Dr Poon's Playgroup 3rd Lesson

過左個好充實既兩日weekend holidays

做左亞媽之後, 都變得有d "老士"。未生小朋友時, 見到有d 朋友成日都話同個bb去咩playgroup呀, 同d 咩媽媽gathering呀, 我個心就諗 "e...咁老士架, 咁mass 架", (<--睇下我幾無味呀!!!) 點知到我喇, 我都係做埋同一樣野。

呢d就係每個人都要經歷既階段, 而我就好開心, 好享受呢個階段。

講番Dr Poon既 3rd lesson先!

Midby比起上次好左, 不過去到都係唔肯自己坐, 要捉住我d衫, 呢個係唔夠安全感既表現。呢一堂我地學左:
1) instead of 叫bb去做某d 野, 我地將佢地既心聲講出。例如佢地亂擲野, 我地就同佢講, 你唔開心呀? 你緊張呀? 等佢學識, 原來佢咁既表現, 就係叫做緊張/ 唔開心。
2) 比個bucket bb, 同埋比好多波波o係地下, 睇下bb 識唔識得將d 波波放入去。playgroup內有個bb叫康康好好好好厲害, 佢唔止識, 仲要將d 波放去人地個bucket 度, 睇到我目瞪口呆。Midby都識得放d 波入去, 不過佢放完入去之後就law番出來。
3) 比個shaker佢, 再比個袋佢, 睇下佢放唔放個shaker 入去個袋度, 唔放既, 我地將佢放, 之後睇下佢識唔識去搵番出來。唔同bb有唔同反應, 有d好似Midby咁, 唔理, 走人! 有d好似搖搖咁，佢想儘方法將佢law出來。Dr Poon話如果bb走人唔玩, 即係佢無興趣, 我地就比d 野去吸引佢, 或者我地將個袋打開小小比佢見到內面既東西, 等佢有意慾去law出來。當佢law到喇, 下一次就難度高d, 一直咁樣試。
4)抱起bb時, 將佢對腳合埋, 抱高佢去四維行, hee, 呢個好得意呀, 我未見過Midby可以合埋對腳, 比Midby爸抱起行來行去個樣. 好cute!!

上完playgroup之後同左幾個families一齊lunch, 當中好多個都係餵人奶, 不過就已經quit左了。佢地個個都叫我停喇, 因為太辛苦。雖然我唔會聽佢地講停, 但係佢地講既野當中有d 都係好值得我去思考既, 好似搖搖媽媽話: 你要記住, 始終有一日都要比奶粉佢食! <-- 我明呀! 姐姐o係singapore照顧既小朋友, 去到6歲都仲食奶, 唔通我pump到佢咁大個? 我都知有個期限既。

佢地話如果成日pump 奶, 我既回憶剩係pump 奶, 餵奶, 個人咁tense, 唔識得去enjoy 同bb一齊既時間。

我同PS傾過呢個問題, 我地兩個都覺得唔會因為PUMP 奶而少左同bb一齊。

o係bb 頭一兩個月就真係絕對地少左好多好時間, 因為bb當時要我地成日抱, 而我就冇得抱, 只係勁去pump奶。

但而家Midby都11個幾月, 佢o係地下玩, 我就o係sofa pump, 大家都會見到對方。

人奶既問題...都係順其自然, 有就餵, 冇就算, 到11個幾月了。

我一直唔覺得自己係個好緊張既媽媽, 我見到佢o係地下玩完, 我都由佢law番biscuit入口, 我覺得bb唔洗咁乾淨到咁既程度, 令到佢對所有野都冇哂抗體。不過同完其他媽媽傾計, 佢地話我太過緊張。

好似我唔會同Midby爸去旅行啦, 因為我唔捨得Midby (我唔敢帶埋佢去旅行)。我又唔捨得佢同姐姐兩個人o係屋企同Midby爸去拍拖, 我又覺得為左見唔到bb 既好多第一次而遺憾, 好似佢第1次識得叫我, 佢第1次識得將手仔放入口度, 我又覺得自己好似唔記得左有個老公, 咩野都係亞女為先, 突然間同Midby爸o係街行行下時覺得好sweet, 有d 拍拖感覺 <---一切一切都代表我太多focus去左Midby度。

佢地唔講, 我以為個個媽媽都係一樣, 原來我係異類? 似乎, 我要思考下!

lunch時, 5個bb仔都訓哂覺了, 好得意, 有d 就好easy 可以made sleep, 有d 就用奶咀, 都好easy o係車仔上面訓左。Midby就比姐姐同揹帶make sleep。十幾個大人食lunch, 5個bb o係車上訓覺覺豬, 好得意。

之後去左gymboree上番level 2, 見番teacher Payne!!! Midby去到gymboree已經表現好好了, 冇喊, 亦都冇驚, Midby爸稱gymboree center 為Midby主場, 哈哈哈!

之後為左快d 上哂d free classes, 等到4點上埋Music。好在Midby 訓左個鐘, charge足電先上堂, 唔係既, 又黎嘈過了。

上左Gymboree咁耐, 令到Midby都已經熟哂環境, Midby爸覺得可以繼續上, 難得佢已經習慣, 等到好free咁去爬下, 四周圍去explore。我就相反咁諗, 就係因為要佢見多d野, 帶佢去另外既環境去試下新野, 所以我同jojo一齊會去參加Baby buddies既trial class。

我o係網上認識到 baby buddies 既上堂style。佢唔多似playgroup, 但都有佢既吸引力, 佢提供一d o係屋企我地唔會同bb做既野, 所以我都想上下trial class, 比bb 玩下。

如果ok既, 我想停左gymboree一陣 (雖然 Teacher Payne, 同埋teacher Jackie真係好好), 上Baby buddies 加 Dr Poon, 之後睇下4月時報唔報到協康既gym class!

我只係希望Midby見多d野, 令到佢多d 自信!

到左星期日尋日, 又要多謝Midby爸早上照顧Midby, 餵佢食左兩包brown rice 加1 big bottle of baby food呀!

之後去左Ollie既birthday party! 好開心, 見到Sharon既TY, 好得意, 細Midby1個月, 佢成日用隻手指去point! 好識得笑同埋玩既baby!

最遺憾係Midby食奶時, Midby爸帶左佢去3/f, 成個唱birthday song既過程佢miss左!已經係第2次喇, 上次一言birthday, Midby唔知係因為食奶定係咩野, 又唔o係現場!

呢個weekend咁多節目, 唔知Midby開唔開心呢?

我知道, 佢越來越跟我, 我揹住佢時, 同佢講, 話爸爸揹佢, 佢就會叫!

我抱Preston時, 佢識得jealous了! 我仲以為佢未識! 佢見到我抱, 即刻好快行過來我度, 仲識得叫我"媽..." 哈哈!

Midby, 媽媽開始唔想番工, 想多d多d時間比你呀!