22W3D 同Midby 上第一次英文課

濕度得番50度的一晚

呢一晚決定同Midby上第一次英文課 - 用A+ 送o個本"My First Bath Book" 去教 "GREEN" 呢個字。

Midby 爸聽到就話" Midby 好慘, 未出世就要上堂喇..."

話說esdlife有位JM 睇完七田真既胎教書同我分享, 佢話胎兒呢個時候已經睇到書架喇, 可以將本書仔放o係肚前面, 之後每次教佢認字。當然要經常溫習，bb始終都係bb, 反覆睇同一組字應該會易d 加深印象既。

雖然我冇睇過七田真既著作, 我都o係library requested 好多本胎教書, 希望當中搵到d 好橋, 實行同我肚內既Midby 好好上番一課。

我所用既方法如下:
1) 每晚12時臨訓前, 上床用手輕輕拍下個肚, 叫幾聲Midby, 雙手feel 下Midby 郁唔郁, 郁既就會同佢傾下計, 有時驚佢已經zzz左, 唔想disturb佢呀!
2) 同Midby 講我同佢上堂喇, 將本書仔 (A+ 送既, 幾好架, 係bath book, 比bb 洗澡時睇既書仔, 有6頁, 每頁介紹一種colours) 放o係肚前面 (聽講BB 睇到肚外面既情況架wow, 係既就真係太神奇喇!!!)
3) 6種顏色中, 我揀左我最鐘意既green 做開頭, 同女女講因為媽媽鍾意GREEN, 所以1st 個教佢既字都係green, 而唔係其他colours
4) Midby 爸驚自己發音唔準, 叫我教, 而佢就陪住我, o係我旁邊, 不過我講green 一次, 佢就同我一齊讀 (不過多數都得我1個人同Midby 上堂乍)
5) 我打算1個星期7日都係教同一個字, 最多加插d 故事
6) 上完堂之後, 就到Midby 爸出場了, 佢每晚都會同我個肚塗茶花子油, 佢會開胎教音樂比我同Midby 聽, 一路塗, 一路同Midby 傾計, 不過唔知係因為我訓左上床, 聽音樂定係Midby 爸既關係, 次次Midby 都好靜架, 好乖咁唔郁比爸爸同我按摩
7) Midby 爸覺得係因為Midby 似我, 鍾意massage, 所以佢會變得好安靜
8) Massage 完之後, Midby 爸o係我個肚上面輕輕拍兩下, 示意佢訓覺喇, 希望Midby 分到massage 時同埋massage 完Midby 爸比既signal啦!

我會努力睇多D 胎教書, 搵D WORK既辨法, 希望對Midby而家同埋出世之後有正面既影響!

22w2D Esdlife 4月媽媽聚會

乾燥的晴天

同一班o係esdlife 識既4月準媽媽見面, 地點係holiday inn 食tea buffet, 好開心咁多位, 連埋我5個都好好傾。

我感恩既係我認識呢幾位媽媽同我所諗既野都好近, 大家好夾, 有d 版既媽媽好鍾意將自己既野, 好似幾時EDD喇, 睇邊個醫生啦, 邊度生啦呢d 野打成個表咁, 不過我就唔係好鐘意, 初時就驚bb小器, 到stable d 時又覺得唔洗啦, 傾開既都知啦, 洗咩打個表呢, 好在我地呢班4月媽媽都冇人會咁做。好早之前佢地都有建議出來gathering, 但係我地不約而同都覺得最好做哂structure scan 冇事先出來, 好在大家都好夾, 先咁有默契, 約左今日見面。

係就係我among 佢地4位中, 我既EDD 最早, 但係都係早佢地1-2個weeks左右乍, 我個肚真係最大呀!!! 佢地有d 仲唔係好覺肚, 每次見到人地個肚細過我咁多, 我就驚喇...驚自己真係太重喇, 不過我都係唔敢, 驚Midby 嬲我, 唔長肉, 所以算啦, 個個人都唔用既, 係唔係?

從亞hey身上學左d 胎教既skills, 佢睇七田真既書學番來, 佢話可以放本書仔o係個肚前面, bb 會睇到架, 之後教佢d simple 既英文, 好, 我會try try, A+ sent 左一本bath book, 內面有d 好simple 既english words, 等我搵番之後同Midby 上第一課英文課先!

聽日又一個星期既開始!!! 希望一切順利啦!

Cryolife + Health Baby 臍帶血講座

22w1D 勁乾燥的16度冬天

好難得有一個得閒既星期六下午, 一口氣聽兩個臍帶血talks - Cryolife, 同埋Health Baby。Cordlife 都係同一日, 不過同我已經報左Health Baby 既時間一樣, 所以我就放棄了喇。我一心想儘快聽哂3個talks, 之後可以同Midby 爸比較一下邊間好, 但係Cordlife 原來星期三既talk 既然改去星期6, 又同Health Baby 相撞, 冇辨法啦!

未去呢兩個talk 之前, 上網睇過下三間既info, Health Baby website 比我覺得冇咁專業, 不過專業唔專業唔應該單憑人地website 而決定架嘛, 好啦, 去聽埋個talk 啦!

由於我地遲左15分鐘先去到科學園既Health Baby office, 佢地已經開始左個talk, 佢地話平時只得75% show up rate, 尋日既然出席哂，所以我地冇得join佢地, 我同Midby 爸比佢地安排左去另外一間房, 有一位先生同我地講解Health Baby 既selling point, 不過呢....呢個哥哥仔冇送任何禮品比我呀, 我唔開心, 因為我見到個個人都law走一袋野, 而我得一份contract 既copy, 我忍唔住, 問左一位職員, 佢就law 番一袋比我...不過同人地o個袋都唔同既, 少緊唔知d 咩野, 唔開心呀!

不過由於join唔到佢地個talk, 冇睇到佢地既ppt, 所以我好快就去左睇個lab 了, 所謂lab其實係好細一間既office, 裡面放左一部兩部systems, 幾簡單既settings, 佢地職員一d 都唔hard sell, 係我意料之外。

成個過程1.5小時, 之後就去左一田行左一陣食埋個early dinner 就去中央圖書館join Cryolife既talk, 相比好似冇Health Baby 咁多人wow, 不過我鍾意Cryolife既安排就係佢地一連3場安排同一日舉行, 先在個懷孕禁忌, 由Dr Leslie Lo, 一位看起來好nice既婦科主講, 之後就係由Dr. Chan, 一位博士主講cordblood既用處, 最後就係由Dr. Hui, 兒科醫生講輪型病毒。

有d 人o係最後一場就走左喇...好冇禮貌, 我當然留守在最後一刻啦, 因為我想參加佢地既有獎問答環節, 等我law d 比Midby 用既禮品走。Midby 爸好好好好叻, 佢答中最後一題, 就係問用自己子女既cord blood 去幫父母 (假設父母有cancer), 當中有幾多HLA配對合適, wa, 人地都未問完, 佢就舉手喇 (因為我同佢講我好想要d 禮品, 所以佢好快手就舉手了), 連人地都笑佢未開完條題目就舉手, 當然Midby 爸好另, 答得全對, 連全場人都拍手掌 (其他問題d 人係冇拍架)。禮品就唔係好o岩用了, 就係價值$9xx一次既massage, 我驚我1st 次free, 但比佢叫我做2nd, 3rd, etc。

Cryolife o係我地走時, 每人都送左一份禮品, 好野, 有一塊墊, cindy 都有一份, 就係用來帶出街, 等BB o係babysitting room or 其他地方換片時, 將塊墊放o係底, 唔洗等bb 直接同o個d 地方有contact, 我鍾意呀!!!!

聽完兩個talks, 總結如下:

Health Baby's selling points:
1) 全自動system 將cord blood 放入個bank 度, 每一個cord blood 有獨立一個storage space, 如果有cord blood 需要被law 出來用, 其他既cord blood 係唔會受到影響, 佢地claim 現時只得佢地一間係用呢個system, 而紅十字會亦都轉左用呢個system
2) 溫度set 到恆溫- 196度, 其餘兩間既溫度係唔可以maintain 到-196度, so far research supports 既係-196度下既cord blood 所有既活動會停止, 冇research proves 過其他較高溫度下store既cord blood 係有用 (不過我見到cryolife 所claim 既溫度都係-196度wow)

Cryolife's selling points:
佢地冇sales 解釋比我知佢地package, 一d 都唔hard sell, 只係叫我地fill in 份questionnaire, 我估佢地會有人做follow up 架喇, 所以我得到既info 都係由佢既brochure 得番來既。
1) 唯一一間用AXP Auto Xpress Platform (全自動化臍帶血細胞處理系統, 非人手處理採集臍血細胞的過程)
不過我聽healthbaby 既agent 講過, 佢地都有考慮用呢個system, 不過最近有report 話用呢個system 出現問題, 所以佢地會睇定d 先決定
2) 全HK最大規模的臍血庫, 有over 10,000個臍血單位 (雖然佢地history最耐, 聽講呢幾年已經比healthbaby 搶走好多客, 人地幾年就已經有成7,xxx個客, 但cryolife 由1996年開始到而家先得一萬個)
3) 全HK唯一一間獲AABB國際認證
4) 全HK唯一一間利用internet操作的先進監控系統Planner Assure 24 Seven Monitoring System
5) 有專業既運送隊伍, 由醫院將臍血安全送到實驗室



Health Baby's gifts




Croylife's gifts

21W5D - 女女既英文名

著住一件衫都唔覺得冷既冬天

話咁快, 我既Midby 仔又21W5D大了。呢幾個星期唔係叫佢做Midby 仔, 就叫佢"mui mui", 或者Midby, 每次叫親佢Midby 仔, 我都驚佢會"ar"哂頭, "明明我係女仔, 點解叫我做仔喎"。

不過我想快d 比個真正既英文名佢, 因為佢大個架喇, 唔想佢已經習慣左比我地叫佢做Midby, 後來我又同佢改名, 混亂哂佢, 不過要搵個好名太難了。

我唔係要求高, 只不過識太多人了, 教過既學生亦都過千, 想搵個唔係太common, 唔好同自己朋友一樣既, 已經好難...

Midby 爸鍾意V 字, 不過V 既choice 唔多, sonia 叫我name 佢做victoria, 方便佢以後報讀victoria, 哈哈, 不過呢個名我覺得好似勁左d, 有人就覺得Beckham 老婆又係叫victoria, 所以印象麻麻。

sonia suggested "Vasline" 同埋 "Vee", 哈哈, 分明玩野啦, 到尋日, 我睇睇下no.27, 見到有個英文名- Verona, 讀一讀出來, 幾好聽wow! Midby 爸都覺得唔錯, 最重要呢個名有佢最鐘意既3個難發音既英文字 - v, r 同埋n。

可惜...當我去check 呢個字既發音時, 竟然發現佢係"ve o na", 而唔係我一箱情願既 "ver ron na"。

如果叫"O na", 個名大大降grade 了, 好在亦都有另外一個名真係讀"ver ron na", 只係加多個n, 不過呢個係個very rare 既first name and surname, 等我問問Dale, 等佢比下意見先.

Midby, o係媽媽仲未諗到個好名比你時, 都係叫住你做Midby。老實講, 叫左幾個月, 我好鐘意Midby 改呢個名, 只可惜呢個名太cute了, 你大個左都係叫Midby 會有點怪怪, 所以媽媽會幫你動下腦筋既!

每日的有機米

未有Midby 之前, 我已經同Midby 爸買organic 既米, 我地雖然唔係大富大貴既夫婦, 但係都想o係能力範圍許可下，食得健康d，所以由未有Midby 到而家都實行日日有機米。

點解日日有機米？
既然做唔到食咩野都係有機既, 咁樣至少日日食既穀物係有機, 都好過所有野係基因改造/ 冇機。 如果有d 米係非基因改造, 我都會買, 只不過而家內地來太多都係基因收造米, 所以安全起見, 唔知長遠日日食, 有咩壞處, 再加上有左Midby後, 就算貴小小, 食左好既, 對我同埋個細既都有, 一舉兩得, 何樂而不為呢？

邊度有得賣？
我最要入貨點有兩個
a) 百佳買有機白米, 2kg, $32.9 (好少有特價)
b) 點點綠糙米 及 紅米, 1kg, $30-$36 (要有特價先買, 有時會減到$30以下, 不過米近呢年貴左好多) 其他地方好似
c) prizemart 價真棧 , 都有有機白米賣, 來自台灣, 價錢唔貴, 不過我唔見佢有o個個有基認證label, 不過我都買左一兩次比我媽媽食, 台灣出品

食的份量？
最初食時會1:1, 即係1 cup 白米, 1 cup 糙+紅米, 但係由我有左bb5個月開始, 我唔想咁易有糖尿病, 所以將白米既份量再減少, 而家會係半cup 白米 + 1.5 cup糙+紅米。食之前最好浸水3小時, 有時間我甚至乎浸過夜，一來d 米會軟身d, 二來d 米既營養會更易比我地吸收。

好處？
白米提供比我地能量, 但係可以比到我地能量既食物, 又點止白米呢？我地大肚既, 最好就係做到高營養, 低熱量。如果有糖尿既朋友, 更加要控制食白米既份量, 我身邊有糖尿病既朋友, 全部都聽醫生吩咐, 食紅米糙米了, 因為白米食落肚後, 令到我地既血糖會急升。 食完糙+紅米之後最明確就係大便會多左好多好多。因為糙+紅係fibre 來, 佢有豐富既vitamin B, 我發覺將個比例變成糙+紅多過白米之後, 真係好易去大大。大肚時好易會有便秘, 而thanks god so far 我都冇呢個問題, 相信糙+紅居功不少。不過食糙+紅米都有一個唔好處...就係太快餓了。唔止我覺得, 連我爸爸都覺得, 成日話佢唔飽肚。

每日的餐單

以下就係我Midby 媽自從有左Midby開始每日既餐單, 我會keep住update, 將我認為對媽媽同BB有益既食物, 一一紀錄低。

1. 起身後小小水, 之後飲brown rice milk/ 自製既yogurt, 令到o係番工途中都有營業比bb吸收
2. 番到office 都同之前食已經成個鍾了, 可以食早餐, 早餐食39" 既面飽/ 亞麻子即沖麥片/ canteen 既早餐 + materna (呢個安排我幾滿意, 因為早餐係最吸引既, 但係早餐又唔夠時間食太豐富, 所以加粒materna, 就fit 哂了)
   tips: 食supplement 要o係餐後即刻食。
3. lunch 會去canteen 買個兩送飯, 加個湯, 不過最好都係自己帶飯, 但係又唔可以microwavewow, 可以既就帶個暖煲, 早上起身時蒸番d 飯, 之放入暖煲度。
   Tiger 牌暖煲係唔錯既選擇, 我就o係永安買左個, $259。日本城都係呢個價，佢係for裝湯/粥, 不過我都用來放飯, 因為有d for 放飯既係膠來, 我怕咁長時間d 食物同膠接觸都唔係太好, 所以都係揀番for 放湯/粥既鐵膽。早上8:00放生米加水, 放d 豬肉丸入去 (有時間既就煮煮先) 之後放入個暖煲度, 1點鐘打開佢, 已經變成湯/粥了, 好有益, 有carbohydrate, 又有protein, 唔夠既, 可以加隻egg white 同埋kiwis。
4. 4:30左右, 即係同lunch 相距幾個鐘之後可以食兩隻kiwi fruits了, 要實行每日2-3份水果其實有d 難, 不過可以o係食tea 既時間實行, 咁樣dinner 之後唔記得食, 都唔太緊要。當然, 記得既就o係dinner 之後食番個apple/ orange 啦, 咁就做足每日食幾份水果既要求了。o係tea 既時間都可以飲d野補足下energy, 好似即沖合桃露 (o係organicland有得買, $42有8包)/ holick (唔太差既choice, 佢有好足夠既 calcium) / 黑豆奶 (39度買既非基因改造豆)
5. 番屋企途中, 可以食organic rasins, 我anytime 都會o係個手袋度放一盒, 因為驚血糖低 (網上姐妹建議既) 時可以食, 其他人會放candies, 但係我唔鍾意食糖, 食rasins 應該可以掛? 我唔會o係feel 到血糖低時先食, 事實上我都唔知咩叫血糖低, 係唔係有時覺得好累就係血糖低? 我o係放學/ 番學途中就會食幾粒, 一來補血, 二來就當有d 糖份落肚, 希望bb 有得吸收下。
6. o係屋企準備dinner 時, 可以食幾粒合桃乾/ 無花果/ 呢d 乾果類食物, 因為prepare dinner 都成個鐘, 儘量keep 住唔好太hungry, 因為醫生話我地食飽之後既半個小時到1個小時, bb 係最開心, 因為我地既血糖上升, 所以我相信keep 住個血糖唔好太fluctuate, keep 住一個level bb 應該會好開心既。
7. dinner 最好緊係食飯, 不過好多時都會食精製食品, 好似公仔面, 意粉, 米粉等等。以上所講既食品幾好quality都好, 都係精製既, 唔係天然, 所以可以唔食就唔食啦, 不過一星期我都會有幾次食呢d 野, 唯有揀d quality 好d既公仔面囉 (市面上有d 係唔加入MSG味精既, 亦有D 非油炸既)。有時可以食韓國既粉絲, 即係四川既紅著粉, 不過大陸野我而家都唔太敢食了, 所以貴小小, 就買韓國粉絲, 佢冇綠豆成份, 只係SWEET POTATO, 對我地大肚好好既, 我會加入小小麻酒, 豉油, 同埋涼拌醬油, 就成為好好食既韓國粉絲啦。
8. 如果有時間, 我會煮飯。飯最好用水浸3小時以上或過夜, 等d 營養易d 出哂來。我食既飯係紅米1份, brown rice 一份, 白米一份。可以既唔好加白米, 白米只係比到energy 我地, 冇brown rice or 紅米咁好營養。多數1次過煮3份米, 食唔哂就下餐當泡飯食 (整個雜菜湯), 都好好養。
   Tips: 如果將白米既份量再減少, 大家會發覺得到食飽之後好快就會餓, 因為brown rice 同紅米有好多fibre, 就好似食左好多菜咁, 不過日子耐左, 就會知道佢既威力, 每日既poo poo 都會非常大份量架! 咁樣就唔洗驚便秘啦!
9. 湯水好重要, 頭3個月都係飲d 好清淡既湯水, 唔太敢食花膠。好多人話花膠由有左到生時都可以食, 但係我既中醫就覺得初時都係以清淡為主。我都贊成, 因為頭3個月身體有好多野去識應, 體質會有改變, 以我為例, 我就頭兩個月好熱氣, 唔多想食野, 如果o個時食花膠, 相信會對我覺得太冇食慾。所以我只係整以下既湯
   
   a) 節瓜瘦肉湯
   b) 紅蘿蔔玉米瘦肉湯 (有時加入雪耳)
   c) 紅蘿蔔玉米番茄洋蔥瘦肉湯
   d) 菜心肉片湯
   e) 蘋果淮生無花果瘦肉湯 (中期我就加入一隻大雪梨)
   f) 牛肚菌肉片湯
   g) 日月魚肉片湯
   h) 面鼓湯(加入蛋白花同埋非基因改做豆腐切粒)
   i) 魚湯 (每個星期亞媽整 - 多用牛秋魚及魚側魚, 加入番茄著仔)
   j) 玉米粒搖柱蛋花湯
   
   中期 (4個幾5個月) 我開始加埋飲以下既湯水 (入冬時候)
   
   k) 花膠 + (海參)瘦肉湯
   l) 雜菜瘦肉湯
   m) 西洋菜湯 (飲小量, 因為驚太涼, 不過我個人好熱氣, 飲小小都冇問題)
   n) 清保涼 (只用淮山, 白合, 海竹, 伏神, 不加入x 實)
   o) 合桃瘦肉湯
   p) 番茄著仔瘦肉湯
   
   粥 (我1個星期左右都會整一次粥)
   
   a) 咸瘦肉粥 (亞媽買水展, 準備好比我煲)
   b) 豬肉丸粥
   c) 菜乾蠔使鴨x碎肉粥 (放少量菜乾)
   d) 雜菜肉碎粥 (番茄, 紅黃綠sweet potato)
   e) 搖柱白粥

陪月 - 兒姐建議

我個好姐妹sonia 介紹左佢一位由循道衛理請既陪月, 兒姐。佢第1同埋第2胎都係由兒姐幫手既, Sonia將佢介紹比我, 好好彩, 我都mark 到佢下年4月幫我手。

o係21W1D 既一個晚上, 我同兒姐第一次見面。佢比左以下建議我

1. 沖bb 奶既kettle 要將d 水煮到100度, 我屋企係用一般放熱水, 加溫就停既kettle, 唔夠熱, 要換一個有溫度計既, boil 到d 水到100度, 之後keep warm 到60度, 60度係沖奶粉既溫度, 有5L, 有3L, Sonia 就用用5L"Kojiroushi", 覺得好方便, 唔洗沖奶時估估下個溫度
2. 一個洗澡盆加張細椅子 – 唔洗貴, 個盆唔洗太大, 因為bb 大個可以坐o係個盆度, 唔一定夠佢成個人訓o係度先買, 陪月話佢會o係浴缸旁邊既toilet 上面放個盆同bb沖, 坐o係細椅子上面, 就唔洗成個人彎個身將個盆放入個浴缸度
3. 膠盒仔x 2 – 比我地裝熟水, 同bb 洗pat pat 同面, 因為呢d 地方要用熟水架
4. 可以考慮買唔買個可以推得既細櫃仔, 好似d 推餐o個d車仔, 咁樣去到沖涼時, 訓覺時都可以將架車推來推去用, 唔洗大, 唔洗貴
5. 一個放奶樽既盒, 等d 奶樽清潔好之後放o係同一個地方度, 乾淨同埋方便d, 可以去日本城呢d地方搵, 最好可以放到12個奶樽, 最好有兩層
6. 如果屋企有真空煲就好, 方便anytime 想飲番d 湯都可以, 唔洗行來行去warm 番d 湯
7. 坐月真係要勁休息, 我個陪月講比我知佢有個客, 一生完bb, 當時係新年, 佢1日有成50人去探佢, 搞到個媽媽好累, 太多人, 又易感染, 結果流出d 綠色既分泌呀, 好長手尾。所以坐月時要勁訓, 有陪月來既day time 就去訓, 唔洗擔心要跟陪月學野, 因為陪月stay o係度成個月, 一定有時間學, 如果唔請陪月既, 都o係屋企人day time o係度時, 去勁訓, 經驗證明唔夠休息既媽媽身體好受影響, 以為點補都補唔番
8. 坐月唔係只坐30日, 可以坐足3個月, 即係100日都可以飲湯水keep 好個身體
9. 可以既用人奶餵bb, 不過餵bb時又食中藥就小心, 有個媽媽又食當歸又去餵人奶, 但係bb 唔受得當歸....所以呢d 野要小心
10. 唔好"mouth" o係度, "mouth" 得多, 對子宮唔好, 有好多cases 都係個媽媽會早產
11. 坐要坐直, or 坐有背既椅子, 唔係老來就知死
12. 唔好亂洗頭, 我個陪月叫我要洗就同佢講, 唔知佢咩意思
13. 生完o係醫院唔好飲水, 飲米茶, 因為水好多風, 唔好飲呀
14. 入院前整好姜水, or 叫亞媽探我地時帶來, 用來生完之後洗手用, 都係o個句, 唔好用水
15. 生完頭幾日, 千萬唔好飲魚湯, 姜飯, etc。我地亞媽o個代就以為要咁做, 原來姜o係頭幾日, 有傷口時唔好食呀, 頭幾日身體弱, 都係食得好青淡既野食, 好似一般菜, 瓜, 等到傷口埋d 喇, 冇野流出來, 就可以開始慢慢補
16. 產後28方唔係個個都o岩, 如果個個都o岩, 唔洗睇中醫, 唔洗要陪月了, 補品都係, 唔係個個都要食, 睇番體質, 我之前有朱古力瘤, 係就係唔大粒, 不過已經唔可以補, 所以唔洗咁早買定茸呀, 冬虫草, 除非中醫把過脈話你既身體可以接受呢d 野
17. 可以既就搵番自己睇開既中醫, o係生完之後幾日, 我地會帶亞b 去健康院時去睇埋中醫, 睇下當時體質點, 千萬唔好, A 小姐食過好既方, 就law 來比自己食 (我都o係baby kingdom 見到有d 媽媽買左好多茸, 同埋花膠燕窩, 竟然唔o岩食, 要平價賣出, 所以清楚自己體質先好去補)