24w6d 麻早之友聖誕聚會篇

我同Midby爸既勝利品

開完25 Dec 2009 Xmas Party 的後一天

尋晚我地開左個一年一度既聖誕party。以往未有一言出世, 多數都係o係我屋企搞既, 而家多左一言喇, 我屋企又細, 所以要搵另外地方搞party。本來除左kate之外, 個個都可以join既, 不過當日luby, baillie 唔舒服, choi 生陪baillie, 所以最後有3個人冇出席。姜太o係佢屋企既會所book左個room, 由6-9pm, 叫左到會, 由我, Midby 爸, june + alan一齊去九龍糖law, 叫客貨車直上姜家。由於mama 分咐過, 因為我同sam 帶孝o係身, 唔好搞到人, 唔好上人屋企, 所以9:00pm 交番場之後就o係出面公園再聚多一陣就走人了。

我都話過, 自己唔係好貪靚既人, 但係有左Midby 之後, 就好擔心自己會好肥。由細到大, 都未試過肥既滋味, 今次真係驚架, 見到鏡前既我真係天天長大, 天天生肉, 我既工作仲會成日見人, 所以我成日都行路, 去supermarket, 買野, 煮飯, 洗衫, 真係咩都做, 不過隨著Midby 既長大, 我身體既脂肪都會增多, 呢層我都明, 好明顯, 胸, pat pat, 背部, 手臂, 同埋唔洗講個肚都會多左脂肪。我之前見得太多肥既大肚婆, 問心, 真係幾明顯一個大肚婆款, 手臂粗粗, nose 大大 (係呀...好易分到佢係唔係大肚架, 大肚既人多數面圓d, nose 大d 架), 面倉白d, etc, 我真係唔想好似佢地咁架!!!

好在, Midby 好錫我, so far 佢仲未搞到我變成我心目中既"典型大肚婆", 不過而家只係6個月, 我知道...終有一日, 我會變成咁架...

Honey 話我只係個肚大, 睇個樣都唔似大左肚, 其實好多人都係咁講, 但係自己知自己事嘛

Esther 都講過, 邊個會咁冇品去笑大肚婆肥? 每次我諗起都覺得好安慰, 不過o係HK, 真係好多人冇問架, 自己自己係有品之人, 但之前見到咁肥咁輪儘既大肚婆, 我都即刻滴汗架!

我地繼去年既secret angle 之後, 今年又搞過交換禮物, 不過june+alan 睇錯email, 以為仲係原來方案, 所以兩人共買左一份。我就抽到honey既blueberry honey, yeah!!!! Midby 爸就抽到cindy 媽既北海道戀人biscuit, 我就同Midby 爸準備左兩份禮物出來 - 1)我稱之down to earth 之選, 就係3包既instant noodles (但3隻都係我既favourite, 因為好味之餘, 不含MSG, 亦冇油炸) + 1枝MEKA既石榴汁+1包調好味既即食pasta + 2包海折。呢份係由左june/ alan 抽到既。 另一份禮物我稱之為high class 之選, 包括左1 bottle J's 既poccini sauce + 度小月既蟹sauce, 全部都係工展會既勝利品, 我知Midby 爸會有d 心痛架喇, 將我地o係工展會買番來既度小月既蟹sauce contribute 出去, 不過我又唔食得蟹, 見到Midby 爸一個食, 咁難受, 不如contribute 出去, 比有心人帶佢番屋企仲好啦!

最後要提下一言仔, 佢6:00pm 之前先食完媽媽奶, 到7:30pm 左右就已經餓了...見到姜生姜太兩位對一言既照顧, 我真係有d 壓力。我並唔係有耐性既人, 見到個bb 成日喊 (其實個個bb 都會架喇), 我真係唔知點好, 我怕到時Midby 出左世之後好難搞, 我都唔知點過日子。感恩既, 我有Midby 爸, 我相信佢既高EQ 可以幫到我呢隻典型白羊去克服困難。最重要係我深信我地既Midby仔會好乖, 會好易照顧既!! Midby, 媽媽對你有信心!!!!

24w4d Merry Christmas!

去完廣華做第3rd產檢的一天

本來唔想去做, 因為知道同2nd一次一樣, 都係等等等之後就見醫生, 之後就比nurse 聽下bb既心跳, 之後醫生會去按下個肚, check下有冇水腫。不過今日有dd 唔同喎, 就係醫生用把尺去度我個個胎到恥骨位有幾長, 佢度之前大力去按我個肚臍上面既肉, 睇下由邊度開始度起, 當然佢唔會同我講結果正常與否啦, 佢都加左句問我"有冇特別野要問", 我諗一諗就問佢點解個ankle 位成日痛, 佢話係咁架喇, 水腫嘛 ... (Dr Wong比我既解釋同佢十倍 in terms of 可信性及合理性)

今次同上次一樣, 都係冇check個體重, 我問nurse 洗唔洗, 佢望望file, 之後就話"你唔洗"。下次4th check up 將會做血糖測試喇, 我問nurse 係唔係要飲糖水呀? 佢話唔係, 係驗血o者, 奇!!! 咩唔洗飲左d 糖水先去抽血咩?

我一早叫Midby 爸唔洗陪我, 因為我明知去政府check 一定冇ultrasound scan 做, 不過Midby 爸好好, 次次都會陪我架, 今次都冇例外, 佢仲食埋我準備比佢既wild salmon sandwiches 做早餐, 而家做左人地老婆都幾年, 先開始發覺個老公食自己準備既食物既滿足感咁大, 亦開始明白點解咁多女人去學煮飯, 唔怪得d 女人識煮飯, 做埋呢d 女人野咁有market 啦!

之後去左潮樓飲茶。Midby爸成日話好少同我兩個人去飲茶, 又好似係喎, 兩個人食左6碟野先$79, 真係抵呀! 後來收到爸爸電話, 叫我番去食tea, 但係我剛食飽乍, 點食喎? 之後我諗左個兩全其美既方案, 就係番去同佢地食dinner 喇。人越大, 越享受天倫之樂, 老土d講句, o係父母仲係行得走得時, 我真係想多d 陪佢地, 同佢地一齊去享受光陰呀! 與其我地兩個去陪我mama, 爸爸, 不如叫埋奶奶老爺啦, 兩個人去陪4個, 抵呀! 我好肯定佢地好開心, 所以最後都去左pizza hut 食左個不過不失既christmas eve dinner!

感謝主, 賜比我一個幸福溫暖既家庭, 更加幸運既比我遇到Midby 爸, 同埋佢地一家, 本來由兩個人錫我, 而家變成5個人錫, 好抵呀!!!!!!

後記: dinner 之後行jusco, 比我見到一言仔呀!! 我見到佢好肉緊架喇, 我好開心 (唔明點解我真係好輕奮喎), mama 同埋奶奶都走去同佢玩, 當時已經8:30pm 過後架喇, bun 話佢地先去買送番屋企煮飯, 見到亞bun "mei" 住一言, 同埋cindy 一家三口, 我好替佢地高興, 好feel 到佢地既幸福! 我地既Midby 仔o係我同一言玩時仲郁得好勁, 係唔係佢知道呢個哥哥將來會同佢好friend, 佢而家同佢打定個招呼呢?

24w2d 痕...痕...痕

冬至

兩家既做冬一早已經食左飯, 所以今晚正日都係我同Midby 爸兩個人過。

幾日前發生左件唔開心事, 人前人後我都少提, 不過因為我有左bb, 好多野我都做唔到, 連23 dec 去同事屋企搞既xmas party 我都唔可以join。亞婆會o係1月12日入土為安, Midby 爸會代表我去同亞婆say 個hello 同bye bye! 如果亞婆真係當日係為左等我同佢講句唔洗擔心, 佢先安心走既, 我會好嬲自己點解唔一早同佢講, 要佢捱足成晚, 到大朝早先...

我自問唔係一個孝順既孫, 我最擔心既係我亞媽。亞媽怪自己冇儘做女既責任, 去好好對亞婆, 我反而咁睇, 仔女同亞媽都好講緣份, 況且亞婆生左10個, 佢地之間既attachment 又點可以同而家我地呢個generation 生得一兩個去相比呢?

今次令到學識同體會到一樣野, 就係act before it's too late! 亞婆在生時, 我地有幾何去睇佢? 唔係佢生日, 新年, 我地有幾何去見佢? 唉!

係唔係我迷信呢? 我當日番左亞媽度, o個日個個都唔知我原來係唔可以番去既, 我仲以為我係屋企其中一份子, 冇咩所謂, 但係就係因為我有左bb, 所以我好多野都唔可以做, 連番去屋企都唔可以。番到自己屋企後, 我病左了...

1) 喉嚨痕, keep coughing!
2) Midby 當晚唔郁, 我驚到死, 到第二日都係唔郁, 我真係冇咩心機, 佢平時最鍾意夜晚同埋早上郁, 但當日只係早上有一兩下郁過, 去到4-5點先真正郁
3) 尋日開始, xx 好痕...唉, 好驚有infection, 已經整左yoghurt, 同埋買左cranberry juice, 希望唔好有事。

今日係冬至, 唔知係幾多年前開始, 我同Midby 爸都會食湯圓, 取其意頭團團圓圓, 我好希望真係可以同到Midby 爸一直相親相愛, 白頭到老!

24w1d 請左工人喇!

930-1230 監考+同事farewell lunch@supersandwiches 的一天

正恆好好呀! 佢特登由MK 番去大埔, 就係為左同我去開亞may 有關工人既野, 我同佢講亞may介紹左兩位比我, 我自己就去睇d files時, 揀左1位, 比哂4大長老睇完之後, 兩位男長老就likey no.1, 亦即係我請左o個位, 另外兩位女長老就likey no.3, 因為佢地覺得no. 1 惡。

其實我都覺得no. 1 有d 惡架, 我驚佢對住Midby, 整驚Midby 咪big pan! Maybe 奶奶都覺得係咁, 所以媽咪同我講佢地會揀no.3。

問番亞may, 佢就話佢都interview 過佢地幾位, 覺得no.1 好d, 因為醒d, 同埋may 都已經brief佢我地屋企既情況架喇, 反而佢覺得no.3 aged 34 個位就老左小小, 冇aged 28 o個位學野咁快。

我請工人最大壓力係要搵個我奶奶鍾意既, 因為佢本身唔贊成我地請工人, 得到佢地而家讓步喇, 我唔想佢第一次接觸既工人就同佢所想像既咁差, 所以我一直都15, 16, 唔知要no.1 or no.3好。

不過細佬問到May, 佢都仲係叫我地揀no.1, 我估佢地有佢地recommend既理由, 所以最後都決定左, 請一個同我同一個星座既helper!

Dr Choi 曾經講過, 我呢個星座既人, 基本上同咩星座既人都ok 夾到既, 希望呢位姐姐會同我奶奶相處愉快啦!

亞may話呢個姐姐已經train 左兩個月喇, 而家我confirmed 請佢, 佢會再train 多兩個月, 到時到HK 前都有成4個月既training 上左, 佢地會交低比多d newborn baby同廣東話training 個姐姐, 反而照顧有關elderly既training 就唔洗上了。

我而家已經開始plan 定呢位姐姐到左hk 之後, 我點樣去train 佢, 感恩既我有媽媽, 去train 佢做飯, 我打算叫5姨train 佢搞衛生, 因為5姨慣左知道我屋企點清潔, 而我就準備d 濕濕碎碎既野, 好似安排下比個wardrobe 佢啦, 買毛巾, 日常梳洗用具, 加埋向 anna 同埋其他朋友取經, 有d 咩"tips" 同工人相處啦, 真係好希望呢個經驗會係好既!

Midby, 媽媽搵左個姐姐去照顧你呀, 呢個姐姐應該同你, 同媽媽都係同一個星座, 唔知我地3個會唔會好夾架呢?

23W2D 神州行

晚上開始有小小鼻水的乾燥天

好耐冇見過亞爺喇, 由我有左Midby咁耐我都冇上過去。亞婆呢件事令我知道, 好多野想做, 但係都已經太遲, 所以我想o係我行得走得, 唔論盡時, 去見下亞爺。

我好開心, 得到Midby 爸既支持。呢個係我既亞爺 , 係我呢邊既人, 但dot lo明白我心裡面諗咩野, 所以佢二話不說, 都話陪我上去探下亞爺。下次見亞爺既時候, 希望係帶住Midby 上去啦! 亞爺精神仲可以, 不過反應慢左好多, 都唔可以轉身, 我要企o係佢面前, 佢先見到我, 希望佢見到我, 同埋我個大肚, 令到佢會開心d, 同埋安慰d 啦。

我有時都幾想讚下自己。今日9點起身之後直到今晚7:30pm 先番到屋企。由屋企上到大陸, 食埋lunch再坐番車番羅湖都只係短短5個幾小時。但係之後Midby 爸帶左我去兩間bookshop, 買左小小書同埋CD 比Midby, 再之後去埋味千食拉面, 再坐火車番到旺角既新世紀, 再上埋去荷花睇co-sleeper 同埋其他野, 之後Midby 爸6:30pm 走喇, 去搵佢中學食dinner, 我就一個去food court 整番個面, 又行埋上去wellcome 買d 豬肉去煲湯, 再行埋去701站之前買廿蚊生果...最後番到屋企已經7:30pm 了。

我感恩, 比我有充足既精神如同平常人一樣生活。好多人都問我大肚係唔係好累, 係唔係好辛苦, 咁大個肚, 不過我真係好感恩, 而家仲可以同未有BB一樣, 行足一日。當然而家唔似得之前可以跑, 亦都唔可以行得太快, 但絕對唔係turtle速架, Midby 爸應該都唔洗刻意放慢腳步就我...遲多個月, 到我個肚都7個月喇, 相信到時唔到我認叻了。

唔知係唔係幾日前同父親celebrate birthday 時比佢/ 媽咪傳染, o個晚又夜訓, 成兩點都仲online, 同cindy chat, 我見佢咁好心咁好人, 幫我law combi d 野, 唔想咁掃興, 咪一口氣上網睇哂d 野, 睇下有咩o岩囉, 最衰係我仲未備課, 第亞朝又要早起補習...

到今晚喇, 已經有鼻水喇, 希望唔係病啦! Midby 仔, 媽媽來喇!!! 上堂喇!!!!

22W6D Strcuture Scan @ Dr Wong's Clinic

其實o係19w幾時已經o係廣華做左一次照結構了, 仲係由兩位醫生 - 一位MO, 一位consultant, 我已經好好彩架喇, 只不過個女MO冇同我講bb個咀仔點樣, 所以我都心大心細, 搵唔搵dr wong 多做一次。

o係22w6d o個一晚, Midby 爸同我又去睇dr wong 了, 我已經好叻喇, 呢次同之前見佢o個次相距成5個星期, 等dr wong 唔好以為我好緊張, 成日要去見佢嘛.

我去到同佢報告番我去KWH 既structure scan (anatomy scan)result, 佢知道係由MO+Consultant 做既, 我一心只係想佢剩係睇下Midby個咀點樣, 不過佢都做哂成個routine scan, 比埋個report 我, charge 我當然係structure scan 既費用啦, 不過discount左我$100 囉, hee....

鬼叫我一早N 咁多個月前已經同佢講我唔信public hospital, 會搵佢多做一次咩, maybe 佢記得我講過, 所以都冇問我, 就check 哂Midby 所有organs了。

不過dr wong 做既scan 真係唔同d, 佢指出心臟呢個位好易比人miss 左, 因為唔係睇chambers 幾多個咁簡單, 仲要睇埋個valves 啦, fluid 幾多先係正常啦, 個腦o個度有個位黑色位係咩來啦, 呢d 都o係public 度冇講解既。不過, 我都要為KWH 講句公道說話, 同我照o個位MO 唔係太有經驗, 但係都有位consultant 度教佢, 唔係政府做既就唔可信, c+ 醫生咪又係public 做完出來先至private practice, 不過esdlife 度識既姐妹就唔好彩了, 佢地由護士做, 又做得唔仔細, 所以佢地個個都會c+ 多做一次。

Midby 仔同上次一樣呀, 醫生想比我睇下佢既側面4D, 但係佢唔肯, 又再o係我既placenta 後面喇, 都已經兩次了, 我直覺覺得Midby 唔想咁快比我地睇佢個樣, 不過有個2d angle 影到佢個樣, 見到佢隻眼好大隻, 正確d 係佢既眼窩大, 但係眼窩大又唔代表佢對眼大喎, 所以我到而家都唔知Midby個樣係點架!

Midby 都算好合作架喇, 基本上佢係一個easy bb, so far 咁多次scan 佢都好合作, 雖然有時會爬o係度, 但係最後都會比番個好位置我地去同佢檢查架!

不過我對佢既size 有丁點兒失望。Dr Wong 就話佢既growth o岩周數了, 但係我睇番個report, 見到有d measurements a bit behind呀, 我當然明白而家既growth progress 唔代表佢將來出世時點樣, 不過我一直都覺得我重咁多, 又食得, 訓得, 應該個b 會大隻d 架嘛。

BPD: 5.71CM 23W3D
HC: 20:85CM 23W0D

度頭圍呢, Midby 就似足佢爸爸, 都係頭大, 比周數大小小, 不過講到佢既肚仔, 同埋腳骨長度呢...有d behind 呀。

AC: 17.68CM 22W4D
FL: 3.92CM 22W4D

唔知下次1月見dr wong時, midby 仔都28-29w大喇, 又會幾大隻呢? 希望下次去見dr wong之前做既糖水test pass 啦, Midby, 你唔好比媽媽有糖尿病呀, 知冇?

22W5D 產檢前一天

仍然紅點滿佈左腳的乾燥天

尋晚照舊用茶花子油, o係沖完涼之後即刻塗上身, 肚, 手, 鼎。

身體上其他地方都仲叫做頂得住, 但係左腳, 年年既冬天都要經歷幾次紅, 腫, 痕, 痛, 咩都齊。

事源係N年前我用左bathroom 度掛起既絲瓜x擦左腳大脾位, 點知因為咁, 搞到皮膚下既油脂層嚴重受損。

咁多年, 只得兩個方法可以解決 - 1) 唔沖涼 (亦係最好方法), 2) 沖完之後即塗vasline, 勁厚一層。

不過而家有左Midby唔可以再唔沖涼喇, 好易有陰遁炎, 所以每晚, 無論乾燥到得番30度濕度, 我都要去沖涼, 唉, 已經較低水溫了, 再加埋茶花子, 再加埋vasline, 都頂唔順。

尋晚半夜痕醒了, 即刻起身入bathroom, 出埋我最後既法寶 - forever 既aloe vera gel。

我記過好耐之前, 用過forever 既aloe vera gel, 係可以令到皮膚即時冇咁敏感, 不過而家有左Midby, 知道唔可以食aloe vera, skin care 內有aloe 都唔知可唔可以用, 不過唔理了, 我尋晚都用左...

終於可以止到痕同埋痛, 紅點亦都慢慢淡了。

我今晚會再試, 希望呢隻紅點大脾遠離我。