Dr Poon's Playgroup 1st and 2nd Lesson

上左3月6日既Dr Poon's playgroup 1st lesson既感想

好好彩既Midby...唔洗等好耐就讀到Dr Poon's playgroup。

我曾經o係esdlife o個度問過我地4月媽媽, 有咩好既plapgroup好介紹, 亞YAN話多人報既有DR POON同埋幼潛, 另外都有姐妹話victoria既都好好, 所以我o係去年11月, 即係Midby8個月時入左form, 不過victoria 要等at least 9個月先會有位, 所以呢段時間都會搵其他讀住先。

讀playgroup唔係為左令Midby叻叻! 我唔知Midby爸點睇, 我就覺得好開心, 同Midby一齊去參加一d活動, 好似大家一齊經歷一d野。見到Midby去到新既地方, 驚驚時會企o係我身旁, 覺得自己做媽媽既感覺好強烈, 好有保護佢既感覺。

另一方面, 我想帶見多d人, 同多d小朋友有互動。

Midby1st既playgroup o係gymboree, 佢係一個半structured, 半唔structured既playgroup,有free play時間, 其餘時間用英文上堂, 大家去做d 好簡單既exercise。

Dr Poon既playgroup既focus 就唔同。佢唔似gymboree咁多commands, Dr Poon同auntie May 會用時間去教家長一d theories, 好似being positive, 要去appreciate 小朋友既reaction, 每個小朋友都係unique, 我地識得去明白佢地既需要。

Dr Poon講既野大家都可以知道, 不過冇一個專業既人士去提點我地, 我地總係唔上心。我就覺得佢地講既野好有用, 呢個playgroup 唔係for 小朋友學野, 而係for 大人去學點樣對待小朋友, 我想每一次上完, 都將Dr Poon同auntie May講既野記低:

1) Dr Poon話Midby好肯去望人, 去四周圍去望野, 不過當人同佢行近d時, 佢就會避
2) BB 會o係新既環境時唔適應, 佢地反應可以係喊, 可以o係亂擲野, Midby就選擇唔一個人坐, 會靠係我身邊
3) 同bb玩時要望住佢地對眼, 我地好開心咁同佢地玩, 令佢地覺得呢個係game來, 佢地就會有信心, 下次再同我地繼續玩
4) bb唔可以skip左爬呢個stage, Midby仲係軍人爬, auntie May叫我地教佢tummy up 爬, 因為咁樣佢知道係可以爬得好快, 所以1st堂之後我地幫佢o係屋企試, 就係佢爬時我地用手扶佢小小, 佢有d 進步, 不過好快就會打回原形
5) bb鐘意我地拖佢行多過自己爬, 因為前者快, 後者佢地地辛苦, 同埋用力。不過爬對佢地既發育好好, auntie May叫我地儘量比佢多爬, 一旦佢知道tummy up係咁快既, 佢就會好鐘意爬。
6) 唔可以話小朋友懶呀, 八掛呀, 我地應該多同佢地講d我地想佢點樣既說話。例如我地想叫佢唔好企咁多, 我地就同佢講, "bb, 你爬多d啦" instead of "唔好企咁多"
7) Midby o係2nd lesson時唔係太開心, 成堂都叫, auntie May叫我地去安撫佢既情緒先。佢鐘意跟邊個, 就由佢跟邊個, 唔可以比小食去令到佢唔嘈, 因為小食唔係正餐, 肚餓就食正餐, 唔好有習慣就係一喊就有零食食。
8) 要令bb唔好喊, 情緒安定要用大人同bb既關係, 說話令到佢安定落來, 唔可用其他野。
9) 如果bb 唔習慣現場環境, 可以抱住佢, 比佢望, 同佢一齊望下大家做d咩野先, 唔可以望街, 望出去, 避開現場既環境
10)Dr Poon話當Midby o係半推半就, 即係想做某一樣野, 又唔想做, 叫幾聲時, 我可以多d去讚佢做得到, 而唔好成日去安撫佢。回應佢既唔開心係要做, 不過佢叫5次, 可以回應佢3次, 其餘就去讚賞佢多d, 令到多d 信心自己係做到既。
11) 由於屋企有人...有咁多人照顧Midby, 佢會好易有依賴既性格, 佢好多野都要身邊既人幫佢, 我地儘量由佢自己做, 唔好行佢咁近, gymboree既導師都叫我地唔好企佢咁近, 等佢知道要自己努力去企起身同埋學做所有野。
12) TBC