38w4d 例行檢查@Dr Wong

Midby媽生日+EQ勁低的一天

一星期前既今日, 自以為好肯定一星期後唔洗去Dr Wong度, 所以當姑娘姐姐同我make appointment時, 我就話唔洗喇, 點知最後今日都要去佢度。

今日成大半日心情都好, 咁多年生日, 今年都叫過得幾唔開心了 (當然見完Dr Wong 之後又好番d啦, 加埋食過Midby爸準備既blueberry cheese cake, 個mood 已經好番好多了:)。

先講一朝早7:30am就起左身, 同平時未take maternity leave 一樣, 根本都唔想再去訓, 因為我知道訓覺對子宮頸開係冇咩幫助既, 唔知係唔係subconsciously 叫自己唔好zzz, 好早就同Midby爸一齊食breakfast，之後聽Midby爸講, 去睇TV, 睇now 既have a nice day, 睇呀睇呀, 根本都入唔到耳, 上唔到心, 因為好想Midby仔生d 出來。

我好急, 我好想快d 了件心事, 特別係我既生日, 個個都以為Midby會同我同一日生日, 以為我會今日作動, 點知希望越大, 失望越大。佢遲多一兩日出世有幾大不了, 點解我個人咁stubborn, 會咁心急呢? 我EQ咁低, 點教女? 點做人地亞媽呢?

我一直o係度上網, 行行企企, 同工人去買菜, 整雞翼, 整茶葉蛋, 整大菜糕, 一來我想佢有d 建設性既野做, 唔想佢o係屋企勁搵埋d lone lone la la 去抹, 二來學左整HK野食, 第時佢可以唔洗我教, 都整到出來比大家食, 就係咁, 就打發另一日maternity leave 喇。

到5:30pm, 我要面對現實了。我同Midby爸講, 唔想去見Dr Wong (我估我今日mood咁差好可能係因為驚見佢), Midby爸話唔見咪唔見囉, 但係假如Midby仔唔出來, 一直等等等到4月10日, 咁點都要去見下Dr Wong 架喎...

點解咁驚見佢? 1) Midby仔個頭大問題一直都係我所擔心既, 我驚產程太長, or 子宮頸開得慢; 2) Midby既面唔轉番o岩位, 仲係做posterior baby (即係face my belly button, 唔係spine), 咁樣難生好多, 好似Kerrie咁, 醫生話用instrument suck 佢出來; 3)Midby仔個頭唔夠低,未落到盤骨度 (聽人講ultrasound 仲照到即係唔夠低...)

我難得去到今日, 對番Midby有d信心, 對於以上3個worries 都叫做暫時放o係腦後, 而家又叫我見Dr Wong, 如果檢查完之後發現以上3個worries 仲係要我去worry既, 你叫我之後等待既日子點過?

但點都好, 我都去左見佢。血壓由姑娘check 就11x上壓, 但入到去房由Dr Wong check 就15x, 同埋17x, 好誇張!!!! 佢話有10份1既頭一胎媽媽都會有高血壓問題, 佢叫我考慮早小小催生, 因為BB都已經38w幾了, 對bb係唔會有影響, 只驚影響個媽媽。

我聽到當然好唔開心, 亦唔承認我有高BP既問題, 因為姑娘同我check 只係11x, 上次出左房之後姑娘再check 兩次都係11x, 今次未入房之前都係11x, 只係見Dr Wong時突然升到15x 同埋17x, 所以佢叫我出去等下一個時再入去check下, 同時都考慮check 唔check 埋子宮頸。

出到去, 叫左姑娘同我check 3次, 3次都係12x, 12x, 13x, 唔係低, 不過冇o係Dr Wong面前咁高啦。入到去, Dr Wong問我check 唔check 子宮頸軟唔軟, 因為有d人催生都唔得, 我就覺得係唔係都check 左先啦, 佢check之前話我應該冇咩問題, 因為on and off 都有d contractions。

Check既過程比我想像中easy, 好好彩, 佢話好好, 仲話anytime都會作動生得tim (咁點解我仲未Feel 到Midby仔想出來既?)。總結就係: 佢覺得我有tendency會高BP, 會一直高上去, 如果Midby仔早出來, 我就冇野, 如果佢一直等等等都唔出來, 咁就對我身體有影響。不過佢話我既子宮頸既情況睇起來似anytime都會生得, 唔洗等太耐, 所以應該唔洗催生。我叫我observe 住個BP點樣, 同埋如果真係高BP喇, 就Sunday入醫院, 佢sunday 比較得閒d。

而家我都叫放下左心頭大石, 因為Midby仔個頭低了, 子宮頸ready, 最衰係佢係posterior baby (醫生話可以Suck佢出來), 我已經叫左媽咪聽日出來同我用水銀o個隻check, 如果一日check 幾次都冇問題既, 咁我就更加放心啦! 希望如Dr Wong所講, 應該anytime 都可以生....我只係驚佢Overdue, or 又或者太遲, 到我真係有高BP時真係唔知點算。

Midby爸送左個blueberry cheesecake 比我, 好好食, 佢叫cake-cutting 之前許願! 我個願望今年比較自私, 只係關於我同亞女。

Midby爸, 我知你唔會mind架! 多謝你呀! o係我EQ 咁低既時間, 你要好高EQ 去開解我, 去seek Dr Wong's advice。我會努力做好自己, 去改善自己呢個壞問題架喇!!!