脾氣大的Midby; 脾氣差的媽媽!

忙裡偷閒的一天

summer holiday 對我呢個老師並唔係 holiday, 因為我地唔會因為學生唔洗番學而唔洗番工, 相反, 有時仲比番學又忙, 因為要整理好教材, 又要出papers, 有時d deadline好近 (為左就d 同事放假), 好唔容易趕好一部份野, 今日等我偷偷地打下blog先!

Midby由上個星期日, 即係7月11日開始...oh, 而家先發現, 即係佢15個月大開始, 突然間好好好大脾氣。呢一日一醒左冇咩笑容, Midby爸去餵佢, 佢唔食, 喊到不得了, 到出街...去到新世紀麥記時, 好在佢訓左, 唔係既都幾難做到野, 之後PLAN左去食tea buffet, 未夠時間時, 就去左荷花睇野, 唔知係唔係我地已經心情唔多好, 見到Midby law人地既display既玩具, 兩隻杯bang bang bang 我又唔多開心, 叫佢唔好,佢又唔聽, 帶走佢, 佢會記得, 要番番去...

佢唔同細個o個時可以用分散注意力呢個方法去解決佢既情緒問題。由呢一日開始, 佢一唔開心, 就會喊, 可能喊成個鐘都冇眼淚, 只係勁叫...

我就同自己講, 即係佢身體夠strong, 先可以有力叫咁耐, 我唔應該嬲。

但我同Midby爸講, 每個人都有d弱點, 我既弱點係好受唔到bb喊, 特別係自己個女喊。我仲記得, 好耐之前, Midby都應該未夠3個月大, 佢喊得好勁時, 我o係房度休息緊, 房外姐姐同Midby爸好似搞唔掂佢, 而當時Midby爸又唔想佢比人寵壞, 所以唔想成日抱佢, 但係我聽到佢喊左咁耐,我忍唔住, o係房內發脾力, 大力打度櫃門...大聲叫出去叫佢地乙水番掂Midby...

o個次我大聲叫, 係因為情緒上頂唔住了。到今個星期, 有一晚Midby4點鐘喊, 多數姐姐拍下佢就得, 但今次佢發脾氣到不得了, 一共搞到6點幾...佢先真真正正訓番。

我同Midby爸兩次出左去睇佢, Midby已經醒哂, 可以訓唔番, 所以脾氣好差, 佢大叫左成2個鐘, 得1漓咁多眼淚...

唉! 我當時明白點解d家長會話: 你估我唔洗做, 唔洗搵食咩!

我又驚佢叫醒鄰居 (其實我真係好唔好意思, 住o係我地旁邊既人好唔幸運), 曾經想過唔理佢, 由佢喊, 但係半夜呀...

辛苦左姐姐, 成晚同佢打仗!

我同婆婆講, 佢真係鍚Midby鍚得太過份了, 之後某一日應該係星期三, 佢同公公來左我地度食飯, 佢地見識到Midby點樣難搞, 大約6點幾, Midby唔知點樣, 喊同埋叫左好耐, 婆婆話從來唔見Midby咁, 我當時見到婆婆面容都變哂, 額頭都出左幾條紋...我都好唔忍心! 公公都望住Midby好耐都唔知可以做到d咩野, 之後姐姐比飯Midby食, 佢又食喎, 唔知係唔係本身佢都已經肚餓喇, 所以脾氣更加差。

呢一個星期, Midby間唔中都會為左d小事而好大脾氣, 好似佢玩開o個樣野, 我地law走唔比佢, 佢就會叫, 同埋出儘力去喊! 當然, 我地就範既, 比番o個樣野佢, 佢就會冇事, 但係我地邊會咁做呢?

好似尋日, 佢成日都好合作, 我同Midby兩個帶佢出街, 食埋tea buffet, 都好開心! 佢仲同我去拾中藥, 我教佢點樣抽起個 plastic bag, 佢好開心咁拖住我同我行街街...但到番到屋企之後, 8:45pm, 我要出去買生果, 佢想跟埋我去, 姐姐@home照顧佢, 當然佢會喊, 但我冇諗到佢會喊好耐, 到我番屋企9:30pm時, 姐姐話佢叫同埋喊比之前仲緊要, Midby爸都話要到令佢o係房出來, 停左佢手上做緊既野。

我番到屋企時Midby已經calm down左, 因為已經喊左成30mins。只不過係冇得出街, 洗唔洗咁大反應?

好喇, 到今日上協康既堂, 我剛打番去問姐姐點樣, 佢話Midby唔肯換衫, 搞左好耐都喊, 佢最後冇咩點餵Midby, 餵左15mins就冇餵就出左去了。

同Midby爸report番件事, 點知佢話今朝見到姐姐餵Midby食飯時傾電話, 仲要拉Midby張highchair去到佢房! 唉!

Cindy之前既工人一路餵佢個仔一路傾電話! 我真係估唔到我呢個姐姐都會, Midby爸見到時唔知之前佢傾左幾耐, 不過由Midby爸見到開始到佢收線就幾分鐘既事, 不過我唔明點解要拉佢入去書房餵? 為左可以傾電話? 佢以為我地camera見唔到?

無論幾好既姐姐, 始終都係外人, 我心裡知道佢咁做, 一定唔開心! 換轉係我, 我去照顧個小朋友, 會唔會一路傾電話, 一路餵佢食飯呢? 我都唔敢講我唔會, 所以我會observe, 比d時間睇下佢會唔會再係咁。

我好似懷疑人, 就算唔係Midby爸同我講呢件事, 我對外人, 又或者好多人都唔會百分百信任。有時覺得好辛苦, 點解成日要去懷疑人。

我剛才諗, 唔通要我full time照顧Midby? 唔再用工人? 似乎我反應激烈左, then let's see!
我呢個姐辰