bb 懂性??

o係滿月之後冇幾耐, 我第一次乳線炎! 睇完醫生後成晚都心情好差好差, 做人奶媽好多過會有乳線炎, 但發冷發燒個胸又痛又硬, 最慘係緊張pump唔出奶o個種感覺...令到個人好驚, 心情好差。

呢一晚就係Midby第一次唔洗食夜奶既一晚, 我當晚冇比佢既喊聲整醒! 起身之後知道佢成晚都冇叫食夜奶, 我即刻諗, 佢係唔係知道媽媽辛苦, 唔想嘈住媽媽呢? o個一刻我覺得bb原來係好有性, 好錫媽咪!

前幾天, 因為Midby爸發燒感冒, 我擔心戴埋口罩都對抗唔到佢既病菌, 所以出左去大廳訓。我當晚同Midby講, 媽媽會訓o係廳, 叫佢乖乖唔好半夜成日叫整醒媽媽, 雖然最後我都係訓得唔好, 但係Midby係由出世以來第一次由11點鐘訓到7點鐘冇叫過, 冇喊過一聲!

醒來時, 姐姐同我都覺得奇, 係唔係Midby真係識聽? Midby真係有性?

我呢個Midby仔, 間唔中真係比d 驚喜我地! 鍚哂你呀!!!