4月3日中大搞搞陣之旅

O係babykingdom見到中大心理系要搵d12個月大既bb去幫手做research, 我報左名, 同Midby去

約左4月3日下午...可惜, 又係幫唔到人

Midby而家明好多野, 佢去到新既環境佢隻手會捉得我好緊, 就似Dr Poon所講, 會情緒緊張

呢樣野係好定唔好呢? 好既就覺得佢唔係一舊飯, 夠敏感; 唔好既就唔夠Flexible, 成日都船頭驚鬼, 船頭就驚x

其實未去到間experiment room已經有d 唔對路架喇, 初時佢都冇咩野, 但入到去間房時, 見到個setting有d 怪, 前面好似個TV, 但係又唔係真係TV, 無端端有d野叫...Midby睇左一陣, 我估都冇5mins就到佢叫了, 所有o個 test 要中止

原來唔可以咁樣繼續, 要由頭做多次...唉, 抱走左佢之後, 佢仲喊, 初時我乙水得掂佢, 不過之後又喊, 到我比Midby爸乙水佢喇, 佢仲喊...行到好遠都仲喊, 唉!

最後人地都話算了, 見到佢喊到咁大聲

而我就幫手填份好詳細既問卷

由呢份問卷, 我更加令我檢討到Midby真係要學多d 中文

佢問好多好唔同既生字bb識未, Midby聽得明既全部都唔係漢語

佢未出世之前, 我好想佢英文好, 所以決定同佢講英文, 而Midby爸就同佢講中文

但而家搞搞下, Midby根本唔識中文

唔識中文係shame!!!!! 而家英文叻既大把! 反而中文既standard越來越低, 好似我呢個半個中文人, 曾經接受比一般人多6年既中文training, 而家咩中文字都唔記得, 叫我寫篇書面語既中文, 真係難得上天!

可唔可以幫幫手, 教下Midby中文, 我唔可以半英半中, 姐姐又只係識英文, 連婆婆都講埋半英半中, Midby會好confused!!!

想bb學好雙語, 係唔可以一個人半英半中, Midby爸, 你好明呢個概念既, 麻煩你啦!!!