37w1d 腳腫, 勁腳腫呀!

做個早過12:00am 前番屋企既灰姑娘的一天

灰姑娘要o係12:00am 前番屋企, 但我仲要比佢早, 開始有d 擔心星期一番學時會點呢? 我由前日開始, 就有腳腫, 而尋晚同honey, esther 佢地食dinner 食到9點幾10點, wa, 對腳好腫呀! 雖然冇問題, 照可以著對鞋 (因為之前已經買大左喇嘛), 但係望上去好肉酸呀! Midby爸話我好似著左對socks咁。

腫都唔係問題, 而係太腫時會行路唔自在架! Honey話我已經賺左喇, 37w先去腫, 係既係既, 我應該唔好complain。

吸收左尋晚既經驗, 我今日去完center 之後, Midby爸好好呀, 佢由city過去接我, 仲陪我去我最鍾意行既街市買左小小野, 一齊番屋企。不過我唔敢行咁耐, 驚對腳再腫就行唔到架喇!

我今朝起身時見到對腳消左d腫 (可能因為我整高對腳訓), Midby爸話: o岩架喇, 你咁樣計一次啦! (因為我曾經同佢講3腫3消就生得架喇) Wa, 如果咁樣叫一次, 今日已經第二次, 腫埋聽日 (一定腫啦, 我又唔信聽日唔腫喇) 咪夠3次, 即係37w2d 已經生? 唔係咁快呀?

媽媽都開始有d 緊張, 由大陸番來HK 就即刻打比我, 姐姑又係, 丈姑又SMS我, 哈哈, 好開心, 佢地又唔係未見過人生仔, 估唔到我會令佢地咁緊張, 仲叫我唔好通度去呀, 點呀點呀!

我今日突然諗通d野, 就係唔好咁心急叫Midby仔個頭落盤骨度住, 因為我記得同事曾經講過, 佢佢個同事一日之間個肚變得好低, 之後好快一兩個鐘就入左醫院生喇。

咁樣即係表示, BB個頭可以係好短既時間內落內盤骨架喇? 如果係咁, maybe Midby仔都會咁樣呢?

所以我唔再每晚苦苦衷求佢快d 落去喇! 回想番, Midby真係對我好好架喇, 佢起碼冇帶比我唔開心既懷孕旅程 -- 佢冇令我有胃酸倒流, 佢冇令我有腰酸背痛 (都叫有既, 曾經幾日咁啦), 佢又冇去玩條臍帶, 佢又肯早早調頭, 佢又肯吸收我比佢既營養, 佢又唔會踢到我痛, 佢又冇帶比我噁吐, 易累, 便秘, 糖尿, 失眠等等問題, 我呢個女, 真係算係咁架啦!! 我會感恩!!!

Midby: 今日媽媽o係車上突然諗起你出世第一眼我見到你既情景, 好多人都話做媽媽既會喊, 你估我會唔會呀? 咁你呢? 你又會唔會呀? 你梗係會啦, 你要喊出聲, 醫生先知道你係健康架嘛! 之後喊夠就要同媽媽影相, 之後要食媽媽既奶wow! 媽媽會準備好一切, 去迎接你既來臨呀!