Midby 今日5個月大喇!

做亞媽既一定會認同我講, 生左bb之後時間係好快過!

尋晚睇電視聽到吳彥祖話他日佢有bb時, 佢一定會用好多時間去陪bb, 特別係頭半年! 我聽到後就即刻諗: 半年? Midby都5個月啦! 死啦...我有冇miss到Midby d 咩野呢?

其實番full time 工既媽媽, 真係冇咩時間去陪個小朋友。我有時諗, 如果我冇工人姐姐幫手, 我一番到屋企就接手去睇住bb, 係就係多時間同bb相處, 但d 相處時間係唔係quality time呢?

o係放產假時, 陪月兒姐同我講過, 如果照顧bb搞到自己太辛苦, 咩個人自由都冇哂, 會好易討厭bb, 咁樣會對bb好唔公平, 所以佢叫我得閒落街行下, 離開下bb。

當時聽唔入腦, 因為產假時o係屋企只係識得pump奶, 餵奶, 食, 訓, 抱bb, 咩野都係同佢有關。Midby頭兩個月又比較喊得多, 我又抱佢唔掂, 心情真係唔多好, 根本唔會有時間去諗下點樣令到自己心情好d。

好在之後番番工喇, 被迫有幾個鐘唔洗睇住Midby, 反而會好掛住佢, 而家我o係office 成日都會on 住個camera, 等我一掛住佢時, 可以睇下佢做緊咩野。一放工, 對腳就好似上左

個"look"咁, 急急腳帶埋d 奶番去見Midby。好在我有個好既工人姐姐幫我手, 如果唔係, 以我既性格同精力, 我未必有耐性番完full time工之後仲番到屋企full time 照顧Midby。

媽咪同奶奶都講, 以前佢地湊我同Midby爸時, 點會有心情去睇下我地既發展, 佢地但求餵飽肯訓, 唔喊就得, 邊似得而家咁, 咁有心情去睇住Midby大。

可能我同Midby爸都有姐姐幫手, 所以我地同Midby一齊既都係一d quality time。好似姐姐會report 比我地知Midby呢一日學左d 咩野, 我地之後就會去用camera 影低d video, 呢d 一點一滴對我同Midby爸來講都係好珍貴, 將來我要比番Midby仔同埋等我同Midby爸老左時播番出來睇架!