35w2d 慶祝我既舊曆生日

去左Holiday Inn 食Buffet 既一天

今日係我舊曆生日, 都係Midby爸提我, 同埋我媽媽記起同我講, 我先記得。搞笑呀...我marked down o係我既mobile 既calender, 話自己3月19日先係舊曆生日, 同Midby爸講先知原來我計錯。

奶奶早上打比我, 問我有冇野做, 冇既想出來見下個工人, 打個招呼 (幾驚呀...我打算train 佢幾日先叫奶奶出來架嘛, 佢o係姐姐來左第二日就來喇, 好似有d 快喎), 順便同我地食dinner。我幾驚, 即刻打比媽咪, 問佢係唔係想check 下個工人掂唔掂, 所以出來食dinner。點知媽咪幾心水清, 話因為係我lunar birthday, 佢地出來同我celebrate 呀!!! 好warm 呢! hee.... (真係衰女, 會錯人地既好意)

今日係姐姐來港既2nd day! 我唔係有心架, 不過我真係o岩o岩好6:30am 要去toilet, 佢已經起左身 (Midby爸叫佢6:30am 起身做野), 我唔係一個悲觀既人, 不過我唔敢太樂觀, 所以而家姐姐既表現雖然係好令我同Midby爸滿意, 但我都唔敢太快開心, 都要observe 一下先!

媽媽整左curry 比我 (其實係比姐姐, 唉, 我亞媽真係好好心) law 出來, 帶我同姐姐 + Midby爸一齊去富榮wet market, 教左佢買左d 節瓜/ 西蘭花/ taste 買左d 水展, 同埋梅頭做minced pork, 番到屋企好快整左幾隻dumplings 奶奶佢地就到了。

姐姐就一直o係kitchen 整d pork, 因為我把刀囉, 我就請奶奶同我將d 衫分類, 有邊d 要既, 就分3類 - NB著, 3-6個月著, 6個月以上著, 同埋aged 1 之上著, 亦scren 有邊d唔要既 (因為Midby 大隻時已經summer, 唔o岩天氣呀), 咁樣我都叫做了左件心事喇。

之後好早去左Holiday Inn食buffet, 我之前聽到奶奶已經有兩次問我幾時食buffet呀, 我見我有discount, 都想帶佢去開心下, 結果5個人去食左個唔係好抵, 唔係幾多野食既dinner buffet 囉。

奶奶話我個肚今次好似比之前低左d 喎 (係唔係呀? 係既就代表Midby仔真係個頭仔低左喇喎)。食飽呢次dinner buffet 我估都有好一陣子冇時間出來食buffet 架喇, 因為生Midby 仔啦, 坐月啦, 照顧Midby 仔啦, 好多野做架嘛, 唔知Midby 佢係唔係easy girl 呢?

我同奶奶佢地講叫佢地Ready 去接受Midby係個有temper 既女性, 哈哈, 睇佢上次比Dr Wong 打我肚皮時, 佢個口仔郁郁之後仲面向埋我既placenta 就知道啦。

做人媽咪既, 邊個想個小朋友唔叻唔聽話架。不過我唔敢太擔心, 我so far 都係同Midby講, 叫佢最重要係健健康康, 開開心心, 可以既就孝順父母, 同埋叻叻!

佢而家1日內都有1-2次郁得好勁, 郁到我唔可以好好坐定定架。而家訓覺越來越難打側身呀, 次次都係打番平訓呀! 條腰都有d痛, 都係同一個位 - 右腰。

前一兩個月我好擔心最後呢一個月, 我會變得好肥, 好論盡, 好水腫, 所以之前好驚架, 真係驚, 唔敢食咁多野, 不過而家35w幾, 都行得走得, 未去到我心目中o個d 大肚婆既"論盡", 我估我可以放鬆一下掛?

Midby仔: 你係唔係o係媽媽肚內好迫呀? 我開始feel 到有時有勁輕微既子宮收縮既痛 (好似M 時有便意既feel), 係唔係開始我要去ready 你既來源架喇, 其實媽媽都幾叻架喇, 已經作出左心態上既調整, 都已經ready 去接受你既來臨, 不過呢...35w既Midby仔應該仲未fully develop 好哂d organs 架喎, 所以要都乖乖地o係媽媽肚子內等多一陣啦! 媽媽希望多d 休息, 同埋食好d, 等你有更加好既身體健康先!