等, 幫佢做d野, 會等我地; 知道有街去會行去門口, 要我地抱; o係lift前知道要press the butto; 叫佢law本書比我, 佢就會law完比我們坐o係我大脾上同我一齊睇書; 佢會law起個電話就扮聽...近日唔知係唔係學ybcr整自己個elbow; 見到公仔(今日先去左toysrus, 裡面有好多公仔呀) 會鍚佢地; 屋企o個d佢就會hug (識左兩個星期, o係佢12個幾月時識); 見到到我地訓o係sofa冇pillow, 佢law佢既pillow比我地; 今日問佢數字o個本書, 問佢clock, pumpkin o係邊時, 本來佢係一頁頁搵, 結果搵搵下, 佢去左最後o個頁個summary度, 指(拍)比我地睇; 前日姐姐問佢balloon o係邊, 佢指向個red balloon本來位置, 但係冇哂氣, Midby爸threw it away了, 佢就叫...話比我地知, 冇左呀!!! 呢一個星期學埋not here = 雙手反轉, 問佢婆婆o係邊, 佢就反轉隻手話not here! o係街見到人地law 隻balloon, 佢就去追...都唔明點解咁鐘意balloon! 見到我地食既大人野, 佢就好有興趣 (雖然都係唔係好大意慾進食), 一切一切令到覺得我既女...Midby已經唔係一個bb, 而係一個明白好多野既小朋友。

原來一個bb, 睇起來咩都唔明既階段真係好短...點解我好似完全忘記哂Midby既bb階段既?? 如果我生下一胎, 我會用更加多時間去照顧佢, 令我好好記住bb成長既一點一滴! 不過...Midby, 媽媽有左你, 真係夠喇, 我似乎冇空間再比第二個喇!!!

13 個月去健康院

打完針既一天

本來係12個月就要去打MMR + 肺鍊兩針, 但見到好多小朋友都係打完呢兩支針之後發燒, 又跟住有好多問題, 所以有d擔心, 就決定去私家打MMR, 另外肺鍊就delay到今日, 即係足足遲左1個月先打

肺鍊呢支係booster, 我有d想唔同Midby打, 因為聽得睇得太多有關免疫既禍害, 到而家我都十五十六...

今日女麻女麻同姐姐帶左Midby去, 我就尋晚打好個"report", 方便姑娘問野時, 女麻女麻可以交比姑娘睇

總結係: 姑娘覺得Midby都ok, 不過左手就唔係太肯用, 要多d訓練, 另外我問左佢有關Midby唔用食指問題, 佢又好似冇咩點答...

13個月大既Midby, 高74cm, 重9.14kg, 大約排5x左右

姐姐話Midby今日超叻同乖, 去到唔驚人, 又肯玩, 不過入到打針房就識喊了...可憐既Midby, 媽媽今日同左爸爸去拍拖, 睇左個話劇, 坐的士番到來11:10pm, 你就剛剛訓著左, 不過媽媽見到你訓著個樣, 都已經好滿足了

媽媽聽日放學之後即刻番來陪你, 好唔好?

Dr. Poon's playgroup 完結了~~~

連最後一堂都陪唔到Midby上....

對上一次Dr Poon's lesson已經係兩個星期前, 因為上個星期係5.1, 公眾假期. 到左今日係第8堂, 本來我一早7:30am就起左身, 但係為左去協康會同Midby報Exploration for Toddlers, 搞到成10:30am先走人, 去到Jordon都已經11點了

我一直以為大家都會繼續上, 但有幾位媽媽就覺得時間太早, 想遲小小先上, 有d就想休息一下, 大家相約8月再見面

我有d擔心到時唔知會唔會有位

我鐘意Dr Poon's playgroup, 對於我呢個問題媽媽, 咁鐘意問野既人, 有位專家比我問野緊係好啦, 所以我會積極睇下有冇辦法o係8月之前繼續讀Dr Poon's playgroup

講比人聽好似好誇張, 因為我已經同Midby報左第3個playgroup, 就係協康呢一個

早o係一兩個月前, 聽到舊同學V話佢亞女讀協康既青蔥計劃唔錯, 所以我就去個網頁及打埋電話去問, 原來佢係由物理治療師負責, 每班得7個人, 星期六同埋星期日有班

好在我一早已經決定報星期一班, 因為星期6我地已經會去gymboree, 加埋Dr Poon's class (當時仲未知Dr Poon既堂有機會唔洗上住), 加上Midby只係得weekends先上堂, 平時就好似冇咩野做, 最理想既緊係星期3呢d 時間有得上就最好啦

去到9:30am左右, 已經排左好多人, 我估計超過十幾人o係度等緊

有d家長就係因為聽到某d 班已經冇哂位就走人

有一位家長o係我後面排, 佢想知道佢報既class仲有冇位, 我叫佢上前問, 我就同佢"ba"住個位, 同時請佢幫我問下我既班有冇位...點知佢一去冇回頭, 我估係因為佢都冇位喇, 唔happy就走人

不過做人亞媽, 真係唔可以咁不負責任; 雖然我同佢係平輩, 但佢對任何人都應該一視如仁, 做個好榜樣比小朋友睇! 我有口話人, 就冇口話自己, 睇來, 我都要努力檢討一下了

6月班既青蔥計劃我就冇得陪亞女了, 不過比左個好好機會婆婆陪Midby

每次見到婆婆好開心, 抱住Midby, 好滿足咁同Midby玩, 我個心真係...開心到唔知點形容, 因為佢地兩個係我呢個世界上最愛既人, 見到自己亞媽因為個孫, 即係我個親生女而開心, 神呀...我仲有咩可以要求呢?

我感恩既係我有兩個對Midby極度愛諼好既女麻女麻, 同好婆婆, 佢地兩個輪住星期一, 三, 五, 二, 四咁出來睇住Midby, 香港地邊度有咁既"配套"呢?

我記錄低, 係令Midby知道, 佢真係萬千寵愛在一身

以往既母親節我冇咩特別感覺, 今年Midby一歲了, 我會好珍惜, 聽日, 等我做d 野向兩位母親致敬罷!

pump左就快13個月喇!

由最高峰時既9xxml到今日既3xxml, 都13個月了。

Midby13個月大, 仲係飲3餐奶, 呢幾日飲到210ml + 80ml (訓前o個餐), 唔知幾時可以以固體代奶多一餐呢?

Midby一日食+飲既diet:
1) 06:00 170-210ml人奶
2) 10:00 飯
3) 14:00 210ml 人奶/ 羊奶
4) 18:00 飯 (隔日飲小小湯+雞蛋1隻)
5) 21:00 水果/ babyfood 1 bottle
6) 22:00 210ml 人奶/ 羊奶 (呢兩三晚飲完210ml 之後, 等多一個鐘仲可以飲多80ml)

而我既pump奶schedule 自從Midby11個幾月之後就由pump4-5次 --> 3次了, 分別係
1) 08:00 最多得140ml
2) 14:30-15:30 90-110ml
3) 20:00-21:00 100ml

可能因為身體o係每次M之後都唔會多番好多奶, 再加上由pump 4-5次去到得3次, 仲skip埋midnight o個次, 奶量真係跌左好多好多。

一兩個月前仲一日比到Midby飲兩支幾人奶, 補1次奶粉左右, 而家就有50%係羊奶了。

問過權威兒科醫生, 問佢我而家冇咩奶了, 咁點好, 佢話"過左12個月, 冇叫做唔夠奶", 言下之意係指12個月大既小朋友係靠固體吸取營養, 而唔係o係奶度。

雖然係咁講, 我仍然都pump奶比Midby, 係因為想比多d 抗體佢。

奶奶同我講, 由得d 奶慢慢自己少, 自己收了; 佢唔想見到我殘哂。

雖然係咁多年前, 但係佢都仲係好記得佢有個同事, 因為餵人奶, 餵到不似人形。

當然我既case唔同, 我day time 有屋企人同埋姐姐睇住, 晚上有姐姐幫手, 半夜又唔洗理亞女, 只係pump奶有幾難? 如果冇人幫人仲要餵奶, 真係會好辛苦。

好友PS話佢睇既中醫都叫佢, 一旦身體有番M, 就代表身體Ready番去做bb, d營養就會去番子宮度, 而奶相對就會減少。所以千萬唔好再去強迫自己身體去谷奶量。

以上醫師所講既野我非常認同, 我地真係要respect自己既身體。身體比左個signal我, 話佢已經唔可以再做咁多奶, 我就要接受, 唔可以再迫身體去造奶。

話雖如此...一諗到我既奶真係少左咁多, 有時都少不免會好灰心。

尋日打左去健康院有條母乳熱線, 同姑娘傾左一陣, 佢話13個月pump到3xxml唔叫少奶?

呢位姑娘真係好, 真識得乙水人。

我本來target係12個月先, 而家都13個月喇, 我就慢慢由身體去決定好了。

我貪心d, 想d 奶一直有最少去到Midby18個月大, 等佢打埋歲半支針先, 不過我只怕到時1支奶咁多既份量都pump唔到!

仲有1個星期就13個月大既Midby

真係唔想番工, 日日陪Midby既一日

自從Midby 10個左右, 我知道佢認得d圖像, 明白我地講既野之後; 兩個月後既今日, 我覺得佢識既野比之前10個月時更加更加多。

我同Midby都已經好有默契, 我叫佢take a book, 佢會去law本書, 之後坐我lap上, 叫我同佢讀書。

我同佢講go out, 叫佢take mama's 揹帶, 佢識邊一條係姐姐/ 婆婆/ 爸爸/ 媽媽揹帶。

佢識得見到我食飯時, 行過來, 叫我比佢食。

佢識得touch eyes, nose, mouth, ears, head, hair, toes 同belly button。叫佢touch 媽媽既nose 同其他部份佢都識, 叫佢touch Midby's xx, 佢都識分。

識得 "邊度" 點解, 其他中文字有待進步。

o係12個月前幾日, 識得真真正正爬。

而家可以單手捉住佢行, 不過佢prefer 我地比兩隻手指佢捉住多d。

可以企幾秒, 不過怕, 唔敢咁樣練習。

認得好多animals, 好似lion, tigar, elephant, giraffe, hippo, monkey, dogs, cats, etc。

個幾星期前識得feed mama, feed 姐姐, 婆婆同姐姐一齊教佢用spoon feed野食比我地, 我試過比其他spoon佢, 同佢講, "Mama's hungry, can you feed mama?" 佢就去搵隻spoon同埋隻bowl, 扮餵野食比我地食。

叫佢搵mama's bellybutton, 好好笑, 佢會整高我年衫, 不過佢唔係好敢去整高其他人既衫。

自己有時會將手放o係口上, wawawa咁整d怪聲, 我叫佢wawa mama, 佢就將佢隻手放o係我口上。

change change 尿片, midby's cream, shoes 呢d 都識, 夜晚zz前姐姐同佢塗lotion, 會問佢, midby's cream呢? 佢認得就去law比姐姐。

問佢biscuit o係邊, 佢會用手示意o係個cupboard度, 本來d biscuit o係個bottle 內, 但係食哂, 我地將個bottle比左佢玩, 而將biscuit 放o係cupboard度, 佢就認得, 要去law biscuit就會行去o個度。

computer, Elmo, princess car, kitchen, toilet, cheche's room佢都明了, 基本上屋企既物件我地有同佢講係咩來既佢都明白。

叫佢stand up, 同sit down, change clothes, where are midby's shoes, use cream cream, etc都明。

同佢落樓行去park度, 佢認得條路, 未行過既地方, 佢就要我抱, 唔係既, 佢就會自己拖住我行。

同佢換衫同換裨, 佢隻腳仔識得整高; 將佢隻手放入去衫筒度, 佢識點樣配合伸長隻手。

o係樓下玩, 同佢行時, 佢會為左唔想番屋企, 而刻意唔行去我地o個座。

拖到佢入去大堂, 佢會停步, 因為知道要入去lift就冇得再行。

出左lift本來向屋企方向行, 行左幾步行相反方向, 唔想番屋企。

自己扶住野行入我地房, 不斷叫爸爸...爸....爸, 行去爸爸度, 叫佢抱起, 等佢可以睇Elmo。(因為我地有時會抱起佢, 之後去youtube show比佢睇elmo, 大助, etc)

同姐姐o係屋企行來行去時, 見到我食飯, 會行去我度, 叫我比佢食, 通常咁樣食會食到5-6啖。

叫佢take a book and mama reads the book with you, 佢就去law 本書比我, 我放本書o係地下, 佢就會law番高比我, 之後就坐o係我兩腿之間同我讀書。

一開始時, 叫佢open the book, 佢就打開, 每完全一版我就叫佢turn to next page, 佢就幫我turn, 去到最後一版時就finished!!

如果一次過turn 得太多版, 我同佢講唔係呀, turn back 啦, 佢都會識做。

之前我地會問下佢, 兩張圖片中, 邊一張係咩野呀...佢就會touch去話比我地知個答案。

而家可以唔洗咁問了, 我地將本書close左, 之後叫佢自己打開一頁頁搵番比我地睇。

尋晚同佢又係睇fruit既書仔, 同佢讀左apple, pear, orange, peach, pineapple, banana, grapes, melon, lemon, 同埋watermelon。

呢d fruit 真係讀左N咁多次了, Midby好多都識, 不過...好好笑既係佢分唔到lemon同埋melon。

我問佢which one is lemon時, 佢touch melon, 好多好多次都係一樣咁錯。

過左一陣我先發現兩隻字既發音好似, 我再好多次好誇張咁同佢讀lemon同melon, 再問佢, 佢都唔識, 佢睇起來唔係好開心, 成日人眼定定 (好在姐姐有record起呢個片段o者 尋晚係2010年5月6日)!

而家既Midby再唔係一個bb, 佢已經係一個小朋友。

原來一個小生命要我地成日抱, 咩野睇起來都好似唔係好明既時段其實係好短, 我真係感受到點解有d父母話, 唔捨得bb咁快長大。

麻麻同爺爺話, 要好好享受呢個stage, 到大個時, 佢地唔會要我地成日陪, 佢就有自己既小天地。

我真係好想, 亞女大個時, 都同我感情好好, 有唔開心時會搵我, 同我傾計。

而家我唔開心時, 我都會打比媽咪, 我雖然唔叫得好考順, 但我絕對愛護我媽咪。雖然結左婚, 但媽咪o係我心目中既地位, 仍然無變。

到而家亞女出左世, 婆婆就要讓位了, 我相信有左Midby之後, 我o係婆婆心見中既地位都下降哂...比哂Midby了。

而家媽媽每一個星期就係等星期五既來臨, 等我可以長時間陪你。

希望你長大之後都會陪伴媽媽爸爸, 唔好剩係顧住自己既小天地呀!

Midby's 1st Birthday!

等左好耐先有時間打既一篇blog

Midby都就快13個月大, 我連佢12個月大時既birthday咁重要既details都冇時間record低。

由於我好多好多野想記錄, 我決定呢篇blog 會以超快既speed去完成。

姑婆o係Midby around 11個月左右就建議去Disney食buffet同我同埋Midby一齊celebrate birthday。佢話因為Sam成日請佢地食飯,而對於佢來講, bb既1st birthday 同埋18th birthday係好重要, 佢想請我地一齊去食buffet。

雖然我地講左要AA架喇, 佢都話唔好, 最後去左食lunch buffet。我o係birthday之order左條裙比Midby, 等佢做個小公主, 係就係條裙長左d, 比婆婆修一修, 即刻ok哂。

我一直對公仔冇咩特別喜好, 女仔細個時好多時都會對特別某隻公仔有喜好, 而我就去到中學時先識得鐘意Betty Boop, 同埋大學時先鐘意科妮。

所以對去Disney玩我唔會太過興奮, 不過...今次Disney buffet之旅令到我有個好難忘既回憶，就連麻麻佢地都話點解Midby既birthday, 做媽媽既好似仲開心d。

去Disney食呢次buffet之前, 我教左Midby邊個係micky mouse, donald duck, daisy, goffy, minnie mouse。我期望佢去到見到d公仔時應該會開心, 點知佢去到時一叫到d 公仔佢叫呀!! 佢呢個傻豬, 人地行過來同佢影相佢好似有小小驚, 但人地走左, 佢就叫...

Disney既decoration係好warm既, even 你唔鐘意disney, 你都唔可以否認佢係好適合小朋友去玩。Midby o係呢一日完全冇喊過, 就連change change尿片時去既washroom, 佢都唔會喊。

公公o係食buffet中段抱走左佢, 去左一間房度玩, Midby可以同公公一齊好耐, 成大半個鐘以上, 因為o個度有好多木製既玩具, 我去到間房時, Midby見到我都當我無到, 繼續玩!! 而睇番d 相, 我見到公公咁耐都捉住/扶住Midby, 好warm!!!

Buffet之後, 我地去賣souvenir既地方, 由於姑丈公有discount, 我本來想買個水壺, 當我比Midby揀時, 佢揀左隻同我想揀既唔同, 我又麻煩喎...問佢好多次, 等佢揀番我想要o個隻, 最後爺爺話呢d水壺唔o岩小朋友用, 可能有d唔合標準, 我聽到佢咁講就知道佢唔係太贊成我買, 所以我就冇買了。[好在當時冇買...因為兩個幾星期之後姑丈公話有fair, $30一個乍, hee...我最後都叫佢買左了。]

Midby o係shop 內對minnie既手袋情有獨鐘, law住唔放, 佢地緊係話買比佢啦...但媽媽我唔鐘意隻minnie既手袋呀! [Midby: 將來你睇番呢篇blog時, 你唔好嬲媽媽呀!]

o係shuttle bus 途中, Midby已經訓著了, 由Midby爸抱住, 而我就送左hand-made既photo album 比麻麻同埋婆婆, 2R size, 一人一本, 等佢地成日可以睇到Midby。

番到屋企之後, 我就同Midby講叫佢同爺爺麻麻佢地去玩princess car周埋bubbles, 而我就留o係屋企整通心粉比佢for dinner。

雖然呢次birthday celerbation 一d 都唔豪華, 又唔係一個party, 又冇禮物收； 但係我地有個好美好既回憶 ── 因為Midby既最親 - 媽媽爸爸, 爺爺麻麻, 公公婆婆, 姑婆, 姑丈公都同佢一齊渡過, Midby仲o係呢一日成日自己笑左出來tim! 可以同最親既一齊呢d 先係最大既福氣。

爺爺麻麻呢一日好早就出到來同我地一齊去Disney, 爺爺仲買左條裙比Midby。其實...因為講起呢條裙有個小插曲既。

早o係Midby birthday之前好多日, 爺爺已經買左呢份禮物, 仲放o係大埔屋企爸爸間房。

有一日我番到去見到個盒, 我問Midby爸係咩來, 佢話係爺爺買既, 我當時聯想唔到呢份禮物係For birthday既, 我就好快手, 將盒上既ribbon untie左佢。

之後我打番隻ribbon, 但就唔夠人地職員打得咁靚。

點知有一日同麻麻傾電話,佢話爺爺話佢好整到份禮物隻ribbon 咁樣衰, ...原來麻麻佢又同我一樣去開份禮物睇, 不過麻麻就冇整甩隻ribbon, 但係爺爺就一口咬定係佢做...

我聽到真係笑到收唔到聲, 因為麻麻同我食左隻死貓呀! 好在見到Midby爸, 我就打哂眼色, 問Midby爸: 係唔係你有份打開份禮物睇呀? 你係唔係整甩隻ribbon呀...爸爸好好人咁同我食左呢隻死貓, 認左係佢做既。

除左爺爺, 姐姐都買左份禮物比Midby - 一套粉色既衫褲, 姐姐既姐姐就買左個hello kitty 既首飾盒, 麻早成員就買左三大盒玩具, 而婆婆就搵左好耐先搵到張科妮卡。

Midby最親既媽媽同爸爸反而就冇買任何野。最surprised既係Midby爸o係當日比左封大利是, 上款寫: 給偉大既媽媽!!!

Midby: 我知道你唔會怪媽媽爸爸冇買toys比你做birthday gift! 你大個一定會明白, 世上最珍貴係並唔係物質, 而係有最愛o係你身邊, 支持你, 教育你, 陪伴你! 我同爸爸願主給予你力量, 做個好孩子, 健康快樂成長