37w6d Midby仔仲未出來喎!

Midby 仔好有可能夠哂38W先出世的一天

話就話BB 由37w開始都叫足月, 我見到一言同埋烜烜都出左世之後要去照燈 (照燈唔係咩問題, 不過我知有d 麻煩, 又要走來走去, 又心痛見到bb 一個人o係醫院), 相比Sonia 既Ollie 同Preston, 亞May既嫣嫣, 佢地都係39w幾-40w幾先出世, 真係唔洗照燈喎! 我相信係因為BB既organs getting more mature 時, 相對地照燈既機會都細左。

我就有d 擔心Midby 太早出世佢未ready, 不過今日都37W6D喇, 我估佢唔會今日pump一聲走出來掛? 最快估佢都聽日啦, 所以夠38w感覺好似安心d。

Midby仔幾日前已經6.6lbs, 我估佢出世時應該都會有6.8lbs架喇。尋日睇左"子宮日記", 知道最後幾個weeks 胎兒吸好多營養, 唔怪得之我呢一兩個Week好明顯地覺得易累 - 未夠12:00會累 (我極少會覺得累, 由Day 1 有左到第9個月都冇) 同埋大食 (我一向都食量較大, 不過近排快餓好多)。Midby, 夠健康就得架喇, 唔好大到令到媽媽生你出來太痛或者太麻煩呀!

我叫左Midby爸同我check下我既走佬袋, 裡面最多既唔係咩孕婦用品, 而係小食, 嘻嘻! Midby爸去左Threesixty 同我入左d 貨, 當然緊係organic 好野啦! 我帶左部份入去, 希望順產既我冇野做時可以補充下營養, 有精神體力去餵Midby仔。

呢兩日都有學生送d 衫仔比我 - 有design 學生唔知係唔係以為我個Midby仔係仔, 竟然送左套好cute既橙色tiggar衫我, 亞Tom 就送左一包chocolate biscuit; 再早d時4M既何同學佢地就送左Elmo既粉紅色衫仔...好warm呀!! 我做細時, 都冇考慮要送野比老師去congraulate 佢生bb, 而家佢地竟然會咁做!!!

尋晚我o係dining table 上網時, feel 到有幾下都有d痛既宮縮 (我估係宮縮乍, 因為M時間唔中都有呢d feeling), 之後早左上床zzz, 因為用用下notebook時almost felt asleep 喎, 咪早d 訓law, 點知zz到上床, 有backpain 喎, Midby爸叫我打側, 又好似好d, 佢話可能Midby仔成個壓到我, 所以令到我backpain。因為有呢d signs, 我仲以為我今朝見早紅tim!

唔知係唔係水腫關係, 我尋晚去左2-3次toilet呀! 希望唔係因為水腫, 而係Midby頭壓住我啦! 另外因為esdlife既JM建議關係, 我都鋪左d野o係床上, 以防穿水 (我總係覺得好唔老黎, 如果咁做, 好似準備去迎接佢來臨咁), 尋晚又去hair cut 埋 (好短, 好短, 好大肚婆feel - 唔鐘意呀!!!), trim好nails 了, 加埋今朝又放埋眼鏡 + contact lens入手袋, 我已經ready喇!

陪月就話最早可以前7後4來, 即係最早可以4月4日來, 不過4月4 係星期六, 即係最早都要4月6來啦! 如果Midby仔o係呢個weekend出世, 當佢3月28/29日啦, 出院就3日2夜搞掂, 即係3月31/ 4月1 就出院, oh...到時陪月仲未番工喎, 因為我個陪月佢上個job係去到4月10架, 所以我估佢有一個星期時間會由另外一個陪月替佢架喇 (唉...唔抵tim! 我仲多比1k 為左mark 呢個陪月, 但最後佢可能只幫得小小時間)。

不過呢d 野唔到我地去控制架喇, 邊個知Midby仔幾時出來, 由37w-40w都有可能架嘛!

好, 等我今日儘量做哂手頭上既野, 等我生都生得安樂d 先!

Midby: 仲有時間呀...你塊面仔對番媽媽既spine呀! 等你可以好容易出來, 知唔知呀! 而家仲有小小時間, 有咩好既營養就去吸吸吸, 唔好既基因呀, 衰既遺傳問題, 記住出世之前通通throw them away!!! 出來之後做個健健康康既開心人!