18個月大既Midby的生活點滴!

呢幾日出現呢D對話同事情:

一、婆婆比Candies Midby食, 姐姐沖緊涼, 婆婆叫Midby比姐姐食一粒啦, 佢就話: 姐姐bath, 之後就將candie個蓋及番好
二、Midby, where does the bird fly? The bird flies in the ... Midby 就答 sky。
Midby, where does Thomas train move? Thomas train moves on the ... Midby答rail。
Midby, where does the car move? The car moves on the ... Midby答road。
三、公公同婆婆準備離開我地屋企, 婆婆已經出左門口, 公公仲o係門口前未行出去, Midby去推下佢隻腳, 叫公公: walk
四、媽媽抱住Midby等過馬路, 我問Midby, what are we waiting? we are waiting to cross the ...Midby識答road。
五、我同佢去左IFC, 想同佢change change 尿片, 我同左佢去female washroom, 條隊好長, 所地排左出面、我問Midby, what we are doing now? 佢答: toilet!
六、佢見到TST有隻pumpkin做既halloween 公仔, 件衫有兩個波波去做個button, pumpkin對眼係星星來、我問Midby: what is this? 我本來以為佢會話: ball, 同埋star, 但佢竟然話button同埋eyes!
七、夜晚Midby想我同佢讀書, 佢去搵書, 但係佢爸爸收起一d佢已經睇左好多次既書, 餘下既只係d佢唔係太喜歡既, 佢見到之後話: no book...no book!
八、自從架bb車由auntie sonia屋企剛剛law番來時比Midby玩過一陣之後, 我地就唔比佢玩, 同左佢講呢架車係出街先用, 要push就push princess car, 佢尋日同婆婆講, 佢架bb車係for go out!
九、尋晚佢飲奶時, 我陪佢, 我同佢講左好多星期日我地做過既野, 好似去park啦, 見到咩野啦, 之後去左食飯啦, 之後我問佢: After leaving the restaurant, what did we take to go home? We took ...Midby答: car!
十、好多次, 好細個開始時, Midby就已經好留心聽我地講野, 就好似我同姐姐傾計, 唔係同佢傾, 但係佢都知道我地講咩野。例如我細細聲叫姐姐問佢, "Lst night, who went to a restaurant with Midby?" 姐姐都未開始問, Midby就已經答: Mama, 之後我就話and ...? 佢就答埋baba。
十一、可能女麻女麻之前病時多左咳, 而家Midby一咳就會指住自己個口話女麻女麻。
十二、星期六番大埔, 叔叔都番左去, 大家law哂d手提出來, 連女麻女麻o個部都law埋出來, 睇下佢識唔識分邊部係邊個既。女麻女麻既電話佢應該冇見過, 但係by elimination, 佢第一部分到就係女麻女麻既電話, 之後爺爺, Midby爸同姐姐既電話都分到喇...至於叔叔同我o個部係一樣野, 所以佢就望左一陣, 但係佢竟然分到, 因為叔叔電話面係有d 水印, 而我o個部就冇。叔叔唔信佢咁detailed都睇到, test多佢4-5次, 結果一樣。
十三、睇書時見到ladybird我同佢講呢隻係ladybird, 之後佢話婆婆。我問婆婆, 原來婆婆o係Midby換尿片時佢拾起隻甲虫, 可能Midby見到, 所以佢見到ladybird就想同我講婆婆捉左。
十四、同Midby講poo poo, 佢話: toilet, toilet, o個度...o個度!
十五、每有野跌落地, 又或者聽到我地講broken, 佢就會話: 喔奧! 因為個幾月前教過佢呢個音。

歲半Midby的語言問題

原來我真係一個月先打一次blog, 對上一次係中秋節, 一個月Midby既變化好大, 特別係呢一個星期, 好似Cindy咁講, 18個月之後學野好多, 大得好快!

Midby大個喇, 多左表達, 同我地有多左交流, 好多時候講左又或者做左d野令會好肉緊去錫佢一啖! 我成日只係想快d 到weekend, 快d 可以陪佢!

呢一兩個星期好忙, 都係自己衰, 有幾晚出左去做野, 再加上我同Midby爸番左church, 所以Midby會有一晚好夜先見到我地兩個喇!

Midby o係呢個月講多左好多野, 我有d擔心既係佢只係講英文字, 可能係佢受姐姐同我既影響很大, 佢咁耐以來只係識講"o個度", 其餘所有野都係講英文。呢層我都應該明白, 佢學好多字都係o係我同佢讀書, 或交談時吸收番來, Midby爸近日好積極同Midby講多好多野, 去教佢好多中文詞語。我一直都唔係想Midby做個西人, 我只係希望佢中英兩種語言都把握到, 我唔想佢好似我之前教既小朋友咁, 只係滿口英文, 英文滿分, 中文就肥佬。如果如我所願既, 我希望Midby中文能力高之餘, 英文有near native proficiency就可以了!

有專業人士曾經同我講過, 由於Midby唔夠安全感, 我地首先要做既係用番中文同佢溝通, 令到佢去到四周圍聽到既都係同佢o係屋企聽到既語言一樣 <---聽到呢位人士既建議, 我掙扎好耐, 同過媽咪, Midby爸同埋叔叔傾過, 都同esdlife姐妹講過, 大家覺得小朋友去到呢個age好多時都會有怕羞, 怕事既表現, 所以未必幫中文或英文事!

叔叔就建議, 叫Midby爸講多d 中文; 等Midby中文input多d!

有某一本書既作者建議, 香港小朋友應該先學好母語, 之後先加外語, 佢有幾個論點支持, 其實我最記得係 1)中文將會o係幾十年內成為全球主要語言, 2) 中文比好多其他語言難學。

佢所講既野我o係N年前讀書都有讀過, 呢位作者係中文文學畢業, 佢認為先學好中文先學外語無可厚非, 正如我讀英文, 我都覺得應該先比小朋友接觸英文, 增加小朋友對聽同講英文既敏感度。

我讀語言既, 我揀同Midby講英文係希望好好利用佢咁細個呢段時間去吸收一定既英文詞彙同文法。大個左先同佢講英文, 佢就會視英文為外語, 佢學習時就要通過文法去學。但係外國出世既小朋友, 一出世就聽英文, 佢地唔洗學文法, 聽得多就會有generalization, 情況就等如我地學中文, 有邊一個識得講我地中文既文法係點樣呀? 因為聽得多, 講得多, 就已經自然學曉了!

所以我暫時都係繼續, O係屋企內用雙語同小朋友溝通, 總之固定既人講固定既語言就可以! 等Midby番左朗研社playgroup一個月之後, 再睇下佢安全感問題有冇改善, 冇既, 我先再考慮連我都同佢用埋中文溝通啦!

中秋節!

Midby媽喉嚨痛既一天

對上一次傷風都只不過未夠一個月既事, 呢幾日喉嚨有d痛, 照鏡睇下, 見到有條紅色好似損左咁既地方, 唔知係唔係我食豬肉紙整到呢?

Keep住飲colloid, 即係Midby睇自然療法醫生開既藥水, 希望唔好變成另一次既感冒! 不過今日教6個小時既書, 想細細聲教書都唔得!

今年既中秋係落雨天! 唔知可唔可以帶Midby出街行下, 哂下月光呢!

從唔知幾時開始, 我就好鐘意中秋! 某一年既中秋, 同我幾位好友去左廣福村, 玩"許願", 點知當年我同左我既男朋友一齊...

之後同佢分開左, 到左N年後既中秋, 我又繼續許願, 我就同左Midby爸一齊, 生埋Midby仔!

所以我每年, 就算o係英國o個年都好, 我同Midby爸都會一齊許願! 由之前希望我地兩個一齊開開心心, 到今日會希望我地一家平平安安, Midby健健康康!

如果天氣好既, o係中秋節大大月光下漫步, 我會覺得好似自己一路吸入左好多精華!! 哈哈!!

突然間諗起, 我o係Midby未夠12個月大時, 我就想為佢準備一d "佳餚", 等佢成年十幾年之後, law出來慢慢品嚐!

1) 陳皮
2) 酒
3) 金桔
4) 茶葉

聽麻麻講, 佢有整金桔, 佢會留番比孫女, 爺爺就話剛剛買左d 20年既普洱, 佢覺得20年唔係太舊, 唔會好好飲, 所以會keep起佢, 婆婆就有d靚陳皮, 會keep起比Midby唔會用, 公公就有d 好多好多年既酒, 都會留比Midby, 佢地四老, 每人有一貢獻, 係我同Midby爸仲未有乍wow!!!!

仲有咩野係越舊越好呢?? 有既, 話我知呀! 我好想為Midby準備一份二十年可能品嚐既禮物呀!

病後記!

Midby 冇發燒over24小時既一天

對唔住各位...因為如果咁不幸既你地來到我呢個blog睇到我打呢一篇, 我會講聲唔好意思先! 因為我EQ太差, 我一路打, 會一路鬧人, 而你都有可能係比我鬧既其中一位, 但係我想將我既心聲講出來, 亦都想有一個地方比我去發洩, 所以我揀左呢一度, 我既一個秘密空間, 秘密到只係得esdlife幾個姐妹加埋PS姐妹知道既地方, 比我去發洩一下!

Midby由細到大都係食人奶, 到今日都係! 人奶係好, 不過人奶唔係萬能! 好多人話bb食人奶多d 抵抗力, 就算病左都會快d 好, 不過我都識好多人既bb冇食人奶, 一樣好ok, 一樣病一陣就好!

Midby爸, 婆婆, 公公, 麻麻, 連埋姑婆個覺得Midby好"un"皮, 即係病左, 發燒都好精神!

我想問, 有邊個bb病時會唔精神? 除非真係好BIG PAN, 否則我見到bb去睇醫生都好好精神狀態!

我咁講, 就擺明我不滿Midby既健康!

Midby由出世到好似7個月就1st 病, 之後到10個月有一次玫瑰疹, 之後一兩個月都有一次半次既發燒, 傷風等等! 佢唔似人地所講, 食人奶既BB就冇咩病, 佢有, 不過咁多次都做輕鬆渡過!

一直以來, 由我唔知有邊一日開始, 我就對西藥好抗拒! 可能係個好友係藥劑師, 講得太多比我知, 加上自己buy中醫, 又加上我係buy natural remendy既人, Midby每次病我同Midby爸都唔會比藥佢食!

除左有一次...佢太高溫, 有玫瑰疹, o個次好慘, 差唔多食哂成枝既退燒藥!

我想講 (對唔住, 我真係好鬼嬲), 退燒藥唔係用來醫病既!!!!

我既同事同我講, 如果bb有事既, 一定要食退燒藥, o係佢唔燒之後仲要食多兩次, 咁就可以令到bb唔會再燒!! 天呀! 我已經同佢解釋, 佢唔信! 仲話Midby唔退燒係因為我唔比佢食!

1) bb 發燒, 多數係因為viral infection, 即係身體catch左flu/ cold既virus, 當個免疫系統收到signal, 知道有異物喇, 佢就會升高身體既體溫, 而去打低d virus! 食退燒藥係唔想bb 太辛苦! 如果bb ok既, 仲可以行來行去, 冇異樣既, 我覺得只要monitor住佢既temperature, 就唔洗比佢食! 我地做既係會a)洗澡, b) 飲warm water, c) 飲人奶!

2) bb 如果有viral infection根本係冇藥醫! 醫生比埋o個d 都係for bb舒服d, 但係bb絕對唔會因為食左呢d藥而令到d virus 死左架!!!!!! 你地唔信既問下醫生啦!! 點解bb 有viral infection 影響就一定要比佢地食藥呢?? 我感恩既係我好友係藥劑師, o係好好好早時已經同我講左呢樣野, 而叔叔係醫生, 佢都明白呢個道理! 我同d同事傾時, 又或者同任何咩人傾都好, 一聽到我唔比藥水Midby食, 又好好心咁"哦"我一餐! 如果呢d 藥水係可以kill到virus既, 咪食囉, 問題係而家佢kill唔到, 只係幫你收下鼻水, 等佢冇咁辛苦乍ma! 如果bb ok既, 又點解要食呢???

3) bb最後病好唔係因為d 藥有效, 而係因為bb打低左d virus, 所以好番! 有個家長同我傾計時知道midby唔食藥, 佢對眼好大咁同我講: "Wa, 你個女咁叻呀, 唔洗食藥自己好, 我個仔一定要食藥呀, 我試過唔比佢食, 佢唔識好番呀"。其實我有解釋比佢知, 根本佢個bb同midby一樣, 都係自己好番, 只不過你以為d 藥水works乍ma! 唉!

4) 如果bb因為訓唔好, 又或是辛苦既, 我唔反對用藥, 只不過我touch wood, Midby ok我地就冇用!

5) 大部份人都認為, 如果食左幾次藥唔得既, o個個醫生就係冇料到! 我真係想講: ding!!!! (算...我以前都係咁諗)都係o個句, d 藥只係令到你舒服d, 係唔會醫到你既病!! d 人成日都話, 亞咩咩醫生呢冇用, 冇料到, 之後去睇亞咩咩就即刻冇事! 其實佢地冇諗到既係, 一個人病當佢病4日喇, 一般都係2-3日比較勁d, 之後就會好番好囉, 當你頭幾日食左d 藥水, 見到冇咩improved時, 你就去轉另外1個醫生, 但o個時你既身體已經好可能開始好喇, 你就以為o個個醫生好勁!

6) 我都有遇過好有醫德既醫生, 我細細聲問佢, 可唔可以唔比BB食藥呀, 佢就話, 得!! 食1次唔洗食喇! (我估佢意思係, 你要比既就比1次夠喇, 令到佢舒服左, 之後可以唔洗食)

7) 呢樣野我最嬲<---就係比抗生素!

tbc

Midby's development @ 17th month

我同Midby去Dr Poon playgroup時, 我留意到Midby比較靜, 同埋冇其他小朋友咁active同埋投入! Dr Poon話Midby可能係心靈比較敏感既小朋友...

係! 佢咁細個, 早o係8個幾月時, 同佢去shopping mall既toilet, 只係黑d, 佢已經捉到我好緊! 細到newborn時, 抱得佢唔舒服, 佢就會喊!

咁大個同佢出街, 有巴士行過大聲, 又或者我同佢講d咩新野, 叫佢去聽, 去睇, 佢即刻起身捉住我!

o係Dr Poon既class度, 大家一齊玩fall down, 佢見到個個fall down, 佢即刻驚到喊! 因為佢識咩叫fall down, 佢知道呢樣野係唔好既, 但係佢唔明, 大家只係玩, 唔係真fall down!

o係屋企呢一兩日, 姐姐既cousin既爸爸過左身, 姐姐餵Midby食野時, 佢傾電話, 姐姐喊, Midby都跟住扁咀, 想喊!

亞女大個了!

前一兩日, 同我講, mama hold bi bi....乙水得我好開心! 亞女想make a sentence!

我知做父母唔應該去comment 小朋友有咩做得好或唔好, 不過我想講, Midby d fine moter skills 同埋 gross motor skills 真係幾麻麻...

但係佢既認知同埋對詞彙既理解都應該唔錯!

見到其他小朋友識做好多野, 好似玩blocks呀, 又開個bottle呀, 又點樣行呀, 又點做咩動作呀...呢d Midby一律冇佢份, 不過佢肯去講, 同埋表達自己。

佢而家會跟我地講d 字, 好似近來識左既有:
banana, peach, open, push, piano, door, water, rain, spider, book, 公公

雖然識講d 字唔係代表d 咩野, 同我esdlife好多姐妹相比, Midby 只係識講單未, 都仲未好ready講句子, 不過佢識得同我溝通, 令我覺得亞女好似好大個, 同我好有交流! 我好開心!!!

星期日成日同佢出街, 佢根住我! 我問佢, who is sleeping in the room, 佢已經真係識答喇! 佢話baba!

where<--已經好早就識, 而家我問佢, who is wearing a mask? who gave you the crocodine? 佢都識答...

佢整跌左野o係地下, 我問佢邊個整跌, 佢識話bibi, 即係佢自已!

每個小朋友既天份都唔同, Midby o係其他方面真係冇咩特別, 希望佢最少跟到我, 對language有丁點天份喇!

17個月既Midby

點解次次打blog都係Midby病既時候呢?

自問對Midby起居飲食真係小心照顧, 食organic, 米, 菜, 連肉都係organic! 我身體本身ok好既, 我既奶餵足17個月, 到今日都仲有餵...點解我呢個Midby成日病?

Midby爸, 奶奶話Midby算係好好, 病都仲玩, 仲食...

不過我唔明點解有d bb食A+食到14個月都冇病一次, 而我既Midby就夾夾埋埋都可能有5-6次病!

今次係咁既...9月4日, 因為我傷風, 傳左比佢, 但係當我差唔多好時, 佢飲左我既奶就好快退左燒。連本身既sneezing, runny nose 都一夜之後冇哂事, 不過幾日後聽到佢有d "譚"聲, 不過就冇coughing, 只係間唔中有"譚"聲。

唔知係唔係佢發完燒之後d "譚" o係喉嚨吐唔到出來, 定係佢o係weekend去左麻麻爺爺度感染左, 佢o係尋日中午時o係婆婆落街同佢玩時發燒! 姐姐一check, 成39度!

之後我真係比婆婆激死...因為3個E婆去探Midby, 佢地去哂酒樓, 婆婆就帶埋Midby去...

平時midby 唔舒服, 佢一定叫我地唔好同佢出街, 今次佢又帶佢出去!

我番到屋企見Midby食緊congee! 佢已經退左燒喇, 成晚都好多汗!

好喇, 我以為冇事喇, 點知...去到2點幾時, 佢喊醒左, 我同Midby爸出去睇, 唉...又燒過! 38度!

我真係好擔心, 我呢個EQ勁低既亞媽o係亞女喊時好難control自己!

我忍住唔大聲叫出來!!!

Midby爸間唔中就摸下我隻手, 去安慰下我!

由於Midby退左燒之後又燒番, 我亂諗野...究竟係唔係炎症呢? 會唔會去睇醫生時要佢食抗生素呢?

姐姐抱住Midby, 等到4點幾!!! 姐姐...多謝你! 你對Midby既愛既照顧,我真係唔知點去多謝你!!

去到6點幾, Midby喊, 姐姐比奶佢飲, 當時temperature去到39.6!!!!

我知道訓覺時半夜係好易會高燒, 因為唔夠水份, 但係由38去到39.6真係太高了!

Midby爸同我決定同Midby去睇醫生, 我即刻上網搵下有邊度已經開左, 最後搵左法國門診, 佢地8點之後收$150, 藥就另計, 比起8點前去睇既診金成$2xx, 平左, 同埋最重要係我想快d 搵個醫生同佢check下有咩問題先!

去到醫院等時, 830am, Midby飲奶, 見到個修女, 佢叫我地睇兒科,仲話同GP一樣價錢, 所以我就叫Midby爸去排專科!

Midby不斷叫我抱, 姐姐好想抱佢, 但係佢就不斷好唔願意咁, 叫我...mama mama!!!

去到醫院時佢38.4度! 姐姐帶埋個溫度計! 醒!!!

入到去見醫生, 我一口氣交代左我想講既野, Midby比佢好好好好快咁check左口, 耳, 同埋聽埋心跳, 就話佢鼻水倒流, 令到佢d鼻水o係個喉嚨度。我問佢點解知, 佢話打開個口見到佢有d黃色既野, 所以佢發燒係d 感染! 佢問我同唔同佢噴鼻, 我問佢有咩用, 我都唔記得佢點答!

之後我已經見到佢一路同我傾, 一路打d 藥名...我都心中有數知道佢開咩藥!

我問佢, 洗唔洗食antibiotics呀? 佢話可以observe先! 睇下佢退唔退燒先! 唔退就要番來再睇多次醫生, 要law antibiotics!!!

去到law藥時, wa, 一大袋!!! 坦白講, 次次law哂呢d藥我都係冇比過Midby食! 我去睇醫生只係想佢check下Midby耳仔, 喉嚨! 咁大袋藥, 唉!!!!

見到有枝生理saline! 我即刻打比june, 問下佢專業意見對Midby而家既情況有咩幫助, 不過佢冇接到電話。

Midby爸話藥劑師都同佢講, 冇咩野唔洗食呢d 驚, 只係用支saline就可以了!

希望支saline令到Midby d 鼻水流入食道, 等佢吞哂佢, 咁就冇哂事好了!

Midby: 媽媽每次o係你病既時, 我都同自己講, 都係唔好再多生一個bb了! 因為我afford唔起呢種心靈上既憂慮!

16個半月既Midby!