38w2d 估唔到仲未生, 仲可以大食一餐

亞媽四個月之後唔洗食齋的一天

因為亞婆既關係, 媽咪食素食左有成4個月, 到今日星期日, 佢唔洗食素了, 所以細佬就一早同我講想同媽咪食餐好既。本來細佬話叫我揀間好既日本放題, 但係我就想o係lunch時間食, 始終早d 食好過遲d食, 驚anytime 都已經作左動, 好難先搵到有lunch既日本放題, 所以就去番正恆所建議, 之前食過既金田, $150 連埋加一, 抵啦!

我一直都以為自己未去到今日都已經生左, 但心底裡係想同媽咪食埋呢一餐先。我知道佢好開心, 佢食左好多野, 佢忍左咁多個月, 始終都食到佢最鐘意食既魚生, 我見到佢咁開心, 我當然開心, Midby爸見到我開心, 佢又開心。

呢一晚番到屋企當然唔洗再點食dinner啦, 都係是是但但食左個面+魚蛋就算了。去到11點左右, 我開始feel 到宮縮, 一d 都唔痛既宮縮。有別於之前幾次既係, 今次宮縮時間好短, 唔係好似上次成幾分鐘, 今次只係個肚硬左, Midby仔郁唔到喇, 之後就鬆番, 一d 都唔痛, 冇咩反應。同左Midby爸講, 佢當然叫我count下幾regular 一次, around10-12 mins 就有一次, 上左床zzz時12:00點, 想等下11:58pm o個次完左之後幾時下一次, 但已經zzz左, 不過當肚一硬時我就醒番, 睇下個鐘係12:10左右, 即係around 10-12 mins 一次, 不過見佢唔痛, 我又zzz著左冇理佢了。

成晚都好在訓到, 不過呢...去左幾次toilet 都睇下有冇見紅 (好矛盾, 而家想快d 見到midby仔, 想見紅快d 入醫院生佢出來...但係而家都係等等等...都未有更進一步既發展)。

唔知今次宮縮係假野? 定係真野呢? 真既, 冇理由一兩個鐘之後停左架? 我又唔見好似其他姐妹所講, 又腰痛呀, 又覺得個肚好墜呀, 不過工人姐姐就話我個肚已經向得好下, 不過aunt 5 又話唔叫下, 仲叫高, 真係唔知邊個先o岩喇。

今日係3月29日, esdlife 4月媽媽話佢去揀日時, 師傅講過3月28, 30, 4月1, 2 都係好日, 如果係真既, 哈哈, Midby仔只要唔係3月29日出世, 佢出世既時間都好大機會fall onto 呢幾日度, 唔錯唔錯喎!