教寶寶入睡 (II)

另一個方法

重要資料-----必睇> 我終於打好!希望幫到你哋! 兩個月前,我都要一晚醒幾次,加上我係人奶媽,但依家阿b一覺瞓到大天光,好爽! 我希望大家照住做,可以在冬天前攪掂! 原則: 1.夠堅持 2.夠忍心 (否則唔做好過做) 我睇咗本書,德國出,好暢銷,出成幾十萬冊!但借咗俾朋友,唔記得個書名! 本書係臨前治療師出的,幫d外國小朋友瞓覺,跟住做,快則兩三日,慢則一兩星期一定ok! 最嚴重者,一晚醒好多次兼且要飲9支奶(無打錯!!!),但治療兩三日就ok! 準備功夫如下: **一定要用心睇,值得架** 1. 先定好bb時間表,以後要跟住執行,以我b為例,按你哋自己情況: 7:30am milk 10:00-11:00am sleep 11:30am congee 1:30-3:00pm sleep(因就大女一齊瞓) 3:30pm milk 6:30pm congee 9:30pm milk 10:00-7:30pm sleep 2. 嚴戒一切壞習慣如:抱住瞓,搖住瞓,飲水瞓,食奶嘴瞓……我大女果陣都係要飲水瞓,半夜醒又要飲水或拍拍睡,結果瞓得唔好,而且好難戒夜片,宜家先知果d係旁門左道! 3. 頭幾日除sleep time之外,其他時間絶對<唔準瞓>,所以呢兩日揍佢果個人要肯跟住做,好辛苦,我叫工人姐姐日頭跟時間瞓,夜晚我自己攪。 4. 一切ok就開始: ================================ ...........第一日 第二日 第三日 第一次 3min 5min 7min 第二次 5min 7min 9min 第三次 7min 9min 10min 第四次 7min 9min 10min (無本書係度,唔係exact肯定,大約都ok) ================================= **正式開始,以我b例子示範: 在自己bb的sleep time中,選一個時間,最好係晚上開始。例:我在第一日的9:30pm給bb飲奶,佢多數在飲奶時瞓咗,但要整醒佢,因bb瞓覺時係甚麼狀態,半夜醒咗又要追求番果個狀態,即慣咗抱住瞓,每次小醒都要喊,叫大人抱一抱先安樂。但bb一晩醒幾次係正常(本書有講點解),但如無壞習慣者,自己叫兩叫轉吓身又瞓過,大人唔發現。 10:00pm放咗bb落床,同佢講幾句,就關門走出去,佢一定大喊,第一次在3min後,即10:03pm回去安慰佢,同佢講媽媽好錫你,你自己瞓,安慰一兩分鍾,不可超過兩分鍾,再離開佢,今次要計時,5min後才回去,亦是安慰一兩分鐘又走,如是者,按上表時間做,第四次仍未瞓,就等7min才回去。第一晩通常比較長,所以預咗無得瞓,可能要30min,一小時,甚至兩小時才肯瞓,但成功與否最關鍵的就是第一二日的堅持! 第二晚10:00pm放咗bb落床,10:05pm才回去安慰,如此類推…… 我bb在第一晚的第一段sleep time,要喊一小時,半夜再醒兩次,各喊15min就入睡, 而第二晚在第一段時間就只喊半小時,半夜醒只喊一陣自己再次入睡。 第三晚就只係入睡時喊幾分鐘到第二日。 至於日間,工人姐姐都有照做,但有時喊得黎都過sleep time,所以頭幾日的午睡時間會唔夠,但成功後,就好好! 第三日開始,放佢落床都可自己瞓。有時半夜醒,但唔再倚賴其他方法幫助入睡。 但記住唔好見佢瞓得少,無端端係其他時間俾佢補瞓,所以如果日頭係老人家揍,佢唔肯照做就一定唔成功! 如果成功,請在此分享!