37w4d 應該係最後一次C+產檢喇

Midby仔有3kg重的一天

今日同上個星期二相距1個星期, 又係時間見下Dr Wong。可惜見完佢之後有d 擔心, 因為我腳腫, 同佢講, 而佢話我有小小蛋白尿, 好在冇高血壓, 唔係既都幾麻煩。

之後Dr Wong 叫nurse 比個血壓機我check多次, 今次big pan 喇, 130/ 75, 同之前未入去佢房之前既115/ 75 好似高左d 喎, 佢問我有冇頭暈....死啦, 佢唔係懷疑我有妊娠毒血症呀?

佢話如果有呢個問題呢, 就要早D 入院去催生, 因為bb after 32w之後其實都好安全, 可以survive了, 而家問題係個媽媽既健康。佢叫我observe下, 有血壓機既就check下。

我出左房之後叫nurse又比我check多兩次, 兩次都係同之前check 一樣, 都係11x/ 7x, 同1個星期前KW check既都係差唔多, 唔好嚇我呀...而家呢個臨埋門之際先叫我去催生?

今日本來希望照唔到Midby仔個頭既, 點知...唉, 仲照到呀, 即係佢個頭仔仲未去到好低既位置啦。雖然Dr Wong 照時已經將個device 放o係我d 毛毛對上既位置 (我覺得都幾低架喇), 但係相比我esdlife 既姐妹, 佢地話產檢時已經見唔到bb個頭...而我仲見到呀! 所以我有d 擔心我既產程會好耐。

問左Dr Wong, 佢話唔洗擔心, 因為labour 時會push個bb下去, 不過最衰係今日Midby仔啦, 佢比個樣我地睇呀! 仲從未試過咁大塊面比我地見tim! Dr Wong都話, 都唔打算見到佢時, 佢就比你見, 唉...Midby, 我寧願今日見唔到你個樣呀!!!!

雖然係咁, 我都會以+ve既心情去睇呢件事, 因為我同Midby爸講, 我會帶埋Midby既4d 相去生佢, 痛時law出來睇下, 希望有多d 力量去面對, 所以我相信Midby仔一定知道我咁諗, 佢想比多幾張正面既相媽媽law去醫院喇, 好! 媽媽已經放好d 相入手袋架喇, 你都記住呀, 面仔對番o岩既地方, 唔好再對天喇!!!!! Dr Wong話咁樣難生架!!

Midby仔既頭已經有9.34cm/ 33.xxcm, 真係幾大呀! 肚仔1week behind, 腳就2 weeks 幾behind tim! 不過算啦, 媽媽等你出左世之後同你"拉"長d 腳骨呀!

Midby由上個week既2.7kg 重到今日既3 kg, 我本來以為佢唔會gain 太多weight, 我估佢都係得200g 既增長, 點知....因為我呢個week啦, 以為最後個week 喇, 唔怕啦, 食多小小野, Midby o係我食既同時, 佢又吸收埋, 所以已經有6.6lbs了。

37w幾有6.6lbs一d 都唔叫重, d curve show 出來佢只係50% o個度乍, 不過我一D 都唔貪心, 夠架喇, 太重媽媽生唔到仲衰呀!

如果你38W 先出世, 你已經會有7lbs架喇, 如果好似Ollie 姐紅咁, 39w 先出世, 你已經有佢咁重.....Midby仔, 你都算係好叻叻架喇!!!

今日去Dr Wong既迷中, feel 到有dd 作m既感覺, 係唔係我sensitive呢? 今日已經finish all teaching, even 係今晚/ 聽日作動, 其實我都已經ready 架喇! 我而家唯有小心d, 密密check住有冇見紅啦!

Midby仔, 你幫下媽媽呀, 塊面仔對埋媽媽既spine, 唔好做posterier baby啦!