37w2d 勁行勁行勁行

臨生前去左花月庭食餐好既一天

今日星期日, 姐姐又放假喇, 冇人煮飯, 加上我又心思思, 想o係生之前食餐好既 -- 我既藉口係坐月坐咁耐冇得出街, 冇得食好多野, 有排悶, 所以咪搵間餐廳食個buffet 囉。

$198 有8折既lunch buffet, 唔錯呀! 我食左好多舊西瓜 + 一碗豆腐花。唔敢食Midby爸law既涼粉, 驚真係一次過"pump"得太勁, 始終都係得37W2乍, 都係小心d 好。

食飽飽之後去左行荷花, 其實冇野買架喇, 只不過咁近, 唔去有D 浪費, 加上我想行多d 路麻, 咪上去行左轉。我一日內由12:00點出街, 2:30pm 離開餐廳, 之後行行行, 行到6:00pm 番屋企, 中間冇休息過, 應該運動量都唔少架喇。連Midby爸都話我行得多, 所以我今日冇再行樓梯了。

當然對腳都仲係腫, 不過好似冇之前咁腫。最搞笑係...尋晚我一晚去左3-4次toilet, 每次尿尿好多架喎, 唔似得平時急, 但係冇尿尿喎, 所以我估係因為對腳Keep起太多水份了。當我整高對腳zzz時, 咪容易排番出來囉。我仲唔知幾開心, 以為係時候喇....Midby仔真係頭仔低喇, 搞到我越來越易尿急tim!

呢一晚我仲飲左一碗白蓮 so tim! 終於鼓起勇氣去飲。味道一d 都唔難飲, 唔明點解咁多人咁怕。食埋隻雞蛋, 飲左之後一陣...有小小胃寒感覺, 有d 驚。成晚都會好 aware 下有冇d 咩分泌, 好在未有住。我會再飲多一次, 因為兒姐話唔洗飲咁多, 佢上陪月班時, 聽d 中醫講, 食下腐竹糖水就夠喇, 我都聽下佢講, 唔會飲咁多次白蓮 so。