Day 80 29 June

會攬住Midby唔想放既一天

好耐好耐冇寫blog。唔係我唔想, 我好想架! 咁多日有好多野想去記低, 但日日都忙都不得了, 連帶番屋企應該要做既野都冇時間做, 點有時間去打blog呢?

Midby已經80日大喇, 等我update 下佢既發展先:

1) 一星期前左右, 開始將佢趴o係度, 等佢可以exercise 條頸, 聽媽咪講, 咁樣對 newborn babies 有好處, 到去esdlife gathering時聽jojo 講, 先知道咁樣train bb 對佢既brain development 有好處, 而Midby仔o係我地幫佢趴o係度幾次之後, 能夠將頭向上一兩秒, 之後就跌番落來

2) 已經識得笑出聲...仲令到我感動到喊, 好在我有record 到佢第一個笑出聲既片段

3) 經常發出um...er......um...er 好長好長既聲音, 對眼望住人, 好似有好多野想講咁, 唔係一下一下EE 呀呀, 而係一連串既聲音

4) 條頸唔再好需要我地去扶住, 可以自由向左向右轉, 仲好經常咁做

5) 識得睇tv, 會好留心睇電視, 食完奶一個hour 之內, 都可以同我坐定定睇下tv

6) 食奶食120ml - 150ml。一日5餐, 早上6點幾會醒, 我地會比150ml佢食, 因為夜晚咁多個鐘冇食到奶, 已經好餓了。之後每隔4個鐘就比120-130ml佢, 兩點幾會沖涼, 之後食奶, 之後到dinner time 就大件事了...訓唔到, 又肚餓, 又眼訓....次次都要同佢搏鬥, 等到10點幾食埋150ml最後一餐就um佢訓了

7) 唔比人掃風, 因為想一口氣食哂成枝奶。但係我次次都會同佢掃3次風, 次次law 番枝奶出來時, 佢就喊, 喊得好厲害, 但一放番條紗巾比佢胸前, 佢就知道我地比番枝奶佢, 佢又會靜番, 好期待咁張大個口, 我好sure 佢已經認得枝奶個樣了

8) 成日將對手放入個口度, 我地冇比奶咀佢, 有時候會唔比手套仔佢, 佢就會將隻手放入去口度, 唔係太多時候食手指, 大多數都係做d 好似 "咬"既動作

9) 而家多左向左訓, 唔似頭一兩個月時, 成日向右訓

我唔知其他babies 係唔係咁, 我呢個Midby係幾有規律既bb。食完奶會玩1個hour, 會笑, 會好多野講, 但一個鐘頭之後, 佢就會get angry esaily, 想訓覺, 要人抱佢訓, 呢個情況last 兩個幾hours 之後又到飲奶, 又係一個鐘玩, 之後又會累, 想人用揹帶um佢訓。而每到早上around 6點幾就會起身....唔知係唔係我地為佢set 左regular 飲奶時間同埋bathing 時間, 令到佢變得有規律呢? 有時間佢連poo poo既pattern 都好似tim!

過左80日既我, 雖然EQ 唔高, Midby 喊得厲害時, 我都會失控, 但我越來越愛Midby, 識得去欣賞佢, 成日都會去kiss 佢, 抱佢同佢玩 (當然係佢安靜食飽左時) 唔捨得放手。呢段時間令我覺得, 只要付出, 比多d 時間陪佢, 佢始終都會跟我既!!

45W 產後檢查@Dr Wong's clinic

有得見Dr Wong 既一天

生左Midby仔之後成個月都冇見過Dr Wong。o係我去睇梁淑芬醫生o個日, 亦即係我本來約左番Dr Wong去做產後檢查既一日 (不過最後我cancel左個appointment, 因為谷奶既問題有fever, 想番屋企休息), 我o係的士上面同我媽咪講, 都唔知幾時再可以見Dr Wong, 我仲講笑話唔通我生第二胎時先會見到? 媽咪即刻話:唔該你唔好喇!

哈哈, 緊係啦, 媽咪驚左我d 情緒同埋怕我辛苦, 都係生Midby仔一個夠喇。

之後就約左o係今日星期四去見Dr Wong。

自從唔知幾多週開始, 我打去Clinic make appointment時, 都會比大眼姑娘認到我把聲。好多時我講完個number 比佢知, 佢都即刻會話: 李xx嘛!

頭o個幾次我話比Midby爸知, 姑娘姐姐認得我, Midby爸仲話因為我多咀, 成個clinic 邊有人講咁多野, 所以人地會記得我, 佢咁講搞到我都有d 驚, 係唔係我太煩, 成日問東問西, 煩到人呢?

不過好窩心既係, 原來我唔係咁黑人憎架!!! o係我上個星期打去make appointment做產後檢查時, 大眼姑娘聽電話, 哈哈, 佢話佢地等緊我打去book 做產後檢查, 仲話好掛住我 --- 其實, 我真係好唔捨得。成10個月喇, 10個月既時間裡, 都on regular basis 去Dr Wong度, 我知道以後唔會再有機會去婦健 (touchwood, 除非搵Dr Wong醫婦女病啦), 所以唔好話佢地掛住我, 我都好心急想去見佢地。

去到clinic見到大眼姑娘同埋好細心既高高姑娘坐o係出面。原來高高姑娘就快走放工喇, 所以佢已經換左衫, 而另一位大眼姑娘 (wa! 又轉左髮型) 就入左去房幫手。同佢地chit chat 左一陣先知道原來我咩秘密都冇架 --- 哈哈! 我既Midby仔食咩奶粉啦, 係唔係 Dr Wong 同我接生啦, 我心裡諗咩啦...所有佢地都知道哂架!

我講比Midby爸知, 佢都嚇左一跳, 唔怪之得我呢個blog 間唔中都有人visit, 原來姑娘姐姐都o係呢度留低幾條腳毛架。

不過今次見完Dr Wong, 有d 唔係幾開心呀! 我既惡露係深紅色既, 唔係Dr Wong所講應該有既啡色。我問佢係唔係period, 因為呢幾日突然量多左, 同埋深紅左好多, 佢照完ultrasound 又話唔似period, 加上我又有breastfeed, 唔應該咁快會來m。佢叫我食antibiotics - 我insist 唔食!!!!!!!! Dr Wong 當然好understanding咁....propose 另外一個方案比我啦, 就係叫我observe, 睇下下個week d 所謂m 既物體會唔會停。佢只係worry 我子宮裡有d 發炎, 所以食antibiotics 令到內裡發炎既問題解決。不過我對西藥係極度抗拒, 仲要係我最驚既antibiotics, 我好唔想食呀!!!!!!!

同大眼姑娘同埋細心既高高姑娘傾計...知道佢地就快走喇。原來大眼姑娘係做summer job, 等緊大學收生結果。呢位姑娘姐姐係高材生來架! 係未來既心理學家/ 心理醫生, 就係佢囉, 上網搵有關Dr Wong既posts時見到我呢個blog 囉! 真係唔可以小看而家既大學生research既能力呀! 我要替Midby仔同呢個姑娘講聲多謝, 因為佢送左罐A+比我地。我地尋日都開左呢罐A+奶粉喇!

我都要替Midby仔同另一位大眼姑娘講多謝。唔係呢個姑娘, 可能我根本冇機會搵Dr Wong同我接生。

10個月前, 即係2008年既8月某一日, Midby仔仲係得5w0d。我番番下學, feel 到有d discharge, 去toilet check 時見到係流啡, 當時既心情係驚到不得了。

o係有左Midby之後, 我o係babykingdom睇左好多post, shortlist左兩位出名既婦產科醫生, 打去make appointment, 希望佢地幫我接生, 同埋照顧我成個pregnancy。

兩位都係要等好耐先有得睇。當時既我緊係想快d 見醫生, confirm 見到隻蛋先安心, 但有好多人話可以等到既, 就等到有心跳時, 即係aruond 7-8 周先好睇, 所以o係我見完GP之後, law左封信, 我就一直等到7-8周先去見我一早預約左既醫生。

但原來由bingo o個日開始, 等到7-8周呢段時間係好痛苦架! 因為5w0d o個日有流啡, 仲係幾多下, 好驚好驚....喊住打電話比我一早make 左appointment既醫生, 佢地冇位比我插隊睇佢...好驚, 去網搵醫生, 搵到婦健, 初時以為係一間好大型既clinic, 裡面有好多醫生, 我當時心想: 咁大間clinic, 應該易d 比我插到隊去睇既, 我唔理你係咩醫生啦, 總之有ultrasound 照, 幫我照照個肚咩事就得啦!

當時真係忍住眼淚咁打電話, 細細聲打去make appointment。聽電話o個位就係做左比較耐既四眼大眼姑娘姐姐。初時佢叫我好似第二日先去睇, 但我同佢講, 好urgent, 因為我有流啡, 叫佢比我儘快睇, 佢睇左一陣, 就話叫我唔知幾多點去睇 (係唔係4點幾呢?) ...

我即刻鬆一口氣, 同學校講我唔舒服, 即時走, David見到我咁既面色, 仲問我冇咩事嘛...其實我當時真係好擔心, 一路行出去搵車, 一路打比Midby爸, 一路喊, 喊得好緊要。

對於呢位姑娘姐姐來講, 佢只係儘佢本份同一個病人made左個appointment, 但對於當時咁anxious既我, 可以即日有醫生睇我, 呢姑娘姐姐既大忙, 我真係好感激。

由於當日見完Dr Wong之後, Midby爸話覺得Dr Wong 係我地既lucky star, 因為咁好彩o係5W0D 呢日見到Midby仔既心跳, 所以我地就繼續搵Dr Wong去跟我既pregnancy。

老實講, Dr Wong 唔係我朋友既referral, 對於一個咁小心, 咁謹慎既我來講, 起初都有d 擔心, 因為冇任何朋友係搵佢接生, 唔知口啤係點, 我好感恩既係我遇到佢, o係我成個pregnancy 中既ups and downs, 都有佢既幫忙。

而家時不時都會好懷念pregnant時既一點一滴, 特別係每次期待已久既check up, 每次都會見到好好笑容, 好靚女既兩位大眼姑娘, 同佢地傾下計, 入到去, 次次又會有高高姑娘扶我起身 (真係好窩心架), 呢d 一點一滴令到我好懷念。

各位靚靚姑娘呀...等我呀! 我會o係你地走之前去探多次你地, 等我呀!!

Day 42 22 May

Midby 而家已經識得分夜晚同埋早上, 佢亦多左時間唔訓覺, 放佢o係床上面, 佢會睇下上面吊住既轉轉玩具, 自己玩一陣。不過我擔心佢太依賴我地, 要大人um佢訓, 佢先識得訓。

Sonia話Ollie aged 2喇, 要工人um佢先訓, 死啦...我好驚, 而家Midby唔會自己一個人o係床仔上面訓著, 佢最多只係床上面玩一陣。我同Midby爸講呢個問題, 佢話佢都知, 佢睇衛生署既單張, 話頭3個月仲未洗train bb去自己入睡, 但過左3個月就要喇。唔知到3個月先train佢遲唔遲呢?

我而家都變得skillful d 喇, 可以抱到Midby唔喊。因為我學左姐姐o個招, 一路dance, 一路唱歌。不過都係o個句, 又會唔會令Midby習慣左咁既抱法, 會變得好依賴呢?

Day 30 10 May

滿月喇!!!!

我地決定左擺99日宴, 所以30日既滿月只係番去麻麻度食下午飯。

o係番去大埔之前, 我同Midby爸去左見改名師傅, law左幾個名...有待決定用邊個, 同埋用唔用。之後就好快手番去屋企, 接我地個Midby仔番大埔喇。

本來我地想叫架的士番大埔, 但亞麗好好呀, 佢地去我地度接哂姐姐, Midby爸, Midby仔同我番去。

幾日前我已經同兒姐揀左套衫比Midby仔今日著 - 就係Midby爸老細Raymond送o個套白色紅花既裙仔喇。我叫左姐姐將呢套衫熨好佢, 而我o個套都係一樣 -- 麻麻話做媽媽既都要著新衫, 所以麻麻同我去左奧海城度買左件粉紅色上身衫, 麻麻就買左條leggings 比我, 加埋新既內衣褲。

番到去大埔, 麻麻好好好開心, 除左我同Midby爸結婚之外, 呢次係我第二次見佢咁開心, 我覺得佢仲開心過我同Midby爸當日結婚呀! Midby仔都唔知點解咁好訓...真係訓足全程, 已經咁多人講野, 咁多人去抱佢, 佢訓到根本點整都唔醒...真係服左佢!

雖然係Midby仔既大喜日子, 做媽媽既今日就唔係好掂喇, 個左胸谷谷地, o係Midby爸間房搞左好耐, pump左4安出來, 都仲係唔係好清, 點解會無端端谷奶呢?

Day 29 9 May

呢幾日Midby唔會再唉o係我地shoulder上喇, 佢會整高個頭, 條頸整後, 向上望, 有時仲會發出單音, 兒姐話呢個係代表佢想學發聲, 佢個口有時會張開, 有時會O咀。見到佢有呢d development, 心裡會好開心, 亦好期望佢識講野, 同我地溝通。

Day 20 30 Apr

我今日帶左Midby仔同姐姐去健康院做聽力測試。雖然Midby冇訓到覺, 但都好合作, o係屋企食飽奶之後都好滿足咁比張包被包住, 姐姐抱住佢, 同我一齊到健康院。入到去登記處比左本書仔佢一陣, 就已經有姑娘過來我度, 問係唔係李XX既bb...叫我地跟佢去17號5房。入到去, 我要抱住Midby, 等姑娘放隻耳塞入去左佢度, 話會自動CHECK到架喇。我刻意留意Midby會唔會因為聽到d 咩聲而有反應, 又唔覺喎。過左一陣見個姑娘好似做唔到個test 咁, 就去改用另外一個較細既size。做完左面佢就放個耳塞去佢右面, Midby都好合作, 只係最初姑娘放入去時佢郁, 個姑娘就叫我拍下佢。做左一陣姑娘就話做完, 結果合格。我見到部機print左個好細既report仔出來, 有兩條graph, 兩條都好似一樣樣咁...總之佢話pass 就ok啦。

Day 17 27 April

天氣涼了...我開始識得開心, 見到Midby佢笑, 我都由心開心出來。有時冇端端走去床仔見到佢訓, 個心都會甜。我估我開始進入狀態, 識得去愛Midby仔了。

夜晚11點幾佢差不多要食奶時, 抱佢去分隔床度, 同Midby爸一齊同佢傾計, 好開心,希望佢大個d 時, 會跟我地入房訓啦。

今日Midby仔既皮膚透出白白既顏色喇, 佢著上白色既外套仔, 好可愛。由於天氣涼左, 佢亦訓多左。佢肚臍o個條血管仔透血呀! 我會等多兩日, 帶佢去健康院。

Day 16 26 April

今日星期日, 開始pump奶pump密左喇。今日姐姐放假, 得番我地一家三口, 我有機會煮午飯比Midby爸, 有小小興奮tim, 好似番番去以前我地兩口子既生活, 但去到day 16既今日, 我都對住Midby仔仲未識得去欣賞佢

Midby 下午成日訓, 爺爺麻麻o係度, 佢就訓, 到麻麻同佢沖涼喇, 佢可能唔習慣啦, 佢都喊。到晚上 10點幾, 佢又開始唔訓喇, 佢喊時, Midby爸就同佢唱歌, 傾計, 做咩都令到佢唔肯收聱, 喊左成兩個鐘, Midby爸仲將佢推入去姐姐房, 黑蚊蚊, Midby仔仲喊得大聲, 最後我叫Midby爸由姐姐抱啦, 當然姐姐抱就冇事。其實係Midby爸開始覺得...唔可以剩係得姐姐一個抱得掂Midby, 佢想佢都可以, 所以佢去試...試唔同既方法去抱, 令Midby收聲。可能今日既我仲未習慣, 聽到佢喊, 個心好唔安寧...我o係度諗, 不如搵姐姐啦 - 一個可以即刻令佢收聲既人, why not?

但Midby爸warn 我, 第時Midby仔只係認得姐姐, 唔認得我就死喇...我心靈當然好驚, 但係我冇呢個skills or patience 去令到Midby仔收聲, 所以day 16既今日, 我會選擇姐姐去搞掂Midby。

Midby o係姐姐挽左之後就收左聲, 佢慢慢就訓著覺喇。 佢今日開始會訓訓下覺叫, 或者喊, 之後又會訓番。o係下午麻麻抱佢時, 佢就係咁, 無端端喊左聲好大既, 嚇到麻麻一跳, 我見到麻麻咁, 我都好心痛....唔想Midby仔既一舉一動太牽動佢兩老既情緒。麻麻仲同Midby爸講, 佢唔可以24小時幫Midby爸去照顧Midby, 因為Midby一喊, 佢個心就跳到好快...聽到咁, 我同Midby爸點會放心。

Midby爸話: hey, 我地邊有叫你湊o者, 叫你出黎同佢玩乍麻!

我見到麻麻個樣, 好心痛, 麻麻走左之後, 我叫Midby爸打比麻麻, 我擔心麻麻為左今日既事又訓唔著...同時間, 我都打左比媽咪, 希望佢同開麻麻傾計時, 開解下佢。媽咪就覺得, 不如由兒姐去開解佢仲好...我聽日會同兒姐講, 搵佢幫下手。