多謝大眼姑娘呀!!!!

話說某一日, 我又收到大眼姑娘電話喇。呢位大眼姑娘把聲好易認, 有d 似卡通片d 主角既聲, 佢問我Midby仲係唔係食A+, 我話係, 佢話有A+2號比我, 我當然以9秒9既速度答佢好啦,我仲話會搵時間上去探佢...(但無本心既我講左句話10次都係冇做到既)

點知有一日, 有Courier 公司call 我, 問我o係唔o係屋企, 會有野送來。我就o係度諗喇...咩野來呢, 我又冇買野, 點解會有courier call 我呢? 我仲傻到打開門時, 見到個好大盒既parcel 見埋個sender address, 仲未知咩事, 仲心諗: 咁熟既個地址 (死啦, 係唔係生左仔之後個人真係轉數慢哂架?)

之後law左入番屋企, 我讀個address出來, Midby爸就已經知道係邊個send來架喇!!! 我好快手, 連較剪都唔用, 就開個盒, 好心急去睇下咩野來。

除左"受寵若驚"呢四個字外, 我再諗唔到可以用咩字去形容我當時既心情。工人姐姐見到都好開心, 我地仲特登同Midby o係個parcel 面前影相, 姐姐仲將大眼姑娘整o個張A4 size 既"poster" keep 好, 放o係Midby 床邊, 到而家都仲o係度。我唔知點樣去多謝呢位大眼姑娘, 除左我成日都話想買d野食上去請佢地食 (到而家我都仲未有行動 :(, 死未?), 我就係諗到叫Midby 同埋個parcel 影張相, 放上來比大眼姑娘睇。

Midby受左呢位大眼姑娘既恩惠真係唔少喇, 我影低d 相, 想將來Midby大個時, 我會話比佢知, N年前, 佢好好彩遇到個好好既醫生, 亦有好nice既姑娘送左隻夾仔同埋奶粉比佢, 希望Midby知道人間有情呢樣野。講出來好老士, 不過我真係好希望Midby將來係一個有愛心既人, 識得去關心同愛護別人。

大眼姑娘, 我唔知下次去dr wong 度遇唔遇到你呀, 所以我o係呢度留幾隻字比你, 祝你呢個高材生呢幾年繼續考取好成績, law多d獎學金, 我唔知道你讀呢一科我有咩野可以幫到你, 有既, 你通知我! 我/ Midby 爸同埋Midby仔都會幫手架!!

餵完人奶4個幾月喇!!

買左ameda 奶pump 幾日後的一天

好想將自己餵人奶既經驗同新手媽媽分享, 因為自己經歷過最辛苦既時候, 由乳線炎, 發燒, 驚到喊, 訓唔著, 到而家都叫做上哂軌道, 好想等有問題既媽媽睇到我既分享時, 心靈有d 安慰之餘亦可以幫到佢地解決問題。

Midby媽餵奶profile:
1) BB出世第4日上奶, o係bb出世之後幾個鐘內已經feel到對胸有谷奶感覺, 但真正谷到痛, pump出奶係第4日
2) BB O係醫院時有比佢試過埋身食人奶, 不過當時未有奶, 所以試左一陣我就餵奶粉比bb
3) o係醫院用cup feeding, feed到大約大半個月就轉用母乳奶咀, 之前就用Medela既黃色杯仔feed Midby
4) 由day 4 開始人奶同奶粉兩溝, 次次都係先飲人奶, 之後補奶粉
5) 同bb唔太配合, 所以好早已經決定唔埋身, 做全pump 媽媽
6) 由bb 個幾月就可以做全pump人奶媽
7) 4個幾月既今日, 未至於係窮媽媽, 但同富媽媽仲有好大距離, 日pump 800ml 左右
8) 一直都唔多飲上奶湯水, 因為有乳線炎既陰影, 覺得夠就算, 唔敢飲多奶荼, etc
9) 雪箱有廿多包冰奶, 為日後唔夠奶時做準備
10)4個幾日既Midby仔, 日飲5次奶, 每次170-180ml, 暫時都係全人奶
11) 未食米糊, 未食固體
12) 日食materna + calcium + fish oil

Midby 媽餵奶工具:
1) medela swing 奶pump
2) medela swing bottles
3) chuchu glass + plastic bottles
4) chuchu 母乳奶咀
5) chuchu 跟glass/ plastic bottle 既原裝奶咀
6) avent 手pump
7) ameda 雙pump
8) piegon 奶墊
9) chuchu 奶墊
10) o係實惠買到既KONNOR 餵奶cushion

我一個人揹Midby番大埔

好開心~~

Midby出世既頭一個月, 我好多時都唔開心, 一來又未習慣新生活, 見到Midby成日喊, 抱佢又唔可以令到佢唔喊, 眼見到姐姐抱佢就得, 我真係好唔開心。

但日子耐左, Midby就算唔叫最跟我, 都已經好接受我去抱佢, um佢訓, etc。

以前成日都驚帶Midby出街, 因為佢一喊我又搞唔掂佢時點好呢? 所以次次都要帶埋姐姐出去。真係估唔到, 我同Midby既第一次o係九龍南線通車8月16日既一天。

呢一日係星期日, 姐姐放假。爸爸就要番公司print 功課, 之後番學校交, 所以唔得閒理我地兩個喇。我就有野未做哂, 想O係星期日做, 所以想一來帶Midby比麻麻爺爺見下等佢地開心下之餘亦都可以幫我睇實佢, 等我有時間做下野。

o係Midby飲完10點幾餐奶之後, 我就打比麻麻同佢講我地番去喇。我揹住Midby一個, 右邊shoulder揹住個好大既A+袋, 裝好哂Midby既野+我既奶pump就行去南昌站。我仲開把傘驚太哂哂到Midby。呢一日係南昌通車到hung hom站既一日, 我唔洗轉車就可以坐埋KCR 去到大埔站, 仲去埋好好買個車蛋粉食。

o係坐車途中, Midby不斷望野, 又要企, 又要望野, 去到大學左右就有d 想喊, 之後我唔敢坐o係度, 起左身, 行一陣um佢訓, 咁就訓著左喇。

麻麻好心急, o係我o係好好時就落左來接我地。去到麻麻剛剛裝修左既新屋, Midby成日都唔係好relaxed。一來佢認得呢個係新地方, 二來佢唔係好比麻麻抱抱。麻麻話...佢冇得揀, 因為姐姐唔o係度時, 咪要我抱, 但我就覺得唔係, Midby而家個個抱佢都可以, 問題係邊個令到佢舒服d, 知道佢既要求。

好有滿足感既係...我一個人揹住我個寶具女由屋企番大埔, 好開心, 呢份滿足感未試過既人, 係唔會感受到架!!!

Midby 識得反身+捉腳仔

唔再計Midby仔幾多日大既一天

每次寫blog 都有d 難度, 因為次次都count下Midby而家幾多日人仔, 不如算喇, 唔計快手d喇。

等我update下Midby既development:
1) around 4個月識得轉身, 最初係蠹左面, 近呢一兩日就轉去右面, 不過個頭就未係好轉到
2) 放佢去床仔度扒o係度, 佢個頭將個頭仔整到好高, 持續半分鐘就會跌落來, 不過明確比之前持久
3) 呢兩日會用手仔去捉腳仔
4) 已經有一個月Midby自己一個人夜晚唔洗我地um而入睡, 係Midby爸叫姐姐幫Midby 試下可唔可以一個人訓。我地會同佢刷牙仔, 之後換片, 之後就熄燈, 同佢講goodnight, 陪佢一陣, 佢會食下手指, 轉下身, 就訓著。而第二日佢會早上6點左右起身, 之後飲完奶會自己睇睇下野訓番, 不過10點幾, 2點幾, 6點幾o個幾餐奶飲完之後係唔可以自己訓既, 一定要人um。
5) 而家好易就會笑到kar kar 聲喇, 多數係姐姐引佢笑, 又或者我引佢笑
6) 呢幾日開始玩口水, bu...bu...成日bu d 口水出來
7) 呢幾日多左見到野就用手仔去捉住, 之後放入口
8) 飲奶多左, 而家飲170ml x 3 餐, 180ml x 2 餐
9) 飲奶飲左一陣之後會玩個奶樽, 佢會咬個奶咀, 用雙手push我地隻手, 佢想自己control個bottle, 唔知係唔係牙痕, 成日飲奶時同個奶咀去整d 牙肉, 唔比佢玩, 佢就嬲...嬲就唔飲奶, 要佢唔嬲時先可以飲埋剩番既奶。

去健康院定私家打針?

Midby 出世之後一個月, 我地帶左佢去健康院打肝炎針。

不過o係Midby 兩個月時, 我地就決定去私家同佢打埋其他既針。

Midby未出世時, 我有考慮過, 去健康院打哂d 免費針, 餘下既針就自費出去私家打。點知我發現呢個做法唔係太普遍, 亦唔係太多地方有得補打健康院無提供既針。最重要既係...咁樣做, bb就要捱多次打針。未有小朋友既家長係唔會明白, bb 打完針, 擔心佢唔舒服, 驚佢發燒o個種心情。

未有Midby前, 聽到d人話為左唔想令bb 打咁多次針, 所以會去私家自費打d 5合1, 6位1, 當時我諗: 咁巴閉架! BB個個都要打針啦, 打多針唔洗咁驚呀?

點知到而家自己做左亞媽喇, 真係唔想番工, 想留o係屋企, 陪住剛剛打左四個月既5合1+肺炎針既Midby仔。

滿月時去健康院打既肝炎針冇副作用, 因為佢唔係打d 疫苗入去身體度。但兩個月, 同今次四個月打既5合1就有小小副作用喇。平時Midby 既體溫係36.x, 但打左針之後既另一日, 佢就去到37.x/ 38。我同Midby爸都好唔想佢咁細個就食藥水, 所以叫左工人姐姐比水佢飲, 同埋用水去抹下佢既手手腳腳, 同頭, 希望可以幫到佢減溫。

好友PS就建議我用退熱貼...我真係大頭蝦, 都冇諗過用呢樣野!

由於Midby 仔有小小溫燒, 我就上網搵左d 有關去健康院打針同私家打既分別。成日d 人都話去健康院打既針bb會發燒多d...原來真係有根據既, 以下就係我o係仁安醫院website搵到既資料:


嬰兒接種疫苗新趨勢
兒童的抵抗能力未完全發展，很容易感染多種傳染病，故需注射疫苗提高對他們的保護。隨著醫學科技進步，近年推出一些改良的混合疫 苗，並強調「無細胞配方」，到底對BB有什麼好處呢？故此家長應多「做功課」，了解疫苗的種類，從而為BB選擇合適的疫苗注射。

問︰ 什麼是DTP、DTPw及DTPa？
答︰ DTP是傳統「3合1混合疫苗」的英文簡稱，即白喉(Diphtheria)、破傷風(Tetanus)、百日咳(Pertussis)。DTPw是全細胞混合疫苗；而DTPa則是無細胞混合疫苗。

問︰ 「全細胞」與「無細胞」配方有什麼分別？
答︰ 「全細胞」疫苗可引致較多的副作用，研究顯示注射DTPw的嬰兒有53.4%會出現發燒，而注射DTPa就低至23.4%﹔而出現其他的副作用如傷口紅腫、傷口痛、食慾不振、心情煩躁、情緒不安等都會較高。事實上，美國及多個歐洲國家已全面採用DTPa配方。

問︰ 各種混合針包括了哪些疫苗？
答︰ 6合1 無細胞 白喉、破傷風、百日咳、乙型流感嗜血桿菌感染、小兒麻痹、乙型肝炎
5合1 無細胞 白喉、破傷風、百日咳、乙型流感嗜血桿菌感染、小兒麻痹
4合1 無細胞 白喉、破傷風、百日咳、乙型流感嗜血桿菌感染
3合1 全細胞 白喉、破傷風、百日咳
總括來說，新型的混合針最主要有兩個好處︰
1) 使用無細胞配方，其副作用較少，可減少嬰兒注射後的不適。
2) 由於每針混合了更多疫苗，故越多的混合疫苗，注射的次數就會越少。例如當BB六個月大需要同時接受「5合1混合疫苗」和「乙型肝炎疫苗」，便可選擇用「6合1混合疫苗」了，即由原本的2針減至1針。

問︰ 我的BB應打什麼針？
答︰ 現時，香港衛生署轄下之母嬰健康院均會為嬰兒提供免費防疫注射服務，使用傳統的「全細胞配方DTPw混合疫苗」，而經改良的4合1、5合1及6合1疫苗只可在私家醫院或診所注射。家長應先考慮疫苗的種類、數量、副作用、價錢等，從而作出一個精明的決擇。

adapted from http://www.union.org/chi_t/d11-26.php

Day 99 18 July 09

Midby 99日大喇!!!

呢兩晚好累, 好唔夠時間用。話說一早就已經plan好o係99日宴會播Midby既成長片段, 我本來想o係Midby 爸番到HK之前揀好哂d 相, 同埋準備好個storyboard, o係佢一番到屋企就可以埋手做野, 點知最後都係等到佢番來, 先一齊搞。

細佬好唔話得, 幫我地叫佢design既同事整左棵樹, 個製成品好靚, 真係人見人愛。有左呢棵樹, 影相既效果非常好, 真係估唔到, Midby爸o係前一日突然諗到既idea, 細佬竟然可以幫我地願望成真。

另外又係由細佬一手包扮既易拉架又係極讚! 由影相, design, law 去output, 一手一腳真係唔洗我地操心, 同樣都係當日好多人去同個易拉架影相, 我好相信個dinner 冇左呢兩樣野會失色好多。

Midby既婆婆公公, 麻麻爺爺4點幾就去到酒店, 去招呼一早去到打麻雀既親戚朋友。Midby爸就要將棵樹同埋個易拉架, notebook, etc 早d law 到去個場地, 等早到既朋友可以睇下Midby既相, 寫低幾隻字o係棵樹上比Midby。

係唔係貴人出門招風雨呢...呢一日落雨+打風呀! call左雞記, 陪Midby爸落去等架車來, 之後就快快手番上屋企喇, 成日都唔係好pump 到奶, 因為個心好唔定, 驚dinner前d 野搞唔好。我o係屋企同Midby, 姐姐等到成6點先坐的士出去, Midby著我買比佢既衫仔好靚呀! 我用揹帶揹起佢, 去到個個見到佢緊係開心啦。我先餵奶比佢食, 因為去到酒店正正就係佢食奶既時候, 之後就帶佢去同個個見下面, 打個招呼...成晚Midby都叫合作架喇, 不過直到公公想抱佢, 點知佢就喊喇, 要婆婆出動, 帶埋姐姐兩日一齊抱走Midby。

Midby爸話, bb1個月大去擺滿月又唔識比反應人。3個月大時又識得認地方, 好似Midby咁, 見到咁多人, 同埋個環境同平時咁唔同, 佢呢晚易喊好多。不過佢好合作咁同我地影左好多靚相, 又要謝Midby既舅父喇, 唔係佢, 邊個同我地影咁多靚相, 有個咁好既紀念呀?

我同Midby爸好似wedding 咁, 又係上台講幾句野, 唉...表面堅強既我, 又忍唔住o係多謝媽咪時流左幾滴眼淚。我真心講, 我真係好有福氣,有咁多人對我好, 鍚我, 幫我, 唔知媽咪同奶奶聽到我多謝佢地時, 個心諗咩呢?

大舅父o係晚飯途中大聲講比我地知, 11點會打8號風球, 所以成餐dinner既節奏都比較快。o係酒店擺滿月真係"貨真價實", 係呢個價就呢個價, 冇多冇少。成餐飯o係10點半就搞掂, 我地忙到連Midby要食奶都唔記得左呀! 所以我地o係酒店餵埋餐奶先坐的士番屋企。

今次叔叔好細心呀! 因為打風既關係, 好難先等到有的士入來, 叔叔見到咁, 就出左去叫的士, 我同Midby o係酒店內等呀等...等等下, 見到叔叔坐住的士入來接我地! 呢個叔叔真係估佢唔到, 原來都幾識得照顧人地!

Midby: 爸爸媽媽未有你之前已經講過, 你出左世一定會擺滿月酒開心下! 呢一晚有冇嚇怕你呀? 媽媽抱住你同d親戚朋友打招呼好開心呀! 呢個係個好好既回憶, 等你大個時, 媽媽同你睇番d 相, 比你知道當晚係點樣既!