Midby 第N 次病!

冇得上Dr Poon's playgroup 第4堂

EQ非常低既我, 因為Midby今次 (3月24日開始) 低燒3日, 聽左Midby爸講話有機會係肺炎, 個人非常咁脾氣差!

差到連探熱針成支擲走左, 半夜Midby喊醒, 姐姐抱佢, 安慰佢時, 我好想打佢, 好想大叫。

係我太緊張, 擔心佢? 定係我討厭煩躁呢?

Midby出世頭一兩個月, 我聽到佢喊到不停 (其實我既tolerance好低, 所謂喊過不停係指佢喊超過10分鐘而已), 我就已經失控, 會大叫, 會發脾氣。

係我無耐性? 定係咩原因?

一句講哂, 我EQ勁低。

我時不時都叫自己要正視呢個問題。生活o係HK, 我打呢份工, 成日見好多好多人。唔開心, 唔舒服, 累了, 都要裝起個樣走出去面對人, 唔係既, 佢地會問你: "你唔舒服呀? 你病呀? 你咁累既"

Midby仲未出世時, 因為有佢o係我肚內, 我既步伐, 所有野都非常慢同埋輕鬆。諗番起, Midby出左世之後, 我既身體冇之前咁好tim! 因為而家為日急急腳, 將d野做好, 為左快d番屋企, 呢個情況唔係太健康, Midby既出世, 係帶比大家歡樂, 點解我為左佢而壓力大左呢?

講番3月34日Midby低燒, 之前一日星期二係由女麻女麻湊。佢每次病之後都會coughing 好耐好耐, 睇左西醫中醫都話感冒都應該清哂啦, 應該係氣管敏感o者, 所以佢出去我地度時冇戴mask。

唔知係唔係因為女麻女麻既關係, Midby o係第二日, 即係星期三, o係我媽咪番屋企時佢打比我, 話Midby 37.5-37.6。

呢個temperature仲未叫發燒, 耳探係去到37.8先係發燒。不過, 平時Midby多數係around 36.6-37.2, over 呢個temperature即係有問題了。

已經有兩次定三次佢都係一日內發小小燒, 之後就流鼻水, 自己病好。今次佢反而唔係發燒, 係發低燒, 3日! 足足3日咁多! 令我有d 擔心。

我估佢係身體內打緊仗, 但係點解今次打咁耐既?

我曾經有幾刻好嬲, 因為我覺得女麻女麻傳比佢, 因為佢唔戴口罩。但我知道, 女麻女麻仲比我心痛, 知道Midby病左。

我口口聲聲話唔緊要, 小朋友病多d咪等佢以後多d 抗體囉, 但每次check完個temperature都無好轉過, 我既低EQ問題又出現喇!

o係佢病既第三日, 即係星期五, 公公出埋黎, 我o係佢地面前, 鬧Midby, 人飲人奶, 佢飲人奶, 點解成日咁多病...佢地話叫我唔好咁燥, 佢都唔想...

我開始對人奶既信心有動搖。

ollie飲左A+咁耐, 出世14個月後第1次病!

Midby飲左人奶咁耐, 出世11個幾月, 第N次病!

公公話Midby已經好好了, 因為佢病得來仲好active, 出玫瑰疹時咁高燒都仲咁ok, 我想問...邊個bb 病時會唔active? 幾多個bb 真係會成個謝哂架? bb 係最健康架啦! BB 病到唔郁真係好大件事架喇!

Midby爸話, 怪就怪我地太多人成日接觸Midby, 好易將d唔好既野傳比佢啦!!

o係呢一晚, Midby既temperature去番36.6-37了, 即係應該開始好了, 不過第2日我都冇同佢去Dr Poon度, 因為我唔想佢傳染d virus比其他bb, 我好希望, HK人, 世界所有既人consierate多d, 有小小唔舒服都要戴口罩, 唔好以為小小野唔會傳比人, 傳到之後既後果可能會好嚴重, 大家自重呀!

最後安全起見, 帶左Midby去睇表姐, 佢都叫唔洗點食藥....o岩! 唔明點解咁多媽媽比藥小朋友食! HK人O係呢方面既知識真係要好好upgrade下!!