To do list as at 27 March 2009

Once I've gone to hospital, Midby dad please prepare the following:

1. Ring mum to let her know my progress, and ask her to come with the rice water and meal, if necessary. The new tigar kettle has been given to her.

2. I will take all my personal belongings to hospital. Please bring the one containing Midby's clothes, the clothes I wear the day I leave hospital and the milk pump (pls get Che Che to steam first). Please also give me the charger and the NDS.

3. Please pour boiled water into different containers and bring them to me for washing my body. Please also get ginger water (ask my mum) to me.

4. Please ring 陪月 to let her know which date I leave hospital and the arrangement afterwards - whether she would be able to help the first week or she would need to get a substitued one

5. After getting the confirmation from the 陪月, buy insurance for her.

6. Please make appointment for getting the birth certificate.

7. Please check which BB health center we should go and make appointment.

8. Call Dr Sun to make appointment with her, and ask when I should visit her. Please let her know that I have a 陪月 who is not sure what to provide me as meals, so I'd need to seek her advice.

9. Please get Che Che to clean the bb cot and get the beddings ready for Midby. Steam the milk bottles (check how many times need to be steamed please) and clean the basin for bathing.

10. Please change the beddings in the master bedroom, and clear the stuff of the headboard.

11. Please clear the stuff where the area Midby dad would sleep.

12. Please clean the area as well.

33w5d 心情麻麻地

去左深水步睇case + 食大排檔的一天

整日都冇咩情緒問題, 係就係一日仲教五個鐘頭真係多左d, 不過仲handle 到, d 學生又好乖, 我都冇咩所謂。不過成6點幾都未走得, 想出街食飯, 但係而家食野我要更加小心, 好驚影響Midby既皮膚, 唔想佢一出世就生粒粒, 所以千揀萬揀要揀d 好野。

去到夜晚見到Midby爸喇, 我地去黃金shop 個新既細case for部PC, 等我地可以free 番個書桌area出來。可能個computer center 有d 焗, 同埋太濃"男人咪", 我好驚會有細菌搞到我病 (而家係common flu 既peak season), 所以我都唔係好願意去行得太耐。

之後睇完case 就去食飯。如同以往一樣, Midby爸一定會搵定地方同我去食飯, 不過佢搵左一處我地之前去過既地方, 不過唔同檔口, 佢知我鐘意食豬手...但係唔知點解, 我唔係好想食呀! 反而想食d 健康d 既野 (豬手唔係唔健康, 不過營養唔夠Midby仔用嘛)。我行下行下, 都搵唔到decent food 食, 都見去到大排檔o個度喇, 咪是但啦, 點知收左喇。

Midby爸show比我睇openrice既comments, 真係好好喎, 鬼叫已經close左咩。最後去左強記...唉, 唔係唔好食, 但係我好麻煩, 我唔鍾意呢類地方食小菜, 我覺得好貴, $5x-6x一個送, 兩個人食左兩百蚊唔係貴, 但係可以用呢兩百蚊去食d decent d 既食物。

最衰係我食左墨魚餅 (估佢有蝦o係內面, 對唔住呀Midby仔, 媽媽食左1.5件乍), 炸豬頸肉 (希望唔係太熱氣, 我都o係佢凍哂先食), o者o者雞 (一定係打針雞啦, 不過又真係幾好食) 呢d熱氣同埋冇咩益既野, 再加上我既favourite - 蠔仔congee (次次食完都驚d蠔有事, 但次次都要食), 搞到我成個人食得唔係好開心。

之後去食糖水, 叫左個馬蹄黑珍珠, 希望中和我剛才食左既熱氣野啦, 但係又唔100% sure黑珍珠冇問題, 結果都食剩小小比左Midby爸。

番到屋企都9點幾了, 等Midby爸用完bathoom 都已經11:30pm, 唉...我結果又係好夜, 成12:30pm 之後先訓, 仲訓訓下突然醒先叫左出來 - 我估係壓力。

今晚我唔會比自己再有壓力, 我要早訓。

33w4d 廣華第N次產檢

好開心, 如釋重負的一天

由於本來既Check up @ 廣華唔記得左去, 打去再book, book 到今日, 所以唔理三七二十一, 今早又係9點鐘去等。o個d 媽媽就好啦, 唔洗咁早去排, 鬼叫我做呢行, 唔可以成日行開咩, 不過早去就早走, 都好既。

同以前一樣, 都係9點去到, 等一陣去驗尿, 之後就等等等...等足1個鐘先入房見醫生。咁耐以來都冇叫我去check 個weight, 今日當然都冇啦, 不過就叫我check 個blood pressure - 11x, 65, pulse 85。

10點15分左右啦, 我係第二個, 入到去見番上次講分娩的認識個姑娘, 同埋一個好好好young既女醫生, 叫WY Chung, 同我個friend Doris 一樣名, 哈哈! 醫生摸到bb個頭已經調左, 仲話佢個pat pat o係我肚臍o個度, 仲話我左面o個d 係佢既腳仔....o岩喎, 似哂喎!!! 因為Midby 而家成日都o係我左面郁架, 而hiccups 時就o係肚臍右面囉!

不過esdlife有個姐妹話唔準喎, 因為佢都係o係廣華check 左之後去照u/s, 都話未調喎, 搞到我都有d worry! 不過我上兩次去問Dr Wong, 佢都話Midby仔個頭向下, 雖然佢唔係exactly 用呢個wording "調頭", 不過學Midby爸話齋, 唔通"向上"先o岩咩。

之後我同左醫生講尋晚1st次feel到成個肚實哂, 醫生話呢個係叫子宮收縮, 只要唔係持續, 冇痛, 或見紅, 等等, 都唔洗擔心。我其實已經知道哂架喇, 我同Midby爸study 咁多野, 好多野都已經知道, 不過o係醫生口中聽番來, 會再安心d 囉。

最後我就問佢地...(呢條問題我係真心問既, 因為我唔識去解決), 我係唔係最好打側訓, 佢地話只要自己舒服, 點樣訓, even 打平都冇問題。如果打側既就用cushion 幫幫手, 唔係既一定會痛 --- o岩喎! d 人成日叫打側訓, 訓到我幾唔舒服呀! 不過得番幾個星期, 我唔會洗錢去買個cushion 架, 所以今晚我決定會打左面+打平訓, 嘻嘻嘻嘻!!! 最開心既係佢地話我上次blood test result ok!! yeah!!!! 幾驚呀! 我仲以為Midby 仔大隻係因為我有糖尿...我真係好感謝主!!! 又一次令我proud of myself 了!!! 當然我唔會忘記孫教授既功勞架!

放學時, Cement 打比我問候我。估唔到今次同佢咁o岩key, 咁多野講。佢話佢有亞b時, 都係好"粗"下, 行得快, 走得快, 咩都做；我都係呀! 我既philosophy 就係, 多走動, 個人"粗"d, 就會易生d, Cement 都認同架, 所以佢當時只係用左5分鐘就生左個仔出來, 希望我都係一樣啦。

簽左約喇

揀左咁多個月, 終於揀左, 同埋簽左約喇 - Healthbaby。

本來以為cordlife 都有個term - cordblood用唔到, 佢地會搵番個合適既, 點知佢地仲未有呢個服務。我都好肉痛, 本來以為比$26000就搞掂 (Cordlife o係1月31日前join 會減$2000), 不過而家就為左join HB 而比左$31800 (佢地$0.0001 都唔會減, 只係送左兩張 $500 chicco vouchure, 仲係唔唔可以買discounted items 架)

不過算喇...join 左就無謂話貴。我都同左Midby仔講: 媽媽會同你keep 起d cordblood 佢架, 不過唔洗驚, 唔係而家就law 你d cord blood, 係o係你出左世之後, 你唔要d cord blood 喇, 媽媽就同你keep 起佢留念, 因為呢d cord blood 可以比Midby仔做facial, 好靚架!

Dr Wong 上次check up 時講過, 佢話有多餘錢先好keep, 因為而家proven 有用既都係o係血既病度, 講緊係千幾份之一既機會會有事 (千幾份之一都好高risk 喎! 我Esdlife d 姐妹話佢地既醫生話用到既機會係唔知幾萬份之一tim呀), 如果唔係有多餘錢既, 佢就叫我地好好利用幾萬蚊去買保險, 一年幾千蚊, 回報一定好好。

一個令我咁信賴既醫生所講既野, 當然對我有一定既影響。但係再諗深一層, 買保險只係賠錢, 唔係賠cord blood, in case 真係要用到cord blood 時, 最直接既緊係有自己既cord blood啦, Midby爸都講過, 到時有幾多錢都係假, 唔通仲有mood 去用o個d 錢去搵個合適既sample 咩!

今日同我地簽約個哥哥係同上一次一樣, 佢都認得我地, 我o係簽contract 之前再clarify 左幾樣野:

1) 佢用既袋係USA 做既 (因為我驚好似cordlife所講, if 佢地用大陸野咪死!)

2) 9:00am - 9:00pm 會有人收cord blood, 如果after 9:00pm 先生bb既, 就要留言, 佢地第二朝番到工聽到留言就會去pick up d cord blood喇.

3) cord blood 可以o係room temperature keep 到24小時而quality不變...唔知真唔真呢?

4) 如果HB 清盤, 佢地會去搵另外一間公司繼續接管d cord blood

5) 如果化驗結果咁唔好彩顯示d cord blood 有肝炎, aids, 梅毒, etc, 100% 全數退款, 計處理費都退番

6) 如果唔記得帶個盒, 可以去醫院同姑娘講, 但最重要都係帶授權書o係身, 比左醫院/ 醫生, 咁樣佢地先可以做野

7) 由醫生幫手law左臍帶血o個時開始計, 24小時內HB 就會處理好d cord blood + 放埋入去個bank 度

8) 個袋外面仲放多個袋, 防交叉感染 (緊係啦...佢地仲液態nitrogen 乍!!)

9) 將d cord blood 抽出有用幹細胞會用人手, 之後用機器分離兩次 (cordlife 而家用sepax, cryolife 就用APX)。HB 話sepax 唔係新technology, 又唔係有咩咁significant既功效, 所以佢地覺得唔值去用, 而APX 佢地會考慮, 但太新, 所以而家仲observe 緊!

10) $31800 for 18年, one-off payment會送多兩年，即係20年。如果有朋友介紹, 朋友會多送一年, 而我地就會free 到$500 (不過....chicco $1000 vouchures 係同$500 唔可以共同使用, 所以我就只係要左$1000 chicco vouchures 算了)

3萬幾蚊係for 儲20年既又好似唔係太貴。當然我地都會為Midby買埋保險。做左人地既父母先發覺原來而家我地工作搵既錢唔係為左自己, 而係為左後代 -- Midby, 你大個左之後睇番媽媽呢個blog 就會知道媽媽爸爸真係好錫你架!!!

33w2d 都唔記得自己幾多週喇

留家為Midby來臨而作準備的一天

今日唔洗補習, 因為尋朝搞掂 - 早上兩個鐘, 下午去center 又兩個鐘! 哈哈, 個個見到我都驚我辛苦, 都係o個句, 感謝主! 仲好ok 呀我!

講番尋日, 急急腳去左Healthbaby 簽左約, 又係冇聽個talk, 不過算啦, 上去都係為左o係當日即時簽約 law $1000既 chicco coupon (好唔抵得剩係送coupon, 都冇d 實際著數既)。見番上次同我地解釋contract o個位哥哥, 佢都認得我地, 我仲話佢上次都冇gift 我, 所以今次佢就有比我, 仲私人醒左隻Mozart CD 比我, 因為我已經兩次同佢講我想要喇!

Midby爸好好, 佢陪我去坐49X, 車上有個男人望住Midby媽10次以上, 搞到Midby爸成程車"及"住個男人。我上左center 之後, Midby爸一個人仲去左實惠, 為Midby仔既來臨而張羅! (次次Midby爸都係咁架, 佢唔會唔同你做野, 只不過佢會o係last minutes 先訓哂身去做....不過我都好開心架喇, 有佢既input, my life would be a lot easier!)

由於Midby爸約左MBA同學食飯, 我自己一個人番左亞媽度。未有Midby前佢地都已經係好錫我架喇, 有埋Midby仔就更加唔洗講, 我好識得滿足, 雙親仲健在, 仲有氣力去話我, 去管我, 同錫我, 所以我好好好好想Midby仔既來臨係為大家, 特別佢雙老 x 2 帶來歡樂。

姑姐同左亞媽講好耐冇見我, 所以我番左去之後, 佢就叫左姐姑落來, 哈哈, 睇得出佢地真係好緊張我, 我坐得衰d, 佢地就肉緊到不得了。老豆仲叫亞媽同我law d 送出去tim, 緊係唔好啦, 我咪話Midby爸會o係出面遇埋我囉, 亞媽先放小小心。

呢幾日都叫做有d 貢獻, order 左整比書房用既廉, 比埋尺寸我個私人tailor, 去左order 15斤八珍比亞媽, 仲今日送埋貨。星期五, 即係前兩日仲去埋Jusco (以為有咩jetso, 用埋HSBC 買滿$400 有10% rebate 個promotion) 慳左$100, 唉, 就係咁, 我又向難度挑戰, 由6:00pm 行到...番到屋企足足12點幾, 只係買左total$1000左右, 只係慳左$100, 仲要係我想買既野 - 比Midby仔o係醫院帶番屋企著既和尚袍+包被+滿月靚衫 - 全部都買唔到。

不過都叫做有小小收穫 - disney出既, 吊o係床上面比Midby仔望既公仔 (唔係cindy 叫我買, 我同Midby爸係唔會買架!!!)

到今日, order 埋紗巾, pack 下走佬袋既野, 特別係d documents, 應該都7788了。(其實仲有好多野未ok 架...不過基本上唔係太過份囉)

Midby仔真係大個架喇, 佢而家郁郁既力度大左, 佢active 時會令到我個肚皮都郁下郁下架, 書話胎兒而家係20min 休息, 20min 活動, 我仲以為佢o係我晚上zzz時, 都會同我一齊zzz tim, 其實唔係架, 有時我醒左, 我feel 到佢o係度郁郁架, 只不過唔係郁得好勁, 冇day time 咁明顯。

由於時間好似過得好快, 我已經唔再去計我而家幾多w pregnant 了。同時間, 我都叫左Midby爸改左佢MSN 既nickname, 唔好再同我countdown了...sorry 呀, Midby爸!

Baillie 同bb 已經出左院, 佢埋單條數成4萬7, 我聽到都驚! 唉, 點知我洗唔洗開刀呀? 如果開, 咁我條數咪又係咁勁? even 唔洗開, 我又麻煩過人, 想用epidural, 又要多洗成$6k, 人生仔, 我生仔, 點解我唔可以慳d 呢?

我已經申請左兩張credit cards, 希望d welcoming gifts - 1) compass visa, $200 vouchures, 2) DBS, $500 rebate 可以幫補下啦, 我會繼續申請多兩張, hee....希望total 可以慳番一千蚊以上 (唉, 呢一千蚊同醫院同cord blood 條數相比, 真係小巫見大巫呀)

Midby 仔: 媽媽成日都同你講架, 要調頭仔之餘, 都記住幫媽媽順利由產道出世, 唔好比媽媽開刀呀! 媽媽而家唔再食tomato 同carrot, 唔想你照燈, 你都唔洗咁快出來架, o係媽媽肚內吸多d 營養啦, 冇益既就唔好吸喇!

32w6d 心情點滴篇

去護協作最後衝刺的一天

心情好矛盾, 當初未夠3個月時, 好想時間快d過, 成日都好想睇下Midby個樣係點, 但去到30w之後我既心情就180度改變了, 相信同好多孕婦一樣, 好驚去面對”生產”呢個必經過程, 因為:

1) 我一直都知道37w之後有好大機會胎兒會出世, 但冇諗過自己係咁, 我反而有d 擔心Midby遲遲唔肯出世。可能受亞May同Sonia影響, May’s bb比EDD遲左幾日, 而Sonia 兩個bb都係39w幾先出世, 所以我以為自己都係呢d cases。但點知幾日前, Baillie @37w幾就生喇……呢個impact 對我好大影響, 我計計條數, 我而家距離37w得4w 乍, 好驚!
2) 我咩都未準備好, 因為工人都未到, 自己又衰, 咩都未買好, 我唔似得Cindy咁有planning, 我又唔似得sonia 同baillie佢地咁隨心, 見到有野o岩就去買, 我又煩, 一係唔買, 一買又想揀d 靚既同埋….平既, 咪搞到而家咩都未買齊。好在幾日前@大圍姿彩order 左八百幾蚊野, 有哂chuchu奶瓶同埋好多包濕紙巾, 今日去多次護協買多兩個chuchu glass bottle大既, 買埋兩個bra, 同埋收腹帶…應該唔係太多太多野未ready o者!
3) 未做運動 – 呢個或者係個main factor令到我心情沉重左。一直最驚係痛, 真係好驚痛。由最初打算用epidural, 到而家有d 想唔用, 因為想先試下ding 唔ding 到先又同時可以慳番幾千蚊, 我都struggle 左好多次了。我最希望既係我可以子宮順順利利開哂比Midby仔出世, 唔洗用藥, 但係我無用, 報唔到呼吸班, 又報唔到咩野產前運動班, 自問又唔係運動多, 都唔知到時點樣可以令子宮快d 開, 等Midby仔出來。可唔可以話我知, 我而家得咁少時間, 點樣可以”將勤補拙”呀?
4) 問左Dr Wong, 佢話我可以先試下ding 唔ding 到痛, 唔需要驚冇麻醉師stand-by, 因為手術好多時都係要突然間做, 麻煩師有成一team咁多, 到時我ding 唔到先叫麻煩師來都可以, 但當然比多幾千蚊啦! 人生仔, 我生仔, 生得貴過人, 好無用, 我d 勇氣o係邊? 點解我唔可以學我亞媽咁, 一個人作動坐車出去QE生我呢?
5) 工人又未到, 到左又擔心佢唔好, 如果佢唔好, 我又擔心我奶奶唔鍾意, 佢唔鍾意就big pan了。唉…唔請又煩, 請左又要train, 最衰係我地冇經驗嘛! 太早叫佢來又唔係太好, 唔想咁快屋企多左個人; 太遲又驚到時已經生鬼左, 又驚到時我未生都冇氣力去train 佢, 所以都係快快手叫佢過來算喇
6) DHA 既灌溉期太短 – 我應該早多一個月前就食supplement 啦, Midby爸已經叫我快快手去買, 但我真係買唔落手呀, 唔睇choice magazine既report都唔知有咁多supplement既trans-fat 同saturated fat 咁高, 我食左仲有命既? 千揀萬揀既Barleans 又唔係度度有得買, 我都係由30w 幾開始食乍, 當時以為大把時間, 以為自己40w 先生, 即係仲有成10w 去比Midby吸收啦, 點知而家計計下, 大獲喇, 30w-37w, 即係唔夠兩個月…人地話最後3個月係黃金時間呀! 對唔住Midby…不過媽媽都每個月食魚, 同埋飲魚湯, 希望呢d non-深海魚都有DHA 比你吸收啦! 話時話, 你個頭仔比例上大, 係唔係叻女d, 定係人地所講頭大裝草呀? 哈哈!
7) 胎教progress 停濟不前 – 由4個月開始我就胎教, 同Midby仔傾下計, 教下佢d 生字, 但呢個月就差勁了, 因為每晚都會為唔同野而忙, 搞到上床時已經過左12點, 又為左比Midby爸同Midby傾計同埋我massage, 我就間中skip 左我同Midby 上堂呢一part! Midby呀, 你會唔會出左世之後唔認得媽媽把聲? 又唔認得爸爸把聲架? 我真係虎頭蛇尾, 早知將d effort 唔好咁早o係你4個月時就投放哂啦, 當時你對耳朵同埋腦仔都冇而家咁發達!
8) 休息唔夠 – 連同Midby上堂傾計都少左, 我邊會有時間去休息呀。我好感恩既係到而家我都仲未影累, 不過唔好喇, 真係11點半好去訓喇….我想比個好既bio clock Midby!
9) 未去胎毒 – 呢一兩個星期出街食dinner 多了, 對唔住Midby! 呢d 又係虎頭蛇尾, 最初o個幾個月勁小心飲食, 而家有好多野都食, 有d 係唔應該既, 好似spicy野, curry 呀, 我最忍唔到口既唔係魚生, 而係spiky野, 真係無用。但就因為Midby大個喇, 我食咩佢就食咩, 佢既皮膚就視乎我食咩落肚, 所以我已經叫左媽咪整湯水比我去胎毒, 但都好似未夠喉咁既。
10) 總之….一切都係因為心情仲未ready! 時間可唔可以唔好過得太快, 比我做多d 準備, 無論心理上或身理上呢?

咩野都經過我把口變得好exaggerating! 我講就講我心情唔係太好, 不過相比好多大肚媽媽會有nightmare, 我已經好幸福了, 希望我快d 以+ve既心情去面對Midby仔既來臨啦!

32w5d Midby爸春茗日

做facial 的一天

記得上一次做facial已經兩個月前既事, 當時係6個月多d。Apple仲以為我生左, 咁耐都唔去。佢o個時已經話我個肚唔細架喇, 不過就話我冇變樣。到今日去做facial, 佢見到我時話”wa, 個肚好大喇”。緊係啦, 食飯架, 唔大就驚喇!

而家越來越大膽, 對上o個次6個月去做facial, 都驚佢幫我massage會影響bb, 又驚佢用d 野會影響我同bb。但今次真係冇理咁多, 由佢用咩, 由佢massage! 人地有經驗, 緊係識handle 架喇。我做完facial 之後問佢生完之後點減肥同埋去肚紋, 佢就話肚紋就冇計架喇, 因為d 皮膚”裂”開左, 叫我繼續用d 膏, 反而減肥就有得做。佢話我因為生女, 個樣唔會變樣衰, 個鼻唔會變大, 仲問我有冇化妝, 如果冇化妝面色都咁好就一定生女, 哈哈! Thank you wow, apple 姐!

不過我唔係care 個樣呀, 我好好彩, 正如apple 所講, 我上身冇擔心過, 我擔心係個肚以下既地方。個pat pat 呀, 都唔知咩事, 未有bb之前係大, 係多d 肉, 但大脾都唔係咁勁架嘛, 而家連脾都大埋, 抬我上山, 可以食足7日7夜呀! Apple checked 過我下身, 佢話唔係水腫, 如果係水腫仲易搞, 通幾次淋巴就搞掂。至於我既問題係因為我個bb 大, 肚大, 所以下身會盤骨擴大, 可以夠位比bb 住, 佢話生完之後會細番, 唔洗驚喎…佢反而驚我個肚, 叫我一定搞搞個大肚, 叫我一定用收腹帶。

希望承佢貴言, 生完不費吹灰之力就減番呢三十幾磅啦!

PS: 上次Midby 爸o係1月8日公司annual dinner 時, Midby 仔o係我個肚度ding 下ding 下, 搞到我好唔舒服, 我都驚佢今次o係爸爸唔o係屋企時又咁對我, 好在冇乍!!

32w4d 大肚相

等左成兩個星期, 終於有得睇d 大肚相喇!

坦白講, 我冇要求時可以好冇要求, 求求其其都可以; 但有但有要求, 真係咩都唔可以satisfy 我。
由最初好唔想去面對個樣同身形, 去到book埋真係去影, 到今日law 埋相…原來人唔要求咁多, 真係會開心好多。

102張之中, 我shortlist左31張可以見得下人。其餘因為我面向鏡頭, 我太樣衰, 所以先唔想公諸於世。
個make up 比我想像中好, 不過我太太太掛住Cathy 幫我化o個個裝喇, 冇人可以化到佢咁令我滿意。所以好多相我面向鏡頭既我都放埋一邊唔要。

佢個package 唔貴, $888 包make-up + set 頭各一次, 影3個小時, 包20張digital photos。如果要加相就多加$50一張。我同Midby爸就決定 (其實係我決定, 因為Midby 爸o係呢d 小事上面唔洗操心既) 全部要哂, 即係$888 + $600, 咁就可以law番成102張既相底。我覺得呢個係個memory, 唔好因為自己個樣衰, 而唔要d 相。Midby 爸比我想像中上鏡好多, 好多都影得佢靚, 佢就好啦!

一貫既我緊係唔會比人睇呢d 相啦 (我d結婚相唔係wedding o個日都冇人睇過, 呵呵呵!), 我最多只係比左o個31張亞媽睇乍。亞媽同細佬緊係話靚啦, 我真係要學佢地把口咁有口得先得喇!

Midby爸好好呀, 佢去睇相之前, 去”時新”買左個包比我食。呢個係我地既習慣, 就係每去一度地方, 一定上去openrice 睇下有邊度好野食, 時新係我成日都想去既地方, 可惜我地唔食牛, 佢買左魚柳同埋豬x包, 我唔覺意地食哂成個魚柳包呀…sorry Midby爸! 冇剩番一口比你tim!

我影呢d 相其中一個目的就係希望到時Midby仔滿月 (如果佢可以擺滿月酒既話), 我想Midby爸整個video, 好似我地wedding時咁, 將我地既一點一滴同大家分享。而家我已經行左第一步喇 – 將我大肚時既樣留左個紀念, 等我作動時, Midby爸同我影低d 靚相 (一定要靚呀!!!), 到Midby仔出世o個刻, 之後番屋企, 佢既成長一點一滴 –-- 呢個責任交比Midby爸了。

同工人開個銀行戶口

我有個好學生, o係BEA 做既, 同佢傾開有關開戶口比工人既問題 (因為好多人都建議唔好比cash, 要去銀行過數, 有咩proof), 佢就搵左以下料比我：


HSBC
港元儲蓄戶口
要保持儲蓄存款結餘達港幣5,000元或以上，即無需繳付服務月費(以過去三個月的平均結餘計算。如儲蓄存款低於港幣5,000元，將收取港幣50元月費)。
所有戶口交易記錄將詳列於月結單上。
開戶要求：2,000
要避免收費，可開支票戶口，開戶同樣要2,000元。
兩者分別在於後者"支票戶口"無利息。(不過活期利息小到同無無分別)
"支票戶口"會提款卡，此卡不會收取年費。
$0結餘21日內如無入錢，戶口會取消。
按我連至網站

HangSeng Bank
港元儲蓄
提供存摺、月結單或ATM儲蓄戶口以供選擇
ATM儲蓄戶口不設最低戶口結餘額及戶口月費**。
存摺戶口要最低5000元結餘
豁免恒生卡年費，可24小時享用全港超過1,000部自動櫃員機服務(恆生同匯豐提款機可以共用)
**注意：於 分 行 櫃 位 辦 理 轉 賬 / 現 金 提 款 需 繳 付 每 項 HKD20 之 手 續 費 。
開戶要求:兩者都係500元

BEA
儲蓄賬戶
只需港幣10元，即可開戶，手續簡便(實際係100元，亦有可能唔同分行唔同)
利息每半年結算撥存一次
客戶可於本行各分行憑存摺提存, 賬項收支清楚記錄於存摺上, 即使沒有帶備存摺，亦可辦理存款事宜
結餘要求:每日平均結餘達5,000元，或有東亞強積金，或自動轉賬出糧(要有SALARY字眼)，可獲免除最底結餘要求。

BOC(HK)
活期儲蓄賬戶
開戶只需港幣10元，每日平均結餘高於港幣5,000元可獲豁免服務月費。
開戶金額：無特別要求

"提存易”港幣儲蓄賬戶
不設最低結餘限制。
豁免“中銀卡”年費。
免費分行櫃檯存款服務。(提款收20元)
使用自動櫃員機辦理存款、提款及轉賬，無須繳付服務費。
可透過網上銀行或電話銀行辦理戶口結餘查詢或轉賬。
開戶金額：無特別要求
戶口可"$0"結餘

Standard Chartered
港幣儲蓄存款戶口
開戶存款額為港幣1,000元。
結存要求:港幣10,000元。

如果要工人開戶，要帶有同佢既僱庸合同(此用作住址證明用途)，工人既臨時香港身份證同護照(全部要正本)去。
我屋企o個度有中銀、匯豐、渣打同東亞, 好...等Midby爸去搞啦!

32w3d 萱萱出世日

另一好朋友生產記

星期日, 即係尋日, 10:30pm左右收到Baillie既電話, 都估到佢作動入左醫院喇。我就無比咁興奮, 佢就反而好冷靜, 原來佢打電話比我問我law d advice。我好高興佢係呢個時間會記起我, 雖然我比唔到咩意見佢, 但係我都希望我一點點既安慰說話會對佢有d 積極作用 (雖然佢已經好 +ve, 好叻了)

原來一直萱萱個頭都已經向左下面喇, 只不過未好ready 出世, Baillie 37W左右去左check up, 醫生都話應該未有咁快生住, 因為BB 個頭仲未落哂去, 但估唔到, 過左幾日萱萱就想出來, 令到佢媽媽感到陣痛喇。

佢o係星期日midnight時開始有regular 既陣痛, 佢等到下午3-4點先入醫院。醫生check過之後話佢子宮頸較長, 所以整個產程會好長, maybe up to 24小時。所以醫生比兩個選擇佢 - 1) 直接開刀, 2) 催生。

我係旁外人, 當然感受唔到做當時人o個種感覺。我就會選後者, 如果唔成功, 先至開刀。但係佢既醫生話就算催生, 都要兩次, 亦有可能最後都要番開刀。

Choi仔就唔想Baillie 辛苦咁多個鐘, Baillie 亦唔想等等等之後又要還原基本步開刀, 加上有姑娘o係佢身邊講, 叫佢都係揀開刀, 所以o係11:30pm時, 我MSN 知道佢已經選擇左。

我覺得好可惜。萱萱係就係初時搞到佢媽媽噁得辛苦d, 但係佢都好乖去左調頭仔啦! 我真係冇諗過Baillie 唔可以natural birth! 一個咁堅強既媽媽 (唔怕痛, 對突然要接受開刀呢個決定冇怨言既人) 既然唔可以比佢natural birth! 我真覺得不值。

我好為Baillie 而感到proud! 如果係我, 一直以為可以natural birth, 突然間話唔可以! 我會發癩!

回想佢當年同choi 刀生o個次big pan 野, 佢真係mature左好多好多, 為左個女, 佢既EQ 真係高左好多, 我要向佢多多學習。

由於之前choi 生話佢9:30pm 早上會開刀, 我帶埋個手提上堂, 等佢SMS 我地。我早一晚就叫媽咪即刻抄米比佢, 好好人既亞媽早上就出左去法國比choi生, 佢仲好醒咁上埋去病房, 問埋姑娘Baillie o係邊, 放低左d 米tim!

後來先知道, 原來9:30am 係準備時間, 之後好似位醫生遲左d, 到11:00點先開始, 好快成個過程都係15分鐘左右就出世喇。

好感動呀! 每一個小生命既來臨都好令人感動呀! 萱萱好cute, 聽choi 仔講, 佢出左世喊左幾下之後就好安靜, 之後姑娘law比Baillie 錫佢一啖時, 萱萱仲吹左d波仔出來呀!

見過BB都話佢似Baillie呀! 我就只係睇相乍, 鬼叫我傳統咩, 一來亞婆走左未夠100日, 都唔係咁方便去咩紅事既場合；二來自己都紅事, 費是同另一家既紅事相沖, 都係遲d 先見喇!

Midby媽既入院物資 + to do list

呢個blog 開左咁耐, 我都冇主動比朋友睇, 我相信只有Midby爸一個人睇乍...所以我都當左呢個係個database, 等Midby爸有需要時上來retrieve d info。

除左基本上個個人都要pack既野之外, 我都會多帶以下物品:
1) mobile + headfree + 入左既歌RRR932
2) 零食 - 等我生之前去Threesixty 最後入貨

我仲要Midby爸o係我入左醫院之後幫我帶以下物品 (最好o係我生完之後即刻可以ready):
1) 叫工人/ 媽媽law 定炒米水比我, 等我一生完有得飲
2) 暖杯
3) 手提charge電器 (唔知醫院比唔比charge 電), 不過真係要呀, 我要用來聽RRR932嘛!
4) 奶pump - 消左毒先呀, 唔該!
5) 西梅汁 (sonia 生bb時, d 姑娘教佢飲用來補血, 唔知我飲唔飲得呢? 還是都係飲番米水好d呢?)

我入左醫院之後Midby爸要做既野:
1) 生完bb之後, 打比陪月兒姐 confirm 第1日番工日期
2) 問兒姐law personal details, 幫佢去買保險http://www.cc.yot.org.hk/baby/iss.htm, 應該$80 就有找
3) 如果我開刀, 幫我買"疤痕敵", 一定要買, 令到個傷口埋得靚好多
4) 叫媽咪問下師傅Midby可唔可以擺滿月酒
5) 打比改名師傅, 比Midby八字佢, 準備改名
6) 請工人準備好Midby番屋企之後整用既野 - 包括床仔既被鋪, 洗澡個盆 (要消毒左先) 同埋d shower gel 放好o係bathroom
7) 消毒奶瓶 - 唔洗太早做, 可以o係Midby出世之前o個晚做
8) 奶粉

我同Midby仔出院日, Midby爸要帶既野:
1) 我一袋既衫 (已經pack 好了)
2) Nature's purest blanket
3) Nature's purest cap+mittens
4) Nature's purest 衫仔
5) 婆婆買既和尚袍 (做底衫)
6) 紗巾 2 條 (先洗過)
7) 1袋已pack 好既物資, 包括1-2塊尿片, 濕紙巾

唔該哂Midby爸!

*諗到再加*

我地既最後選擇

揀一間臍帶血公司都係為左同BB, 自己, 老公, 親人買個保障。雖然用到既機會唔大, 但正如我媽咪所講, 萬一呢? 萬一用到而因為當初慳O個幾萬蚊呢? 我地會唔會內疚及後悔一世呢?

所以我同Midby爸都決定唔會比呢一個"萬一"發生!

對於我地outsiders, 行外人來講, 我地唔識去judge 邊間既儲存方法最好或最安全 -- cordlife + cyrolife 就話佢地既液態nitrogen 好過healthbaby; 而healthbaby 既container (bank) 係全自動, 每一個cordblood 係獨立儲存, 唔會好似其餘兩間會正相影響 --- 所以我地決定唔以呢d 為考慮因素。我既考慮既就係萬一要番d cordblood時, 個cordblood 因為公司keep得唔好, 而令到內面有用既細胞未能發揮作用, 又或者佢地失誤, 咁樣點好?

3間公司都會有賠償。Cyrolife 我等左兩個月都冇人搵番我同我解釋個plan, 佢地收費係亦最貴, 儲存方法同cordlife一樣, 所以我冇考慮佢地。Healthbaby 就會有兩種方式去賠償 - 1) 搵番個合適既Sample 比我地, 2) 搵唔到, 就比番US$25000, 即係約HK$20萬。Cordlife 就得一種方式賠償 - 最高賠償金額一千萬港幣, 但係暫時o係09年2月佢地都仲未會幫client 搵番個合適既sample, 而佢地亦都冇咩資料比到我地個賠償係點計, 因為冇先例。

佢地賠償金額幾多我唔care, 我care 既係萬一bb 有事, 或我/ 老公有事, 你比幾多錢我, 我都冇心機, 冇時間, 冇心情, 冇精力, 去搵個合適既cordblood。一千萬聽來好吸引, 但呢個係最高既金額, claim 保險有幾多時會claim 到最高既金額呀? 我地寧願呢d 公司好似銀行既夾萬一樣, 將我地形貴既野keep 住, 我唔想你唔覺意將我個夾萬既野拋到去埋田區, 之後先比番唔知幾多錢我, 所以我地會搵Healthbaby, 因為佢地contract 上列明會搵合適cordblood比番個client。

09年2月21日healthbaby 會有個talk, 即時簽埋contract 會送番$1000既chicco gift coupon。如果唔係當日簽, 係經舊client 介紹, 都會有$500 減免, 而介紹人都會免費多一年既儲存費。

即係話$31000 - $1000 (chicco gift coupon) = $30,000 for 18年。聽講一次性找數會多送兩年既儲存費, 即係$30000 for 20 年。

跟Cordlife姐姐的一席話

老實講, 一直都冇打算搵Cordlife既, 因為n個星期前收到佢地電話, 知道本來schedule左星期三既talk 會改做星期六, 咁o岩同另外兩間offer既talk既時間clash左, 所以我唔會因為join cordlife一間既talk而give up 另外兩間既。個sales 打來時同我地講, 如果我地去join星期六個talk, 佢地就唔洗stay behind o係星期三又搞多個。

呢次比我既感覺幾差, 覺得呢間公司好細scale, 再加上之前有d 報導話佢隻上市股票唔知點, 一直都對佢地唔係太positive。

不過有esdlife姐妹話follow佢既account既姐姐好好人, service好好，好過cryolife, 加上又平, 只係$28000 就有18年, 聽落幾吸引, 所以我主動打電話比佢地, 約左位sales 姐姐出來。

相信o個位姐姐就係我esdlife 所指o個位。佢好好人, 佢就我方便, 去左clinic等我, o係我等見醫生時佢同我講解所有details。

由於我主動打比佢地時o係電話問左接線o個位幾個問題, 佢地比我既答案令到我好滿意, 所以我同老公約呢位sales 見面時, 都打算好大機會會簽約...點知接線o個位小姐所講既同我面談o個位所講既有出入, 所以我地冇即時簽約。

聽完sales姐姐既presentation, 所知
Cordlife's selling points:
1) 跟cryolife一樣, 都係氣態nitrogen, 比起HB既液態nitrogen, 冇咁易令到cordblood 受到交叉感染
2) 跟Healthbaby一樣, 都係用同一個袋去keep d cordblood, 佢地係用原裝由外國 (好似係germany/ swissland) 入口, Healthbaby 就冇講佢地既袋係唔係原裝由產地入口
3) 好似由09年3月開始, 會用sepax 呢個system 全自動化抽取cordblood 內有用既cell 出來, 比起傳統用人手, 即係Healthbaby 會成功抽多有用細胞。姐姐仲話如果個cordblood 太少既, 其實用人手/ sepax 呢個system個分別唔大, 反而本身cordblood 份量多, 用sepax 會好好多
4) promotion 期間, 即係1月31日前簽約會有$2000現金discount, 即係$28000 - $2000 = $26000, 係3間之中最平。
5) 如果頭100名選用sepax 呢個system去抽d cordblood 有用細胞呢, 就要多收費用 ($2000既半價, 即係$1000), 不過佢地唔會係唔係都同你用sepax 去抽, 佢會先check 下client's cordblood 份量幾多先, 如果over 50ml, 先值得用sepax 呢個system)
6) 同cyrolife一樣, 都係用人手開個container (bank), 都係用個stack, 將一個個cordblood sample 放入, 如果有新sample 加入, 有需要會law埋本身已經o係bank 內既其他sample
7) 3間之中唯一上市公司
8) 有成功例子

Barlean's fresh catch fish oil DHA

一有左Midby時已經知道深海魚中既DHA 對胎兒既好處。我亦都有朋友提醒我多d食魚, bb會聰明d。

我同Midby爸講過, 佢搵左一隻叫mumomega既fish oil (DHA) supplement 比我, o係threesixty 賣$210蚊, 有30粒。當然o係外國買平好多, Boots 曾經做promotion, buy 2 get 1 free, average 都係$9x 一樽。

不過由於選擇月刊亦做左個research, 比較過市面上大牌子既fish oil supplement既成份, 當中佢地冇包括mumomega, 所以最後我既選擇都唔係mumomega。

個research比較左1粒softgel含有幾多DHA/ EPA份量, 亦有列出反式脂肪同埋飽和脂肪含量。如果唔係睇左個比較, 我都冇考慮到魚油會有機會含有反式脂肪同埋飽和脂肪。

最後我揀左Barlean's fish oil DHA, o係Citysuper有得賣, $280, 有90粒。樽上建議一日兩粒, 但選擇月刊既findings 顯示佢一粒已經含有高達3xxmg。一個成年人食300mg/ 日既DHA已經足夠, 再加上我亦有食魚, 所以我暫時覺得食一粒已經足夠我同Midby用喇。

其實未有Midby之前, 我已經一個星期飲一次魚湯, 到今日已經係32w喇, 我都仲keep 住一個星期飲一次魚湯, 番奶奶度就永遠有條石斑食, 平時我會食三文魚三文治做早餐, 間中又去百佳口痕買秋冬魚同埋多春魚食。Midby爸笑我係一隻貓, 成日都買魚食。

胎兒o係媽媽懷孕後期, 即係28w開始腦部就發育得極快。好多research顯示胎兒既腦部發育既補救工夫係佢地出左世先後做係無用既, 所以我都有d 後悔唔早一個月開始食魚油supplement - 我都係31w時先開始食乍...

希望Midby唔會太快出世, 等32w既我仲有8w時間食多d魚, 比Midby仔吸多d DHA啦!

31w4d 的起心肝, 去左護協買野比我地既心肝

開始夜晚覺得唔夠氣, 易左累既一天

自從前日星期日開始, 我就覺得夜晚會唔夠氣。好似星期日晚番去大埔食飯, 之後番出去屋企時會覺得行幾步有d 氣喘, 唔係呀? 咁乍既? 朝早同下午好地地, 非常正常, 夜晚特別係食左飯之後就會有d 氣喘, 唔係呀?

因為係時候喇, 都快32w, 唔通仲等到36w先去買野咩, 所以今日同左Midby爸去買左野比我地既Midby仔。好多時候我買野都會好精明, 好識得去揀, 今日見到樣樣野都唔知點揀, 好多時都係見到多人揀喇, 自己又去睇下。有d 就參考cindy既表, 但係佢買既牌子有d 護協又冇得賣, 不過我本著"試下o者, 唔o岩都好快用哂"既心態, 買左幾樣野, 叫做了左件心事。

由於Midby真係大個仔喇, 佢郁既次數好多, 今日去買野時佢都冇時停, 所以我好多動作都唔敢太大, 如果比起之前咁多個月, 我呢個31w4d既媽媽有以下既唔同:

1) 比起7個月時, 肚多左好多好多紋, 全部都係肚底, 唉!
2) 比起一兩個星期, 易左氣喘
3) 比起一個月前, Midby仔會打多左好多好多hiccups, 而家一日有一兩次, or 兩日都會有一次, 次次都係同一個位置 - 我肚臍右面, 我懷疑o個個係pat pat / spine 位 (上次Dr Wong 照時話我知)
4) 比起一個月前, 明顯feel 到佢郁既係d 手手腳腳, 反而我feel 唔到佢個頭o係邊 (希望已經真係調左頭仔喇)

而31w4d既我, 擔心既有:
1) 肚紋會越來越多, 唉, 好煩! 係唔係用錢解決到先?
2) 過重
3) 要開刀生Midby, 因為一直Midby個頭都係大過其他BB既, 去到27w時已經快人2w, 到30w時就快人3w, 我驚下次32w去照時, 佢會快人4w 呀!!!! 我好怕順產唔到佢出來!
4) 陣痛應付唔到 - 我勁驚痛, 以前M 痛都頂唔到, 不過而家我唔係好去諗, 本著"到時先算"既心態
5) Midby早左出世 - 我law 前2後8呀, 太早我既schedule 會亂哂架!
6) Midby 唔肯夠時夠候出來 - 太遲驚佢太大隻呀, 我點生得出呀?
7) 盤骨唔夠大 - 唔係pat 大就 = 盤骨大架, 要度下架, 36w 應該Dr Wong 會幫我度架喇, 希望我夠哂位啦
8) papsmear 唔pass - 30w時做左1次, pass左, 希望到時再做pass 埋, 等Midby可以順順利利經過我既產道出世啦
9) Midby 唔肯調頭 - 早o係27時已經話佢個頭仔向下, 30w時都係, 希望一直keep 住

其實我所worry既野應該同其他媽咪worry既野一樣o者? 我都唔係好過份乍麻!

31w1d 大肚相

好開心, 好回味既影相天

其實自從有左bb之後既第5-6個月開始, 已經覺得自己既樣變左。儘管好多人都話我個樣冇變, 又話我仲係好輕型, 但係自己知自己事喇, 重成over 10kg, 邊有可能冇變相呀? 所以我好少影相, 就算影都係一張半張就算。

見到Cindy @35w時去戶外影既大肚相之後, 都覺得好靚, 當時都想自己有左bb之後去影番一輯, 但係到自己時, 真係好唔願意去面對...

不過由27w開始, 知道Midby仔係大隻仔喇, 我就開始減食, 搞搞下3個星期內我塊面都瘦埋, 重量都輕左1kg tim! 相信係比Midby仔吸左我既營養喇, 好在Midby識得吸乍, 唔係我就內疚死喇。

可能因為冇之前咁"肥", 加上同事既推薦, 我就join左影大肚相一個package。一d 都唔貴呀, $888, 包20張相 (digital file format), 化妝同set 頭一次。我個同事影完之後話服務好好, 叫我都去玩下, 加上Midby爸又肯陪我喎 (唔係必然架, 好多男人唔願意架, 我有esdlife JM話老公唔想影, 所以個JM 都冇得影呀! 幾慘呀!) 我就決定去馬喇!

影結婚相既經驗比我知道, 我一係唔認真, 認真起來都叫做極度麻煩。台灣o個次既影結婚相搞到我好唔開心, 因為個化妝太唔掂... (我極討厭極討厭極討厭極討厭極討厭個樣比人化到唔知似咩)。番到HK 搵wedding 化妝, 都係唔係好o岩心意, 直到搵到芝柏既Cathy, 到而家我都仲記得o係芝柏比錢時講過一句說話: 從來比錢未試過比得咁開心! 可想而知我對Cathy既化妝幾咁滿意呢!

到今日去到studio123化妝喇, 當然唔係Cathy既級數喇, 個姐姐都好好人, 用左maxfactor既foundation, 不過我唔鍾意條眉整到粗哂, 佢話係用左眉粉, 上左鏡打左燈就唔覺架喇。算! 呢次唔係影結婚相, 唔係太貴, 我由佢! 即管信佢一次咁多啦!

當然, 經驗老到既Midby爸對於我所問既問題, 梗係比番d standard 無誤既答案比我啦: 你信下人啦, 上左鏡唔覺架喇, 靚呀!

揀左4套露肚既衫, 有d 仲幾sexy tim! 係呀! 我特登既! 呢d 相又唔係通街比人睇, 有咩所謂。真係好在亞媽生我上身唔係太大隻, 而家加左磅之後都仲唔係太唔見得人...希望兩個星期後去睇相有驚喜啦!

個photographer 比左兩張我睇, 我就唔係好睇得清楚影左點, 不過由於個background 係黑色, cool cool 地, 幾合我既心意, 令到我信心都多左, 所以成個過程都影得好開心。

今次同Midby爸影相同上次影結婚o個d 好唔同。上次叫我地做d 亙望既post 時, 我地會口"up up" inch 對方架, 今次就冇喇。係Midby對我地既影響? 定係因為我地感情又昇華到另一境界呢?

點都好, so far 仲未睇相, 所以我都仲有好大寄望, 仲係好懷念當時拍攝既一點一滴。值得一贊係: Midby仔, 你好合作呀! 成個過程都冇令到媽媽唔舒服呀! 因為我之前同你講過兩三次影相既事, 你係唔係記得呀? 你真係懂性喇, 咁識得合作! Midby, 媽媽愛你呀! 等你第時大個, 媽媽比番d 相你睇, 好冇?

30w6d 驚喜的週年紀念

Midby爸Midby媽慶祝拍拖12週年既一天

話說都成個星期前Midby媽問Midby爸係唔係會出街食飯慶祝。Midby爸輕輕答左句: 好呀, 但係問佢揀左去邊, 佢都冇出聲。

我知道如果比佢揀既話，多數都係fine food dining 架喇。到當日早上, 見到Midby爸打左條bur-bur-ley tie, 用左個新既bur-bur-ley briefcase, 心感: 咁奇既? 唔通佢去開會? 會唔會因為今日係週年紀念, 而著靚d 呢? 唔會喎, 佢起身都冇同我講聲週年快樂, 又唔見佢叫我著靚d...咁...咁點解佢會著咁靚仔呢?

一直都存疑, 算, 冇理由咁老土問佢: 你今日咁靚仔係唔係因為同我去食飯呀? 一直去到下午, 我msn 問佢去邊, 佢都冇答, 我仲打算不如去APM, 用埋king parrot 既coupon, 佢仲話好, 點知去到4:30pm 左右, 佢msn問我可以幾多點走, 我當然可以sharp 5pm走人啦, Midby爸就叫我去到香港站打比佢。

o係香港站等佢時, 我入左去睇公仔, 見到1月8日Midby爸送比我既娃娃, 之後好快Midby爸就到喇, 佢帶左我去行一段路, 原來...佢帶我去stanley 食dinner 呀!!!!

坐架特快巴士好快就到了, 去到一間叫the boathouse既restaurant。原來Midby爸已經booked 張7:00pm window seat 既table喇。食食下Midby爸細細聲同我講呢間既頂樓就係leslie同常盤貴子拍戲既場景, 可惜dinner時間唔開, 所以我唔可以目睹當年leslie拍戲既地方, 但Midby爸呢份心意, 都夠窩心喇!!!

我呢個知慳識儉既老婆仲開心既係見到hsbc credit card holder 有30% off 喎! 呵呵呵呵! 叫左一個湯, 一個starter, 一個babyback ribs, 一個pasta discounted左都唔洗$400。

當然以Midby媽同Midby爸對食有一定要求既人來講, 食物唔係surprisingly good, 只不過我地好公道既, 黎呢度係食mood同environment, 呢個價錢既食物我唔會complain喎!

最衰係呢度最多人叫既海鮮桶同埋dessert - chocolate pecan pie 我地都冇叫到。鬼叫我唔食得seafood, 鬼叫我唔食得chocolate呀! 我知Midby爸好想食dessert, 但佢見到我唔食得, 最後都冇order。

我同佢最後去番IFC 既滿記食左個甜品，作為我地週年紀念日既最後一站。

每逄大時大節, 我都鐘意同Midby爸食下湯圓, 食下甜品, 取其意頭甜甜蜜蜜。

Midby仔: 今年爸爸媽媽既12週年同以往好唔同呀! 因為有你o係媽媽既肚子內, 有你既參與! 好在Midby爸冇因為Midby仔你既出現, 而分薄左對媽媽既關心同愛護呀! 哈哈, 睇住黎, Midby爸一個人, 睇下佢o係你出左世之後, 仲可唔可以分身將佢既愛比我地呢?

Midby爸: 真係由心多謝你既安排呀! 估唔到一齊咁多年, 我都仲deserve 你比驚喜我呢個矮冬瓜呀!

30w2d 種瓜得瓜；種豆得豆?

同自己做思想培訓既一日

o係前幾日Midby又頂住我個肚, 令到我行唔郁, 再加上@Dr Wong度知道佢唔願意比我地見佢個樣之後...我又亂諗野。

未出世既胎兒o係媽媽個肚子內, 當然媽媽會好緊張, 亦有無限既愛比佢。媽媽會有好多期望：bb靚唔靚呢? 叻唔叻呢? 聽唔聽話呢? 媽媽咁錫個bb, 個bb出世之後係唔係都會好錫個媽媽架? 一切一切都會成為媽媽成日諗既野。

我問心最希望Midby身體健康, 亦都係我成日同Midby傾計時提佢記住要做既野。佢靚唔靚? 叻唔叻? 我點控制? 做人父母既壓力, 唔係親身去感受, 邊會知道?

我一直都覺得Midby好乖 - 佢作息定時, 又肯吸收, 冇郁到我訓唔到覺, 冇令到我有水腫, 冇令到我有暗瘡, 冇令到噁, 冇令到....總之大肚婆有咩既衰野, 佢都冇令到佢地o係我身體上發生，所以我覺得Midby係個easy girl!

但係...兩次喇! 有兩次佢都頂到我好唔舒服, 我好失敗, 我會為左咁, 而對佢失去信心。係唔係我諗得太多呢? 最近一張既4d相, 見到佢側面個樣好唔likey! 我知佢好唔鍾意我地"搞"佢, 所以佢show 佢個long face 比我地睇...令到我又亂諗野 - 係唔係嬲左我呢?

不過呢兩樣野令我明白, 對小朋友, 真係唔好期望你付出既一定有十足既回報。唔好期望你比N咁多既愛佢, 佢就會聽哂你話。每個人都有自己既性格, bb都係一樣。我醒喇...我要醒喇!

可能自己太活在幻想既世界內, 幫女女塑造左一個美好形象。到有"挑戰"出現時, 我就無力去抗禦, 我呢個媽咪真係太失敗。

咁都好, 我明白到既係種瓜未必得瓜；種豆亦未必得豆 (呢個係最壊既打算...可能Midby 係個esay girl呢?), 而家開始同自己做定思想培訓, 唔比自己對女女將來太大期望, 所謂施恩莫望回報! 媽咪咁多年對我地既照顧, 我地又有咩回報比番佢呢?

係時候, 由我地呢一代做番d 野喇!

Midby: 我會努力做好媽媽既角色! 幸好有Midby爸同我一齊努力! 我真係好希望將來我地一家三口係開開心心, 健健康康咁生活架! 你會同我地一齊努力嘛?

30w1d 廣華講座 - 初生嬰兒護理

第三次同Midby爸一齊聽講座既一天

好細個時曾經有人同我講佢好想要個 "愛情結晶品", 即係bb, 但我唔明個意義, 一d 都感受唔到; 仲反問點解兩個人買一間屋, 買一架車都可以當係愛情結晶品啦, 點解一定要生個bb呢?

到結左婚都3年仲懷有Midby既我, 當然已經明白了。

所以同Midby爸一齊去為Midby, 我地既愛情結晶品去張羅一切一切都係好甜蜜既。

當然去聽講座都係好sweet既行為啦, 特別係為左我地既Midby仔喎。

講座內容都幾簡單, 不過我都係右耳入, 左耳出, Midby爸有recording, 不過我地99%都唔會law番出來聽架喇。聽完之後都知道有小小同bb仔沖涼既tips, 去左食lunch之後就買左個沖涼盆, 同埋其他小小物品。

而家都7.5月喇, 我一個人真係law唔到d野, 見到Midby爸o係度, 仲唔叫佢law咩。好多野我都仲會自己來, 不過我知我呢個時間仲去揹野, law重野, 腰痛一定番來搵我, 所以個盆未係我心目中既best buy, 但都算喇!

呢一晚仲同番friend又去客家好棧又聚一聚喇。Baillie已經36w喇, 個肚都大了, 但同我比....我o個個仲係大過佢囉! 佢而家都唔夠120lbs呀, 幾fit! 不過原來我都唔太差, 30w 內都係重左10kg左右, 嘻嘻!

不過我個pat pat 呀...我一定一定要fit 番! 仲要fit過未生之前。都唔明, 點解幾十年都唔係好注重外表既我, 有左bb之後咁介意自己既樣貌同figure?

30w0d 常規產檢@Dr Wong's Clinic

Midby仔又郁到我行唔到既一日

係時間見Dr Wong了! 本來約左2月2日, 即係等多幾日先架, 不過年初一既驚魂記之後, 都係去佢度law d 野去化驗下先, 所以就約左早幾日去見下佢。

由於約左Cordlife既姐姐, 我早左小小就出門口。點知Midby仔又黎過喇...佢好似有一次咁, 唔知用邊個身體部位頂住我, 令到我行唔郁。我當時只好坐o係大堂等一陣。由於而家個個都有眼見到我個肚咁大, 我好唔想搞到身邊既人擔心, 所以明明我個肚比佢頂都唔舒服, 我都扮哂冇野, 坐o係大堂等呀等呀等呀...

到好d喇, 我就行幾步, 但係都頂唔順, 要o係門口出面既"waterfall"又坐...開始驚...流左幾滴眼淚, 打左比Midby爸, 佢叫我坐的士去Dr Wong度, 但當時根本企起身都成問題。o個一刻, 我冇儘力叫Midby 仔"放過我", 我承認, 我對佢缺乏信心, 我只係同Midby講左幾句, 之後就試下行去叫的士。

好在, 途中我都唔係太唔舒服, 比起上一次行都行唔郁, 今次已經好左d。見到cordlife既姐姐, 佢同我去左Dr Wong's clinic度講解cordlife既設備, etc, 一路聽一路等Midby爸。整整兩個鐘Midby都係同一個位置。

由於Dr Wong o係3點幾鐘緊急去左開刀, 所以有好多症都埋哂o係6點幾時睇, 到我時已經8:30pm了。我一入到去就叫Dr Wong即刻同我睇下Midby咩位置, 原來佢既背部同埋pat pat 頂住我既子宮, 連Dr Wong都話因為附近冇胎水, 佢既身體同我既身體貼得好近, 好薄, 所以我會唔舒服。好了, 解開左個迷喇...

之後Dr Wong同我check 下"下面", 由於有位高高但係好溫柔既姑娘o係度, 我都唔係好識得尷尬喇, Dr Wong就同Midby爸講都好common 既, 佢都唔係好firm話都係咩來, 不過唔似陰道/ 尿道炎, 似xx 喎....要law去化驗下, 同時間都開定藥膏比我看門口。

好好笑, 唔知係唔係Dr Wong知道呢一日好忙, 所以冇咩時間去entertain我, 所以又比左個discount 我了。

係呀...Midby仔今次比Dr Wong話呀!佢記得次次照佢都唔係好照到4D, 話佢"巴閉"呀! 不過都見到佢個側面既, 我都好開心架喇!

由於呢3個星期我驚再肥太多, 所以我細食左好多, 反而就輕左1kg呀! 都好, 不過Midby繼續頭仔大大, 肚仔都ok喇, 不過對腳就差d喇, 今次仲好似同個周數相差幾日tim! 好, 係時間都係食番多d 野先! 佢3個星期前都有成1.2kg 喇, 但30w既今日得1.6kg, 好似重慢左喎!