35w4d Kerrie 生左喇!

就快9個月既一天

尋日下午見唔到kerrie online, 個心又有小小掛住佢, 我就打比佢, 佢就話已經入左醫院。好興奮呀! 又唔係我生, 都唔知點解我咁興奮喎!

佢原來尋日既早上8:00am o係佢husband 出門口時佢去toilet, 見到有d 粉紅色既野, 佢慢慢沖涼, 到11點先入醫院, 但係佢feel唔到有任何陣痛, 又或者穿水, 只係小小粉紅色既discharge。結果就係o係醫院等左好耐, 我3:30pm左右打比佢, 佢都話未有任何動靜。好喇, 到9:30pm 我又打比佢, 佢原來o係8:00pm 醫生幫佢塞藥, 即係催生。當然已經過左成個幾鐘, 但係好似冇咩異樣, 我都有d 擔心佢子宮頸開得慢, 不過我又唔敢講d 咩野, 只係希望佢既藥快d有效。醫生話如果唔work既, 就會2:00am 又去同佢塞多粒 (我聽到即刻諗起baillie既case, 唔知kerrie 會唔會好似佢咁, 成個產程咁長呢?)。

到今日10:30am, 我上完堂即刻打比佢, 佢好精神, 話已經o係尋晚半夜4點幾生左喇!!! 好勁呀!!! 我好羨慕佢! 我知佢好怕痛, 但係佢冇同我講佢點痛, 佢仲鼓勵我, 話佢得, 我都得! (我好想呀! 真係好想呀!!!!!)

佢話2:00am 左右feel 到個肚好好好實, 好谷, 同埋聽到pot一聲, 叫左nurse去check, 原來已經穿水喇, 當時已經開左3度, 即入產房, 之後4:xx 就生左, 好在佢老公當時o係附近等, 可以陪到佢。佢好搞笑, 佢話佢亂講野, 因為想自己唔好咁緊張, 咁驚, 所以勁問醫生野, 哈哈! 我想像到當時個情況喎, 覺得佢好cute!!

佢算真係好叻, 因為醫生之前話佢bb個頭唔係好低 (話雖如此, 但最後兩次產檢已經照唔到bb個頭, 因為已經去左盤骨了, 咁都叫唔低??), 到最後一次check up 醫生都話bb 頭係落左小小乍...估唔到最後佢會兩個鐘咁快生左小kerrie出來。

不過佢老公話佢好咁早入醫院, 哈哈, Midby爸見到我見紅, 一定即刻叫我入醫院呀 (拿...呢個就係老公有聽講座同冇聽講座既分別喇!)。Kerrie 比我既感覺都有d man既, 唔係咁小烏依人o個隻既, 不過佢提我一定叫老公陪, 話會好大分別。

基本上生過bb既朋友都千吩咐萬吩咐叫我一定搵老公陪....我有時doubt 係唔係真係有用呢? 你痛, 佢o係度咩都做唔到, 有咩用呢? 精神上支持? 佢幫手提點樣用氣? 佢幫手摸汗? 我仲字想像到。我什至乎擔心, 我會唔會發脾氣會打佢, 咬佢, 鬧佢阻住哂呢?

我知點都好, Midby爸一定會"做好本份", 去陪我架! 唔係既, 佢又點會drop 左3月讀既module呢? Midby爸, 多謝你呀!

Kerrie 話佢覺得吸"笑氣"係work既, 仲話叫我一定聽nurse所講既指示, 唔聽吸錯左, 會冇用。係唔係真係work架? 見好多人話唔work 喎? 連Dr Man 都話epidural 先最有效啦...

唉, 我頂到既真係唔想用epidural, 真係唔想, 最主要係$$ 同埋唔想有任何risk o係麻醉既過程。Midby仔, 你可唔可以幫下媽媽呀?

過多兩日我就9個月Pregnant, 而家真係心理上ready 架喇, 哈哈, 除左仲要番工 (我仲好有心機教書架, 我仲以為我會因為Midby 而個人會無心番工tim), 我已經都準備得7788, 不過好似未將d 信放入我個手袋度喎, 好喇, 夠36w我就放啦 (好似有d 唔係好老黎, 未夠37w 就準備哂架?)。

Midby 仔呢兩日都仲有hiccup 喎 (我以為你大個仔, 唔洗practise 喇ma), 今日仲有兩-三次tim呀!

Midby: 媽媽今日又食左sardine 比你呀, 你快d 吸收多d 營養啦, 我好有心機對你進行健康營養灌溉架! 你既身體一定會好健康架!!!!