9個月大既Midby傷風呀!

好冷既一天

Midby唔係第一次病喇, 不過之前既所謂病都好好彩, 自己一兩日就會好番, 我地帶佢去睇醫生, law左d藥看門口, 都冇食到, 之前姐姐仲話Midby 咁耐都冇食過藥水, 好叻叻, 點知...小朋友真係小器, 呢幾日即刻病左。

唔知係唔係Midby爸傳染Midby, o係星期一Midby爸sick leave, o係屋企都唔係好敢抱佢, 睇左醫生休息下o係屋企, 不過Midby爸好快就冇事, 不過Midby亦o係呢一兩日揉眼睛, 我知道之後佢應該快會病喇。

o係佢揉眼睛之後o個一日, 佢真係病左。Midby病時, 佢首先係揉眼睛, 之後有d coughing, 之後就打噴嚏, 之後就鼻涕直流, 眼又紅, 仲有幾聲coughing, 呢d symptons 都係1日內出哂來, 不過都仲會跳下跳下, 唔覺佢病, 不過Midby爸話見到佢眼都紅哂, 鼻水鼻涕直流, 真係寧願自己病。

好在學校有保險cover, 我呢個亞媽又係事無大小都會帶佢去睇下醫生既, 但每次都唔會比佢食藥, 希望佢會自己好。

今次都都無例外, 不過Midby算係ok喇, 過左第二日已經冇事, 之後斷斷續續仲有d痰聱, 慢慢就冇哂了。

亞May話, 如果疢唔清, 可以食猳X散, 不過佢叫我真係試過哂所有野唔得先好試, 因為一來太貴, 二來呢隻係靈藥, 去到最重要關頭先至食。

好在, Midby 飲媽媽奶大既, 飲足9個月應該夠同d virus fight 架喇!!!

媽媽覺得間唔中有呢d 小病, 傷下風冇問題既! 等身體多d 抵抗力時就自自然然叻叻, 去到邊都唔洗驚!

Pump左8個幾9個月喇

pump到今時今日, 唔係有姐姐工人幫手成日洗pump; Midby既回報同埋Midby爸既支持, 我都幾難持續到今日!

我pump奶schedule:
1: 6am
2: 8am (番工) / (放假skip呢次)
3) 2pm (番工) / 12 noon (放假)
4) 7:30-8pm (番工) / 6pm (放假)
5) 11:30pm

之前可以pump到8xx-9xxml/ day, 自從第5個月來左m之後, 我就慢慢少左奶了, 而家只係pump 到5xx-6xxml, 都叫做夠Midby 一日三餐

Midby's diet
1) 6:30-7am: 180-200ml
2) 10:30am: 粥仔/ 米糊 (用60-90ml 羊奶去開)
3) 2pm: 210ml
4) 6pm: 粥仔/ 米糊 (用60-90ml 羊奶去開)
5) 10pm: 210ml

pump奶工具:
1) ameda 雙pump
2) medela 單pump

我兩樣一齊用, 因為ameda 快, 但唔清; 相反medela 清但慢, 不過自從Midby食左一餐固體後, 我唔係次次都pump 清, total 有兩次let down 就已經好thanks god 了, 仲有...唔知係唔係反射差左, 定係慣左用ameda比較大力, 用medela 已經唔係好pump 到了!

我開心既係: 見到Midby同其他非人奶bb比, 佢既生病次數同好番所需時間有明顯唔同, 再加上我好希望Midby因為飲人奶, 佢有potential 既咩咩敏感都會離佢而去, 當然最近我見到news話原來人奶媽都因為餵人奶而令到血管健康d, 呢個亦都係令到我繼續pump既動力!

Downside 係: 我好mind雙胸因不斷吹脹同收縮而失去彈性, 而最後...唉!

Midby: 雖然媽媽一路pump, 一路擔心同驚, 但我唔想做個自私既媽媽, 媽媽真係冇咩野叻, 奶亦唔係特別多, 不過pump得一日得一日, 希望你吸收哂所有抗體, 令到你既抵抗力好好, 打好根基, 日後你大個喇, 就靠自己喇!

收成期?

放完XMas 假前的一天

呢個blog既title叫收成期真係唔係太恰當, 我既意思係...等左咁多個月, 終於等到Midby識得同我地玩, 有反應比到我地, 有互動, 情形就好似種左棵樹, 等到佢開花結果, 有收成喇. 不過, 而家只不過係8個幾9個月既Midby, 連媽媽都未識叫, 咁快就叫做收成期? 我呢個亞媽, 真係short short 地.

Midby爸要做功課, 姐姐放假, 我尋晚同自己講, 今日比多d 時間Midby, 因為再要等多成個月見放新年假, 到時先有咁多時間陪佢.

今日下午兩點幾飽奶之後, 我同Midby o係mat上玩, 我由佢爬, 佢爬累左就去我度, 叫我抱抱, 之後扶佢起身, 等佢企下又比佢爬過, 我地過得好靜, 因為我唔肉婆婆同姐姐咁, 咁識得去成日同佢傾計, 教佢野, 所以都係得個睇字, 睇佢爬, 自己玩同笑.

由於之前BK 度見到有人提過, 如果比BB成日睇tv, 會令到佢將來對唔識發聲同郁動既書本失去興趣, 所以我今日都特登LAW本書出來, 同Midby一齊讀, 佢既然好安靜聽我去教佢one to ten, 之後我就比"My first bath book" 佢自己睇...當然佢同其他bb一樣, 都係將本書倒轉睇啦!

過又一陣, 我叫Midby爸播leslie既歌比我聽, Midby同我一齊聽之餘, 我又開左包新既biscuit比佢, 佢一啖一啖咬, 我好開心...呢種感覺唔知點形容, 我將餅放佢口邊, 佢一啖啖咁食時, 就好似成個世界剩番我地兩個咁, 好warm!!!!

我呢個媽咪, 一日都黑都係食多, 我食咩, 就分小小比Midby食, 總之係佢食得既, 我都比小小佢食, 有時貪快手, 我將我隻杯比佢用, 佢呢幾日唔知係唔係同我隻杯飲水飲得多, 既然唔係好識得用佢隻combi step 3杯tim呀!

仲有1個星期就9個月大既Midby識得:
1) 扶住床邊慢慢行
2) 測試邊度係穩陣, 邊度唔穩陣
3) 跌左既toys會去搵o係邊
4) kneel down 既position 企身
5) 按住sofa企好耐
6) 好間唔中我地叫hi/ byebye, 佢識舉高手
7) 對byebye呢個字好sensitive
8) time to sleep, time to eat 呢幾隻字都有d 反應
9) 肯定認得屋企人, 唔識既人望佢, 佢會攬住我
10)唔識既人比野食佢, 佢唔食, 我比就食
11) 雙手同肚仔離地, 前後郁動, 不過仲唔係用呢種方法爬
12) 用combi stage 3 杯隻用straw 飲水, 一日飲到都有30-50ml (起初唔飲架)

發音
1) 今日一口氣叫左bababababa好耐
2) 單音多, 間唔中有一d 混合音
3) 好多時好似同人講野咁, 發出好短促既um, ar, 成隻牛咁!

食過既食物
1) 今日我整個蒸蛋黃 (@green dot dot) 佢食, ok 啦....new thing嘛! 都叫食既
2) chicken @ 嘉美雞
3) pork @ green dot dot
4) 冬瓜
5) carrot
6) sweet potato
7) 西蘭花
8) 節瓜
9)babyfood - corn, butternut squash, carrot, sweet potato
10) 梨 + 啤梨
11) 木瓜
12) 蘋果
13) 香蕉

以上儘量可既既, 都係買organic

snacks
1) Gerber 星星餅 (香蕉味)
2) heaalthy times 熊仔頭餅
3) eco planet organic cookies @360
4) 大人食既麵包, 間唔中我比小小佢食
5) 烏冬(比小小佢食)
6) 白飯 (我地大人食既texture, 但係佢好鐘意...我都係當小食比佢食)

今日姐姐番屋企時見到Midbyo係床仔企, 佢同佢玩, 令到Midby又kar kar 聲笑喇! 之後姐姐去shower, Midby 唔知係因為肚餓, 定唔捨得姐姐行開, 佢喊...

始終佢都係最跟姐姐! 我有冇jealous? um...冇咩! 我知道咩叫付出同收穫!

Midby: 今日你肯安靜地坐o係媽媽前面, 聽媽媽教你one to ten, 我真係好開心! 我o係度諗: 將來你會唔會願意聽媽媽教, 等我教你做功課讀書呢? 你第日大個喇, 睇到呢個post時, 記住媽媽好想將我所學到既, 比哂你, 你要聽教, 專心, 媽媽就安心喇!!

8個半月大既Midby

識byebye, 識爬, 識咩叫take up, put back, finished~~

放Xmas 假前的一天

Midby仔越來越好玩呀!!! 應該係12月13日星期日, Midby 8個月多d, 呢一日佢訓到9:30先起身, 之後成日都訓好多, 直到我下午帶佢去九龍站買sweet potato比佢煮粥仔, 番到去同爺爺麻麻同埋叔叔玩, 唔知係唔係呢一日佢訓得好多, 佢好似醒左好多咁:

話說我地成日都扮去街, 我地會咁做, 當我抱住佢時, 姐姐行去門口, 我就同姐姐byebye, 隻手筆高, 之後姐姐又同我byebye, Midby見到, 好多時都會成個人向前, 要跟姐姐出去。如果出去門口o個個唔係姐姐, 係我, 或其他人, 佢都會咁做。呢一日, 我抱住佢同屋內所有人say byebye, 個個望住Midby, Midby既然識得舉高隻手呀!!!

佢第一下舉手我見唔到, 因為我抱住佢, 佢面向大家, 之後姐姐同埋個個都好開心話佢識得咁做喇, 我望下佢隻手, 真係有舉起呀!!! 哈哈...之後一兩日, 佢覺得好得意, 間唔中望住自己左手開合, 發覺原來咁得意既! 又過多一日, 姐姐同婆婆話佢兩隻手都識得開合了!

婆婆話第二日走時, 佢坐o係mat 度, 婆婆同佢say byebye, 佢本來冇咩意慾舉手, 之後等左一陣就有喇!

不過之後一個星期, 我地叫佢咁做, 佢都唔會, 可能好似May所講, 你叫bb咁做, 佢就唔會, 反而你唔叫佢時, 佢就會。

另外一樣Midby識既就係識finished 呢個字。姐姐用揹帶揹住佢時, 我舉起手準備dance, 姐姐就比兩隻手指佢捉住, 之後就同佢跟住我一齊dance! 佢開心到不得了...但當我講finish時 (同時間亦停左下來), 佢就會唔開心, 會叫幾聲, complain幾下。

可能我地成日同佢講finish呢個字, 佢飲完奶又講, 想同佢law番d 玩具走又會講, 我估Midby明白finish呢個字既意思了。

另外當佢見到我雙手舉起, 望住佢, 佢就會好自然搵姐姐兩隻手指, hold住佢, 知道會dance!

呢d 表現都話比我地知, 你同bb repeat 又repeat 一d 行為, 佢就會follow!

另外姐姐有時餵奶用揹帶 (多數係飲second half奶時), 行去床仔既santa claus度, 叫Midby "take up santa claus", 佢就會識law起, "put back" 就會識得放番上去, 呢幾日叫佢take up 之後give to mama佢都會放手比我, 不過佢只係識take up santa claus, 叫佢take up 其他野佢仲未識, 姐姐話有連續3次叫佢take up, 佢就即刻搵santa claus, 所以我會教識Midby take up 唔係一定同santa claus 有association既!

呢個星期佢多左雙手整直, 肚仔離地前後郁了...不過仲未用呢個方法去爬, 只係間唔中o係床仔or地下咁做, 應該過多一陣佢會咁樣真正爬了。

其實Midby7個月多小小就識爬, 到而家8個幾月喇, 都未真真正正肚仔離地, 我估係我地抱佢太多了。屋企細, 比佢爬得一陣又要抱起佢由另一邊再爬, 都冇比佢長時間explore下! 喬喬已經識咁樣爬同埋自己企起身喇, Midby仔細佢一個月, 係時間加把勁了!

大左既Midby好易令到佢笑, 你望下佢, 有d 古怪既表情, 佢就會笑。佢好鐘意玩,不過只係限於同我地玩, 見到街外人望住佢, 佢會依偎住我地胸前 (扮哂怕羞咁), 尋日做冬, 叔叔望住佢, 佢都係咁, 會依偎我既胸前 (其實我覺得好sweet, hee....)。

8個月開始食兩餐固體, 飲得好差, 因為而家識得含飯唔吞了...佢見到佢隻little blue spoon已經叫定先, 又或比條bib佢, 佢就知meal time, 佢就lose temper!!!

6:15-6:45: 160ml - 180ml (depends on 我可以pump到幾多)
10:30: 粥仔
14:00 200ml
18:00 米糊/ 粥仔
21:00 baby food/ fruit
22:00 200ml

由於食兩餐固體, 佢一日飲3次奶都係全人奶, 好間唔中就比羊奶佢飲, 不過自己飲少左一次奶, 改食多一餐弼/ 米糊之後佢瘦左呀...因為食固體食得好差呀! 佢只會貪新鮮, 見到我地食既野先有興趣, 我比我地既米佢食, 佢就食, 但粥就唔食...死未!!!

我地做左個experiment last night: 姐姐6點幾比粥仔佢, 一食就已經唔鐘意, 搞左好耐, 我比左corn and buttersquash佢食, 佢見到隻spoon又係發哂脾氣, 之後try左一口了, 就食喇, 之後食左1.5 個bottles!!! 我o係baby food內加左d 粥, 佢一食就知, 又發脾氣, 死未!

呢個experiment prove 左一樣野: Midby唔係唔食野, 只係佢揀食!!! 激死!

Midby: 做個健康既乖乖叻叻小朋友, hee...媽媽係好貪心架!

餵人奶 媽媽血管健康

2009年12月23日

不少婦女在生育後，因為工作等原因不能餵哺母乳，但醫學界近年發現餵母乳不但令嬰兒得益，母親也可受惠。美國一項最新的研究顯示，女士可藉着餵母乳改善血管健康，更可降低中風的機率。研究發現曾餵母乳的中年婦女，心臟及頸部主要血管出現硬化的比率較低，不餵母乳的女性出現大動脈硬化的風險甚至高出五倍。

美國匹茲堡大學的研究人員邀請 300名最少曾生育一名子女的 45至 58歲婦女參與研究，除了解她們曾否餵哺母乳外，也替她們量度心臟及頸部主要血管的硬化程度，結果沒有餵母乳的一組婦女，有 32%冠狀動脈硬化、 18%有頸動脈粥樣硬化斑塊、 39%有大動脈硬化，但曾餵哺母乳的婦女比率分別為 17%、 10%及 17%，比率相對較低。

堅持餵母乳最少三個月
研究人員指出，排除經濟狀況、家族病史及個人生活習慣後，生產後不餵母乳的女性出現大動脈硬化的風險，較曾餵母乳的女性高五倍，而出現上述三種血管硬化情況的人，中風及患上心臟病的風險會大為提升。研究人員相信餵母乳可助產婦排出懷孕期間積聚的脂肪，若不餵母乳，這些多餘的脂肪便有機會長期積聚在體內，增加血管被脂肪阻塞及硬化的風險。研究顯示不論餵母乳的時間有多長，產婦的健康也會得益，故建議最少堅持餵母乳最少三個月。

extracted from http://hk.apple.nextmedia.com/template/apple/art_main.php?iss_id=20091223&sec_id=4104&subsec_id=3626368&art_id=13554095

8個月大的Midby