本來係4日前既check up, 又比我改到今日先去, 鬼叫到今日完冇堂咩。照舊都係9:00am去到, 做第一派驗尿既"大肚婆"。可能今次已經37w喇, 佢地同上次一樣都同我check血壓 - 118 / 65/ 心跳85, 同幾日前@Dr Wong check既一樣 (不過我覺得呢一兩個月既上壓好似高左小小, 平時都冇接受120咁高架喎...anyway, within normal range 就可以啦!)
完全冇諗過今日要驗血, 原來要驗最後一次血色素 (整個pregnancy 驗3次)。最衰係個report 要o係下次check up時先知道 (對我o係C+生既呢次驗血冇咩用...unless 我38w去check up時仲未生)。
醫生例牌都係10:00am 先開始睇證既, 我就10:20am 第二個入去, 未坐定就即刻上床聽心跳同埋比醫生度宮高。佢用對手摸我毛毛上面既area, 分開對手摸, 用力壓下壓下, 相信佢搵緊bb仔個頭落左盤骨未。佢話"都落左小小"架喇...唉! 37w喇, Midby, 都係落得小小乍?
我同佢講我有腳腫, 佢話"係呀, 有架", 不過我血壓正常就唔洗worry。之後叫我去抽血, law埋到診紙同埋下次覆診紙就走得。
我直覺覺得今次係最後一次去check up架喇, even 38w時仲未生, 我都未必去check 架喇。一來又唔想面對面開口問佢law permission, 二來去到都係比醫生摸下個肚之後就走, 我都係靠睇Dr Wong算喇。
助產士對我講左兩次: 今日足月喇喎! 我知呀! 我自問都幾calm 架喇, 點知尋晚第一次發夢, 見到自己見紅先, 仲幾多既紅, 之後隨即有d 肚痛。我o係夢裡都好clam架, 不過醒左之後就諗, 點解我會發呢d 夢呢? 唔通我真係不自覺地都緊張左起黎?
呢幾日發覺自己有唔同: 1) 胃口大左, 2) 易累左 (呢個唔知係唔係天氣太濕關係...我成個pregnancy都冇易累既感覺, 不過呢幾日有了), 3) 腳明顯腫了, 4) 右面ligament 痛 (一下半下, o係床上轉身起身時, 不過只係好短暫既), 5) 密左無痛既宮縮
呢d 都話比我知, 係時候喇, Midby仔要出來喇!
雖然37W已經足月, 但係bb一日o係媽媽肚子內, 有我地去protect 好過佢出來。佢出左來只係食我既奶, 仲要睇下我有冇奶tim 喎, 但o係我肚子內就唔同, 我可以食好多有益既野, 佢同時都會吸收到營養嘛。
可能見到朋友既bb 個個都去照燈, 搞到我有d 擔心啦。我知道初生黃疸係好平常, 因為個肝仲未fully develop, 排唔到d 黃住, 但係如果佢多一日o係我肚內, 等佢d organs 再further develop, 會唔會更好呢?
所以做亞媽既, 真係幾矛盾 - 早生又驚佢d organs 未發展好, 遲生又驚佢太重!
Midby: 媽媽今日問左個同事呀, 佢話行得多只係幫助生你時易d, 子宮頸開得快d, 唔會令到你而家個頭落入盤骨。我就唔知係唔係真喇, 如果係真, 媽媽怪錯左你喇。我仲成日問點解我已經行咁多路同樓梯, 你個頭仔都未好落tim! 你可唔可以同我配合呀, 面仔, 同埋頭仔記住對o岩方向喎, 媽媽好想順順利利順產生你出來呀! 你要比信心媽媽, 我都會對你有信心!
Posts
No comments:
Post a Comment