25w4d 仲有101日就到midby 出世喇!

享受緊xmas holidays 既一日


倒數101日就見到midby 了!!!! 聽日就係12月31日, 2008年最後一日, 亦都係我地倒數見到midby既100日。開始有d緊張喇, 由midby o係msn 度第1次打 "@168" 到今日 "@101", 已經足足兩個幾月了, 除左頭3個月最難捱之外, 之後幾個月真係過得好快, 有時仲後悔有d野自己冇做到, 可以做得更好。


而家已經快6.5個月喇, 幾快呀! 我開始食d 涼野了, 其實我唔係太怕食涼野, 因為有左midby 咁耐都好熱氣, 最衰最初時成日食辣野, 搞到又喉嚨痛, 又流nose血, 而家都仲有d 手尾, 始終唔可以好盡情去食清熱野, 真係難頂d。希望今晚煲既龍利葉姐蘿蔔玉米湯對我D 痰有幫助啦!

本來買左秋刀魚, wild salmon fillet 同埋吊筒整餐豐富晚餐比Midby爸, 但佢約左MBA班同學同埋supervisor 7:30pm傾野, 如果等佢番來, 都過左9:00pm 先食飯了。所以我就去到city canteen 等佢, 同佢好快食左個dinner, 同時間等佢放學, 同佢一齊行taste先番屋企。

Midby 爸同midby講佢好開心, 因為我帶Midby陪佢去食飯。我又點會唔知呀? 換轉係我去開會, 開會前又見到Midby爸, 開會學又即刻見到, 我都會好開心架!

不過最衰我懶啦, 以前我放假都會搵一日半日去同Midby爸食lunch 架, 而家得番幾日就番學喇, 似乎我要等到放產假時先可以陪Midby爸食lunch。

o係等Midby爸去canteen既途中, 我同亞May 傾左個電話, 我呢幾日心血來潮想搵佢, 因為知佢1月就生喇, 想同佢講聲一切順利, 不過收到一個唔好既消息, 就係佢daddy 有cancer, 已經係terminal stage, 醫生話唔可以以月去計算佢剩下來既光陰, May 好想了左佢亞爸既心願就係比佢見到個孫出世, 佢既EDD 係1月3日, 但係似乎bb 仲未有跡象想呢幾日出世, 令到亞May 好心急。

我個心都好痛, 我好感受到May既壓力, 平時笑容滿面既佢, 原來呢一年有咁大既壓力, 面對住佢亞爸, 佢又無能為力, 又唔可以去醫院見佢, 我既眼淚都忍唔住。

作為旁觀者既我, 我只可以為佢地一家祈禱!!!

我的小食

全部都係健康之選, 多數都係nuts 或有機餅乾

比Midby聽既胎教音樂

由第3個月就開始聽既胎教音樂RRR934

其餘三隻胎教CDs

開花結果

生到好高喇!

近鏡睇下隻辣椒仔 (左上角) 啦!

幾年前某一日, 會所舉行聯歡會, 歡迎住客參加遊戲, 吸引好多一家大細去玩。其中有一個攤位係整環保盆栽, dot lo 同我分別都齊整左個盆, 我仲記得隻稻草人先生係dot lo整既, 但最後點解屋企得番一盆, 而唔係兩盆呢, 我就已經唔忘得了。

相o中個盆就係我地既傑作 - 辣椒葉。當時帶佢番屋企時佢仲係一塊小葉, 好粗生既佢一直長大到今日, 終於長出一隻小小綠色辣椒仔。

最初既佢只係一直長高, 長到某個高度就停下來喇, 間唔中佢會生出一朵白花仔。唔知係咪因為天氣冷喇, 又或者我近排比左多營養佢 (用洗米水灌溉), 我有一日見到佢又係生左朵白花仔, 但朵白花已經謝左喇, 佢個尾部有d 綠色, 睇真d 係果實呀!!!!

我好開心! 我自問唔係有耐性既人, 唔似姑姐同媽咪, 對種花咁有心得或興趣, 但偏偏我屋企就有超過十盆盆栽, 每一盆都係我日日或每個星期去淋水既, 特別係呢盆辣椒葉同埋basil, 真係淋少一日都唔得架, 見到佢開花結果, 老土既我即刻覺得好有意頭, 一定係我家宅好, 連辣椒仔都要出來同我地講聲congraulations!

呢盆盆栽亦都係我同dot lo一齊去"建立", 每次我望到佢, 都會發出會心既微笑!

Does Dot Lo feel the same as me?

同Midby上堂既英文書仔

一共四本, 唔知出世前上唔上得哂堂呢?

胎教書

圖書館借番來既七本胎教書

我的早餐

有左Midby之後, 我選既早餐都變得小心起來。外國人最重視既就係早餐, 而最健康既飲食安排亦應該著重一日既第一餐, 因為經過一晚之後, 係時間要補充番D 營養比個身體了。 而我都覺得由起身到午飯咁多個小時內, 如果是是但但食d 冇營養既食物, 就白白浪費左成個消化系統咁多小時的辛勞。

以我既case 而言, 由起身到番到學校都成一小時, 我希望Midby o係我番學途中都有野食, 有營養吸收, 所以我會一起身就進行我對Midby既營養灌溉。

1) 先飲一杯清水
2) 從雪箱law出so natural's brown rice milk (用熱水坐暖佢幾分鐘先飲) 或
3) 食easiyo自製yogurt (如果食unsweetened既, 我就加入crazy jack 既organic concentrated apple juice)
4) 等shuttle bus 時食幾粒raisins
5) 等學校shuttle 時食面包
a) MTR 站買39" 既面包
b) 間中食牛油果半個 + 2片麥包 (breadtalk買)
c) 由5-6個月開始, 我多左食罐裝既wild salmon + 2片麥包 (breadtalk買)
d) 好間唔中食canteen既大早餐 - 番茄肉碎米粉
6) materna x 1
7) 間唔中如果我冇飲到/ 食到1 or 2, 我會o係學校飲
a) 好立克+亞麻子
b) organic land既合桃糙米糊
c) 39"既非基因改造黑豆奶