38w0d 放產假前一天工作天

有d 放心, 但又有d 心急的一天

今日都已經38w喇, Midby仔如果今日出世, 我都唔係太驚, 因為我知道bb越o係我地肚內多一日, 會越對佢越有利, 器官越係成熟, 照燈機會又會細d (當然有好多其他因素, 好似胎盤功能, 臍帶血流量, 胎水, etc)。不過見到有朋友既BB37w幾出世同39w幾出世o個d 真係有d分別, 所以而家Midby仔唔係37w出世, 我都有d 放心喇。

夠左38w, 反而開始有d 心急, 因為我都番埋今日放產假喇。個個都o係我走前同我講聲all the best, happy delivery, take care, etc! 就算唔係好熟既同事, 都會比個好warm既smile 我, 叫我加油, 今日都有幾個學生搵我, 叫我加油, 哈哈! 好 ... 我答時答得好口爽, 不過實際會點, 我真係唔知喎, 儘力啦!

同個有經驗既同事傾計, 佢知道我好唔願意開刀, 佢就分享左佢既經驗比我知, 就係佢頭一胎因為胎盤功能唔好, 亞B 得5lbs幾, 所以36w就要開刀law個bb出來, 因為再等多幾個week o係肚內都係冇用, bb都係吸唔到營養, 反而出左世佢自己吸仲好, 所以佢就要開刀喇。佢話佢2nd個bb都係同一個問題, 不過佢開刀後既心情比第一胎好好多, 因為1st 胎佢冇心理準備既情況下被醫生建議咁做, 佢同我都係一樣, 好想順產, 所以佢知道要接受開刀之後好唔開心, 到生完都係一樣。但相反, 到第二胎時, 佢有哂心理準備, 佢話佢既心情好好多了, 所以佢比我既advice 係, 開刀唔係一件咩壞事, 如果真係要面對, 佢叫我+ve d 去睇。

其實我明既! 但係總係講唔掂比自己聽。我一諗到要我接受比人開一刀, 我就唔想諗下去......。唔講喇, 我再講會發癲!

其實我而家萬事準備好了, 如果真係欠缺既可能係食好涼既野。好多人會食腐竹糖水, 芝麻糊, etc, 但我真係feel 唔到佢涼喎! 你話豆腐花同埋涼粉就可以真係涼小小, 熱既糖水, 又唔係綠豆沙可以幾涼呢? 白蓮so 我就飲左一次, 覺得有丁點反胃, 加上陪月講過, 飲一兩次夠哂喇, 所以搞到我對呢樣野有d 抗拒。

好唔好買個西瓜食下呢? 去濕野都飲唔少喇, 好...等我個Midby仔仲未出來之時, 我飲多次竹蔗水! 睇下買唔買到細細舊西瓜先! 就咁決定!