PS, 亞mui, 風先生, 加油呀!!!

想打呢篇好耐, 但都冇時間去寫...今晚的起心肝去完成佢先啦!

o係舊年我同Midby爸開始"做"Midby時, Kate 有一日同我講佢發夢到我有左bb, 佢話夢中既我都見肚架喇, 成3個幾月先同佢講我有左, Kate打電話比我話覺得呢個夢有d 暗示比佢既...我聽到之後都心諗: ha? 唔係呀?? 我先剛剛開始做人計劃, 我都唔知成唔成功, 呢個夢係唔係有d 咩意思呢?

感謝主既係...我真係有左BB, 而o係Midby o係我肚內around 4-5個月左右開始, 我就主動同d 朋友講我有左bb. 其中一個就係好友PS, 講起真係好奇妙, 有bb o個時, 有一陣子成日諗起佢 (雖然佢o係我msn contact list 上好一段時間了, 但係冇咩contact), 突然間有一日我msn佢, 同佢傾開, 講比佢知道我有左midby, 當時既佢都仲未make up 好個mind 要唔要bb, 但係感謝主既, 好快之後, 佢地都決定左加入有bb行列. 好開心既係...我應該係among 最初o個幾個人知道左佢有bb既!!!!!

好喇, 到左亞mui喇...Midby o係我肚內8個月左右我見過亞mui, 我都知佢同andrew好想要bb, 當時佢地planning中, 我on and off 都有同佢傾下電話, 到我生左bb之後我SMS佢, 不過佢應該out town, 我見佢冇reply 我, 我亦冇刻意去搵佢, 因為產假時實在太忙亦無心情. 點知...有幾日又諗起佢, 打比佢, 睇下佢點, 點知...亦係同一日, 佢知道左有左小andrew, 而我竟然又係第一個知道呢個news 既人!!!

我呢個亞mui呢...同我一樣都係緊張大師, 我細個時同佢好好好好好close, 到左大個喇, 各自有各自既生活, 對上一次同佢close d 既就係我wedding, 相距而家都幾年喇, 但係有左bb既佢, 又好自自然然同番我呢個家姐close番, 多d 聯絡, 一切都來得很自然。

我好感覺主, 我覺得人生上最重要既時候都有我既好朋友同我一齊渡過, 因為有左Midby, 佢將我, PS, 同埋亞MUI 再一次拉近。

講起都奇, 我既網路好友風先生(化名)既太太亦都有左BB。呢位風先生係好好先生來, 雖然佢係男士, 但同我呢個女士都好好傾, 我諗我都同佢傾左斷斷續續年幾兩年喇, 真係估唔到佢將太太有左bb呢個消息好快同左我講, 到而家來講, 佢身邊既朋友同埋屋企人都仲未知住架!

風先生, PS, 亞mui, 多謝你地對我既信任! 我好期待你地bb既來臨, 加油呀!!!!