6W0D 我的第一個blog

晴

第一次為左呢個blog 而寫blog。由於呢個blog 係我叫老公幫我create 既, 平時叫佢做既野, 佢多數唔會即刻做, 估唔到今次好好效率, 最衰係我, 成個week 都冇post 野上來。好喇, 今日係我放大假前既最後working day, 心情心, 上來寫下野先!

今朝好平時一樣, 都係8:00am起身, 我成日都想o係起身之後飲d 有益既野, 等我可以o係番學途中o個個鐘都有d 野比b 吸收, 不過除水之外, 仲有咩可以飲呢? 我尋日去TASTE 買左盒ORGANIC 既OAT MILK, 其實想買牛奶, 但係我唔會飲一般既牛奶, 因為聽人講得太多佢既唔好處, 所以我只會飲未受polluted 既organic milk, 不過taste 只得soya milk 同埋oat milk。soya 好似有d 涼, 而家唔好take risk 喇, 都係揀oat milk 喇。

我好想呢幾個月, 食得幾多organic 既就organic, 我知個price 一定比其他高, 不過我睇過d research 話non organic 既食物好多時都會有d 農藥, 對b 唔好, 我會擔心架, 所以我可以既話都會食organic。

一日內我會食organic 既米飯, 多數係紅+糙+白米三溝。一定會食一隻"妹妹" , 即係kiwi, 以前會食兩隻, 不過亞嫖話驚佢都係涼, 所以會食一隻, 另外會加隻apple/ orange。咁就有兩份水果啦!

早餐有時都係食organic 既cereal, 不過而家開始個胃口有d 唔係好好, 唔係太想食野, 所以呢幾日都係去美心買左sandwiches。其實sandwiches 唔係好野來, 佢用麥包都好d 呀, 最衰係佢會用白包, 有咩營養呀? 我尋日食左餐肉蛋麥包, 我以前一定唔會食, 因為我有膽固醇, 蛋我就唔食架喇, 不過而家知道蛋黃有好多正野, 算喇, 食啦!

另外自己屋企就會食organic 蛋, 佢都唔係貴呀, 都係$16.9 有6隻喇, 平時o個d 真係唔敢食, 因為d 雞打針既, d hormone 我食埋落肚真係唔好呀。另外我仲買左d snacks, 好似organic rasins, organic mulberry, 呢d 都係for 我冇野做食既。

5W時個胃口都冇咩野, 仲好食得, 當時真係做到日日餐餐好有nutrients, 而家唔知係唔係心理作用定係天氣問題, 真係唔多好胃口。當然, 夠鐘喇我會去搵野食, 唔會比自己/b 餓到。

我o係4W, 即係剛剛知時已經食materna 同埋folic acid, 其實o係planning 時都已經日日食兩隻kiwi, kiwi 係我既福將, 係佢比左好多vitamin C 我, 係佢比左energy 我, 令我隻egg 健健康康。我知道kiwi 係咁多fruit 之中比較少有會contain folic acid, 我知道之後就o係7月勁食, 所以未bingo之前我都應該有足夠既folic acid。仲有呀, 我7月都勁食番薯葉, organic, o係taste $12 一包, 好好食, 我知佢又係對health 好好既, 所以未bingo 前都成日食, 不過而家諗起想嘔呀!!

由此我已經用左好多時間去plan 呢個b 既來臨, 我已經用耐冇食shrimp啦, crab 啦, 鴨, 鴿, goose, mango, pineapple, 好多好多我已經冇食, 因為之前都有d 女人病, 比較濕毒既我都唔會食。而家我食既野同之前真係冇咩分別。

好在我忍得口, 我已經好多個月, 我估真係成年喇, 都係食豬, 菜心, 紅蘿蔔, corn, 節瓜, x 手瓜, 嘉美雞, 龍莉魚, 三色甜x, 豬手, 魚則 魚湯。間中亞媽會買新鮮帶子比我食, 我就最鍾意食帶子架喇, 不過而家唔敢喇, 因為anyway 係seafood, 唔想太多水銀 or heavy metal。

而家我都唔敢食tuna, 知道tuna係高危，所以食魚我都會小心d。

凍野我都小飲, 而家一兩口都會既, 多數係老公飲時 (佢已經都好乖, 好少飲架喇),我就飲一兩口囉。

我希望我自己都keep 左個身體咁耐, 咩野都順順利利。

我今朝見到未有同事番來時, 同左老板講, 佢既然話我唔洗比任何野佢, 我本來law左封信比佢睇, 佢冇睇, 仲話只要我下年law 假時先同佢講。我而家呢個stage 仲未敢/ 想同任何人講, 但係因為快9月喇, 我又放假喇next monday, 我想佢知道, 方便去安排我既職務, 不過佢好似唔係好get到, 唔知佢之後既planning 係點呢?

我而家仲未識得開心住, 學baillie 咁講, 唔知自己夠唔夠strong。其實我覺得自己好strong, 話哂keep 左身體咁耐, 之前飲左大半年中藥, 又介口, 真係咩都做哂喇, 但係偏偏你咁小心時, 我個女人病都仲o係度, 所以我會懷疑係唔係根本你點努力都冇用, 要來就要來, 要走就要走?

我知道我睇得太多, 我老公成日話我, 上網睇埋睇埋, 個人又negative, 會亂諗。係呀, 我真係睇得太多negative cases, 但知道而家d cases 成日發生, 未有心跳既你驚, 有左心跳都會突然冇左, 又驚, 好喇, 過左12W 喇, 以為冇事, 既然會有D cases 係突然唔郁, 你話喇, 點叫我唔擔心。

好多人同我講, 係你既就係你, 唔係既就唔係, 主已經有安排, 係, 聽o個一刻覺得好o岩聽, 之後咪過眼雲煙, 咩都唔記過。不過老板話喎, 如果你plan for negative 既野發生, 佢好易會發生, 不如你開心plan for labour, 好過plan for xx 啦, 好似好o岩聽!

我會到9月先學工, 到時會係8W 左右。9月係一個挑戰, 因為會好忙, 成日都行來行去, 未必會同summer 咁relaxed。我會儘我所能, 比好既營養佢, 比多d 時間去休息, 比多d 開心既hormone 佢, 令佢知道我係好想佢留低, 小科妮, 你努力呀, 我有咩做得唔o岩既, 你比d hints 我呀, 你千其唔好嚇我, 我唔嚇得架, 我會7W 即係下個fri 去見你, 你乖呀!!!!!