時間過得好快, 仲記得PS 點樣o係MSN 同我講佢有左bb, 仲記得Midby 3個月既party請佢來時佢個肚仲係細細既...尋晚, 佢既小寶貝出世喇!!
話說約左幾次既約會終於約到喇, 因為PS都放maternity leave, 再唔上來我度law野, 真係到佢生時都未law到。我補左習冇幾耐佢同D就上來。
佢地仲買左個combi波仔比Midby玩。呢個波成為令到Midby kar kar 聲笑既好工具。而家比佢, 佢唔係太識玩, 反而有一日無心插柳, 我同姐姐將個波拋來拋去, 個波發出聲音, 佢見到聽到就笑到唔停。
當日見到既PS個肚好明顯大個左好多好多喇，話哂都叫做38W, 就快生喇! 佢手手腳腳一D 都唔腫, 望上去好健康, 好精神。點知過左兩日, 即係公眾假期星期一, 我同Midby, Midby爸行緊去坐12號時, PS打比我, 話佢見到d啡色既野, 佢仲傻下傻下話唔係紅色既, 只係似作m之前既顏色。我話呢個係架喇, 因為我見紅時都係有勁小小小小量既啡o係underwear上, 不過見紅去到生真係有排等, 我叫佢都要準備喇, 佢番到屋企之後around十點左右, 去去下洗手間就穿水喇。
好在佢揀左去仁安, 同佢屋企咁近。去到醫院, o個時我仲以為佢半夜會生, 因此我一直以為穿左水之後知幾個鍾就要生, 點知一直等等到第二朝D打番比我話PS 9點幾時要吊催生藥, 開始有d 痛喇, 要用笑氣喇! 其實佢半夜時都有d痛, 唔係幾訓到, 但子宮唔係好開, Dr Wong都講過佢子宮頸較長, 產程會長d, 但我冇諗到穿左水咁多個鐘子宮都仲唔開架嘛!!!
我好替佢心急, 自己生過bb, 仲係咁近既事, 我終於明白...儘管冇咩野可以幫到佢, 但係都好想見佢, 睇下佢點。
我而家先感受到, 諗番起我o係醫院下午等緊Midby出世時, 老爺奶奶好想出來睇我, 我o個時同Midby爸都話唔好, 因為佢地出到來, 都係得過等字, 係冇意思既, 所以Midby爸堅持叫佢地唔好出來...但我而家後悔, 因為PS o係醫院等o個段時間, 我個心好唔安樂, 好想打比D問佢Update, 又驚阻住佢, 我終於明白當日老爺同奶奶既心情。
由於PS早上吊左藥(催生應該先放藥, 但因為穿左水, 所以唔可以放粒藥, 驚會影響bb, 所以要直接吊藥), 開始有勁d 既收縮, 幾分鐘痛一次, D話佢大力捉住佢隻手, 我知道PS應該辛苦緊, 頂緊!
到左中午時, PS都係開得2-3度, 同埋已經停左藥喇, 因為每次contraction 都會影響bb既心跳。去到4:45 D打比我話都係情況一樣...唉, 我仲以為開左頭幾度, 之後會開得好快, 點解佢既子宮唔可以幫下手, 快快趣趣開左佢, 等bb出來呢?
去到6點幾, 當時我去完護協買野, 行緊去搵車坐, 打比D, 佢話Dr Wong已經去緊醫院...唉! 6點幾Dr Wong正常應該仲未收工, 我估Dr Wong都覺得PS要開刀喇。
我聽到出D既唔開心, 我個心好酸, 其實生bb o個個當時頭腦已經比痛蓋過左, 根本冇時間去諗其他野, 反而o係佢身邊o個個就替佢著急, 為佢擔心。
我相信PS之前同D講過佢想natural birth既意願。PS好想bb o係natural birth既情況下出世, 感受到佢o係產度走出來, 呢種母愛好偉大!
相比我...我堅持natural birth堅持到抑鬱咁濟, 都只不過係唔想開刀影響自己日後既身體健康。有冇為左Midby而想natural birth? 我而家反思, 真係冇!
o係PS身邊既D, 知道PS既意願, 好想比佢再試下, 等下子宮頸肯唔肯開多d; 但另一方面, 佢話見到ps 咁辛苦, 佢都有D 動搖。
不過去到6點幾, 當Dr Wong話去緊醫院時, 佢地都心中有數, 知道開刀呢個Option 越來越近。因為醫院唔比佢地要試喇, Dr Wong話其實隻手已經摸到BB既頭, 只不過子宮頸唔夠大, 比唔到個頭仔出來。醫院就因為每次contraction 都影響bb 心跳, 下午時bb心跳一o係contraction時就drop 到去6x, 之後會好快升番到8x, 9x, 但時間長左喇, 佢好慢都升唔番上去, 醫院為左bb 既安全, 唔比PS 要等喇。
本來叫奶奶o係番屋企8點幾時,law d 米水o係車站比佢地, 不過知道6點幾都未生, 所以我就冇叫佢去喇。去到8點幾時, D 打比我, 第一句話: 唉! 終於都開左刀喇!
事後PS同我講, 佢o係手術室見到D入去時狂喊, 我明...我明, 作為一個媽媽, 咁努力去順產, 等左咁耐, 只係最後一刻, 要去接受一個從來都冇考慮過既option, o個種心情, 真係好難受。
Baillie 同PS既情況好似, 唔同既係佢一開始入醫院時已經決定左開刀, 因為佢有regular contraction開始入醫院時, 醫生已經講佢子宮頸長, 會產程好長。醫生都比兩個options佢, 一: 開刀; 二: 順產, 不過痛好多個鐘都未必開到夠度數, 可能最後要開刀。
Baillie打電話比我, 問我意見, 由於我唔識佢個醫生, 我個人好衰會懷疑醫生係唔係想快手搞掂佢, 而話佢產情長。我同Baillie講我係佢, 會揀順產, 唔得時先去開刀, 好在佢冇聽我講乍...!!!
到左今次, 呢番說話係出自我相信既Dr Wong口中, 我都有d 擔心, 仲記得PS o係 msn同我講既, 我o個刻即諗番起Baillie既case。我都o係MSN度暗示過, 問過佢對開刀抗唔抗拒, 佢好堅持話要順產, 因為咁, 我冇同佢講Baillie既case。
我叫自己一定要打呢個post, 係因為我想同PS講: 當日一直陪住你既D, 好令我感動。D冇講過D咩說話令我有咁既感覺, 但總之同佢傾咁多次電話, 佢既語氣同態度, 好令我感受到佢既心情, 同埋佢你o個個心。
我亦好想同PS講: I'm proud of you!!! 你有好大好大既勇氣, 去生呢個bb。我識無數人都係試都唔試就去開刀, 餵人奶? No way! 而你痛左咁多個鐘為左bb, 都去堅持順產!! 你好叻!!!
我亦再一次感謝主, 令我再一次知道自己真係無比幸福同幸運。我自問唔係一個咩好人, 點解我同Midby仔咁受到上天既照顧, 成個生產過程可以咁順利。
所以我會做多d善事; Midby仔懂事之後我會教導佢點樣做個好人, 點樣多d去幫助人, 點樣做個對社會有用既人。
可以栽培到Midby成材當然係好事, 但我亦唔會忘記培育佢成為一個品格健康既人!
Wednesday, October 28, 2009
Friday, October 23, 2009
Thursday, October 22, 2009
6個月媽媽望女成龍?
呢一兩個星期, 唔係忙學校assessment 就忙part time evening teaching, 一到唔洗教evening o個晚就急急腳番屋企見Midby。
陳太講過, 佢o係家姐細佬細個時, 佢都係咁樣 - 一放工就急急腳番屋企, 覺得屋企有d 好貴重既野o係度, 要第一時間番去, 而我到今日終於可以感受到喇。
由於6個月既bb識既野多左, 同我地有亙動, 同佢相處比之前更加開心。足6個月既一日, 婆婆帶Midby 去健康院 (好多次都係由麻麻帶, 今次係婆婆帶), 我就之前一日寫定Midby既食奶情況, 等婆婆識得答問題。
呢一日姑娘同Midby打肺炎既第三針, 之前兩支都係kinetics 打左喇。Midby同之前幾次打針都係一樣, 都係好快收聲。姐姐話佢過左一陣又諗番起, 又喊左幾下, 不過係時候飲奶喇, 比左支奶佢, 佢就收聲。足6個月既Midby仔重7.4kg, 過左50條線, 可能係因為食左米糊既關係, 頭圍ok, 冇再繼續大。
另外姑娘都要用Midby做d test既。姐姐同婆婆話Midby o個朝都好好心情, 本來訓左覺既, 到佢時, 姑娘叫婆婆整醒佢, 姑娘之後用一隻手去support Midby仔坐, pass左! 之後比玩具佢左手交右手, Midby好快就可以做喇, 姑娘即刻讚佢叻女, 當然婆婆聽到緊係開心啦...作為媽媽既我, 係唔係我太理智呢? 我覺得BB 到左6個月係應該識得做呢d野, 我又唔會為左人地讚佢, 而覺得Midby叻。
可能我一直都同自己做心理x導, 叫自己唔好對Midby有太大期望, 又叫自己唔好成日覺得自己既bb叻或者醒過人...一切一切我都係唔想自己將來唔開心, 唔想Midby suffers 太大壓力。
做父母都想仔女成材, 我都唔例外。不過我最希望既係Midby身體健康, 開開心心, 有健康既品格。佢叻唔叻, 讀唔讀到書, 我幫到既就幫, 最後都係靠佢本身既努力, 先至會成功。
我同Midby爸讀書唔係少, 我地都好想Midby讀到書, 但係眼見好多父母, 為左仔女讀書讀得唔好而唔開心, 我好驚...幾時會到我?
所以我成日同自己講, 理智d, 人地讚你既bb 叻, 靚, 只係禮貌, 唔好咁認真當以為真。有時見到有d媽媽成日都o係人面前讚自己既寶貝幾咁同其他bb與眾不同, 發展幾咁快, 我都心底裡面笑一笑佢 (Midby...你唔好學媽媽咁無品呀!)
話雖如此, 有時我同Midby爸對住Midby, 都會忍唔住, 讚下佢...因為bb, 無論係咩國籍, 咩種族, 佢地既一舉一動都係好可愛既, 加上Midby係我地既骨肉, 所以我地一齊同Midby玩時, 都忍唔住心底內讚下我呢隻寶貝豬豬!
做媽媽既我幾咁矛盾...唔想比壓力自己同個女, 不斷叫自己relax, 但其實就係驚自己sooner or later 變成望女成龍既媽媽!
而家先得6個月既Midby仲有漫漫長路要行, 睇來我真係要搵個comfort zone 去handle 呢d 問題!
陳太講過, 佢o係家姐細佬細個時, 佢都係咁樣 - 一放工就急急腳番屋企, 覺得屋企有d 好貴重既野o係度, 要第一時間番去, 而我到今日終於可以感受到喇。
由於6個月既bb識既野多左, 同我地有亙動, 同佢相處比之前更加開心。足6個月既一日, 婆婆帶Midby 去健康院 (好多次都係由麻麻帶, 今次係婆婆帶), 我就之前一日寫定Midby既食奶情況, 等婆婆識得答問題。
呢一日姑娘同Midby打肺炎既第三針, 之前兩支都係kinetics 打左喇。Midby同之前幾次打針都係一樣, 都係好快收聲。姐姐話佢過左一陣又諗番起, 又喊左幾下, 不過係時候飲奶喇, 比左支奶佢, 佢就收聲。足6個月既Midby仔重7.4kg, 過左50條線, 可能係因為食左米糊既關係, 頭圍ok, 冇再繼續大。
另外姑娘都要用Midby做d test既。姐姐同婆婆話Midby o個朝都好好心情, 本來訓左覺既, 到佢時, 姑娘叫婆婆整醒佢, 姑娘之後用一隻手去support Midby仔坐, pass左! 之後比玩具佢左手交右手, Midby好快就可以做喇, 姑娘即刻讚佢叻女, 當然婆婆聽到緊係開心啦...作為媽媽既我, 係唔係我太理智呢? 我覺得BB 到左6個月係應該識得做呢d野, 我又唔會為左人地讚佢, 而覺得Midby叻。
可能我一直都同自己做心理x導, 叫自己唔好對Midby有太大期望, 又叫自己唔好成日覺得自己既bb叻或者醒過人...一切一切我都係唔想自己將來唔開心, 唔想Midby suffers 太大壓力。
做父母都想仔女成材, 我都唔例外。不過我最希望既係Midby身體健康, 開開心心, 有健康既品格。佢叻唔叻, 讀唔讀到書, 我幫到既就幫, 最後都係靠佢本身既努力, 先至會成功。
我同Midby爸讀書唔係少, 我地都好想Midby讀到書, 但係眼見好多父母, 為左仔女讀書讀得唔好而唔開心, 我好驚...幾時會到我?
所以我成日同自己講, 理智d, 人地讚你既bb 叻, 靚, 只係禮貌, 唔好咁認真當以為真。有時見到有d媽媽成日都o係人面前讚自己既寶貝幾咁同其他bb與眾不同, 發展幾咁快, 我都心底裡面笑一笑佢 (Midby...你唔好學媽媽咁無品呀!)
話雖如此, 有時我同Midby爸對住Midby, 都會忍唔住, 讚下佢...因為bb, 無論係咩國籍, 咩種族, 佢地既一舉一動都係好可愛既, 加上Midby係我地既骨肉, 所以我地一齊同Midby玩時, 都忍唔住心底內讚下我呢隻寶貝豬豬!
做媽媽既我幾咁矛盾...唔想比壓力自己同個女, 不斷叫自己relax, 但其實就係驚自己sooner or later 變成望女成龍既媽媽!
而家先得6個月既Midby仲有漫漫長路要行, 睇來我真係要搵個comfort zone 去handle 呢d 問題!
Monday, October 19, 2009
唔肯食奶
hi. 我係midby爸，BB出世咁耐都係midby媽出post，等我今次都打番啲嘢先！
其實midby間唔中都會唔肯食奶，midby媽早就已經怕咗餵奶（又係既，自己咁辛苦pump奶，個女唔肯飲，又真係好傷心）。話說噚日，midby媽要幫學生補習，為咗唔想嘈住佢地，我諗住餵完midby食奶之後，就同佢去行下商場。一如所料，又係唔肯食。其實我試過好多次，擺好個餵奶姿勢，行一陣之後俾佢食，就算第一啖唔肯，第二啖都會食。點知今次試咗幾次都唔work，唯有抱midby落樓下試下。就係咁，由10am到11:45am，一個鐘頭45分鐘入面，我試過屋苑平台、clubhouse入口、屋企樓下公園、公園海旁、再番屋企、再落clubhouse、入clubhouse個playground，試過俾佢瞓、tum佢玩，施以適當暴力．．．等等，佢都係唔肯食典發脾氣（仲要係擺個奶樽埋去就識推開，放開左即刻收聲）。以為個女冇厭奶期（因為我見好多人好早就出現），兼覺得個女會屈服o係我X威之下，今次我真係投降，個頭就有一團黑雲，番到屋企midby媽都見我黑晒面。Midby媽補完習之後，用匙羹餵cereal，midby好快就食晒，仲要食左8羹，勁勁呀，好明顯地係肚餓，但唔肯食奶啦！
同midby媽賽後檢討，發現有以下可能性：
其實midby間唔中都會唔肯食奶，midby媽早就已經怕咗餵奶（又係既，自己咁辛苦pump奶，個女唔肯飲，又真係好傷心）。話說噚日，midby媽要幫學生補習，為咗唔想嘈住佢地，我諗住餵完midby食奶之後，就同佢去行下商場。一如所料，又係唔肯食。其實我試過好多次，擺好個餵奶姿勢，行一陣之後俾佢食，就算第一啖唔肯，第二啖都會食。點知今次試咗幾次都唔work，唯有抱midby落樓下試下。就係咁，由10am到11:45am，一個鐘頭45分鐘入面，我試過屋苑平台、clubhouse入口、屋企樓下公園、公園海旁、再番屋企、再落clubhouse、入clubhouse個playground，試過俾佢瞓、tum佢玩，施以適當暴力．．．等等，佢都係唔肯食典發脾氣（仲要係擺個奶樽埋去就識推開，放開左即刻收聲）。以為個女冇厭奶期（因為我見好多人好早就出現），兼覺得個女會屈服o係我X威之下，今次我真係投降，個頭就有一團黑雲，番到屋企midby媽都見我黑晒面。Midby媽補完習之後，用匙羹餵cereal，midby好快就食晒，仲要食左8羹，勁勁呀，好明顯地係肚餓，但唔肯食奶啦！
同midby媽賽後檢討，發現有以下可能性：
- 厭奶
- 平時midby牙痕多數都係挖下面d牙仔，但呢幾日佢好多時係反手 (冇錯，係反手）挖上面，所以可能係上面又想出牙仔；
- 網上有媽媽分享，原來有啲BB會覺得自己大個，識過用其他方法之後，會開始唔鍾意用奶嘴（即戒奶嘴）
厭奶既話，冇理由佢最終都會食，又或者轉左用羹佢肯食喎，所以應該唔係厭奶。如果係可能性2或者3，咁我地應該高興呀，因為midby又有progress喇。
希望midby真係覺得自己大個女，我地可以俾佢用多啲學習杯學飲野。呢一兩日我地用NUK杯放水俾佢試，不過唔知係咪個杯啲水流得好快，飲到漏晒水，如果係奶就慘喇。midby，你要叻叻，快啲學識呀！
冇乳爸爸
midby媽係一個母乳媽媽，至於我，就係一個冇乳爸爸...
其實想打呢篇Post好耐，想向midby媽致敬。
記得midby仲未出世，midby媽已經再三叮囑，佢會堅持餵人奶，作為冇乳爸爸，唯一可以做既，就係俾佢無限既支持，因為我知道，餵母乳同埋要堅持餵母乳，都係非常非常艱巨。對媽咪既健康，亦係一個好大既挑戰。midby出世之後，佢唔可以埋身食，midby媽要用pump，初初要面對痛楚、谷奶、出血、塞奶，附加既焦慮、驚恐、不知所措，又要經常半夜起身（以前仲要起兩次身），精神又唔夠，放棄呢個念頭，都唔知出現過幾多次。見到midby媽咁辛苦，內心其實都交戰咗好耐，生BB已經受咗一次苦，有邊個做老公會忍心見到老婆咁辛苦？但我又好記得，midby媽對母乳既信念，之前對母乳所做既research (應該話係data searching)做得咁詳盡，見佢咁有決心，我硬住心腸冇叫佢停，又問下陪月呀、搵下資料（係咁意），希望可以幫到佢。有時見到佢喊，亂咁講嘢，我都忍唔住鬧佢一輪，但係過咗一陣又後悔。如果換轉係我，我都冇信心可以面對。
捱左一排，開始變得順利喇，塞奶既情況亦都少左，奶量又多左，見到D奶袋塞滿咗個冰格，心裡面不禁讚嘆一番。midby媽其實都掙扎過：pump奶用左咁多時間，照顧midby既時間少左，驚midby唔認得佢，但係依家midby都好跟midby媽呀！
諗番轉頭，做冇乳爸爸，都要付出，唔可以淨係享受成果：
midby媽，你放心啦，midby將來一定會健健康康，同埋好錫你架，因為佢身體每一寸muscle，都係你俾佢架！
其實想打呢篇Post好耐，想向midby媽致敬。
記得midby仲未出世，midby媽已經再三叮囑，佢會堅持餵人奶，作為冇乳爸爸，唯一可以做既，就係俾佢無限既支持，因為我知道，餵母乳同埋要堅持餵母乳，都係非常非常艱巨。對媽咪既健康，亦係一個好大既挑戰。midby出世之後，佢唔可以埋身食，midby媽要用pump，初初要面對痛楚、谷奶、出血、塞奶，附加既焦慮、驚恐、不知所措，又要經常半夜起身（以前仲要起兩次身），精神又唔夠，放棄呢個念頭，都唔知出現過幾多次。見到midby媽咁辛苦，內心其實都交戰咗好耐，生BB已經受咗一次苦，有邊個做老公會忍心見到老婆咁辛苦？但我又好記得，midby媽對母乳既信念，之前對母乳所做既research (應該話係data searching)做得咁詳盡，見佢咁有決心，我硬住心腸冇叫佢停，又問下陪月呀、搵下資料（係咁意），希望可以幫到佢。有時見到佢喊，亂咁講嘢，我都忍唔住鬧佢一輪，但係過咗一陣又後悔。如果換轉係我，我都冇信心可以面對。
捱左一排，開始變得順利喇，塞奶既情況亦都少左，奶量又多左，見到D奶袋塞滿咗個冰格，心裡面不禁讚嘆一番。midby媽其實都掙扎過：pump奶用左咁多時間，照顧midby既時間少左，驚midby唔認得佢，但係依家midby都好跟midby媽呀！
諗番轉頭，做冇乳爸爸，都要付出，唔可以淨係享受成果：
- 捱夜：其實媽媽一個人半夜起身餵奶係好辛苦同悶既，尤其是pump奶，又唔係對住個女，無所事事咁，黑麻麻，真係幾難捱。依家我都冇陪midby媽 pump奶喇，但係最初一兩個禮拜，如果媽媽有需要，一定要主動幫手，出手、出力、出熱水，可以幫既就幫，因為輪辛苦，佢比你辛苦百倍；
- 主動：母乳媽媽用左好多時間去pump奶，所以照顧小朋友既時間又會少左。就算有工人，媽媽都唔會太放心，所以要主動去學，多D 向媽媽update BB既進展，等媽媽知道bb食緊佢製造既奶，可以健健康康；作為爸爸照顧bb，媽媽亦唔會覺得bb跟左其他人唔要媽媽；
- 支持、支持、再支持：眼見好多母乳媽媽最終都放棄，好多都係因為以為自己冇奶，又或者係怕痛。其實包括midby媽在內，餵母乳都經歷過呢個階段，好難話一開始就好順利。要對媽媽有耐性，耐心聽下佢既苦處，盡量滿足佢既需要，但又唔可以俾佢輕易放棄，作為丈夫，佢軟弱既時候就係睇你頭，你既想法、支持，對佢會有好大影響；言語既支持亦都好重要，女人唔同男人，一句窩心既鼓勵說話，勝過一切物質。
midby媽，你放心啦，midby將來一定會健健康康，同埋好錫你架，因為佢身體每一寸muscle，都係你俾佢架！
Thursday, October 8, 2009
第一次病; 第一次去睇醫生! 人奶有用嘛?
第一年一家三口過中秋
我同Midby爸好注重中秋。都唔記得幾時開始 (Midby爸: 如果記得, 幫我補打番), 我同Midby o係中秋o個晚會去許願, 就算我去左英國o個時, Midby爸一個都會好有心, 走出街去放船仔。今年我地本來想帶Midby
o係夜晚去行下, 哂下月光, 點知...
o係中秋前幾日, 麻麻作病, 佢o係我地屋企時冇戴口罩, 佢話佢唔敢面對面抱Midby, 不過佢都有背住Midby抱, 同埋佢都食埋晚飯先走...o個晚Midby訓覺時, 姐姐話聽到佢有幾聲咳, 到第二日10月1日公眾假期, Midby爸話覺得Midby既咳係真正既coughing唔係choking, 所以我地有共識, 就算10月2日番去做節, 都唔想上麻麻屋企, 想去酒樓食飯, 一來唔洗麻麻辛苦, 二來唔想上到去屋企, Midby接受更多病毒。
不過當日o係Midby爸同姐姐帶左Midby上左我媽咪屋企之後, Midby爸打比麻麻, 知道原本麻麻已經買哂送喇! 唉!!!!
Midby爸當然唔高興, 我就只係擔心。去到麻麻度, 見到佢戴左口罩做飯, 但食飯同埋之後就冇再戴喇。最大問題係, 佢o係我地未上去之前, 佢o係屋企唔會戴口罩架喇, 咁d 病菌一定積聚o係屋內, 我地去度真係步步都小心, 儘量多d 去Midby爸間房, 等Midby唔o係大廳停留。
可惜, 當日去到麻麻度, 姐姐都話Midby流鼻水, 唉...
到第二日, 姐姐放假, 係中秋正日。Midby爸一早起身心血來潮同Midby check 下temperature, 原來37.x。平時佢只係36.x, 所以37.x 就係唔太正常, 有小小輕微發燒。Midby成日都好靜, 唔多郁, 間中有coughing, 我地知道佢真係病了!
起初唔開心既係...點解人奶bb會咁易病?? 點解??
儘管我對人奶既信心有d 動搖, 我都決定停餵一日米糊, 盡量多d 比人奶Midby飲, 希望佢有多d 抗體去fight 低d virus。
但係佢由9點幾到下午都係keep住呢個temperature, 去到6點幾時我開始有d 擔心。究竟Midby係差唔多好, 所以keep住呢個溫度, 定係呢個溫度只係個開始呢? 如果o係中秋呢一晚佢再高d 燒, 我點好呢?
所以好快手, 同Midby爸帶佢去睇醫生。Midby見到戴口罩既醫生覺得好奇怪, 醫生用雪條棒整開佢口仔時, 佢好驚, 因為醫生用個電筒照住佢個口仔, 佢喊時醫生即刻放條雪條棒入去check下佢既喉嚨喇。
check埋肺啦, 耳仔啦, 喉嚨, temperature, 個結論係初發小小上呼吸道感染。醫生建議如果over 38度就食退燒藥, 唔係既就observe住先。另外如果佢fight低d病菌時, 個body temperature 會慢慢降低。如果打唔底既就會升高d 架喇。
真係好感恩既係, 佢around 8-9點左右就變番好active! 個溫度都慢慢去番37.3, 37.4, 之後再去番36.x。
呢次既病係自然地好番, 仲要係短短半日內, 係Midby自己叻呀? 係隻病菌弱? 定係母乳有用呢?
我相信母乳一定有用!!!
經過呢一次, 我明白既係, 我地好難阻止無處不在既病毒病菌入侵我地身體, 因為佢地無處不在。如果可以快d康復, 已經好好了! 我相信既係, 人奶bb 就算病, 都會快d 康復, Midby今次病就係一個好例子。
後記: Midby媽比Midby傳染呀!!! 有冇搞錯架, 比個bb傳染!! 係呀!!! o個日佢病sneezing時對住我, 搞到我吸哂佢d病菌, 到今日都未好, 仲有d 鼻水!! 好似Midby爸咁講, 應該我要飲番d 母乳, 等我多d 抵抗力架嘛!!!
我同Midby爸好注重中秋。都唔記得幾時開始 (Midby爸: 如果記得, 幫我補打番), 我同Midby o係中秋o個晚會去許願, 就算我去左英國o個時, Midby爸一個都會好有心, 走出街去放船仔。今年我地本來想帶Midby
o係夜晚去行下, 哂下月光, 點知...
o係中秋前幾日, 麻麻作病, 佢o係我地屋企時冇戴口罩, 佢話佢唔敢面對面抱Midby, 不過佢都有背住Midby抱, 同埋佢都食埋晚飯先走...o個晚Midby訓覺時, 姐姐話聽到佢有幾聲咳, 到第二日10月1日公眾假期, Midby爸話覺得Midby既咳係真正既coughing唔係choking, 所以我地有共識, 就算10月2日番去做節, 都唔想上麻麻屋企, 想去酒樓食飯, 一來唔洗麻麻辛苦, 二來唔想上到去屋企, Midby接受更多病毒。
不過當日o係Midby爸同姐姐帶左Midby上左我媽咪屋企之後, Midby爸打比麻麻, 知道原本麻麻已經買哂送喇! 唉!!!!
Midby爸當然唔高興, 我就只係擔心。去到麻麻度, 見到佢戴左口罩做飯, 但食飯同埋之後就冇再戴喇。最大問題係, 佢o係我地未上去之前, 佢o係屋企唔會戴口罩架喇, 咁d 病菌一定積聚o係屋內, 我地去度真係步步都小心, 儘量多d 去Midby爸間房, 等Midby唔o係大廳停留。
可惜, 當日去到麻麻度, 姐姐都話Midby流鼻水, 唉...
到第二日, 姐姐放假, 係中秋正日。Midby爸一早起身心血來潮同Midby check 下temperature, 原來37.x。平時佢只係36.x, 所以37.x 就係唔太正常, 有小小輕微發燒。Midby成日都好靜, 唔多郁, 間中有coughing, 我地知道佢真係病了!
起初唔開心既係...點解人奶bb會咁易病?? 點解??
儘管我對人奶既信心有d 動搖, 我都決定停餵一日米糊, 盡量多d 比人奶Midby飲, 希望佢有多d 抗體去fight 低d virus。
但係佢由9點幾到下午都係keep住呢個temperature, 去到6點幾時我開始有d 擔心。究竟Midby係差唔多好, 所以keep住呢個溫度, 定係呢個溫度只係個開始呢? 如果o係中秋呢一晚佢再高d 燒, 我點好呢?
所以好快手, 同Midby爸帶佢去睇醫生。Midby見到戴口罩既醫生覺得好奇怪, 醫生用雪條棒整開佢口仔時, 佢好驚, 因為醫生用個電筒照住佢個口仔, 佢喊時醫生即刻放條雪條棒入去check下佢既喉嚨喇。
check埋肺啦, 耳仔啦, 喉嚨, temperature, 個結論係初發小小上呼吸道感染。醫生建議如果over 38度就食退燒藥, 唔係既就observe住先。另外如果佢fight低d病菌時, 個body temperature 會慢慢降低。如果打唔底既就會升高d 架喇。
真係好感恩既係, 佢around 8-9點左右就變番好active! 個溫度都慢慢去番37.3, 37.4, 之後再去番36.x。
呢次既病係自然地好番, 仲要係短短半日內, 係Midby自己叻呀? 係隻病菌弱? 定係母乳有用呢?
我相信母乳一定有用!!!
經過呢一次, 我明白既係, 我地好難阻止無處不在既病毒病菌入侵我地身體, 因為佢地無處不在。如果可以快d康復, 已經好好了! 我相信既係, 人奶bb 就算病, 都會快d 康復, Midby今次病就係一個好例子。
後記: Midby媽比Midby傳染呀!!! 有冇搞錯架, 比個bb傳染!! 係呀!!! o個日佢病sneezing時對住我, 搞到我吸哂佢d病菌, 到今日都未好, 仲有d 鼻水!! 好似Midby爸咁講, 應該我要飲番d 母乳, 等我多d 抵抗力架嘛!!!
Midby識得遞手喇!
好開心, 好滿足!!!
尋日, 即係2009年10月7日, 姐姐同我講Midby明顯識得o係我地拍拍手, 示意想抱佢時, 佢會識得將手提高。亦都o係前日, 媽咪同我傾電話時話佢走時, Midby唔捨得, 識得遞手去佢度, 真係乙水死人喇!
我一直都唔認為Midby真係識得呢個動作。但媽咪成日都話佢識; 佢就Midby好細個, 可能細到得兩個月時佢已經成日教Midby呢樣野, 次次抱佢前拍拍下對手, 不過Midby最多只兩隻手郁下, 唔明顯地令我覺得佢真係有呢個意思。
直到有一次, 約兩個星期前左右既一晚, Midby爸抱住佢, 佢喊喊喊...見到我, 當時我同佢相距都幾個身位, 佢對手提到好高, 想我抱, 呢一次係我第一次感覺到佢有呢個意識。當時姐姐都見到, 都話Midby really knows!!!
到10月4日, Maymay同舅婆來探我地, 舅婆抱Midby抱得一陣時, Midby唔知咩原因喊, 佢見到我又係好自動將對手提高, 我真係好開心, 好warm!!
到尋晚我教完夜校番來, 戴住口罩叫Midby, 佢都識得對我笑...姐姐話笑代表佢認得我, 但係我戴住口罩, 我唔信佢會認得喎! 之後我拍拍手去抱佢, 佢跟我呀!!!
到今晚, 我, Midby爸, 同埋姐姐姐三個都試左好多次, Midby次次都會舉手比我地抱, 最明顯係我去抱佢, 同埋姐姐去抱佢。
如果論平時同佢相處時間去計, 姐姐一定最多, 其次可能係我媽咪, 麻麻, 同埋Midby爸。我同Midby一齊時間真係唔多, 好似每日番到屋企, 我都第一時間去pump奶, 之後又去食飯, 之後又去洗澡, 有咩時間同Midby玩呢?
可能Midby真係知道我係媽媽啦! 對上兩次佢喊, 唔開心時識得去搵我抱, 我真係由心度感到溫暖!!!!
今晚臨訓前, 我抱住Midby, 我作狀鍚佢頸仔, 佢會向後轉頭, 打開個口, 好似識得去比我錫佢口仔咁, 最衰係我未病好, 如果唔係, 我一定忍唔住鍚佢口仔!!
Midby: 你係唔係知道我係你媽媽呀? 你唔開心時搵媽媽抱, 我真係由心度開心出來架!
尋日, 即係2009年10月7日, 姐姐同我講Midby明顯識得o係我地拍拍手, 示意想抱佢時, 佢會識得將手提高。亦都o係前日, 媽咪同我傾電話時話佢走時, Midby唔捨得, 識得遞手去佢度, 真係乙水死人喇!
我一直都唔認為Midby真係識得呢個動作。但媽咪成日都話佢識; 佢就Midby好細個, 可能細到得兩個月時佢已經成日教Midby呢樣野, 次次抱佢前拍拍下對手, 不過Midby最多只兩隻手郁下, 唔明顯地令我覺得佢真係有呢個意思。
直到有一次, 約兩個星期前左右既一晚, Midby爸抱住佢, 佢喊喊喊...見到我, 當時我同佢相距都幾個身位, 佢對手提到好高, 想我抱, 呢一次係我第一次感覺到佢有呢個意識。當時姐姐都見到, 都話Midby really knows!!!
到10月4日, Maymay同舅婆來探我地, 舅婆抱Midby抱得一陣時, Midby唔知咩原因喊, 佢見到我又係好自動將對手提高, 我真係好開心, 好warm!!
到尋晚我教完夜校番來, 戴住口罩叫Midby, 佢都識得對我笑...姐姐話笑代表佢認得我, 但係我戴住口罩, 我唔信佢會認得喎! 之後我拍拍手去抱佢, 佢跟我呀!!!
到今晚, 我, Midby爸, 同埋姐姐姐三個都試左好多次, Midby次次都會舉手比我地抱, 最明顯係我去抱佢, 同埋姐姐去抱佢。
如果論平時同佢相處時間去計, 姐姐一定最多, 其次可能係我媽咪, 麻麻, 同埋Midby爸。我同Midby一齊時間真係唔多, 好似每日番到屋企, 我都第一時間去pump奶, 之後又去食飯, 之後又去洗澡, 有咩時間同Midby玩呢?
可能Midby真係知道我係媽媽啦! 對上兩次佢喊, 唔開心時識得去搵我抱, 我真係由心度感到溫暖!!!!
今晚臨訓前, 我抱住Midby, 我作狀鍚佢頸仔, 佢會向後轉頭, 打開個口, 好似識得去比我錫佢口仔咁, 最衰係我未病好, 如果唔係, 我一定忍唔住鍚佢口仔!!
Midby: 你係唔係知道我係你媽媽呀? 你唔開心時搵媽媽抱, 我真係由心度開心出來架!
Friday, October 2, 2009
Midby 真真正正食米糊喇!
Midby 真真正正食米糊喇!
講起食米糊, 我真係有小小內疚。因為我好想o係Midby夠6個月時先比佢食 (都唔知咩心態, 純粹係因為健康院建議), 但最後都o係大約佢五個半時就開始喇。
由於我係全pump媽媽, Midby一日食大約900ml既奶, 而我pump到既奶量同佢需要既都有小小距離, 我又唔想佢食奶粉, 所以我o係佢五個半月左右就開始比Healthy Times 既Brown rice cereal佢食。
食左大約一個星期cereal, Midby而家可以食6個tablespoons既份量, 用30ml奶去開, 之後等一陣, 再補60ml奶。
由於我o係bb展時一次過買左成個series, 有成10盒cereal, 我見到brown rice 同埋oatmeal都係for4個月既bb, 我就以為是但一隻都可以比bb食, 點知打去agent度問先知道, 最後比bb 食brown rice先, 因為醫生認為brown rice 對bb 冇咁易敏感, 而agent 都話oatmeal 係有小小甜味, brown rice 就冇喇。
我比錯左Midby食左兩日oatmeal, 之後停左一兩日先改番比brown rice 佢, 好在佢都食。
不過...我尋日加左小小carrot去d cereal度, 佢食食下喊。佢唔係嬲, 而係好似好慘咁, 之後唔肯食喇。佢食左total 都唔夠一半, 我就估佢係唔係唔鐘意carrot呢? 因為之前兩晚我都係比carrot佢食, 佢都係麻麻地, 係就係照食, 不過唔見得佢食得好開心。
後來我改左用1tablespoon brown rice cereal 加小小奶, 再比佢食, 試下佢食唔食冇加carrot既cereal, 但係佢心情唔多好, 最後都係點左個口度小小, 又喊喇。
我好唔想迫佢。我係一個愛吃, 享受吃既媽媽, 我好想我個女都係一樣, 我怕佢驚左食野, 咁就大件事喇。
最後Midby爸feed Midby飲60ml既奶, 佢肯飲, 爸爸建議不如將d cereal 放埋入去個bottle 度feed佢, 我為左快快手手搞掂佢, 就話好。
其實將cereal用bottle飲係好唔o岩, BB知道就會唔肯用咀仔去咀嚼, 令到佢地依賴奶樽, 所以我儘可能都唔會咁做。
5個月3個星期大既Midby識做既野有:
1) 將toys 由一隻手交去另一隻手
2) 一個人坐o係度時, 個人重心向前, 會識用手support自己
3) 同佢講野, 佢會笑, 比之前易左同埋多左好多笑
4) 轉身試過一次之後識得再轉番原來個位
5) 開始學爬, 未識得用雙腳同埋雙手一齊郁, 佢會用個肚郁下郁下, 結個係個頭本來o係北面, 郁郁下去左南面 (不過我地好少比佢o係地下玩, 我地仲未買地墊, 多d比佢試應該可以幫到佢快d學識爬)
6) 較易用手去捉物件, o係雪櫃上既magnet佢好易就捉到, o係佢未夠五個半月時, 我抱佢去捉d 玩具, 佢捉捉下會用手去"r"頭同埋眼, 相信用手去捉玩具呢個行為對bb 來講係好用神。
7) 長出左兩隻牙仔
5個月3個星期大既Midby一日既餐單:
1) 06:15am 起身飲180ml奶
2) 10:00am 食6 tablespoons brown rice cereal, 用30ml奶開,
3) 10:45am 食60ml 奶
4) 14:00-14:30 食170ml 奶
5) 18:00-18:30 食170ml 奶
6) 21:00 食baby food, 幾個teaspoon, 食過香蕉4-5日, 佢麻麻地, 之後食過carrot 3日, 都係麻麻地
7) 22:00-22:30 食180ml 奶
由於佢食左半固體, 我地間中都會比水佢飲, 佢飲得唔多, 都係around 1安左右 (全日計), 今日叫姐姐加埋十粒薏米, 遲d再試下整d 紅米水比佢飲下。
快6個月既Midby o係經歷過大約唔夠一個星期麻煩期之後, 又再可以自己入睡喇。前陣子都唔知係唔係出牙仔既關係, 放佢去床仔時, 佢會好難入睡, 要叫好耐, 好似話比我地知佢唔想訓, 有兩三晚姐姐開番燈同佢玩, 不過我叫左姐姐唔好咁做, 因為怕佢知道complain下我地大人就, 佢就可以唔洗訓覺。
好在呢個星期又back to normal。希望佢之前o個陣子既麻煩期係因為出牙仔所導致啦!
講起食米糊, 我真係有小小內疚。因為我好想o係Midby夠6個月時先比佢食 (都唔知咩心態, 純粹係因為健康院建議), 但最後都o係大約佢五個半時就開始喇。
由於我係全pump媽媽, Midby一日食大約900ml既奶, 而我pump到既奶量同佢需要既都有小小距離, 我又唔想佢食奶粉, 所以我o係佢五個半月左右就開始比Healthy Times 既Brown rice cereal佢食。
食左大約一個星期cereal, Midby而家可以食6個tablespoons既份量, 用30ml奶去開, 之後等一陣, 再補60ml奶。
由於我o係bb展時一次過買左成個series, 有成10盒cereal, 我見到brown rice 同埋oatmeal都係for4個月既bb, 我就以為是但一隻都可以比bb食, 點知打去agent度問先知道, 最後比bb 食brown rice先, 因為醫生認為brown rice 對bb 冇咁易敏感, 而agent 都話oatmeal 係有小小甜味, brown rice 就冇喇。
我比錯左Midby食左兩日oatmeal, 之後停左一兩日先改番比brown rice 佢, 好在佢都食。
不過...我尋日加左小小carrot去d cereal度, 佢食食下喊。佢唔係嬲, 而係好似好慘咁, 之後唔肯食喇。佢食左total 都唔夠一半, 我就估佢係唔係唔鐘意carrot呢? 因為之前兩晚我都係比carrot佢食, 佢都係麻麻地, 係就係照食, 不過唔見得佢食得好開心。
後來我改左用1tablespoon brown rice cereal 加小小奶, 再比佢食, 試下佢食唔食冇加carrot既cereal, 但係佢心情唔多好, 最後都係點左個口度小小, 又喊喇。
我好唔想迫佢。我係一個愛吃, 享受吃既媽媽, 我好想我個女都係一樣, 我怕佢驚左食野, 咁就大件事喇。
最後Midby爸feed Midby飲60ml既奶, 佢肯飲, 爸爸建議不如將d cereal 放埋入去個bottle 度feed佢, 我為左快快手手搞掂佢, 就話好。
其實將cereal用bottle飲係好唔o岩, BB知道就會唔肯用咀仔去咀嚼, 令到佢地依賴奶樽, 所以我儘可能都唔會咁做。
5個月3個星期大既Midby識做既野有:
1) 將toys 由一隻手交去另一隻手
2) 一個人坐o係度時, 個人重心向前, 會識用手support自己
3) 同佢講野, 佢會笑, 比之前易左同埋多左好多笑
4) 轉身試過一次之後識得再轉番原來個位
5) 開始學爬, 未識得用雙腳同埋雙手一齊郁, 佢會用個肚郁下郁下, 結個係個頭本來o係北面, 郁郁下去左南面 (不過我地好少比佢o係地下玩, 我地仲未買地墊, 多d比佢試應該可以幫到佢快d學識爬)
6) 較易用手去捉物件, o係雪櫃上既magnet佢好易就捉到, o係佢未夠五個半月時, 我抱佢去捉d 玩具, 佢捉捉下會用手去"r"頭同埋眼, 相信用手去捉玩具呢個行為對bb 來講係好用神。
7) 長出左兩隻牙仔
5個月3個星期大既Midby一日既餐單:
1) 06:15am 起身飲180ml奶
2) 10:00am 食6 tablespoons brown rice cereal, 用30ml奶開,
3) 10:45am 食60ml 奶
4) 14:00-14:30 食170ml 奶
5) 18:00-18:30 食170ml 奶
6) 21:00 食baby food, 幾個teaspoon, 食過香蕉4-5日, 佢麻麻地, 之後食過carrot 3日, 都係麻麻地
7) 22:00-22:30 食180ml 奶
由於佢食左半固體, 我地間中都會比水佢飲, 佢飲得唔多, 都係around 1安左右 (全日計), 今日叫姐姐加埋十粒薏米, 遲d再試下整d 紅米水比佢飲下。
快6個月既Midby o係經歷過大約唔夠一個星期麻煩期之後, 又再可以自己入睡喇。前陣子都唔知係唔係出牙仔既關係, 放佢去床仔時, 佢會好難入睡, 要叫好耐, 好似話比我地知佢唔想訓, 有兩三晚姐姐開番燈同佢玩, 不過我叫左姐姐唔好咁做, 因為怕佢知道complain下我地大人就, 佢就可以唔洗訓覺。
好在呢個星期又back to normal。希望佢之前o個陣子既麻煩期係因為出牙仔所導致啦!
Subscribe to:
Posts (Atom)
Posts
Post a Comment