好開心, 好滿足!!!
尋日, 即係2009年10月7日, 姐姐同我講Midby明顯識得o係我地拍拍手, 示意想抱佢時, 佢會識得將手提高。亦都o係前日, 媽咪同我傾電話時話佢走時, Midby唔捨得, 識得遞手去佢度, 真係乙水死人喇!
我一直都唔認為Midby真係識得呢個動作。但媽咪成日都話佢識; 佢就Midby好細個, 可能細到得兩個月時佢已經成日教Midby呢樣野, 次次抱佢前拍拍下對手, 不過Midby最多只兩隻手郁下, 唔明顯地令我覺得佢真係有呢個意思。
直到有一次, 約兩個星期前左右既一晚, Midby爸抱住佢, 佢喊喊喊...見到我, 當時我同佢相距都幾個身位, 佢對手提到好高, 想我抱, 呢一次係我第一次感覺到佢有呢個意識。當時姐姐都見到, 都話Midby really knows!!!
到10月4日, Maymay同舅婆來探我地, 舅婆抱Midby抱得一陣時, Midby唔知咩原因喊, 佢見到我又係好自動將對手提高, 我真係好開心, 好warm!!
到尋晚我教完夜校番來, 戴住口罩叫Midby, 佢都識得對我笑...姐姐話笑代表佢認得我, 但係我戴住口罩, 我唔信佢會認得喎! 之後我拍拍手去抱佢, 佢跟我呀!!!
到今晚, 我, Midby爸, 同埋姐姐姐三個都試左好多次, Midby次次都會舉手比我地抱, 最明顯係我去抱佢, 同埋姐姐去抱佢。
如果論平時同佢相處時間去計, 姐姐一定最多, 其次可能係我媽咪, 麻麻, 同埋Midby爸。我同Midby一齊時間真係唔多, 好似每日番到屋企, 我都第一時間去pump奶, 之後又去食飯, 之後又去洗澡, 有咩時間同Midby玩呢?
可能Midby真係知道我係媽媽啦! 對上兩次佢喊, 唔開心時識得去搵我抱, 我真係由心度感到溫暖!!!!
今晚臨訓前, 我抱住Midby, 我作狀鍚佢頸仔, 佢會向後轉頭, 打開個口, 好似識得去比我錫佢口仔咁, 最衰係我未病好, 如果唔係, 我一定忍唔住鍚佢口仔!!
Midby: 你係唔係知道我係你媽媽呀? 你唔開心時搵媽媽抱, 我真係由心度開心出來架!
Thursday, October 8, 2009
Friday, October 2, 2009
Midby 真真正正食米糊喇!
Midby 真真正正食米糊喇!
講起食米糊, 我真係有小小內疚。因為我好想o係Midby夠6個月時先比佢食 (都唔知咩心態, 純粹係因為健康院建議), 但最後都o係大約佢五個半時就開始喇。
由於我係全pump媽媽, Midby一日食大約900ml既奶, 而我pump到既奶量同佢需要既都有小小距離, 我又唔想佢食奶粉, 所以我o係佢五個半月左右就開始比Healthy Times 既Brown rice cereal佢食。
食左大約一個星期cereal, Midby而家可以食6個tablespoons既份量, 用30ml奶去開, 之後等一陣, 再補60ml奶。
由於我o係bb展時一次過買左成個series, 有成10盒cereal, 我見到brown rice 同埋oatmeal都係for4個月既bb, 我就以為是但一隻都可以比bb食, 點知打去agent度問先知道, 最後比bb 食brown rice先, 因為醫生認為brown rice 對bb 冇咁易敏感, 而agent 都話oatmeal 係有小小甜味, brown rice 就冇喇。
我比錯左Midby食左兩日oatmeal, 之後停左一兩日先改番比brown rice 佢, 好在佢都食。
不過...我尋日加左小小carrot去d cereal度, 佢食食下喊。佢唔係嬲, 而係好似好慘咁, 之後唔肯食喇。佢食左total 都唔夠一半, 我就估佢係唔係唔鐘意carrot呢? 因為之前兩晚我都係比carrot佢食, 佢都係麻麻地, 係就係照食, 不過唔見得佢食得好開心。
後來我改左用1tablespoon brown rice cereal 加小小奶, 再比佢食, 試下佢食唔食冇加carrot既cereal, 但係佢心情唔多好, 最後都係點左個口度小小, 又喊喇。
我好唔想迫佢。我係一個愛吃, 享受吃既媽媽, 我好想我個女都係一樣, 我怕佢驚左食野, 咁就大件事喇。
最後Midby爸feed Midby飲60ml既奶, 佢肯飲, 爸爸建議不如將d cereal 放埋入去個bottle 度feed佢, 我為左快快手手搞掂佢, 就話好。
其實將cereal用bottle飲係好唔o岩, BB知道就會唔肯用咀仔去咀嚼, 令到佢地依賴奶樽, 所以我儘可能都唔會咁做。
5個月3個星期大既Midby識做既野有:
1) 將toys 由一隻手交去另一隻手
2) 一個人坐o係度時, 個人重心向前, 會識用手support自己
3) 同佢講野, 佢會笑, 比之前易左同埋多左好多笑
4) 轉身試過一次之後識得再轉番原來個位
5) 開始學爬, 未識得用雙腳同埋雙手一齊郁, 佢會用個肚郁下郁下, 結個係個頭本來o係北面, 郁郁下去左南面 (不過我地好少比佢o係地下玩, 我地仲未買地墊, 多d比佢試應該可以幫到佢快d學識爬)
6) 較易用手去捉物件, o係雪櫃上既magnet佢好易就捉到, o係佢未夠五個半月時, 我抱佢去捉d 玩具, 佢捉捉下會用手去"r"頭同埋眼, 相信用手去捉玩具呢個行為對bb 來講係好用神。
7) 長出左兩隻牙仔
5個月3個星期大既Midby一日既餐單:
1) 06:15am 起身飲180ml奶
2) 10:00am 食6 tablespoons brown rice cereal, 用30ml奶開,
3) 10:45am 食60ml 奶
4) 14:00-14:30 食170ml 奶
5) 18:00-18:30 食170ml 奶
6) 21:00 食baby food, 幾個teaspoon, 食過香蕉4-5日, 佢麻麻地, 之後食過carrot 3日, 都係麻麻地
7) 22:00-22:30 食180ml 奶
由於佢食左半固體, 我地間中都會比水佢飲, 佢飲得唔多, 都係around 1安左右 (全日計), 今日叫姐姐加埋十粒薏米, 遲d再試下整d 紅米水比佢飲下。
快6個月既Midby o係經歷過大約唔夠一個星期麻煩期之後, 又再可以自己入睡喇。前陣子都唔知係唔係出牙仔既關係, 放佢去床仔時, 佢會好難入睡, 要叫好耐, 好似話比我地知佢唔想訓, 有兩三晚姐姐開番燈同佢玩, 不過我叫左姐姐唔好咁做, 因為怕佢知道complain下我地大人就, 佢就可以唔洗訓覺。
好在呢個星期又back to normal。希望佢之前o個陣子既麻煩期係因為出牙仔所導致啦!
講起食米糊, 我真係有小小內疚。因為我好想o係Midby夠6個月時先比佢食 (都唔知咩心態, 純粹係因為健康院建議), 但最後都o係大約佢五個半時就開始喇。
由於我係全pump媽媽, Midby一日食大約900ml既奶, 而我pump到既奶量同佢需要既都有小小距離, 我又唔想佢食奶粉, 所以我o係佢五個半月左右就開始比Healthy Times 既Brown rice cereal佢食。
食左大約一個星期cereal, Midby而家可以食6個tablespoons既份量, 用30ml奶去開, 之後等一陣, 再補60ml奶。
由於我o係bb展時一次過買左成個series, 有成10盒cereal, 我見到brown rice 同埋oatmeal都係for4個月既bb, 我就以為是但一隻都可以比bb食, 點知打去agent度問先知道, 最後比bb 食brown rice先, 因為醫生認為brown rice 對bb 冇咁易敏感, 而agent 都話oatmeal 係有小小甜味, brown rice 就冇喇。
我比錯左Midby食左兩日oatmeal, 之後停左一兩日先改番比brown rice 佢, 好在佢都食。
不過...我尋日加左小小carrot去d cereal度, 佢食食下喊。佢唔係嬲, 而係好似好慘咁, 之後唔肯食喇。佢食左total 都唔夠一半, 我就估佢係唔係唔鐘意carrot呢? 因為之前兩晚我都係比carrot佢食, 佢都係麻麻地, 係就係照食, 不過唔見得佢食得好開心。
後來我改左用1tablespoon brown rice cereal 加小小奶, 再比佢食, 試下佢食唔食冇加carrot既cereal, 但係佢心情唔多好, 最後都係點左個口度小小, 又喊喇。
我好唔想迫佢。我係一個愛吃, 享受吃既媽媽, 我好想我個女都係一樣, 我怕佢驚左食野, 咁就大件事喇。
最後Midby爸feed Midby飲60ml既奶, 佢肯飲, 爸爸建議不如將d cereal 放埋入去個bottle 度feed佢, 我為左快快手手搞掂佢, 就話好。
其實將cereal用bottle飲係好唔o岩, BB知道就會唔肯用咀仔去咀嚼, 令到佢地依賴奶樽, 所以我儘可能都唔會咁做。
5個月3個星期大既Midby識做既野有:
1) 將toys 由一隻手交去另一隻手
2) 一個人坐o係度時, 個人重心向前, 會識用手support自己
3) 同佢講野, 佢會笑, 比之前易左同埋多左好多笑
4) 轉身試過一次之後識得再轉番原來個位
5) 開始學爬, 未識得用雙腳同埋雙手一齊郁, 佢會用個肚郁下郁下, 結個係個頭本來o係北面, 郁郁下去左南面 (不過我地好少比佢o係地下玩, 我地仲未買地墊, 多d比佢試應該可以幫到佢快d學識爬)
6) 較易用手去捉物件, o係雪櫃上既magnet佢好易就捉到, o係佢未夠五個半月時, 我抱佢去捉d 玩具, 佢捉捉下會用手去"r"頭同埋眼, 相信用手去捉玩具呢個行為對bb 來講係好用神。
7) 長出左兩隻牙仔
5個月3個星期大既Midby一日既餐單:
1) 06:15am 起身飲180ml奶
2) 10:00am 食6 tablespoons brown rice cereal, 用30ml奶開,
3) 10:45am 食60ml 奶
4) 14:00-14:30 食170ml 奶
5) 18:00-18:30 食170ml 奶
6) 21:00 食baby food, 幾個teaspoon, 食過香蕉4-5日, 佢麻麻地, 之後食過carrot 3日, 都係麻麻地
7) 22:00-22:30 食180ml 奶
由於佢食左半固體, 我地間中都會比水佢飲, 佢飲得唔多, 都係around 1安左右 (全日計), 今日叫姐姐加埋十粒薏米, 遲d再試下整d 紅米水比佢飲下。
快6個月既Midby o係經歷過大約唔夠一個星期麻煩期之後, 又再可以自己入睡喇。前陣子都唔知係唔係出牙仔既關係, 放佢去床仔時, 佢會好難入睡, 要叫好耐, 好似話比我地知佢唔想訓, 有兩三晚姐姐開番燈同佢玩, 不過我叫左姐姐唔好咁做, 因為怕佢知道complain下我地大人就, 佢就可以唔洗訓覺。
好在呢個星期又back to normal。希望佢之前o個陣子既麻煩期係因為出牙仔所導致啦!
Saturday, September 19, 2009
無心插柳 - 第一次食米糊
健康院姑娘建議BB o係6個月左右先米糊, 但身邊好多朋友都比bb好快食米糊, 有d 早到一到4個月就食奶以外既物體。 奶奶都想我快d 比Midby食米糊, 佢話驚Midby唔夠飽, 但我係好乖既媽咪, 我聽健康院講, 想等到接受6個月先比bb試下, 因為健康院建議得既一定有佢地既理由, 加上我好想o係我仲夠人奶既時間比多d Midby, 等佢儘量o係頭6個月吸收多d人奶既營養同埋抗體。 不過...見到個個朋友都話比左bb 食米糊, 我都有d 心思思想比Midby試下架! 所以我同Midby爸講會等下個weekend, 即係Midby足左5個半月喇, 就一齊同Midby爸餵Midby食。 今日, 亦即係Midby5個月1個星期大, 我去左bb開倉, 買左d 夾仔比佢, 去埋wellcome 番屋企之前買左個白粥食, 我貪得意比左Midby食小小, 佢好似好鐘意, 仲識得吞, 仲用雙手去捉我隻手, 唔比佢食, 佢就喊, 所以我即刻好快手去開左之前買左既healthy times cereal, warm左1安人奶, 去開d cereal 比Midby。 由於我唔鐘意warm d 人奶warm 太耐, 所以用佢來開米糊唔係好開到, 令到d cereal 有小小"傑", 姐姐話冇問題, Midby應該食到, 我就比Midby 試下啦... 點知, 一放佢去highchair 度時, 佢見到有野食, 就即刻表現出佢好急既表情, wa...比遲一秒佢, 佢都唔得, 姐姐話佢似我, 食野急。好開心, 我係第一個餵Midby食野既人, 我餵之前叫左Midby爸law camera, 我想將Midby既好多好多既第一次紀錄低, 所以Midby爸就同我做錄影, 姐姐就捉住Midby手仔, 而我就餵佢食。 第一次餵Midby食野, 覺得好得意, bb食左野之後會吐出來小小又食番, 之前佢食d 奶以外既野會有個好怪既表情, 但係今次佢個樣竟然同食奶既樣一樣, 只係個咀仔郁下郁下, 嗒下嗒下, 好似好enjoy 咁! 呢次食米糊真係合哂天時地理人和, 食既時間係5:30pm, o係食奶之前半個幾鐘頭, 食左一安既米糊之後同佢講"finished! finished!" 之後佢就喊喇, 喊左一陣停左就比佢飲小小水, 佢既食米糊第一次就完成喇!!! 之後等多半個幾鐘頭後, 佢就食140ml 既奶, 竟然食得哂, 即係佢呢一餐係一安奶+米糊+140ml 奶!! 雖然Midby既第一次好似好順利, 我都唔打算聽日繼續比佢食, 我都係想等到5個半月大先繼續! 我呢個星期好努力去追奶, 比得幾多人奶就幾多, 希望等到冷箱o個幾包冰奶都飲哂喇, 我先同Midby加米糊! Midby仔: 媽媽睇住你既成長, 一日一日既進步, 真係由心底裡高興出來!! 就住做個乖乖小孩子呀!
Friday, September 18, 2009
我的泵奶工具 - Ameda 雙泵
pump 奶大約4個幾月開始, 我就發覺每次pump奶既時間太長。健康院姑娘叫我, 最多30mins 就夠喇, 唔想我地太累, 但要pump清既話, 30mins 真係唔夠。有時嘖奶反射唔太好時, 真係pump成個鐘都會。
由於我用medela swing, 曾經考慮過買個二手既medela swing, 等我可以當佢做雙pump, 不過我覺得有個medela swing喇, 想買個另外一隻牌子試下, 最後買左ameda 既dual pump。
ameda purly yours 雙pump 係好多媽媽讚好既pump, 我對佢既評價都好高:
1) 快, 唔止因為佢係雙pump, 而係因為佢本身個speed 係可以較, 唔似medela swing 咁, 所以我用佢時可以10mins 之內已經pump到4安, 當然, 如果奶量仲多d 既媽媽10mins 應該仲會pump到更多
2) ok 靜, 比起medela swing, 我覺得佢都係有小小嘈, 不過聽講佢已經係叫雙pump之中既靜model
3) 唔係太大舊, 但唔叫handy, 所以我唔會帶佢出街, 因為比起medela swing, 佢真係大舊左小小
4) pump 唔清, 呢個可能係我問題, 好多babykingdom既媽媽都話pump得清, 不過我唔得, 不過唔緊要, 我先用佢快快手幫我pump 哂d 奶出來, 之後我用medela swing 去清d 奶
5) TBC
由於我用medela swing, 曾經考慮過買個二手既medela swing, 等我可以當佢做雙pump, 不過我覺得有個medela swing喇, 想買個另外一隻牌子試下, 最後買左ameda 既dual pump。
ameda purly yours 雙pump 係好多媽媽讚好既pump, 我對佢既評價都好高:
1) 快, 唔止因為佢係雙pump, 而係因為佢本身個speed 係可以較, 唔似medela swing 咁, 所以我用佢時可以10mins 之內已經pump到4安, 當然, 如果奶量仲多d 既媽媽10mins 應該仲會pump到更多
2) ok 靜, 比起medela swing, 我覺得佢都係有小小嘈, 不過聽講佢已經係叫雙pump之中既靜model
3) 唔係太大舊, 但唔叫handy, 所以我唔會帶佢出街, 因為比起medela swing, 佢真係大舊左小小
4) pump 唔清, 呢個可能係我問題, 好多babykingdom既媽媽都話pump得清, 不過我唔得, 不過唔緊要, 我先用佢快快手幫我pump 哂d 奶出來, 之後我用medela swing 去清d 奶
5) TBC
Wednesday, September 16, 2009
Subscribe to:
Posts (Atom)
Posts
Post a Comment