35w1d 工人姐姐到步篇+聽廣華最後一個talk (產後護理)

同印尼工人姐姐相處的一個冷天

前幾日仲係好和暖, 點知呢幾日, 特別今日咁冷。知道姐姐今日會到我地屋企, Midby爸尋晚快快手同我去左日本城買左個衣架, 同埋兩個細箱for Midby's 衫, 整吉左兩個drawers 比姐姐, 叫做了左件心事喇。不過我好唔開心囉, Midby爸4:30am 先訓, 我好唔滿意佢咁夜先訓囉, 成日都係咁...

今日去左聽廣華既talk, 同平時一樣, 我同Midby爸都係成9點先起身, 緊係坐唔到巴士去, 又要坐taxi 啦。今次係最後一次聽喇, 因為我地一共報左5個talks, 呢個叫產後護理, 唔係最後一個talk係咩喎...好開心, 又law 到huggies 既sample, 仲有buy 1 get 1 free coupon, 又學到d 其實已經聽過好多次既野, 不過溫故知新都係好既。

之後番左大埔同奶奶食lunch去飲茶呀! 奶奶問起我究竟陪月可以幫我做到d 咩, 咁o岩有野食來, 所以我就冇答喇, 聽佢語氣同埋睇佢表情, 我知道佢覺得陪月冇咩野可以做到, 因為佢之前都問我點解要請, 仲問我係唔係唔信佢...

其實有時我都唔知我呢個決定o岩唔o岩, 我都有時覺得, 係唔係自己太過驕身慣養, 巴閉過人, 又有工人, 又有陪月, 又有兩個亞媽幫手。不過我初時問媽咪, 佢都覺得我請陪月係好事, 因為佢已經唔記得哂所有bb野, 佢對自己冇咩信心。而我只係好簡單既理由請陪月, 就係希望有人幫手照顧Midby, 同埋搞好我既身體 (呢個最重要, 係我請陪月最初最重要既原因)。希望奶奶見過兒姐之後, 會有所改觀喇 (我最衰就係成日好mind人地點睇自己)。

食lunch之後就番去媽媽度law 送同埋比姐姐既beddings 喇。之後去agent pick up 姐姐時, 只得佢一個乍, 我估佢都等左好耐了。佢比我想像中個樣冇咁惡, 同埋個人相處過大半日之後都覺得佢好ok。

當然我唔敢咁快下判斷佢係一個稱職既工人。我聽anna講太多, 亦聽新聞太多d cases了, 所以我會observe, 但好感恩既係最起碼第一日既觀感比我地係好既。

今日train左佢prepare simple dinner啦, 洗碗碟啦, 叫左佢第二日起身洗toilet 啦, 仲有交代左d 基本野啦, 都已經唔少喇。我驚佢太累, 因為尋日落機, 今日去做body check, 同埋去law 身份證, 之後又等我地咁多個鐘, 我叫佢10:00pm 就訓喇, 聽日就6:30am 起身去洗toilet。

Midby爸對佢既感覺都幾好呀, 咁就好了....等Midby爸比多d 信心奶奶啦!

最搞笑係...我一直以為我要用中文同姐姐溝通, 原來...佢o係星加坡做野兩年都學到d 英文既, 所以我同Midby爸都係同佢講英文乍, 仲都幾溝通到tim喎! 唔知奶奶點同佢溝通呢?

Midby: 你鐘唔鐘意呢個姐姐呀? 佢會幫媽媽手準備飯飯同埋做家務架, 等媽媽可以多d 時間照顧你, 不過媽媽唔o係屋企時就會由麻麻同埋呢個姐姐睇住你架喇, 你要乖乖呀!

34w6d 第100個posts 喇!

準備工人姐姐物件的一天

今日收到亞May 電話, confirm左呢個星期六工人會到喇, 其實佢聽日就到HK, 星期六早上就會去body check, 搞埋身份證, 下午2:00pm 之後我地就可以去pick up 佢, 開始有d 緊張喇, 因為呢個工人唔係得Midby爸同我兩個用, 仲要Midby仔+奶奶....

奶奶係幾picky既人, 對自己人地要求都高,佢本身都唔贊成請既, 所以而家請左喇, 我地好有壓力, 好驚佢唔o岩奶奶心意。可能亦聽得太多, 有好多人都請左個唔好既, 如果我好似Sonia 咁好彩就好了....有dewi 咁好既工人!

所以今日Midby爸去左買隻cam, 而我就番屋企拾拾野, 同埋聽日要jot 低有咩野叫佢做, print 埋d "rules" / "timetable" 比佢睇....點解我早d 準備呢? 成世人都係咁既!

而家步近EDD, 好多野都真係要ready喇。學校既野我就盡可能get them all done asap, 屋企既, 就等姐姐來, 叫佢幫手 (不過擔心同佢既溝通問題呀!)

其實我好鐘意而家住既呢間屋, 但開始覺得佢太細了。以前真係唔覺, 而家只不過多左個bb仔, 同埋個工人姐姐o者, 點解人地可以400尺住10個人, 我地600尺唔可以住多個半人呢?

心思思想搬, 但一考慮到實際問題, 好似地點啦 (同區? 定第二區?), 大小 (3房最少都750尺先有d 野睇), 價錢 (將而家呢間賣左之後補幾多錢呢?), 風水 (而家住得好好喎, 點知新o個間係唔係一樣咁順風順水架?), 就有d 煩了。

如果比我o係同一區搵到個單位, 貴我地而家住緊既唔係太多,又有3房, 又係中高層 (唔洗好似而家咁高, 但都要中層以上), 景觀又唔錯, hee....咁就太好了!

有朋友建議不如搵番兩房, 等工人同埋BB一齊訓, 但係我覺得Midby大個, 都要有自己既房架嘛, 我又唔係太想佢同工人一齊訓喎!

Midby: 媽媽知你乖喇! 我今日breakfast食左salmon, dinner 食左秋刀魚呀, 夠唔夠DHA比你呀? 媽媽忍唔住睇左o係Dr Wong 度同你影o個幾張側面相, 好開心, 好甜呀! 你再唔係一個胎兒, 你係活生生一個bb女喇, 你出世之後, 媽媽一定對你"愛不釋手"呀! 仲有呀, 爸爸安排左唔會o係3月讀書喇,佢驚你出世時, 陪唔到媽媽呀! 所以佢揀左o係4月, 應該你已經出左世既時間先番學, 你要乖乖呀, 等爸爸可以專心韻好書, 咁就可以以後多d 時間陪你, 你唔好成日喊呀, 搞到爸爸訓唔到覺喎, 知冇?

34w4d 仲唔到我急wee wee!

終於比我feel 到急wee wee 的一天

D人成日話bb頭仔向左下, 個媽媽就會成日 feel 到要去wee wee。其實有成個幾月, 我都會半夜去wee wee, 但day time 又唔多覺有呢個需要。反而first trimester 時好明顯每半個小時就去一次, third trimester 時又唔覺喎, 所以我懷疑Midby仔個頭係唔係向下架!

尋日去完Dr Wong度, 照過佢真係downwards 喇, 仲有走雞既...點解...點解我可以幾個鐘都唔去一次washroom既?

今日終於比我feel 到喇, 哈哈, 唔知係心理作用, 定係真係生理反應, 我一個早上去左3次washroom, 同一位同事一齊飲同一份量既湯, 我早過佢好多去washroom呀! 我估Midby仔頭係真係向左下, 仲壓住我bladder 了。

仲有呀...呢個week既分泌多左喇! 我知道approaching EDD 時會多分泌, 不過唔知幾時開始會多。我同左Midby爸講, 佢既反應好似係 "會唔會快左d 呀?"

其實我想通左喇, 一星期前仲好唔接受到時間咁快到, 好想時間慢d, 唔想Midby咁快走出來, 但既然而家Dr Wong都話佢頭仔都低喇, 我成個人都relaxed哂, 我就同自己講, anytime 都可以迎接佢既來臨。

當然佢而家只係得5.3lbs, 而家出世緊係唔好啦, 加上Baillie 既烜烜有鼻塞呀, Rosa話因為佢37w就出世, 有可能身體既organs 仲未好developed 好, 搞到我有d 擔心, 唔想Midby太早出來時有咩問題。但相反, 太遲出來時, 我又驚佢太大隻, 我要痛好耐, 你話呀, 做亞媽既我係唔係好矛盾呢?

又feel 到要去wee wee 喇, wee wee 完就要同Midby上堂喇!

收到好友PS Bingo 消息呀!

我相信緣份。

幾年前搞結婚時, o係Esdlife 比我認識左一個好o岩傾既女仔 -- PS。我地有共同既話題, 因為當時大家都係搞緊wedding, 上至揀咩酒席, 揀咩地方影結婚相, 下至買屋買咩家私同電器, 我地都會傾得一大餐。同PS 相處好舒服, 佢好似我既好姐妹Sonia咁, 好純, 好真, 好正面, 少批評, 所以我好珍惜佢呢個朋友。

搞完結婚之後大家少左contact, 不過最近呢一年大家o係msn 上見番面。我有一日(應該12月左右)心血來潮同佢講我有左bb, 點知佢o個陣身體唔舒服, 仲去左睇中醫, M 又未來, 中醫懷疑佢有左bb, 就係咁...我地開始傾起bb呢個topic。

我好想好想佢有bb 架! 雖然o個一次佢check 過原來係冇既, 但係呢次既experience 令到佢同老公D開始認真去考慮呢個問題。我估唔到, 佢地仲咁快, o係Chinese New Year 開始佢地既造人大計tim!

我其實好心急, 想msn 問佢點樣, 不過又唔想比壓力佢。到今日lunch之後, 佢msn 我....哈哈, 佢一叫我, 我就知道佢想講咩喇! 佢bingo 左呀! 好叻呀! 又係一撃即中呀!!!!

我覺得係神既旨意來。神兩次將我同佢拉近了 - 第一次因為我地搞結婚; 第二次就係因為佢有左bb。好奇妙...真係好奇妙。點解timing 會咁夾呢? 哈哈, anyway, 我好開心知道佢有一個小生命既來臨, 我更加可以share 一d 我所謂既 "心得", 亦好期望將來我既Midby仔可以同佢既小PS/ 小D 做好朋友。

照LMP計, 佢今日係6W1D pregnant。不過佢既cycle 成34日, 所以呢個stage 去照u/s 未必會見到bb既心跳住。我估佢應該下個week左右啦, 就會見到架喇...而家見到好朋友行緊一步步同自己之前行過既道路, 真係好開心, 好想將我所知既同佢分享呀!

感謝神比我認識呢位朋友, 問心o係HK 呢個地方, 搵到一個願意交心, 冇conflict of interest既朋友真係唔易, 好在我搵到!!!

34w4d 產檢@Dr Wong's Clinic

產檢後好開心既一晚

等左兩個星期, 又去見Dr Wong, 而家呢個stage 見Dr Wong, 真係有d excited! 因為步近EDD, 每次去見佢, 即係同Midby 又say hello! 又會見到佢幾重, 幾大隻, 所以真係又驚又喜。

今日係34w4d喇, 上次32w4d時, Midby 重2kg, 相距兩個weeks, 佢今日應該係2.4kg 架喇, 果然真係! 冇多冇少, 2406g = 2.4kg = 5.28lbs。

一去到就同Dr Wong report 下我呢兩個weeks有咩問題先啦, 係咁意同佢講左我有一次contraction, 但冇discharge, 又問左佢係唔係會有"尿急", "耻骨痛" 同 "盤骨痛" 問題, 佢話bb個頭仔向下壓時會令到我地易d 有"尿意", 不過佢冇講到"耻骨痛" 同 "盤骨痛" 問題。

我亦都同佢講我有朋友因為bb既頭唔夠"低", 所以成個產程太長, 要開刀, 我已經同佢講左我好唔願意架喇, 佢都話有d 時候, 係唔可以避免, around 3成機會啦, 會要開刀, 但一般婦女都可以有8成機會順產。

好喇, 例牌第一件事佢會幫我照下4D (好在Dr Wong 有記性, 記得Midby成日唔比佢照4D), 佢一照, 就話"今日有機會喎..."。其實我同Midby爸已經唔會期望o係呢個stage 會見到Midby既4d架喇, 一來知道佢唔鍾意, 二來客觀覺得佢個頭仔既然已經向下, 見到既chance 更加slim。但今次真係比我地見呀, 好cute! 我地見到Midby既半邊面呀! 面豬好有肉地, 好開心呀! 我o個刻真係好開心, 好甜, 見到自己既BB, 佢當時訓緊覺 (印象中佢真係次次唔係訓覺架, 只係今次先係), 所以佢對眼係合埋, 我見唔到佢對眼大唔大喇。之後Dr Wong想整醒佢, 所以o係我肚上面輕輕拍幾下, 點知Midby仔佢個口仔即刻唔知點樣....郁下郁下, 哈哈! 之後仲更加面向我既胎盤tim!

所以Dr Wong話佢係個shy 既bb。我就反而覺得佢好 "defensive"! 一知道有外來既 "干擾", 就即刻搵地方避避!

之後度左佢頭仔, 肚仔, 同埋腳仔...oh! 頭仔繼續帶前, 都係快人2w, 肚仔o岩o岩好, 但對腳仔好短呀, behind 人地2w, 我問Dr Wong 點解bb咁矮, 佢話chinese 係咁架喇....我唯有o係Midby大個時叫佢做多d exercise 啦!

最開心係Dr Wong 照u/s 時話照咁睇, bb既頭都唔高, 之後仲壓下我耻骨o個位, feel 下Midby既頭仔, 如果佢既judement 係正確既, 我就安心哂喇, 而家34w幾, 仲有幾個星期, 希望Midby個頭繼續慢慢一步一步落我盤骨, 到時唔洗我痛咁耐之餘, 亦可以順產。

我問埋佢可以做咩facilitate 個delivery, 佢笑笑口話叫我行多d。我話會唔會因為咁, 而令到我好快作動, 佢即刻話 "唔會!!!"。我咁問係因為babykingdom有媽媽話佢既醫生叫佢唔好行咁多, 會令到佢bb早出世, 所以我先會咁問Dr Wong。

最後佢抽埋我既陰道分泌同埋肛門分泌去check下有冇菌, 佢仲唔收我呢個test既錢tim! 同時亦寫埋入院信比我, oh....時間真係好快呀, 比埋信我喇, 我唔接受現實真係唔得喇! Anyway, 我生完Midby 之後, 一定要好似其他媽媽咁, 寫封信去表揚Dr Wong!!!!!!!!!

後記: 過左幾日打去clinic問個B鍊球report, 好在冇事, 真係好感恩為我一次又一次咁過關!!!

34w3d EDD 迫近的隨想

同事放左產假既後幾天

Kerrie 既EDD 比我早3weeks, 所以我以佢做reference, 有好多佢experience 既野, 我就會有心理準備, 遲d 到我。今日同佢msn, 知道佢已經38w喇, 真係好替佢緊張, 38w 已經係好好既timing 去生bb架喇, 況且佢而家已經o係屋企, 都係等...不過前幾日醫生同佢講個bb既頭仔仲唔係落得哂, 如果佢生都會痛好耐下。

Maybe 因為Baillie 既experience, 令我知道bb個頭向左下唔代表一切。我就係好矛盾, 一方面好唔想Midby o係我未ready 既情況下出世, 但另一方面我又好想佢個頭仔已經落緊去我既盤骨。我聽日就去見Dr Wong, 以佢既性格, 佢唔會主動講我知Midby仔個頭係點既, 我當然會問啦, 呢幾晚我都打側訓, 聽廣華既姑娘講, 可以用個pillow/ cushion 去墊住個肚, 又真係好似好d, 個肚就唔洗成個"跌"落去床度, 不過我覺得Midby仔會唔舒服law, 我一打側訓, 佢就好似比我整到d 手手腳腳亂哂, 我好唔忍心架! 明明人地訓得好地地, 係要比我轉左轉右整醒!

我每次轉左轉右時我知道Midby既身體都會隨住我轉身而改變 - 究竟佢會唔會因為咁, 而令到佢head down既position 改變呢?

我問過esdlife既姐妹, 佢地話睇過書講打側訓會有助BB既頭轉下, 所以唔洗驚...

但對於已經Head down既bb來講, 繼續打側訓係唔係冇問題呢?

我呢個星期好明顯feel 到Midby比我打左側訓之後d 手手腳腳o係我起身時唔係好同位 - 本來佢d 腳仔o係我左面既, 肚臍右小小就係佢pat pat, 不過一起身時個位有d 偏差, 好在...過左一陣, 我會feel 到佢走番去原來既位置。咁樣我先至安心!

Sonia 生Oli 時好快, 唔係好痛, 佢話佢carried oli 時成日feel 到急wee wee, 不過到Preston 時就冇喇, 而醫生都話Preston既頭仔仲未落哂去盤骨, 所以Sonia o個時唔洗成日wee wee。我好明白呢個道理呀, 所以成日都想自己急wee wee 囉, 但我仲未feel 到呀, 我呢幾個weeks既變化, 只係明顯地1個week 有5-6次半夜去wee wee, 我d esdlife 姐妹勁過我好多, 1晚起身起幾次...唔通佢地既bb 個頭仔已經壓住個bladder? 咁我既Midby仔呢?

我覺得自己已經control得個emotion 幾好架喇 (其實都冇做咩去control, hee), 至少冇其他人咁, 會有nightmare 先啦, 同埋仲未有好驚入產房既feeling 住 (我o係sonia生bb時已經接受左架喇, 知道生bb係一回咩事, 而家一諗起痛, 就叫自己到時先算, 我會唔去諗)。

反而我有d worry既係Midby條命呀! 我信命運, 我信佢出世既時間係代表佢既運程。我唔係唔積極, 只係覺得如果命運安排左佢係唔好命既, 我同Midby爸點去照顧佢, 真係好難去改變。我有諗過擇日開刀, 但有人話 (連我自己都覺得) 呢個時間唔係個天定既, 所以唔會對佢命運有咩影響。再加上我見到好多人本來已經擇左日喇, 但最後都唔可以o係原定既時間開刀 - cindy啦, baillie 啦 (佢地醫生比左個時間, 但最後bb出世既時間都唔係醫生原本定既), esdlife上面有個媽媽啦, etc。 所以我覺得擇日擇時間係唔係真係work呢? i doubt!

話雖所此, 如果有野可以做到令Midby仔條命好d既, 我好願意去做, 但究竟係咩呢? 唯一睇天喇! Midby: 媽媽唔會叫你幾時幾時出世架, 因為媽媽想你去控制自己既命運, 你要識得揀時間出來呀!

34w2d 開始忙喇, 越來越忙喇!

為工人姐姐開始打點的一天

幾日冇打BLOG, 因為越來越近EDD喇, 要快d 去準備一切, 咁樣先安心, so far 我地已經準備好:

1) Midby既新衫仔 - nature's purest x 2 件 + 包被一張 (係我同Midby爸唯一買比佢既衫仔)
2) Panasonic Kettle - Midby 爸去sincere 買左, 勁! 3L $603 (discounted 之後, 仲平過教協幾蚊tim)
3) 整好study room 既curtain 了 - 我媽媽既傑作
4) 買好新PC case + wireless keyboard + mouse, Midby 爸仲即晚 relocated 左部PC 去TV 度tim
5) Confirm 左姐姐會weekend 到, 我地會去MK 既分行接佢...有d 緊張tim, 唔知佢個人係點!
6) 簽好Healthbaby既contract, 等佢copy 番來, 簽埋小小野fax 番比佢地
7) 比哂尺寸媽媽, 等佢車好比Midby既beddings
8) 基本野準備好比姐姐了 - towel, toothbrush, cup, comb, slippers, pillow, clock (床仲未有)
9) 揀好奶粉了 - A+ (唔知我呢幾個week 會唔會又改喇)
10) 已經開始左順產exercise - 1 日行至少兩次樓梯, 同埋做盤膝練習 (真係好希望work 啦)

其實仲有好多野都未準備好, 不過呢d 多有多準備, 少有少準備o者, 係咪?

我既Midby仔呀....呢幾日開始我真係feel到佢強勁既胎動, 有時真係搞到我成個人坐唔好, 因為佢對腳仔 (定唔知邊度) 會成日o係我左腰度 (什至乎橫隔膜), 仲好易比我摸到佢成舊硬哂, 仲有成幾個weeks先到EDD, 唔知我到時ding 唔ding 得順呢?