Day 17 27 April

天氣涼了...我開始識得開心, 見到Midby佢笑, 我都由心開心出來。有時冇端端走去床仔見到佢訓, 個心都會甜。我估我開始進入狀態, 識得去愛Midby仔了。

夜晚11點幾佢差不多要食奶時, 抱佢去分隔床度, 同Midby爸一齊同佢傾計, 好開心,希望佢大個d 時, 會跟我地入房訓啦。

今日Midby仔既皮膚透出白白既顏色喇, 佢著上白色既外套仔, 好可愛。由於天氣涼左, 佢亦訓多左。佢肚臍o個條血管仔透血呀! 我會等多兩日, 帶佢去健康院。