請唔請工人好呢?

身邊越來越多朋友有bb, 好多人都會開始打算將來bb由邊個照顧呢個問題。

我同Midby爸一直都只係請鐘點同我地打掃下, 一星期一次已經好足夠, 因為煮飯洗衫呢d routine 工作我地都仲有時間去handle, 至於洗地, 洗kitchen同埋bathroom呢d 工作, 我地就由鐘點一星期一次同我地搞掂。

不過到BB出左世之後, 我同佢都番工, 又唔想雙方家長咁早去我地屋企睇住BB, 所以決定搵個工人幫輕下。

我地係比較幸運既一對, 搵到個好好既工人, 以下係我小小既分享:

搵工人前既憂慮
1) 唔習慣屋企多個人
- 我同Midby爸幾年都係兩個人住, 我地以為有左工人好唔慣, 其實我地只係頭兩日有d唔慣, 好快就已經適應。因為佢地好多時都係做野, 唔係既就係休息時間, 唔會理你點樣攤大個人o係sofar度睇電視呀, 點樣冇儀態去食野呀等等。

Midby爸成日夜番, 等我同工人o係度, 佢就變左係我個listener, 我唔開心會同佢講, 我地兩個成日都講bb 野, 我都當左佢做我既家庭成員, 所以已經對佢既存在, 已經完成冇任何唔習慣喇。

2) 唔知個工人掂唔掂
- 好似agent 所講, 如果d工人咁差, HK唔會仲咁多人請工人。我覺得搵個信得過既agent 好重要。好彩細佬個friend o係度做, 起碼有自己人單聲。

其實只要agent 係信得過既, 你同佢地講你既要求, 佢地同你搵合乎要求既工人, 機本上個工人都唔會太差。好似我既case, 我想搵個冇HK 做野experience既姐姐, 因為唔想佢已經熟哂HK所有野, 驚佢太叻, 叻過我地, 所以我要求佢
a) 有overseas work experience, 最好係星加坡 (咁佢已經學左英文喇)
b) 一定係結左婚, 咁就唔洗驚佢會出去識男仔c) 一定係生左bb, 個bb都有得幾歲 (咁佢地就會放心去做野, 亦為左個bb, 會努力搵錢)

3) 驚個工人對bb唔好
- 以我觀察, 印印姐姐多數都鐘意bb既。我家既姐姐成日都話, 佢有錢會生4個bb。我放假時陪bb去playground 玩, 見到d工人帶住bb去, 好多都好照顧bb, 不過菲律賓工人就多d 同佢地同胞chit-chat囉

我地o係bb出世前1個月已經叫左姐姐番工, 我地裝左個camera o係屋企, 講到明係睇bb, 唔係去monitor 佢 (當然緊係monitor 埋個工人啦)。如果屋企有老人家既, 咁就最perfect! day time時, 老人家就去同bb玩, 洗衫做飯呢d 就由工人幫手, 同埋屋企人又可以train下個工人, 我so far 都係用呢個方法, 我覺得幾好喇!

4) 洗費會唔會好多?
- 一個月工人既人工係$3580 +佢既伙食費。佢平時用既牙膏呀, 毛巾既佢地會自己買。我o係佢一來到時都準備左比佢 (其實呢d 野都唔洗刻意去買, 一個家庭一定有呢d 野多左出來)。

真真正正要用錢既係同佢出街既車費, 同埋佢既伙食費。

好多印尼工人lunch都會食印尼公仔面。我就會o係之前o個晚keep起d "食送" 比佢, 等佢唔洗剩係食公仔面。另外都會買定d雞蛋, 等佢冇"食送"時都可以搵隻雞蛋抄下飯。我都會買定d 餅比佢食...講真, 呢d 都係有限既數目來, 真係洗得多既就係mon-fri dinner。因為多左個姐姐工人, 食得proper左, 有3 "食送" 一湯, 但冇左姐姐, 咁未必有時間整咁多野食, 所以可以話, 有左姐姐, 食方面會洗多左錢, 但係都係d錢都係值既, 起碼每晚我都可以同Midby爸兩個人安安定定食餐豐富既飯。我估o係食方面應該會比平時多左幾百蚊既開支啦!

5) 工人會唔會偷野?
- bb未出世之前, 得我同老公兩個人, 我地會番工之前lock起我地既房門, 咁樣比較貴重既野就放o係房。另外都會有d 櫃lock起佢, 好似媽咪咁講, 小心之心不可無, 不過...屋企除左現金, credit card, bank statements 呢d野之外, 我都諗唔到工人會偷d 咩野! 最重要係佢知道我地有裝camera o係屋企，呢樣野都會有d作用。

平時我地放工番屋企時, 銀包都係o係放o係我地房既。到bb出左世喇, 我地就冇再lock 房門, 因為有時工人都會入我地房拾下野, 我媽咪同奶奶又會同bb o係我床度玩, 只要將d 貴重野放好, lock起佢, 應該問題不大。如果真係擔心既, 就買個夾萬, 不過...我地始終都冇咁做, 因為貴重既野都放o係櫃內or保險箱度。

6) 工人冇地方訓
- 我屋企得1間房, 另1間係開放式既書房。agent 話工人應該要有佢自己既1間房, 不過香港地, 有幾多人可以afford到比1個獨立房個工人呢? 我既工人就訓書房地下, 我地買左d 可收藏既床墊, o係佢訓時就law出來, 醒就收番佢。BB 就o係大廳訓, 咁樣佢一喊時, 姐姐就會聽到 (因為工人姐姐訓開放式既書房)。

我地為左比番d privacy 個工人, 都整左條簾比佢, 等佢訓時拉埋, 不過佢為左半夜時bb一喊方便佢走出走入, 佢就唔拉簾訓既。

我都識好多人住公屋請工人, 佢地都係訓廳。其實最重要係同左agent講左先, 佢地會同工人講。如果個工人係mind既, 佢就唔會黎架喇!

總結來講, 有左個工人, 我同Midby爸覺得有以下好處:
1) 媽咪同埋奶奶唔洗咁辛苦
- 最衫奶奶打算唔請工人, 由佢全情照顧Midby, 即係我地一出門口, 佢就來到我地番屋企。而家有左工人就唔洗了, 佢地可以唔洗成日急急腳, 有時唔舒服, 唔得閒都唔去我屋企, 等姐姐照顧Midby就可以。

好似我媽咪咁講, 佢唔係湊Midby, 係同Midby玩, 心情相差好遠架!

2) 分擔好多既家務
- 呢樣好好好好重要。我同Midby爸晚晚有3"食送"1湯, 洗衫, 掃地拖地 (好重要架, bb成日跌野落地下, 地下要好乾淨), 拾屋, 洗奶樽, 洗奶pump, 蒸奶樽, 蒸奶pump, 洗bb 衫 (勁多呀!! 吐奶之後bb又要換衫), 洗玩具, etc

3) 同midby相處既都係d quality time
- 如果我full time 放工之後, 仲要做咁多家務, 我好肯定我唔會有精神同心情去陪Midby。我好開心既係...我同midby一齊既都係quality time, 大家都係好enjoy既!

4) 餵人奶得以繼續
- 我之前1日pump6-8次, 而家bb5個月都仲pump 4-5次, 如果冇左姐姐, 我次次pump完奶已經好累, 又肚餓, 又要去洗pump, steam pump...我估我會好快放棄。好在, 呢d 野有人幫我做, 我要pump時, 就去law個pump, 唔洗我洗, 我pump 完就去食野, 姐姐又整好比我食, Midby仔有咁耐全人奶食, 姐姐工人都有好大功勞架!

5) 有好多相同video
- 姐姐每日都會同Midby影下相同video, 呢d 都係好形貴既野來, 我間唔中law番出來睇, 都好感謝姐姐幫我地拍下呢d 珍貴片段架!

6) 教識Midby好多野
- 姐姐有照顧newborn bb 既經驗, 有好多我take it for granted 既野, 好似bb 用手去捉d 玩具, 我以為個個bb都識, 但係原來唔係既...好多呢d 咁微細既野好在有姐姐講比我知, 好似呢幾日, 佢同我講Midby 開始試下由一隻手交d 玩具比另外一隻手, 我成日都講, 如果得我一個去湊Midby, 佢一定變成slow learner 呀!

儘管有工人姐姐我地既life 係a lot easier, 我地都明白呢d 都唔係take it for granted, 姐姐都會有走既一日, 我地都唔可以太依賴姐姐, 所以我同Midby一齊時, 我做到既, 都會去儘量做, 唔會成個大少咁。

希望以上既分享對有意請工人既朋友有d 幫助啦!