20個月大的Midby

今年最後一日工作日

我發覺每個月的11日之後, Midby都因為大了1個月而表現成熟了。今個月的11日是Midby的20個月大，Midby學習新事情非常快, 說多了很多很多話, 我在想: 其實是否需要在她很小時就教她東西呢? 不如等她大了後, 學習能力高了, 便會一教即曉...?

呢幾個星期, 我講得最多就是: 亞女真係大了很多! 呢一個blog可能係我今年最後一個blog, 讓我做個總結:

1) 上個星期六, 20個月大的Midby在朗研社取了第一個report! Report十多二十項中都是滿分; 除了一項 "有耐性等待其他小朋友輪流玩玩具"。
2) 黃姑娘說Midby四肢要進步呀! 她開心時兩手郁動仍然很BB樣。
3) 前幾天跟她換片時, 她說: Midby mama daughter, midby mama darling, 是因為之前我教過她是我的daughter, 是我的darling。
4) 帶了她到airport看飛機, 目的是"以毒攻毒", 結果是我們大勝, Midby自始後不再怕areoplane, 每次見到也會主動說: aeroplane, baba friendsssssss!
5) Midby開始識唱歌, 會唸出歌詞, baba black sheep, dorami, ABCDEFG都是她常唱的歌，不過她只懂唸, 未能"唱"出, 仍沒有跟旋律的。
6) 比以前大膽了, 星期六會所在平台搞了個xmas party, Midby 玩時有位會所姐姐拖著她, 她也"視若無睹", 哈哈!!
7) 現在似一隻parrot, 我地講一句, 她就會重覆, 我說: let mama hold you, 她也會說同樣的東西, 還未懂什麼是you and me!
8) 很喜歡學大人按摩, 就如我幫她按一樣; 她也喜歡看我的大stomache!
9) Poopoo時會整個人突然間停了下來, 有時會喊, 有時會眼定定, 又有時會說poo poo。試過幾次讓她坐在toilet plate上, 有一次成功, 其餘是我們估計錯誤或是她把wee wee說成poo poo, 結果她對我們說: no poo poo, no poo poo。
10) 能夠把9隻立方體的積木一層層整高。
11) 對塗鴉、積木、穿珠仔沒有太大興趣。
12) 很喜歡兒歌, 常常要求我們去播, 之後叫我們clap!
13) 對聲音仍然敏感, 聽到TV配樂, 如神秘的或驚駭的，她也要我們抱。
14) 最近聽到disney CD 上有個女高音唱歌也不喜歡, 可能被她的 opera 腔嚇怕了!
15) ABC song, Dorami, baabaa black sheep 是她的favourite songs, 她懂唱了, 正確點說是她懂唸而已, 她還未懂那個旋律呢!
16) 識數one to twenty, 及一到十了, 不過只是唸出來而不是真的去數。
17) 開始成句句子說出來了, 昨晚聽到有人knock on the door, 她就說: baba! midby open door baba!
18) 懂聽很多中文了, 也識講少計中文!
19) 問她what is the English of 面包/ 頭/ 手/ 腳/ 行/ etc, 她懂把這些字翻譯成英文。
20) 英文3-4個音節的生字, 如avocado, helicopter, aeorplane, santa claus, christmas tree, etc 發音都幾清楚了
21) 平常說話中, 絕大部份都是我們聽得明的, 姐姐跟Midby爸認為她的發音算是很不錯了!
22) 剛開始懂發f 音, 由之前讀friend --> hand 變成近來的 fiend, r音仍然有待進步呢!
23) 懂得選擇了, 會去選自己喜愛的書, 之後說: this one...this one! or mama teacher, mama teacher!
24) 每次讀完一本書之後她就會發脾氣, 以為我不也繼續讀書給她聽! 發脾氣時會整個人伸直, 之後叫/ 喊, 直到我取另外一本書出來她才罷休。
25) 昨晚姐姐餵粥給她吃, 她不想吃就說: no please! no please!!!
26) 每次食飽或想離開high chair時就會說, seatbelt, seatbelt, 就叫是我們幫她解開seatbelt!
27) 哥哥上完堂之後在平台見到婆婆跟Midby, Midby說: mama finsihed!
28) 偶爾Midby跟姐姐說go out 等 porpor!
29) 叫她說I love you時, 她說到you時有點不好意思, 好像知道這句話的含義!
30) 開始對"聽電話"有點意識了, 有時叫她跟對方說幾句, 她也會做, 也會去聽對方說什麼, 集中時間大約15秒左右啦!

又訓到10點半都未起身喇!

Midby爸同Midby各自在自己既床上訓覺訓到10:38的一天

Midby可能真係太夜訓了! 佢因為自己訓大廳既關係, 要等到我地差唔多訓時, 佢先可以訓, 所以而家仲係11點先訓, 下年要番學, 都唔知點算好了!!

今日同上個星期日一樣, Midby都訓到10點幾, 可能星期六玩得多, 又冇咩訓下午覺, 所以我而家可以靜心咁打個blog!

Midby尋日真係令我大嚇一驚! 我都覺得佢o係18個月之後快大左好多, 特別19個月時, 佢而家係19個月半大, 尋日知道佢已經識由one數到twenty, 中文就應該數到一到十, 佢數到twenty時, 我同Midby爸都好surprised!

佢已經唔再怕發音發得唔o岩, 佢咩都講一餐了! 佢會叫: 姐姐, sit mat (叫姐姐sit on the mat), 又會叫: mama, teacher (即係叫我去做teacher, 同佢去睇書)

同我地既對答多左好多, 好似我去左Prizamart買d野時教佢呢個係coffee, porpor likes to drink coffee, 夜晚我同佢睇書時問佢, who likes to drink coffee, 佢話: porpor!!!

之前同佢講過本story book, 佢會記得d 情節, 一講floppy, 佢話water, 即係floppy dropped into the water!

尋晚佢叫我同佢睇書, 佢會揀書了, 佢唔會由我去揀書比佢, 佢會話: chameleon book, korkor book, yellow duck book, etc!

我一唱歌, 佢就叫我on on music! 播到最尾o個隻歌, 佢就會叫: finished! 見到TV 播d 歌, d rolling出喇, 佢又知道播完喇, 又會叫finished!! 當我唱一d佢唔鐘意聽既歌, 多數係新歌佢未聽過, 又或者做d佢唔鐘意我地做既, 好似睇本佢唔鐘意既書, 佢就叫我地finish!

佢聽多左好多中文喇, 基本既生字好似電視, 呢度, o個度, 門, 開門, 閂門, 坐底, 企起身, 比, etc 佢都識喇!有時仲會講講下野加左幾隻我地都唔知佢邊度學既中文!

我好開心係覺得亞女大個喇, 同佢坐train番出去屋企時, 佢話pain pain, 我就問where do you feel pain? 佢就用手指指四周話: here, here, here, 之後就指住handrail 又話bump bump, 即係話唔捉左handrail就會bump到, 就會feel pain!

o係麻麻度時, 佢玩d 門, 我問佢, 隻手o係度close the door時會點, 佢就話pain!!!

哈哈, Midby, 媽媽一星期等咁耐就係weekend, 今日我可以whole day 照顧你, 陪你, 好開心呀!!!

11:05的Midby仍然zzzzz, 等我出去煮個你鐘意食既noodles先!!

19個月大的Midby

Midby同Midby爸仲zzzz的一天!

都已經10:50, 我既Midby仔仲訓緊! 佢呢個小朋友, 唔係因為訓o係大廳既關係, 應該可以早d訓, 早d 起身, 唔會好似我地咁, 成11點幾先訓, 訓到9點幾10點都唔會起身!

尋晚成11:50先訓, 今早應該會訓耐d, 不過訓到10:51都仲未起身, 應該真係好少見!

Midby o係呢一個星期大得好快! 我開始問佢, can we eat the TV/ car/ bus/ kiwi/ apple, etc, 佢用左1-2日既時間就掌握到點答, 而家已經係百發百中了!

最好笑係佢會答no時答得好有intonation, 對眼望住我地時好大個, 好似好明我地問既野!

有時問佢, can we drink the water in the toilet, can we play with the plant? 佢識答no. Noodles are for ...? 之後佢就會答eat!

而家既Midby已經同我地有好多交流, 唔係再係, 我地叫佢做A, 佢就跟住做。好多時佢有要求, 好似佢主動要我地播music, 播完冇music, 佢會要求我地再播, 呢一兩日佢仲law個control自己去播! 著鞋佢又會自己著, 因為佢見到我地出街, 所以佢自動會去著鞋仔, 尋日已經自己可以著到一隻了!

唔想食飯, 食夠了, 佢會話seat belt!

要我地聽到music同佢一齊拍手, 佢叫我clap!

有時poo poo/ wee wee 就會叫toilet!

去到toilet, 佢呵唔出, 就會no poo poo, go out!

o係餐廳食野食得太耐佢悶喇, 佢就會go out, walk!

等過馬路時問佢, what are we waiting for? 佢會話walk!

佢未夠19個月已經認得及講得出大部份顏色名了!

Midby醒了...我出去睇佢!

Midby的癬+皮膚敏感

腳生左成個$5咁大既癬, 頸去到肚仔都有粒粒既皮膚敏感的一天

每次Midby唔舒服, 好似今次既皮膚敏感, 我都會異常的差脾氣!!!

我的脾氣差到樣樣事唔合我心意我都想出聲, 或已經出左聲去鬧人!!!

HK地人稱的X四, 就是我!

我尋日早上同細佬上完堂, 食左個lunch之後就同Midby番朗研社, 之後就去左買小小野食+飲品, 為june's wedding晚上約左成班姐妹出左搞搞神秘野!

本來係開心既事, 點解我嬲到冇人有呢?

我估係為左Midby呢幾日皮膚敏感, 令到佢好身痕, 成日都去r, 最慘係我又唔知點去幫佢! 有兩次, 我打開佢d 衫, 同佢去massage! 佢好鐘意, 仲唔比我停, 應該咁做係令到佢好舒服, 但除左同佢massage同埋用好多好多cream之外, 仲可以做咩呢?

事發係成個月前開始, 佢腳生左一個紅圈咁既物體, 呢個圈係乾乾地, 會擴大既! 我本來聽媽咪同奶奶講係癬, 但係我用左tea tree 兩日又唔見有咩進展! 佢既手同埋身都有小小呢d癬!

後來帶佢去睇Dr Wong, 佢就話係濕疹! 天呀!!!!!!

我餵奶餵足19個月, 都係想佢既皮膚唔會好似佢亞爸咁有鼻敏感同皮膚敏感! 我既皮膚唔白唔滑, 但就冇呢d 怪野!! 多謝我父母既遺傳!

之後我地聽Dr Wong所講用洋甘菊加入d奶度比佢飲, 等佢身體唔好太熱氣, 佢幾日就呵左d 氣味難聞既poo poo, 但係又唔見身體皮膚好轉! 反而前日開始, 成身變得好唔smooth, 好似沙紙咁, 又痕, 摺起來好似老太婆既皮膚!

我一個人星期五晚同左亞女去睇Dr Chan! 媽咪想我去睇Dr Wong (女醫生, 兒科), 但睇過兩次之後, 我覺得佢用藥勁, 而且佢係學術派人士, 我覺得佢唔適合我, 所以搵番Dr Chan! Dr Chan就學歷高, 咩certificates都law哂, 包括皮膚, 雖然佢唔係兒科, 但係佢唔會見到bb喊而面容改變, 相比那位女Dr Wong, 我覺得Dr Chan個人較有修養, 所以就搵左Dr Chan了!

Dr Chan一睇就話Midby腳o個度係癬, 因為係圓圈! 而身體既就係皮膚敏感, 即係同濕疹o個一類一樣! 唉...

癬就要用elomet, 我最後都冇比midby用, 因為呢個係叫做強度既steriod了! 我會搵下其他自然既方法去處理, 真係唔得, 先最後用佢!

身上好乾既就用physiogel, 我就番到屋企幾隻一齊用, 加埋唔同Midby沖涼, 希望會d唔會咁乾!

可能呢一兩日成日去搵d 濕疹資料, 加上Midby有時會喊, 因為太痕, 加上佢見到我o係屋企唔肯坐o係度好耐食飯, 幾樣野加埋, 就搞到我脾氣差到冇人有!

去年呢個時間, Midby既皮都係有同一問題, 之後我地就勁用cream, 每晚都會同佢用, 所以今年我地就順利過渡, 估唔到今次係身上既皮膚出現問題!

至今我都唔知皮膚敏感同濕疹既關係, 不過兩者應該都係差唔同既野, 我見到Midby爸一年總有幾十日既皮膚又紅, 又痕, 我知道皮膚有問題係好令人頭痛!

希望今次既經驗之後, 我地最重要識得同Midby保濕, 唔會再出現同一問題!

18個月大既Midby的生活點滴!

呢幾日出現呢D對話同事情:

一、婆婆比Candies Midby食, 姐姐沖緊涼, 婆婆叫Midby比姐姐食一粒啦, 佢就話: 姐姐bath, 之後就將candie個蓋及番好
二、Midby, where does the bird fly? The bird flies in the ... Midby 就答 sky。
Midby, where does Thomas train move? Thomas train moves on the ... Midby答rail。
Midby, where does the car move? The car moves on the ... Midby答road。
三、公公同婆婆準備離開我地屋企, 婆婆已經出左門口, 公公仲o係門口前未行出去, Midby去推下佢隻腳, 叫公公: walk
四、媽媽抱住Midby等過馬路, 我問Midby, what are we waiting? we are waiting to cross the ...Midby識答road。
五、我同佢去左IFC, 想同佢change change 尿片, 我同左佢去female washroom, 條隊好長, 所地排左出面、我問Midby, what we are doing now? 佢答: toilet!
六、佢見到TST有隻pumpkin做既halloween 公仔, 件衫有兩個波波去做個button, pumpkin對眼係星星來、我問Midby: what is this? 我本來以為佢會話: ball, 同埋star, 但佢竟然話button同埋eyes!
七、夜晚Midby想我同佢讀書, 佢去搵書, 但係佢爸爸收起一d佢已經睇左好多次既書, 餘下既只係d佢唔係太喜歡既, 佢見到之後話: no book...no book!
八、自從架bb車由auntie sonia屋企剛剛law番來時比Midby玩過一陣之後, 我地就唔比佢玩, 同左佢講呢架車係出街先用, 要push就push princess car, 佢尋日同婆婆講, 佢架bb車係for go out!
九、尋晚佢飲奶時, 我陪佢, 我同佢講左好多星期日我地做過既野, 好似去park啦, 見到咩野啦, 之後去左食飯啦, 之後我問佢: After leaving the restaurant, what did we take to go home? We took ...Midby答: car!
十、好多次, 好細個開始時, Midby就已經好留心聽我地講野, 就好似我同姐姐傾計, 唔係同佢傾, 但係佢都知道我地講咩野。例如我細細聲叫姐姐問佢, "Lst night, who went to a restaurant with Midby?" 姐姐都未開始問, Midby就已經答: Mama, 之後我就話and ...? 佢就答埋baba。
十一、可能女麻女麻之前病時多左咳, 而家Midby一咳就會指住自己個口話女麻女麻。
十二、星期六番大埔, 叔叔都番左去, 大家law哂d手提出來, 連女麻女麻o個部都law埋出來, 睇下佢識唔識分邊部係邊個既。女麻女麻既電話佢應該冇見過, 但係by elimination, 佢第一部分到就係女麻女麻既電話, 之後爺爺, Midby爸同姐姐既電話都分到喇...至於叔叔同我o個部係一樣野, 所以佢就望左一陣, 但係佢竟然分到, 因為叔叔電話面係有d 水印, 而我o個部就冇。叔叔唔信佢咁detailed都睇到, test多佢4-5次, 結果一樣。
十三、睇書時見到ladybird我同佢講呢隻係ladybird, 之後佢話婆婆。我問婆婆, 原來婆婆o係Midby換尿片時佢拾起隻甲虫, 可能Midby見到, 所以佢見到ladybird就想同我講婆婆捉左。
十四、同Midby講poo poo, 佢話: toilet, toilet, o個度...o個度!
十五、每有野跌落地, 又或者聽到我地講broken, 佢就會話: 喔奧! 因為個幾月前教過佢呢個音。

歲半Midby的語言問題

原來我真係一個月先打一次blog, 對上一次係中秋節, 一個月Midby既變化好大, 特別係呢一個星期, 好似Cindy咁講, 18個月之後學野好多, 大得好快!

Midby大個喇, 多左表達, 同我地有多左交流, 好多時候講左又或者做左d野令會好肉緊去錫佢一啖! 我成日只係想快d 到weekend, 快d 可以陪佢!

呢一兩個星期好忙, 都係自己衰, 有幾晚出左去做野, 再加上我同Midby爸番左church, 所以Midby會有一晚好夜先見到我地兩個喇!

Midby o係呢個月講多左好多野, 我有d擔心既係佢只係講英文字, 可能係佢受姐姐同我既影響很大, 佢咁耐以來只係識講"o個度", 其餘所有野都係講英文。呢層我都應該明白, 佢學好多字都係o係我同佢讀書, 或交談時吸收番來, Midby爸近日好積極同Midby講多好多野, 去教佢好多中文詞語。我一直都唔係想Midby做個西人, 我只係希望佢中英兩種語言都把握到, 我唔想佢好似我之前教既小朋友咁, 只係滿口英文, 英文滿分, 中文就肥佬。如果如我所願既, 我希望Midby中文能力高之餘, 英文有near native proficiency就可以了!

有專業人士曾經同我講過, 由於Midby唔夠安全感, 我地首先要做既係用番中文同佢溝通, 令到佢去到四周圍聽到既都係同佢o係屋企聽到既語言一樣 <---聽到呢位人士既建議, 我掙扎好耐, 同過媽咪, Midby爸同埋叔叔傾過, 都同esdlife姐妹講過, 大家覺得小朋友去到呢個age好多時都會有怕羞, 怕事既表現, 所以未必幫中文或英文事!

叔叔就建議, 叫Midby爸講多d 中文; 等Midby中文input多d!

有某一本書既作者建議, 香港小朋友應該先學好母語, 之後先加外語, 佢有幾個論點支持, 其實我最記得係 1)中文將會o係幾十年內成為全球主要語言, 2) 中文比好多其他語言難學。

佢所講既野我o係N年前讀書都有讀過, 呢位作者係中文文學畢業, 佢認為先學好中文先學外語無可厚非, 正如我讀英文, 我都覺得應該先比小朋友接觸英文, 增加小朋友對聽同講英文既敏感度。

我讀語言既, 我揀同Midby講英文係希望好好利用佢咁細個呢段時間去吸收一定既英文詞彙同文法。大個左先同佢講英文, 佢就會視英文為外語, 佢學習時就要通過文法去學。但係外國出世既小朋友, 一出世就聽英文, 佢地唔洗學文法, 聽得多就會有generalization, 情況就等如我地學中文, 有邊一個識得講我地中文既文法係點樣呀? 因為聽得多, 講得多, 就已經自然學曉了!

所以我暫時都係繼續, O係屋企內用雙語同小朋友溝通, 總之固定既人講固定既語言就可以! 等Midby番左朗研社playgroup一個月之後, 再睇下佢安全感問題有冇改善, 冇既, 我先再考慮連我都同佢用埋中文溝通啦!

中秋節!

Midby媽喉嚨痛既一天

對上一次傷風都只不過未夠一個月既事, 呢幾日喉嚨有d痛, 照鏡睇下, 見到有條紅色好似損左咁既地方, 唔知係唔係我食豬肉紙整到呢?

Keep住飲colloid, 即係Midby睇自然療法醫生開既藥水, 希望唔好變成另一次既感冒! 不過今日教6個小時既書, 想細細聲教書都唔得!

今年既中秋係落雨天! 唔知可唔可以帶Midby出街行下, 哂下月光呢!

從唔知幾時開始, 我就好鐘意中秋! 某一年既中秋, 同我幾位好友去左廣福村, 玩"許願", 點知當年我同左我既男朋友一齊...

之後同佢分開左, 到左N年後既中秋, 我又繼續許願, 我就同左Midby爸一齊, 生埋Midby仔!

所以我每年, 就算o係英國o個年都好, 我同Midby爸都會一齊許願! 由之前希望我地兩個一齊開開心心, 到今日會希望我地一家平平安安, Midby健健康康!

如果天氣好既, o係中秋節大大月光下漫步, 我會覺得好似自己一路吸入左好多精華!! 哈哈!!

突然間諗起, 我o係Midby未夠12個月大時, 我就想為佢準備一d "佳餚", 等佢成年十幾年之後, law出來慢慢品嚐!

1) 陳皮
2) 酒
3) 金桔
4) 茶葉

聽麻麻講, 佢有整金桔, 佢會留番比孫女, 爺爺就話剛剛買左d 20年既普洱, 佢覺得20年唔係太舊, 唔會好好飲, 所以會keep起佢, 婆婆就有d靚陳皮, 會keep起比Midby唔會用, 公公就有d 好多好多年既酒, 都會留比Midby, 佢地四老, 每人有一貢獻, 係我同Midby爸仲未有乍wow!!!!

仲有咩野係越舊越好呢?? 有既, 話我知呀! 我好想為Midby準備一份二十年可能品嚐既禮物呀!