今日星期日, 開始pump奶pump密左喇。今日姐姐放假, 得番我地一家三口, 我有機會煮午飯比Midby爸, 有小小興奮tim, 好似番番去以前我地兩口子既生活, 但去到day 16既今日, 我都對住Midby仔仲未識得去欣賞佢
Midby 下午成日訓, 爺爺麻麻o係度, 佢就訓, 到麻麻同佢沖涼喇, 佢可能唔習慣啦, 佢都喊。到晚上 10點幾, 佢又開始唔訓喇, 佢喊時, Midby爸就同佢唱歌, 傾計, 做咩都令到佢唔肯收聱, 喊左成兩個鐘, Midby爸仲將佢推入去姐姐房, 黑蚊蚊, Midby仔仲喊得大聲, 最後我叫Midby爸由姐姐抱啦, 當然姐姐抱就冇事。其實係Midby爸開始覺得...唔可以剩係得姐姐一個抱得掂Midby, 佢想佢都可以, 所以佢去試...試唔同既方法去抱, 令Midby收聲。可能今日既我仲未習慣, 聽到佢喊, 個心好唔安寧...我o係度諗, 不如搵姐姐啦 - 一個可以即刻令佢收聲既人, why not?
但Midby爸warn 我, 第時Midby仔只係認得姐姐, 唔認得我就死喇...我心靈當然好驚, 但係我冇呢個skills or patience 去令到Midby仔收聲, 所以day 16既今日, 我會選擇姐姐去搞掂Midby。
Midby o係姐姐挽左之後就收左聲, 佢慢慢就訓著覺喇。 佢今日開始會訓訓下覺叫, 或者喊, 之後又會訓番。o係下午麻麻抱佢時, 佢就係咁, 無端端喊左聲好大既, 嚇到麻麻一跳, 我見到麻麻咁, 我都好心痛....唔想Midby仔既一舉一動太牽動佢兩老既情緒。麻麻仲同Midby爸講, 佢唔可以24小時幫Midby爸去照顧Midby, 因為Midby一喊, 佢個心就跳到好快...聽到咁, 我同Midby爸點會放心。
Midby爸話: hey, 我地邊有叫你湊o者, 叫你出黎同佢玩乍麻!
我見到麻麻個樣, 好心痛, 麻麻走左之後, 我叫Midby爸打比麻麻, 我擔心麻麻為左今日既事又訓唔著...同時間, 我都打左比媽咪, 希望佢同開麻麻傾計時, 開解下佢。媽咪就覺得, 不如由兒姐去開解佢仲好...我聽日會同兒姐講, 搵佢幫下手。
Posts
Hello~ 我係bk的小吉梨呀~
ReplyDelete看到你老公說的, 我也有同感呀, 因為當時我跟你一樣, 都幾依賴姐姐, 但你老公說得有道理呀, 因為bb再大少少, 開始認人, 對住姐姐笑唔望媽媽, 有事又要姐姐唔要媽媽真係好hurt呀! 其實要相信自己, 只有係才是midby的媽媽, 肯試就得, 日後這些點滴很值得回味呀! 我很佩服我老公, 就係佢堅持放工回家自己照顧bb, 初時bb比佢愈抱愈哭, 佢都好努力嘗試, bb同佢都識應了一段日子, 但總有這一日~ 而家bb1歲, 最愛跟他, 喜歡他抱多過姐姐~ 我就仍負責人奶, 大家分工合作, 總之日間姐姐幫, 我們一回家就全力負責, 姐姐煮飯做家務, 這樣都幾好呀! 老實說, 我而家都唔太識同bb換片哩(因為太活躍了, 我搞唔掂)...都是我老公負責...但大家的關係都好好~ 加油!