病後記!

Midby 冇發燒over24小時既一天

對唔住各位...因為如果咁不幸既你地來到我呢個blog睇到我打呢一篇, 我會講聲唔好意思先! 因為我EQ太差, 我一路打, 會一路鬧人, 而你都有可能係比我鬧既其中一位, 但係我想將我既心聲講出來, 亦都想有一個地方比我去發洩, 所以我揀左呢一度, 我既一個秘密空間, 秘密到只係得esdlife幾個姐妹加埋PS姐妹知道既地方, 比我去發洩一下!

Midby由細到大都係食人奶, 到今日都係! 人奶係好, 不過人奶唔係萬能! 好多人話bb食人奶多d 抵抗力, 就算病左都會快d 好, 不過我都識好多人既bb冇食人奶, 一樣好ok, 一樣病一陣就好!

Midby爸, 婆婆, 公公, 麻麻, 連埋姑婆個覺得Midby好"un"皮, 即係病左, 發燒都好精神!

我想問, 有邊個bb病時會唔精神? 除非真係好BIG PAN, 否則我見到bb去睇醫生都好好精神狀態!

我咁講, 就擺明我不滿Midby既健康!

Midby由出世到好似7個月就1st 病, 之後到10個月有一次玫瑰疹, 之後一兩個月都有一次半次既發燒, 傷風等等! 佢唔似人地所講, 食人奶既BB就冇咩病, 佢有, 不過咁多次都做輕鬆渡過!

一直以來, 由我唔知有邊一日開始, 我就對西藥好抗拒! 可能係個好友係藥劑師, 講得太多比我知, 加上自己buy中醫, 又加上我係buy natural remendy既人, Midby每次病我同Midby爸都唔會比藥佢食!

除左有一次...佢太高溫, 有玫瑰疹, o個次好慘, 差唔多食哂成枝既退燒藥!

我想講 (對唔住, 我真係好鬼嬲), 退燒藥唔係用來醫病既!!!!

我既同事同我講, 如果bb有事既, 一定要食退燒藥, o係佢唔燒之後仲要食多兩次, 咁就可以令到bb唔會再燒!! 天呀! 我已經同佢解釋, 佢唔信! 仲話Midby唔退燒係因為我唔比佢食!

1) bb 發燒, 多數係因為viral infection, 即係身體catch左flu/ cold既virus, 當個免疫系統收到signal, 知道有異物喇, 佢就會升高身體既體溫, 而去打低d virus! 食退燒藥係唔想bb 太辛苦! 如果bb ok既, 仲可以行來行去, 冇異樣既, 我覺得只要monitor住佢既temperature, 就唔洗比佢食! 我地做既係會a)洗澡, b) 飲warm water, c) 飲人奶!

2) bb 如果有viral infection根本係冇藥醫! 醫生比埋o個d 都係for bb舒服d, 但係bb絕對唔會因為食左呢d藥而令到d virus 死左架!!!!!! 你地唔信既問下醫生啦!! 點解bb 有viral infection 影響就一定要比佢地食藥呢?? 我感恩既係我好友係藥劑師, o係好好好早時已經同我講左呢樣野, 而叔叔係醫生, 佢都明白呢個道理! 我同d同事傾時, 又或者同任何咩人傾都好, 一聽到我唔比藥水Midby食, 又好好心咁"哦"我一餐! 如果呢d 藥水係可以kill到virus既, 咪食囉, 問題係而家佢kill唔到, 只係幫你收下鼻水, 等佢冇咁辛苦乍ma! 如果bb ok既, 又點解要食呢???

3) bb最後病好唔係因為d 藥有效, 而係因為bb打低左d virus, 所以好番! 有個家長同我傾計時知道midby唔食藥, 佢對眼好大咁同我講: "Wa, 你個女咁叻呀, 唔洗食藥自己好, 我個仔一定要食藥呀, 我試過唔比佢食, 佢唔識好番呀"。其實我有解釋比佢知, 根本佢個bb同midby一樣, 都係自己好番, 只不過你以為d 藥水works乍ma! 唉!

4) 如果bb因為訓唔好, 又或是辛苦既, 我唔反對用藥, 只不過我touch wood, Midby ok我地就冇用!

5) 大部份人都認為, 如果食左幾次藥唔得既, o個個醫生就係冇料到! 我真係想講: ding!!!! (算...我以前都係咁諗)都係o個句, d 藥只係令到你舒服d, 係唔會醫到你既病!! d 人成日都話, 亞咩咩醫生呢冇用, 冇料到, 之後去睇亞咩咩就即刻冇事! 其實佢地冇諗到既係, 一個人病當佢病4日喇, 一般都係2-3日比較勁d, 之後就會好番好囉, 當你頭幾日食左d 藥水, 見到冇咩improved時, 你就去轉另外1個醫生, 但o個時你既身體已經好可能開始好喇, 你就以為o個個醫生好勁!

6) 我都有遇過好有醫德既醫生, 我細細聲問佢, 可唔可以唔比BB食藥呀, 佢就話, 得!! 食1次唔洗食喇! (我估佢意思係, 你要比既就比1次夠喇, 令到佢舒服左, 之後可以唔洗食)

7) 呢樣野我最嬲<---就係比抗生素!

tbc

Midby's development @ 17th month

我同Midby去Dr Poon playgroup時, 我留意到Midby比較靜, 同埋冇其他小朋友咁active同埋投入! Dr Poon話Midby可能係心靈比較敏感既小朋友...

係! 佢咁細個, 早o係8個幾月時, 同佢去shopping mall既toilet, 只係黑d, 佢已經捉到我好緊! 細到newborn時, 抱得佢唔舒服, 佢就會喊!

咁大個同佢出街, 有巴士行過大聲, 又或者我同佢講d咩新野, 叫佢去聽, 去睇, 佢即刻起身捉住我!

o係Dr Poon既class度, 大家一齊玩fall down, 佢見到個個fall down, 佢即刻驚到喊! 因為佢識咩叫fall down, 佢知道呢樣野係唔好既, 但係佢唔明, 大家只係玩, 唔係真fall down!

o係屋企呢一兩日, 姐姐既cousin既爸爸過左身, 姐姐餵Midby食野時, 佢傾電話, 姐姐喊, Midby都跟住扁咀, 想喊!

亞女大個了!

前一兩日, 同我講, mama hold bi bi....乙水得我好開心! 亞女想make a sentence!

我知做父母唔應該去comment 小朋友有咩做得好或唔好, 不過我想講, Midby d fine moter skills 同埋 gross motor skills 真係幾麻麻...

但係佢既認知同埋對詞彙既理解都應該唔錯!

見到其他小朋友識做好多野, 好似玩blocks呀, 又開個bottle呀, 又點樣行呀, 又點做咩動作呀...呢d Midby一律冇佢份, 不過佢肯去講, 同埋表達自己。

佢而家會跟我地講d 字, 好似近來識左既有:
banana, peach, open, push, piano, door, water, rain, spider, book, 公公

雖然識講d 字唔係代表d 咩野, 同我esdlife好多姐妹相比, Midby 只係識講單未, 都仲未好ready講句子, 不過佢識得同我溝通, 令我覺得亞女好似好大個, 同我好有交流! 我好開心!!!

星期日成日同佢出街, 佢根住我! 我問佢, who is sleeping in the room, 佢已經真係識答喇! 佢話baba!

where<--已經好早就識, 而家我問佢, who is wearing a mask? who gave you the crocodine? 佢都識答...

佢整跌左野o係地下, 我問佢邊個整跌, 佢識話bibi, 即係佢自已!

每個小朋友既天份都唔同, Midby o係其他方面真係冇咩特別, 希望佢最少跟到我, 對language有丁點天份喇!

17個月既Midby

點解次次打blog都係Midby病既時候呢?

自問對Midby起居飲食真係小心照顧, 食organic, 米, 菜, 連肉都係organic! 我身體本身ok好既, 我既奶餵足17個月, 到今日都仲有餵...點解我呢個Midby成日病?

Midby爸, 奶奶話Midby算係好好, 病都仲玩, 仲食...

不過我唔明點解有d bb食A+食到14個月都冇病一次, 而我既Midby就夾夾埋埋都可能有5-6次病!

今次係咁既...9月4日, 因為我傷風, 傳左比佢, 但係當我差唔多好時, 佢飲左我既奶就好快退左燒。連本身既sneezing, runny nose 都一夜之後冇哂事, 不過幾日後聽到佢有d "譚"聲, 不過就冇coughing, 只係間唔中有"譚"聲。

唔知係唔係佢發完燒之後d "譚" o係喉嚨吐唔到出來, 定係佢o係weekend去左麻麻爺爺度感染左, 佢o係尋日中午時o係婆婆落街同佢玩時發燒! 姐姐一check, 成39度!

之後我真係比婆婆激死...因為3個E婆去探Midby, 佢地去哂酒樓, 婆婆就帶埋Midby去...

平時midby 唔舒服, 佢一定叫我地唔好同佢出街, 今次佢又帶佢出去!

我番到屋企見Midby食緊congee! 佢已經退左燒喇, 成晚都好多汗!

好喇, 我以為冇事喇, 點知...去到2點幾時, 佢喊醒左, 我同Midby爸出去睇, 唉...又燒過! 38度!

我真係好擔心, 我呢個EQ勁低既亞媽o係亞女喊時好難control自己!

我忍住唔大聲叫出來!!!

Midby爸間唔中就摸下我隻手, 去安慰下我!

由於Midby退左燒之後又燒番, 我亂諗野...究竟係唔係炎症呢? 會唔會去睇醫生時要佢食抗生素呢?

姐姐抱住Midby, 等到4點幾!!! 姐姐...多謝你! 你對Midby既愛既照顧,我真係唔知點去多謝你!!

去到6點幾, Midby喊, 姐姐比奶佢飲, 當時temperature去到39.6!!!!

我知道訓覺時半夜係好易會高燒, 因為唔夠水份, 但係由38去到39.6真係太高了!

Midby爸同我決定同Midby去睇醫生, 我即刻上網搵下有邊度已經開左, 最後搵左法國門診, 佢地8點之後收$150, 藥就另計, 比起8點前去睇既診金成$2xx, 平左, 同埋最重要係我想快d 搵個醫生同佢check下有咩問題先!

去到醫院等時, 830am, Midby飲奶, 見到個修女, 佢叫我地睇兒科,仲話同GP一樣價錢, 所以我就叫Midby爸去排專科!

Midby不斷叫我抱, 姐姐好想抱佢, 但係佢就不斷好唔願意咁, 叫我...mama mama!!!

去到醫院時佢38.4度! 姐姐帶埋個溫度計! 醒!!!

入到去見醫生, 我一口氣交代左我想講既野, Midby比佢好好好好快咁check左口, 耳, 同埋聽埋心跳, 就話佢鼻水倒流, 令到佢d鼻水o係個喉嚨度。我問佢點解知, 佢話打開個口見到佢有d黃色既野, 所以佢發燒係d 感染! 佢問我同唔同佢噴鼻, 我問佢有咩用, 我都唔記得佢點答!

之後我已經見到佢一路同我傾, 一路打d 藥名...我都心中有數知道佢開咩藥!

我問佢, 洗唔洗食antibiotics呀? 佢話可以observe先! 睇下佢退唔退燒先! 唔退就要番來再睇多次醫生, 要law antibiotics!!!

去到law藥時, wa, 一大袋!!! 坦白講, 次次law哂呢d藥我都係冇比過Midby食! 我去睇醫生只係想佢check下Midby耳仔, 喉嚨! 咁大袋藥, 唉!!!!

見到有枝生理saline! 我即刻打比june, 問下佢專業意見對Midby而家既情況有咩幫助, 不過佢冇接到電話。

Midby爸話藥劑師都同佢講, 冇咩野唔洗食呢d 驚, 只係用支saline就可以了!

希望支saline令到Midby d 鼻水流入食道, 等佢吞哂佢, 咁就冇哂事好了!

Midby: 媽媽每次o係你病既時, 我都同自己講, 都係唔好再多生一個bb了! 因為我afford唔起呢種心靈上既憂慮!

16個半月既Midby!

16個半月既Midby - 熊仔篇!

唔知捱唔捱到18個月呢?

去完台北番來幾日既一天

Midby而家既diet:
1) 6點起身食我既奶, 不過由我去台北幾日開始, 兩日先食1次
2) 10點食飯
包括有多種不同菜, 好似西蘭花/ 著仔/ 秋葵/ 翠玉瓜等等 + 兩日食1隻/半隻雞蛋 + 每日都會有少量豬肉或雞肉 (除左初一十五佢跟我地食素之外) 魚就冇食過喇...只係買左兩次organic salmon, 我覺得o係HK呢d 地方, 真係唔好魚好過喇! Midby, 為左繼續支持大家餵母乳, 我有d野唔方便公開解釋, 等你大個我先同你講, 同埋解釋埋點解HK既魚真係唔好食咁多喇!
3) 14點食cereal/ 粥 (輪住食既, 自從1個月前左右開始, 婆婆同姐姐講, 叫佢唔好日日都食cereal, 可以有時比下粥仔Midby食之後, 而家Midby會食下粥仔...佢食wow!)
4) 18點食飯
5) 21點食水果, 而家多左用fork 去law d 水果放入口度, 當然要我地協助喇!
6) 22點6安-7安羊奶, 幾日仲飲到9安咁多, 不過我想將佢飲奶既份量cut down, 醫生話飲得太多奶令佢自己吸收左咁多protein蛋白質, bb邊會再有胃口去食solid呢! 所以我明白點解bb 12個月之後可以唔洗飲奶, 如果佢地食solid食得好既話! 我都想亞女跟我地一樣咁樣進食呀!

而我由去台北開始o個3日, 我就1日pump兩次, pump得好少....少到已經唔夠Midby 早上o個餐既份量, 可能以後要兩日先飲1次了!

我希望可以meet到18個月呢個target啦!

Midby 16個幾月大喇!

剛剛先發覺自己差唔多1個月先update一次個blog的一天

今日同Midby一齊去左見家長, 就係見舅父既未來外父母喇! 計埋今日, 我地真係成個星期冇停過, 由星期一開始去Disney, 星期二到四就去左台北, 星期五就去左影樓, 星期六早上就Dr Poon, 之後5點又gymboree, 到今日先中午去同爺爺佢地飲左一陣茶, 之後就去左見家長....嘩! Midby爸一年先得o個幾日長假就咁冇左, 好在我仲有成個星期休息乍!

Midby o係呢幾個星期大左好多, 我已經叫姐姐幫我Mark低佢識左講咩字就mark o係本notebook度, 但係其他學識既野真係唔mark低都唔記得幾時先識!

新識講既野有:
blue, yellow, Elmo, moon, star, book, na, ar, bee, no, apple, happy, bread, etc

比起之前o個個月, 而家好敢去講野, 好似我地比左d +ve 既反應佢, 佢會開心, 之後就會講多次, 有d 平時唔講既字, 如果叫佢講, 佢都會肯去試下!

識做既野有:
1) 學婆婆做exercise, 好似arm up, down, left side, right side, kiss the foot
2) 食野話佢知very hot, 佢會吹, 哈哈, 好cute! 應該係姐姐教既!
3) 話佢知d 野very hard, 佢會將兩隻手扮大力去"蚊", 代表d 野好難去蚊開, 婆婆教既!
4) 學我去put cream cream on the face
5) 自己有動力去law起d 大粒珠仔去串喇, 不過未成功, 亦冇咩興趣
6) blocks都係冇咩興趣, 玩幾下就走人, 都叫做識得整3層既
7) 1個星期前自己發現可以walk backwards, 成日都o係度玩, 向後行
8) 問佢how to do something, 佢會識得做, 好似swim, brush teeth, eat, drink milk, march, sleep, crawl, clap, etc
8) 點佢where, 我已經好肯定佢明呢個字喇
9) 問佢who is this, 佢識左好耐喇, 而家我問佢who is holding Midby? Who is working in the room? 佢間唔中都會識答 <---如果到佢真真正正識答呢d問題, 都真係好叻喇!
10) Do you want to ..., 佢想既會yes, 即係個身會郁, 而家唔鐘意時間中會shake her head/ say "No"
11) kiss 人kiss 出聲

16個幾月既Midby 比起之前...我覺得"naughty"左, 用Dr Poon既term, 佢只係好奇心大左, 有自己既個性, 好有要求!

而家餵佢食飯唔係太難了, 因為姐姐都會比d 餐具佢去玩, 佢都有動力去feed自己, 不過spoon+fork唔係佢既cup of tea了, 而家鐘意左我地用既chopsticks了!

同佢出去街食飯真係難, 我幾怕人地指指點點...做女時, 見到人地d bb咁樣將d 杯杯碟碟整出聲, 我會覺得佢地好冇家教; 聽到bb喊得勁, 又或者嘈, 就覺得個bb 好唔乖...

唉, 而家到我既女了!

Dr Poon話BB而家覺得同我地一樣, 點解我地可以做既野佢地唔可以做, 所以bb有要求, 佢要學我地去做某d野, 就要比佢去做。

Midby正正就係呢一隻喇, 見到咩就要去law! 同佢去食飯, 見咩law咩, 唔食自己既飯, 佢要request食我地既野, 如果而家比飯佢, 佢就會request 我地比noodles佢!

都唔知幾時開始, 佢鐘意左食noodles! 所以呢兩個星期日, o係我湊佢時, 我都係整noodles比佢食就算喇, 因為我知我餵唔到佢食cereal/ brown rice架喇!

小小野令到亞小姐佢唔happy, 佢就會好嘈, 成塊面以0.1秒既速度變紅! 如果就佢, 比番d 佢request要既野佢呢, 佢就即刻用1秒速度打點原形!

Dr Poon話呢個stage, 由12個月到24個月呢個時間會係咁既, 建議叫我地唔好去high class既食店喇, 好似佢地o係對女仲細時, 就買sandwiches同對女去park玩, 由佢地去跑下行下....

我都好想! HK 有幾多park呢? 而家又熱, 唉! 我諗諗計先!