發燒中渡過聖誕節的Midby

聖誕節留在家的一天

Midby o係浸完腳, 飲左4安奶之後, 經過姐姐努力make sleep, 而家zzz中了!

其實早o係幾日前我已經擔心, 一連咁多日既節目, 小朋友唔夠休息會唔會好易病呢? 加上前幾日番麻麻屋企做節, 麻凜病了, 舅公也咳, 我知道Midby番左去之後都一定會跟住病...咳左幾日後既今日, 終於發燒了!

由21st開始, 我地就番麻麻度做節, 之後22nd就同Midby番學之後留o係屋企自己一家做節, 我都因為經痛, 唔太想行來行去, 到23rd日就番婆婆屋企hot pot, 而24th日就去接Midby爸放工, 之後行左一陣three sixty, 番左屋企之後食左個cereal, 就同Midby又去church去參加mass了!

一連四日既活動, 係唔係因為見多左人, 同細菌病毒接觸多左, 所以易病左? 定係因為前幾日番左去麻麻度傳染左呢? 深究都無用...

尋晚Midby飲完奶之後姐姐同佢去check temperature! 37.4! 發燒了!!!

呢陣子, 我次次同佢check, 都係36.x度多! 不知道是否天氣問題或什麼原因了, 冬天Midby既體溫只是36.x多, 去到37.4...我知道她病了!

我訓前再check多次, 都係37.1-37.3之間, zzz了temperature 都冇跌到36.x, 即是身體打仗了! 我叫Midby爸set alarm, 結果4:30am去check到佢38度!

之後我一直等到6點幾都仲未訓得番...

因為我擔心!

我好討厭壓力! 我唔識去處理壓力! 我好想escape!!!

我成日想, 可唔可以有一日比我搬去一處人少, 空氣好, 無污染的地方, 等我可以少d 壓力, 身體健康d?

Midby爸話, 我既人去左咩地方, 都會一樣有壓力既!

好唔易, 我先可以番得番, 好在有我隻R934, 開著左一陣就訓得番...去到唔夠7點, Midby爸起身幫公公law場, 比佢講電話既聲音打擾到, 訓下醒下...終於去到9點半左右我醒了, 因為聽到Midby把聲!

38.5度!!

我曾一度希望佢飲左兩次Colloid 40ml之後會退燒, 但事實證明仲未打得低! 今早同佢浸腳, 浸了30mins只是頭上出了點點汗, 再多飲40ml colloid開的奶, 而家訓左, 希望zzzz中打低病毒! 現時體溫38.1度!

今早醒來既Midby好討人喜愛, 識說話的Midby打開門見到我說: open close open close!

自己行入來我房, 見到爸爸手提就話: baba phone, baba wallet, baba money, no photo? yeah o個度! bubbles! midby catch bubble...bubbles!

見到佢咁精神, 我其實點解仲咁擔心呢?

小朋友病係好平常既事, 但係次次我都憂心忡忡!

我o係bk見到有個媽媽話佢既小朋友去到18個月大先第一次發燒!!

看了之後, 心裡總是覺得有點不是味兒, 因為我既Midby 已經不知發多幾多次燒...8個月定9個月時出玫瑰疹, 前後燒左3日, 之後幾個月一次傷風, 最近一次係3個幾月前既發燒, o個一次令我好擔心, 因為退左又燒番, 前後不知兩定三次, cement既老公話覺得佢似bacterial infection, 要佢食抗生素, 但我...我呢個對對抗療法抱非常懷疑態度既人又點會比亞女食抗生素呢!

結果, Midby自己打低, 好似都冇咩飲Colloid!

其實每次知道佢係因為viral infection 而令到佢有咁既symptons, 我應該唔洗擔心呀! 點解...係唔係做人父母就會長憂九十九呢?

本來約好了去烜烜屋企開xmas party, 最後當然唔打算比Midby去, 叫左姐姐唔好放假, 睇住佢一陣, 等我同Midby應約!!

難得齊人既今日, 唔想因為midby既燒而3個人都缺席!

13:10Midby起身了...都仲未出汗, 身體仍然打仗中!! 感謝主Midby仍然四周圍走動, 與平常無異, 希望Midby快些用自身抵抗力去打低病毒!!!